2007 年 1 月 1 日 星期一 【晴】

祝大家2007年幸福快樂，並希望自己盡快幸福快樂

Re 小某：咁就要相約60歲時相聚喇～

＊－＊－＊－＊－＊－＊－＊－＊－＊－＊－＊－＊－＊

前日新界西，今日移師新東，沙田火車站巴士總站，搭巴士
o係沙田市中心落車，上到新城市，發現個銀包仲o係巴士！
即刻問Apple借錢飛的追返架巴士，好彩仲早過班車到黃泥頭

拎返銀包再飛綠van返火車站，如火如荼中，Alan已經唱緊歌
繼續開始駕輕就熟o既收集簽名 + 派政綱，是日加送願望汽球
活動完畢後清場，唔夠搬運人手，跟車返灣仔o既公民黨總部

Apple竟然有咁o既遭遇，原來Charles係大我五年o既政政師兄
幫手落貨 + 數各類handbills數目，星期四五可能有paper work

P.S.我仲未開到MSN呀，其實各位開唔開到，尤其係cable用戶？

＊－＊－＊－＊－＊－＊－＊－＊－＊－＊－＊－＊－＊

Confirmed winter transfer before the tr-opening of transfer window

加高(阿根廷中場)　　　from小保加　　　　　to皇家馬德里　　2000萬歐元
希古恩(阿根廷前鋒)　　from河床　　　　　　to皇家馬德里　　1300萬歐元
馬些路(巴西後衛)　　　from富明尼斯　　　　to皇家馬德里　　700萬歐元
基沙哥夫(俄羅斯前鋒)　from辛尼特聖彼得堡　to西維爾　　　　轉會費不達
軒歷拿臣(瑞典前鋒)　　from希爾星堡　　　　to曼聯　　　　　借用
達雲奴(意大利前鋒)　　from華倫西亞　　　　to羅馬　　　　　借用
鄭智(中國中場)　　　　from山東魯能　　　　to查爾頓　　　　借用
董方卓(中國前鋒)　　　from安特衛普　　　　to曼聯　　　　　外借回歸
艾度(美國前鋒)　　　　from華盛頓聯隊　　　to皇家鹽湖城　　球員交換

＊－＊－＊－＊－＊－＊－＊－＊－＊－＊－＊－＊－＊

2006叱吒樂壇流行榜頒獎典禮

專業推介　叱吒十大

2 《富士山下》陳奕迅
3 《華麗邂逅》容祖兒
4 《好兄弟》軟硬天師
5 《光明會》何韻詩
6 《紅綠燈》鄭融)
7 《小峽谷之1234》薛凱琪
8 《大愛》許志安
9 《愛你變成恨你》吳雨霏
10 《愁人節》謝安琪

叱吒樂壇至尊歌曲　《愛得太遲》古巨基

叱吒樂壇生力軍
金)泳兒　銀)衛詩　銅)關楚耀

叱吒樂壇作曲人、編曲人、監製大獎　雷頌德

叱吒樂壇填詞人大獎　林夕

叱吒樂壇唱作人大獎
金)張敬軒　銀)方大同　銅)王菀之

叱吒樂壇至尊唱片大獎　《Human我生》古巨基

四台聯頒音樂大獎：大碟獎　《Human我生》古巨基

叱吒樂壇組合
金)軟硬天師　銀)Twins　銅)EO2

叱吒樂壇女歌手
金)何韻詩　銀)容祖兒　銅)衛蘭

叱吒樂壇男歌手
金)陳奕迅　銀)古巨基　銅)側田

叱吒樂壇我最喜愛的組合：軟硬天師
叱吒樂壇我最喜愛的女歌手：楊千嬅
叱吒樂壇我最喜愛的男歌手：陳奕迅
叱吒樂壇我最喜愛的歌曲：《愛得太遲》古巨基

>>January 1, 2007 at 11:47:16 PM GMT+8

2006 年 12 月 31 日 星期日 【晴】

「台港兩地民主發展新挑戰」視像會議
Co-organized by 香港民主發展網絡、中華之友港澳協會

日期：2006年12月31日(星期日)
時間：14:00 - 16:30
地點：金鐘統一中心8樓城市大學專業進修中心

唔係Kit邀請我做工作人員，真係唔知有呢個研討會，題材幾吸引
應邀幫忙o既仲有Sandy + Leo，會議前兩個鐘已經要到金鐘set場
準備飲品，整嘉賓、講者名牌，Kit打錯陳健民個名，要急急修正

