2006 年 10 月 3 日 星期二 【晴】

拎住一袋二袋返宿，好彩唔使上蔡子強，去department拎DVD
走讀o既WE 10壞o左？去邊度搵過隻返o黎打？冇WE 10好大鑊！

預算叮返o尋晚屋企o既飯餸，Alan買o左咖哩，佢個friend借煲煮即食麵
加料！溝兩啖美心咖哩，再將人o地煮麵剩低o既湯倒落飯盒，超級識食
住家飯變成咖哩味湯飯o既代價係，成間房都係揮之不去o既即食麵氣味

Re Rock : 成班友o係度發國慶財

>>October 3, 2006 at 10:08:05 PM GMT+8

2006 年 10 月 2 日 星期一 【晴】

國慶將近，想搵返支國旗都冇，想插o係宿應節嘛……

P.S.又o係電視見到DoDo.......................

>>October 2, 2006 at 9:45:54 PM GMT+8

2006 年 10 月 1 日 星期日 【陰】

匪區淪陷57週年悼念……

今日o既唯一作用係令我聽日有假放，o係屋企趕assignment
兩星期後先dead，不過到時有present有莊務，越快做完越好

P.S.《女皇的教室》大結局，對劇集o係香港o既迴響有o的失望

＊－＊－＊－＊－＊－＊－＊－＊－＊－＊－＊－＊－＊－＊

收嗲啦鍾志光！



>>October 2, 2006 at 1:07:08 AM GMT+8

2006 年 9 月 30 日 星期六 【乍寒還暖】

妖，唔係Gap成打o黎都唔知今朝冇堂上，早知o尋晚夜o的訓
呢科一直都冇上堂，唔怪自己太依賴人o地，唔知追唔追得返

政政隊嶺南場操練，搵o黎Computer Science友賽，Andy又唔o黎？
Eric + Cutter + Martin + Gap成 + 立爺 + Leo + 阿洪 + 阿俊 + 老鬼Andrew
好快就攻入兩球，不過俾莊員阿正應該犯規o既衝撞頂走手邊球入網
之後又俾無人看管o既中距離收死o左，好彩攻力有保證，半場3比2

開波冇耐已經落雨，草場變得更濕滑，越o黎越多跣腳場面，踢唔到
抖o左陣換邊再戰，又走甩阿正，俾佢接應斜直線入禁區，跣住出迎
接到波，不過係腳去先，少少踢到阿正，然後第二下輕輕踢中小正……
如果o係正式比賽，呢個絕對直接俾紅牌，以後出迎要記得打橫跣出

Gap成 + Cutter + 阿洪呢個前場組合好似幾好，只差Cutter狀態未足
未有右閘最佳人選，而且Martin 12月走埋之後，後防兵源更加短缺
對今年幾有期望，已經抽到唔太差o既籤，希望演出比上季大有改進

返宿沖涼 + 換衫 + 洗衫 + 晾衫，雨戰o既體力消耗似乎冇想像中咁大
返屋企，有o的唔太自然……星期二下午先返中大，到星期五又返屋企

Re Rock : 講笑o者，估唔到你真係會寄咁o既o野去我宿

Re老師：????????
　　　　或者冇o左以前o個股戰鬥格，不過我冇怠慢

＊－＊－＊－＊－＊－＊－＊－＊－＊－＊－＊－＊－＊－＊－＊

白禮達希望取消十二碼 28 September, 2006 12:22 +0800

白禮達

國際足協會長白禮達表示，希望世界杯比賽在將來不需要用十二碼分勝負。

意大利在2006年世界杯決賽便是以互射十二碼來決定冠軍。而白禮達表明希望可以在2010人南
非的決賽週作出改變。

「當兩支球隊打進決賽，比賽都是充滿激情，若果進入加時，更是像戲劇般。」

「不過如果要到了互射十二碼階段則是一個悲劇，足球是一個團體活動，但十二碼不是，這只
是一個個人的競技。」

他表示重賽或者在加時減少雙方對賽球員或會是個較佳的解決方案。

「我們還有四年時間，應該足夠的。」

「若果是決賽，可以考慮重賽，但不可以整個賽事都這樣，因為太花時間。又或者，每隊減少
一些球員去進行黃金入球。」

「相關的討論將會展開。」

西德是首支於世界杯互射十二碼中勝出的球隊，他們在1982年的準決賽互射十二碼擊敗了法國。

＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　　　　《別摧毀足球！》

數球壇的「非洲和尚」(乞人憎)，除了摩連奴，國際足協主席白禮達相信也會榜上有名，此君
身為世界球壇最高「話事人」，卻經常胡言亂語，口出狂言，得罪球迷

以互射12碼這方式分勝負是近20年的事。隨著球賽的防守性越來越高，越來越多比賽經法定時
間仍然不分勝負，但淘汰制下總要踢走其中一隊，於是想到雙方輪流派球員射12碼，以較快捷
的方法決出出線隊伍

很喜歡看互射12碼，雖然這是對球員心理的一大折磨，管你法定時間踢得如何出色，一旦宴客
而葬送球隊前程，你就是千夫所指的罪人(巴治奧)。換個角度，即使法定時間錯漏百出，只要
為球隊射入奠定勝局的12碼，或者作為門將連番救出對方施射，你就是勝利的英雄(杜迪克)