港方會議主持係關信基，台方翁松燃，兩個都係政政系老牌教授
呢個話係學術交流，不過八個香港講者唔少其實都唔係正式學者

港方講者
李柱銘(粵)：回歸十年－民主發展前瞻
司徒華(國)：香港民主運動
吳靄儀(粵)：法治
戴耀廷(國)：人權
林和立(粵)：傳媒及新聞自由
馬　嶽(國)：選舉、政制
陳健民(國)：公民社會發展
黃毓民(國)：香港民主發展的中國因素

既然兩地都有即場翻譯，唔怕用廣東話啦，國語真係唔多聽得明
台灣o個邊真係無能為力，完全聽唔到台灣學者講o既民主化經驗
人家台灣都派o左新聞局局長發言，難道我o地林公公唔敢見人？

估到毓民見到關教授，一定乘機繼續炮轟公民黨參加小圈子選舉
o係會場訓到死豬咁o既記者，究竟o黎做乜？只為捕捉sound bit？
毛孟靜主持台下答問，對佢真係冇乜好感，佢把聲令我好唔舒服

以為呢次研討會好fruitful，點知個個講者都俾唔到新o既思考角度
人太多而時間太短，所以講唔長？聽o黎聽去o的points都早有idea

Re charlie : 唔知有心定無意，呢個蔡文堅竟然將費查叫錯做「廢柴」

>>December 31, 2006 at 11:25:49 PM GMT+8

2006 年 12 月 30 日 星期六 【晴】

梁家傑campaign office義工，周圍擺街檔收集簽名 + 派政綱
其實上星期日平安夜已經去過一次，當時o係尖咀天星碼頭

今日第一站係葵芳，join埋公民黨全職幹事Apple，仲有個施源中同
先走一轉荃灣，去李永達o既議辦拎handbills，再返葵芳，開始o左
幫手入一份份政綱，等到摺檯終於o黎到，又走去派政綱、拉簽名

最初得民主黨區議員嗌咪，之後有條友o黎，收唔切：「高達？」
主角差不多14:00先趕到，其實葵芳o既反應唔錯，15行好快就簽滿
個站去到15:00先完，不過14:40就同Apple撤退，趕去下站：大河道

人流最高o既燈口位，o係炸魷魚鬚o既香味陪伴下攝另一大疊政綱
Alan o係葵芳趕到，荃灣o既反應相當不俗，簽名o既人比想像中多
17:00收檔，實在唔明白做o左20年議員o既高達，點解可以咁講o野

P.S.蔡文堅，忍o左你好耐！

＊－＊－＊－＊－＊－＊－＊－＊－＊－＊－＊－＊－＊－＊－＊

《驀然回首　2006國際》

宗教和宗教之間，打，而且抽打得得火花四濺，宗教裡面的派系，都有得打，總之有人的地方
就有得打，唔係你打我就係我打你。面對年復年的戰爭，人都似乎變得麻木了。那麼我們又應
否慶幸一些人從來得把口，不會真的動手開戰的政府？

梟雄，集英雄與惡魔於一身，既受人擁戴，亦惹人憎恨，就算死，後人總結他們的生平都要吵
吵鬧鬧一番。病死也好，暴斃也好，被處決也好，未解決就是未解決，如果死不能解決問題，
光殺掉罪行滔天的人又解決了甚麼問題？而且，送壞人上西天，也未必因為他犯下的罪行，要
殺你總有大把理由，只是你帶罪在身，理由充份而已

新自由主義創造前所未有的全球化與國際互動，也創造前所未有的財富增長。可是，眼見委內
瑞拉總統查韋斯高票連任，左翼政府仍然主宰南美，撫心自問，財富有沒有令世人更幸福？世
上有多少蓋茨和畢菲特，願意盡獻家財扶助弱小？

黑山公投決定脫離塞爾維亞獨立，南斯拉夫聯邦完全解體。夢醒吧，所謂「斯拉夫族」，不過
是外人和野心家一廂情願冠下的名稱，克羅地亞人和馬其頓人可沒互當對方是「自己友」，民
族統一不過是一場夢

2006國際要聞：

1)伊拉克前總統薩達姆被控1982年屠殺罪成立，遭問吊處死
2)以色列報復真主黨擄走士兵，猛烈空襲南黎巴嫩真主黨根據地
3)泰國軍隊發動政變，總理他信被推翻，泰國民主再回到起點
4)北韓聲稱秘密進行地下核試，東亞勢難走出核武陰霾
5)伊朗宣佈成功提鍊濃縮鈾，向擁有核武邁進
6)教宗發表涉嫌侮辱伊斯蘭教徒言論，穆斯林與西方世界再起衝突
7)俄羅斯前特工Litvinenko離奇中釙210劇毒身亡，行兇者不明
8)法國發布新的僱傭法例，觸發300萬人示威騷亂
9)美國中期選舉，共和黨失利，國防部長Ramfield辭職
10)全球氣候反常，菲律賓風災、西歐熱浪、東歐水災、澳洲山火……

2006國際風雲人物：

1)伊拉克前總統薩達姆侯賽因
2)北韓領袖金正日
3)真主黨
4)伊朗總統艾哈邁迪內賈德
5)泰國陸軍司令頌堤
6)俄羅斯前特工利特維年科
7)智利前總統皮諾切特
8)YouTube創辦人
9)經濟學家佛利民
10)互聯網使用者

>>December 31, 2006 at 1:43:07 AM GMT+8

2006 年 12 月 29 日 星期五 【晴】

Re Cafu : 只可惜偶然英勇o既背後，係多次哈碌

＊－＊－＊－＊－＊－＊－＊－＊－＊－＊－＊

《驀然回首　2006香港》

恆指衝破20000點，港人聖誕豪燒數十億，九七以來香港經濟都沒有如此順風順水，不過查看港
大民意研究計劃在年底公布的民調，原來滿意今年香港發展和覺得生活快樂的香港人都少於去
年。因為，6月公布的民調告訴我們，香港人最關心的議題由經濟問題轉為社會問題

催谷GDP狂升、催谷內地企業來港上市，為香港帶來財富，卻沒有為我們帶來幸福快樂。如果
香港真的如此欣欣向榮，為何始終有12萬人每月只賺得不足以應付基本開支的薪水？一旦所謂
「自由市場」的後果是僱主、大商家主導市場，合謀壓低工資，我們難道只能袖手旁觀？原來
所謂「發展」就是豎起一棟棟高聳入雲的「豪宅」，像屏風般擋掉吹入舊區的鮮風，而且拆掉
一切礙手礙腳舊東西，哪怕是我們成長記憶的一部分，這究竟是怎樣的香港？

今年很多很多社會矛盾，其實都關連到四個字：中港關係。一條深圳河，隔開兩種制度，但隔
不開空氣，東莞一帶工廠噴出驚人的廢氣源源不絕吹到香港；隔不開水流，珠江垃圾源源不絕
在香港的海灘「擱淺」。我們要內地供應食物，結果內地那些禽獸製造商「精心炮製」一系列
「加料」食品，我們只有照單全收，自求多福

你可以責難我煽動兩地矛盾，但內地孕婦看中香港沒有生育限制，福利、教育又好，不斷湧到
香港產子，產後走數，又要香港「養便宜仔」，香港不是被「搵笨」是甚麼？反正《基本法》
早成一紙空文，何不釋法解決一切？

香港最可憐的人非周一嶽莫屬。官拜衛生福利及食物局長，全城最棘手的都屬他的範疇，食物
安全、內地孕婦、禁煙、醫療融資、綜援金加減，統統都由他負責，鐵人都死，所以我不會太
責怪他，反而希望小心捱壞，並建議三司十一局中最空閒的林瑞麟幫忙幫忙

這個社會出現這麼多尖銳的矛盾，這個「福為民開」的曾特首做了甚麼？抱歉，在他的「務實
領導」下，難做的一定不做，會拖累他民望的一定不做(唯有例外是拆天星，夠哂「強政」)，
眼前一定辦到的他才會做，並且以濃濃的政治化妝包裝自己，但如此機關算盡，諷刺地反而弄
巧反拙。老董事事「假大空」，甚麼都做不成；老曾事事「務實」，甚麼都不做

當我們發現無論「假大空」抑或「務實」的領袖，在現有制度下都難有作為，難道求變始終是
不切實際、不合理的希望嗎？已經是最最最低聲下氣的希望：面向我們，告訴你對香港未來的
願景，有人跟你比較，向你挑戰，難道這樣都不可以？

2006重要港聞：

1)中環天星碼頭被強行拆卸，示威絕食不果
2)問題內地食品無孔不入，毒魚毒蛋毒腐竹毒菜毒豬毒牛數之不盡
3)颱風派比安襲港，3號風球打8號強風
4)內地孕婦來港產子，醫療系統近乎「爆煲」
5)硬銷商品及服務稅(GST)，全民反對下被迫擱置
6)程翔以間諜罪被判監五年
7)截聽條例通過，民主派修訂全被否決
8)內地企業相繼來港上市，恆指衝破20000點，泡沫經濟全現？
9)民主派動員參與特首選委會，梁家傑參選在望
10)教師接連抵受不住壓力自殺，飯焦煽風點火得罪教育界

2006風雲人物：

1)巴士阿叔
2)周一嶽
3)孫明揚
4)天星絕食者
5)梁家傑
6)李國章
7)羅范椒芬
8)李澤楷
9)徐子淇
10)「真兄弟」

2006精警語錄

劉江華：「就係要企o係度寸步不移，一條修訂都不能通過，原因係唔要俾反對派破壞治安得逞」
陳婉嫻(聲淚俱下)：「你攻擊我乜都得，你攻擊我出賣工人利益，我絕對唔接受！」
曾蔭權：「我希望有志之士，特別係合資格人士，參加明年o既行政長官選舉」
林鄭月娥：「鐘樓已經送o左去堆填區，希望各位唔好再有遐想」
巴士阿叔：「未解決！未解決！未解決！」
羅范椒芬：「間間學校o既老師都要應付教改，如果老師自殺真係同教改有關，點解得兩個？」

>>December 30, 2006 at 12:35:17 AM GMT+8

2006 年 12 月 28 日 星期四 【炎熱】

草聯美孚練波，搵埋阿謙隊波o黎友賽，竟然請得郁我同房？
突然加入一批新面孔，打亂原有排陣，似樣o既組織一去不返

次次面對呢班細路都陷於苦戰，俾佢o地多番偷雞，英名(if any)盡喪
冬天o既太陽並唔友善，射門其實軟弱無力，因為「燦」眼竟然接漏
o係嶺南場撲慣o左，美孚硬地一落地就擦損膝頭，英勇拗腰o既代價

＊－＊－＊－＊－＊－＊－＊－＊－＊－＊－＊－＊－＊－＊－＊

樹 仁 終 於 名 正 言 順

--------------------------------------------------------------------------------
何 民 傑 　 獅 子 山 學 會 政 策 研 究 員

樹 仁 學 院 正 式 正 名 為 樹 仁 大 學 ， 一 個 遲 來 了 三 十 五 年 的 名 份 ， 終 於 讓 樹 仁 師
生 名 正 言 順 。 之 所 以 說 這 是 遲 來 的 名 份 ， 只 因 為 大 學 之 名 ， 從 來 不 是 政 府 的
專 利 ， 一 切 只 源 於 政 府 當 年 成 功 收 編 所 有 專 上 院 校 ， 唯 樹 仁 特 立 獨 行 ， 今 天
正 名 是 理 所 當 然 。

私 立 辦 學 空 間 太 小

軍 隊 和 警 察 可 以 是 政 府 的 專 門 責 任 ， 但 辦 教 育 ， 從 來 不 應 該 由 政 府 主 導 。 但
香 港 卻 從 學 前 教 育 開 始 ， 到 大 學 博 士 課 程 ， 通 通 都 在 政 府 管 轄 之 下 ， 私 立 辦
學 的 空 間 小 之 又 小 。

最 近 學 前 教 育 學 券 制 拒 絕 資 助 私 營 幼 稚 園 ， 就 是 政 府 伸 展 管 制 網 絡 的 最 新 作
品 ， 大 有 順 我 者 昌 ， 逆 我 者 亡 的 氣 燄 ， 比 當 年 吸 納 大 專 更 見 張 狂 。 佛 利 民 提
出 學 券 制 構 思 ， 其 中 一 個 理 由 就 是 要 政 府 不 再 干 涉 教 育 的 執 行 細 節 ， 還 辦 學
者 自 由 發 揮 ， 既 可 以 有 自 由 市 場 般 的 無 限 可 能 ， 也 可 防 止 政 府 透 過 教 育 去 管
制 人 民 的 思 想 。

古 今 中 外 ， 辦 學 都 是 政 府 體 制 以 外 的 獨 立 群 體 ， 美 國 的 大 學 體 制 就 是 以 私 立
大 學 為 主 軸 ， 政 府 和 民 間 只 能 透 過 獎 學 金 去 資 助 學 生 或 個 別 研 究 ， 大 學 並 不
會 直 接 受 制 於 政 府 官 僚 。 由 哈 佛 、 耶 魯 和 普 林 斯 頓 等 著 名 大 學 組 成 的 長 春 藤
大 學 聯 盟 ， 就 是 舉 世 聞 名 的 私 立 大 學 系 統 ， 更 孕 育 了 歷 任 美 國 總 統 人 才 。

私 營 力 量 制 衡 政 府

其 實 愈 多 民 間 私 營 力 量 ， 就 愈 能 夠 限 制 政 府 錯 誤 使 用 權 力 ， 私 立 辦 學 也 是 其
中 重 要 的 部 份 。 有 不 少 美 國 的 私 立 大 學 在 獨 立 戰 爭 之 前 已 經 成 名 ， 而 在 美 國
獨 立 的 過 程 中 ， 因 為 受 到 自 由 主 義 的 影 響 ， 他 們 對 政 府 的 權 力 抱 持 一 種 懷 疑
的 態 度 ， 認 為 政 府 的 權 責 ， 應 該 受 到 不 同 機 制 的 制 約 。 三 權 分 立 和 聯 邦 制 固
然 可 以 防 範 政 府 犯 錯 ， 然 而 讓 民 間 私 營 力 量 茁 壯 成 長 ， 也 同 樣 可 以 達 到 制 衡
政 府 的 目 的 。

香 港 的 專 上 教 育 曾 幾 何 時 也 十 分 蓬 勃 ， 但 因 為 政 府 逐 步 將 民 間 辦 學 收 到 政 府
管 制 之 下 ， 令 到 今 日 私 營 辦 學 的 力 量 ， 再 難 以 發 揮 制 衡 政 府 的 角 色 。 大 學 學
制 可 說 是 最 佳 的 例 子 ， 政 府 在 八 十 年 代 要 求 統 一 大 學 學 制 為 三 年 ， 令 原 本 運
行 四 年 制 的 中 文 大 學 也 在 政 治 壓 力 下 接 受 現 實 ， 只 有 私 營 的 樹 仁 能 夠 堅 持 四
年 制 的 理 想 。 到 了 今 天 ， 各 間 大 學 在 長 官 意 志 的 轉 變 下 ， 忙 著 將 學 制 更 改 回
四 年 制 ， 當 中 無 謂 的 繞 圈 ， 以 至 對 學 生 的 影 響 ， 都 是 無 法 計 算 。

政 府 管 制 無 孔 不 入

除 了 大 學 體 制 的 問 題 ， 現 時 政 府 官 僚 對 大 學 的 管 制 可 謂 無 孔 不 入 ， 連 校 巴 怎
樣 行 走 ， 宿 舍 怎 樣 分 配 ， 開 設 甚 麼 課 程 ， 收 多 少 學 費 ， 通 通 都 受 到 大 學 撥 款
委 員 會 的 管 制 。 大 學 的 自 主 性 固 然 減 少 ， 無 法 靈 活 調 節 適 應 學 術 和 學 生 的 需
要 ， 更 遑 論 能 夠 發 揮 制 衡 政 府 的 角 色 。

今 天 政 府 給 予 樹 仁 大 學 一 個 遲 來 的 名 份 ， 並 不 等 如 接 納 了 私 營 辦 學 的 優 點 。
要 香 港 成 為 亞 太 區 的 學 術 中 心 ， 只 有 從 解 放 民 間 辦 學 自 由 開 始 。

>>December 29, 2006 at 12:29:35 AM GMT+8

2006 年 12 月 27 日 星期三 【晴】

SSU聖誕聚會，上至第一屆老鬼，下至今屆現莊都有人出席
不過必須承認，今次搞得太大，反而做唔到新舊人互相交流

韓燒，Rock帶錯路，早o的話俾肥豪知店名咪得囉，佢根本知o係邊
本來訂o左18人，縮縮下得返12人，擾攘o左一輪先好迫咁坐埋一齊
「仁大代表」Leo又咁心急要人電話？你個留言令所有人都笑死o左
都係鍾意打邊爐多o的，韓燒熱氣，又要落油，又要提防o的油彈起

Re kennyking : 真係好多地方都去唔到，上唔到xanga又開唔到MSN

＊－＊－＊－＊－＊－＊－＊－＊－＊－＊－＊－＊－＊－＊－＊

是日活動出席者：

Kenneth = SSU第一屆(03-04)內務副主席, YC 04籌委, YC 05工作人員
Leo = YC 04籌委, YC 05籌委
Karsum = SSU第三屆(05-06)執委, YC 04籌委, YC 05籌委, YC 06籌委
肥豪 = SSU第二屆(04-05)執委, YC 04籌委, YC 05籌委, YC 06工作人員
Eric = YC 04工作人員, YC 05籌委
豐 = SSU第二屆(04-05)執委, YC 05籌委, YC 06工作人員
Tony = SSU第四屆(06-07)主席, YC 06籌委
Rock = SSU第三屆(05-06)執委, SSU第四屆(06-07)執委, YC 06籌委
陳漢宗 = YC 06籌委
Candy + Sybil + Sandra = SSU第四屆(06-07)執委 x 3　　(記得你o地個名喇)

>>December 28, 2006 at 2:22:52 AM GMT+8

2006 年 12 月 26 日 星期二 【晴】

新城「頒」獎禮？Who cares?

＊－＊－＊－＊－＊－＊－＊－＊－＊－＊

o尋日講英雄出少年，玩FM令人更注意世界各地o既彗星

　　　　　　　　　　　　　　　烏斯達利(阿根廷, 20)
米卡李察士(英格蘭,18)　　甘賓尼(比利時, 20)　　雲頓保利(西班牙, 20)　　馬些路(巴西, 18)
　　　　　　　　　　　　　加高(阿根廷, 20)　　　法比加斯(西班牙, 19)
　　　艾朗連儂(英格蘭, 19)　　　　美斯(阿根廷, 19)　　　　大衛施華(西班牙, 20)
　　　　　　　　　　　　　　　　阿古路(阿根廷, 18)

年青人咁得戚，沙場老將豈能讓他們專美？

　　　　　　　　　　　　　　雲達沙(荷蘭, 36)
卡富(巴西, 36)　　　杜林(法國, 35)　　　馬甸尼(意大利, 38)　　　沙真奴(巴西, 35)
　　　尼高高華(克羅地亞, 35)　　高古(荷蘭, 36)　　史必(威爾斯, 37)
　　　基艾沙(意大利, 36)　　軒歷拿臣(瑞典, 35)　　舒寧咸(英格蘭, 40)

>>December 27, 2006 at 12:06:03 AM GMT+8

2006 年 12 月 25 日 星期一 【晴】

快o的有戶外節目啦，否則我只會不斷屈o係屋企FM 2007喳

＊－＊－＊－＊－＊－＊－＊－＊－＊－＊－＊－＊－＊－＊

《驀然回首　2006球壇》

經過2006年，相信再沒人說球隊牌面、球員平均質素比對手高，就勝券在握，即使己方排陣沒
有不當。有人說意大利在世界盃以滴水不漏的防守掄元，簡拿華路連奪歐洲和世界足球先生，
反映現代已完全由防守主導，球隊為求勝利，只會越來越保守，悅目的踢法將徹底被埋沒？但
球迷們又為何不嘗試欣賞後衛們堅守城池的努力？朗拿甸奴話過就過的盤球很好看，難道簡拿
華路的彈跳力、判斷力、包抄力就不是苦練出來嗎？

這個世界盃年最令球迷印象深刻的，應該首推施丹一記「頂你個肺」為自己的球員生涯劃上句
號，姑勿論馬達拉斯如何「先撩者賤」，施丹如何在數以十億觀眾面前沉不住氣，這終究是最
令球迷難忘的一幕。同樣是世界盃，朗尼又按捺不住，糾纏間幾乎拆了卡華路的祠堂，賠上領
紅牌和英格蘭出局的代價

脾氣和情緒，往往只是一線之差，球員絕對需要不帶理性的情緒激勵自己和隊友，但情緒過度
高漲，不夠冷靜，變成脾氣，又會令自己做出不應做的行為。國際足協禁止球員以脫衣方式慶
祝入球，原因之一是不欲球員作出過度刺激球迷的舉動，但FIFA似乎忘記了，足球本身就是充
滿激情的運動，一個個目無表情，要強行壓抑自己的亢奮的球員，是我們樂意見到嗎？

英雄出少年，今年冒出頭來的生力軍似乎比往年多，而最新湧現的這批，很多都比小弟年輕，
更覺新時代的來臨。一個阿根廷已找到三四個，一隊皇馬已動用4000萬歐元收購三個未足21歲
的南美小將，但願他們都不是曇花一現之輩，好讓球迷大飽眼福

十大球壇新聞：

1)意大利第四度稱霸世界盃，施丹以「頂你個肺」結束球員生涯
2)意甲爆發假波醜聞，祖雲達斯降班，多支球隊被扣分
3)世界盃決賽週，球證水準參差捱轟
4)三年來一無所有，皇馬主席佩雷斯下台，銀河艦隊大裝修
5)巴塞隆拿摧枯拉朽稱霸歐聯，但其後連失超級盃和世冠盃
6)禾確特高價加盟阿仙奴，未在英超上陣便入選英格蘭世界盃大軍
7)烏拉圭前國腳達利奧施華遭遇車禍，被迫截肢續命
8)名宿掛靴潮，堅尼、柏金、施丹、舒利亞、佐卡夫、迪西里急流勇退
9)迪維斯、馬舒查蘭奴神奇空降半斯咸，但越幫越忙
10)舒夫真高年近30，天價3000萬鎊「上車」，但核彈頭失靈

十大球壇話題人物：

1)馬達拉斯
2)施丹
3)祖雲達斯
4)簡拿華路
5)禾確特
6)奇連士文
7)朗拿甸奴
8)巴塞隆拿
9)意大利國家隊
10)普爾

最佳教練：奇連士文
最佳球隊：巴塞隆拿
最佳球員：簡拿華路
最佳年青球員：美斯

本年度金球：


本年度最要聲討一幕！


>>December 25, 2006 at 11:51:44 PM GMT+8

2006 年 12 月 24 日 星期日 【晴】

有話直說　　　　　　　　　　《一個循環》

球迷通常視四年為一個循環，每四年為一個新的開始，不知不覺這個日記原來已運作了一個循
環。即使xanga成為最主流的寫日記平台，即使小弟其實也有xanga帳戶，仍然以這裡為主，至
今都未有撤退的念頭

一個循環足以令一切事情出現翻天覆地的改變，尤其對於一個由16歲的中五學生變成20歲的大
學二年生的，這種蛻變更見明顯，日記正好讓他、讓旁人見證一切。記錄每天所見所聞，但更
重要是記下所思所想，四年前看這個世界，比今天看這個世界，改變肯定是有的，但改變了多
少？改變，是純粹深度的改進，抑或乾脆連角度也變了？

還可以繼續下去嗎？還會有第二、三個循環嗎？

>>December 24, 2006 at 9:50:45 PM GMT+8

2006 年 12 月 23 日 星期六 【晴】

因為要做節，冇join打邊爐，好遲先開飯，食完先出尖咀join大隊
Eric + 龜 + 肥 + 希 + Polly + Cindy + 蝦，話睇燈飾，其實冇乜點行

o的燈飾年年都差不多，re-u藉口而已，事實上根本冇去尖東o既精華區
精力被FM勁消耗，聽日有地方去，唔入UST打牌，莊兆良唔好又訓呀！

＊－＊－＊－＊－＊－＊－＊－＊－＊－＊－＊－＊－＊－＊－＊－＊

期：2006年12月23日

豪 門 婚 禮 變 銅 臭 俗 事

--------------------------------------------------------------------------------
黃 偉 國 　 新 聞 工 作 者

美 女 藝 人 徐 子 淇 下 嫁 富 豪 公 子 李 家 誠 ， 全 城 熱 論 。 報 章 報 道 鋪 天 蓋 地 ， 主 旋
律 是 幾 億 元 聘 禮 ， 嫁 得 好 。 一 位 電 台 節 目 主 持 人 誇 獎 ： 「 這 樣 一 個 女 兒 ，
抵 ！ 生 得 過 ！ 」 最 具 代 表 性 ， 也 最 笑 中 有 淚 的 ， 還 是 有 記 者 寫 道 ， 聽 到 餐 廳
一 對 男 女 對 話 ， 女 說 ： 「 如 果 我 認 識 了 李 家 誠 便 好 了 ， 會 有 幾 億 禮 金 。 」 男
答 ： 「 如 果 我 是 李 家 誠 便 好 了 ， 可 以 娶 徐 子 淇 。 」 女 方 即 時 黑 臉 。

幾 天 來 ， 城 中 多 少 段 愛 情 受 到 考 驗 ， 儘 管 只 是 一 念 之 間 ？ 多 少 女 孩 子 暗 恨 自
己 不 夠 漂 亮 ， 否 則 便 可 甩 掉 打 工 仔 男 友 嫁 個 富 豪 公 子 ， 不 必 每 天 擠 地 鐵 上
班 ？ 多 少 男 孩 子 幻 想 自 己 是 富 豪 公 子 ， 可 以 隨 手 拋 棄 外 貌 平 凡 的 女 友 ， 以 億
萬 家 財 換 來 個 玲 瓏 浮 凸 ？

理 應 得 到 大 家 祝 福

有 娛 樂 版 記 者 索 性 拿 豪 門 婚 禮 ， 向 一 眾 女 藝 人 問 反 應 。 鄧 麗 欣 說 「 流 盡 口
水 」 。 袁 彩 雲 率 直 得 不 知 是 可 愛 還 是 可 怕 ， 說 聘 禮 高 達 數 億 元 ， 「 代 表 子 淇
有 她 的 價 值 」 ； （ 說 人 是 一 件 貨 物 是 侮 辱 ， 說 人 是 一 件 高 價 貨 算 不 算 侮
辱 ？ ） 李 彩 華 沒 有 隨 大 流 ， 說 了 句 覺 得 嫁 入 豪 門 ， 真 的 會 沒 有 了 自 由 ， 立 時
遭 傳 媒 審 判 ： 「 不 知 她 （ 李 彩 華 ） 是 否 吃 不 到 的 葡 萄 是 酸 的 。 」

李 家 誠 先 生 和 徐 子 淇 小 姐 的 婚 姻 ， 就 如 同 所 有 工 薪 階 層 青 年 男 女 的 婚 姻 那
樣 ， 理 應 得 到 大 家 的 祝 福 。 但 是 ， 惡 俗 勢 利 、 淺 薄 偏 隘 的 香 港 傳 媒 ， 就 有 這
個 本 事 把 一 宗 喜 事 變 成 俗 事 ， 把 男 女 結 合 說 成 是 一 買 一 賣 、 財 色 交 換 ！

傳 統 思 想 主 導 傳 媒

李 先 生 是 位 健 康 端 正 的 青 年 ， 站 在 新 娘 身 旁 不 覺 不 匹 配 。 即 使 是 醜 男 ， 又 怎
知 道 徐 子 淇 不 是 欣 賞 他 的 才 華 或 是 品 格 ？ 傳 媒 憑 甚 麼 一 口 咬 定 李 家 誠 只 是 藉
金 錢 ， 而 不 是 靠 別 的 吸 引 力 追 求 成 功 ？ 即 使 這 是 一 次 金 錢 主 導 的 婚 姻 ， 又 憑
甚 麼 判 定 所 有 女 人 都 渴 望 嫁 個 有 錢 人 ， 只 要 像 李 彩 華 說 說 不 羨 慕 嫁 入 豪 門 ，
便 是 酸 葡 萄 心 態 ？ 為 甚 麼 只 有 金 錢 是 擇 偶 的 最 高 標 準 ？ 難 道 所 有 因 為 男 人 的
英 俊 、 強 健 、 多 才 或 是 優 雅 而 下 嫁 的 女 人 ， 都 是 沒 有 富 豪 公 子 垂 青 ， 才 退 而
求 其 次 ？ 從 甚 麼 時 候 起 ， 我 們 的 傳 媒 變 得 那 麼 偏 隘 ？

打 扮 至 in 的 娛 樂 記 者 ， 在 大 眾 眼 中 是 型 人 潮 人 ； 其 實 ， 香 港 娛 樂 新 聞 背 後 ，
卻 是 由 最 保 守 最 傳 統 的 思 想 主 導 。 不 然 ， 八 卦 周 刊 為 何 永 遠 用 男 女 夜 會 、 藝
人 搞 基 作 封 面 ？ 在 開 放 社 會 ， 男 女 婚 外 性 行 為 或 是 男 男 同 性 戀 、 女 女 同 性
戀 ， 又 算 是 甚 麼 大 事 ， 需 要 由 外 人 作 道 德 審 判 嗎 ？ 這 次 豪 門 婚 禮 ， 娛 樂 報 道
仍 然 是 承 襲 著 女 子 無 才 便 是 德 ， 女 人 最 大 的 幸 福 不 是 獨 立 ， 而 是 有 男 人 可 靠
的 一 套 傳 統 保 守 思 路 。 難 怪 獨 立 能 幹 （ 而 且 漂 亮 ） 的 女 記 者 張 寶 華 會 問 ， 這
是 甚 麼 年 代 了 ， 女 人 最 大 的 悲 哀 ， 竟 然 是 自 力 更 生 ？

重 新 認 識 男 女 平 等

滿 城 討 論 反 歧 視 法 案 ， 但 平 等 是 甚 麼 ？ 平 等 就 是 享 同 等 權 利 和 負 同 等 責 任 。
從 前 的 紳 士 風 度 ， 是 沉 船 時 讓 女 人 先 上 救 生 艇 ， 但 這 並 非 尊 重 女 性 而 是 「 善
意 歧 視 」 女 性 ， 因 為 ， 行 動 背 後 的 思 想 是 ， 女 人 是 低 能 和 沒 有 理 性 的 弱 者 ，
需 要 受 保 護 。

因 此 ， 在 女 人 可 以 先 上 救 生 艇 的 年 代 ， 她 們 沒 有 投 票 權 ， 也 近 乎 不 可 能 任 大
企 業 領 袖 。 女 性 倘 要 男 女 平 等 ， 遇 海 難 時 也 必 須 放 棄 先 上 救 生 艇 的 優 待 ， 否
則 便 是 投 機 功 利 濫 佔 便 宜 了 。

同 理 ， 有 一 種 男 人 說 ： 「 女 人 低 一 等 ， 老 子 喜 歡 打 便 打 罵 便 罵 。 」 這 當 然 是
歧 視 。 另 一 種 男 人 說 ： 「 女 人 唯 一 的 好 處 就 是 一 副 好 身 材 。 我 們 男 人 的 責 任
是 賺 多 些 錢 ， 讓 她 們 留 在 家 裡 甚 麼 也 不 必 做 ， 只 要 戴 鑽 石 戒 指 穿 皮 草 ， 陪 我
上 街 那 才 夠 面 子 ！ 」 這 同 樣 是 歧 視 ， 只 是 不 少 女 人 會 甘 之 如 飴 吧 。

>>December 24, 2006 at 1:15:25 AM GMT+8