無可否認，互射12碼存在一定的賭運元素，宴客不一定表示自己射得差，可能是對方門將實在
大勇，但運氣從來就是球賽一部分。互射12碼是考驗球員處理壓力的能耐，亦考驗兩隊賽前是
否準備充足(世界盃英格蘭對葡萄牙，英格蘭射得如此糟糕，明顯未準備好跟對手射12碼)，絕
非純粹鬥運氣。互射12碼亦是對守門員的一大考驗，因為只有救出對手的射門(或者對方主動射
失)，己方才有勝算

白禮達提倡以別的方法取代互射12碼，其中理由是12碼只是一個個人的競技。天！堂堂國際足
協對體育競技的認知怎會如此不濟？「一個個人的競技」跟「個人競技」是兩碼子的事！每輪
12碼都是劊子手和門將的單對單決鬥，但接力賽跑都同一時間內的「一個個人的競技」，難道
此等競技也沒有團隊元素？

拉遠些，乒乓球、羽毛球等團體賽又如何？每隊派出代表分別進行單雙打，再決出總成績。一
場比賽內也是「一個個人(或一雙雙人)的競技」，難道這也是個人項目乎？請看中圈，除了劊
子手和門將，其餘球員搭著肩膀以示團體為隊友打氣，這不就是團隊精神麼？白禮達對互射12
碼的指控實在貽笑大方！

白禮達提議加時減少兩隊球員人數，並重行黃金入球制。這些政策都以取締互射12碼為目的，
但想深一層，這些所謂「政策」跟目的根本扯不上甚麼關係。減少球員數目，球場多點空位，
固然有利進攻和入球，而黃金入球亦能把球賽在出現入球後即時了結，但這些政策都不能保證
球賽必定在法定時間分出勝負。如果把11人對戰改為7人對戰，附上黃金入球，雙方仍然未取得
入球又如何？到頭來又要互射12碼，他根本沒有解決所謂「問題」，除非他想出直接取代射12
碼的方法，但這些方法又是否比互射12碼存在更少「賭運氣」的成份？

減少球員數目是無稽的。白禮達口講互射12碼的個人味道太重，但場上越少球員，仍在場上的
球員就越突出，這豈不是助長「一個個人的競技」？而擇日重賽是不可行的，現代球賽的賽期
排得如此密，根本不可能時時重賽，而且無人敢保證重賽一定分得出勝負，萬一又打和，是否
無限重賽？

常說體力化和防守性的戰術摧毀了足球運動，但更多時球壇權貴們的低智言論，正正是摧毀足
球運動的罪魁禍首

>>September 30, 2006 at 11:30:37 PM GMT+8

2006 年 9 月 29 日 星期五 【晴】

煲呔o黎Shaw Assembly演講，講務實領導，好彩一早reg o左
廢up，不停講理論，不如講下你如何務實地令策發會走向務虛？

Reg o個陣已經知道頹，不過呢科書通真係太唔掂，學生根本睇唔到方向
夜晚返屋企食飯，好耐冇食過住家飯，之後要撲返Shaw，星期六都有堂

Re Rock : 開o左信箱，你心知肚明

>>September 30, 2006 at 1:24:05 AM GMT+8

2006 年 9 月 28 日 星期四 【晴】

08:05轉堂巴似乎太早，下次可以遲o的，搭循環巴o係本部轉
公布上星期o既問卷結果，所謂調查其實廢o既，冇任何意義

夜晚有mentorship interview，揀o左唔知梁家傑抑或湯家驆做mentor
Group interview同組有Jacky + Carrie + Jessica + 春鵬，好大壓力……
Interviewer有馬嶽 + 王鉅鴻，近似吹水模式，自問整體發揮唔算太差

In完即刻跑返國宿換便服，跑去中超抽籤，政政代表 + 莊員雙重身份
今年抽到條唔太差o既籤，有機會出線o架，今年o既成績要有突破！

Re小某：所有人都受身邊o既人以至社會大氣候所潛移默化，根本冇可能完全獨立
　　　　我o地最多只可以提防有權貴運用權力，影響傳媒o既自由取態

P.S.(1)李卓賢！你五行欠打乎？李卓賢，你寫錯字！
P.S.(2)祝前主席伊人告別18，生日快樂！

＊－＊－＊－＊－＊－＊－＊－＊－＊－＊－＊－＊－＊－＊－＊

2006-2007中大超級聯賽分組抽籤結果

A組：體育及運動科學　計量金融　中醫　文化及宗教研究　內地生1隊
B組：經濟學　哲學　新聞與傳播　教職員1隊　食品營養
C組：訊息工程　人類學　新亞工商管理　生物化學　韓國生
D組：聯合工商管理　歷史　社會工作　物理　專業會計
E組：逸夫工商管理　保險、財務及精算　社會學　國際生2隊　崇基工商管理
F組：計算機科學　國際生1隊　生物　化學　教職員3隊
G組：建築　護理　計算機工程　地理與資源管理　心理學
H組：系統工程及工程管理　分子生物技術　數學　英文　內地生2隊
K組：統計學　電子工程　醫學　中國語文及文學　環境科學　藥劑
M組：教職員2隊　政治與行政　語文教育　翻譯　自動化及計算機輔助工程

賽制：
各組以單循環賽決定名次，每組首名及成績最好的兩隊次名直接出線16強，其餘八隊次名球隊
捉對進行一場過的附加賽，爭取餘下四個出線名額；16強開始採用單淘汰制，直至決出冠軍

>>September 28, 2006 at 11:16:25 PM GMT+8

2006 年 9 月 27 日 星期三 【晴】

睇歐聯悶戰睇到05:00先訓，不過竟然又09:00就醒o左，訓唔返
今日目標o係一小時內划10000米，點知手掌磨擦起泡划得一半

走讀第一日開幕當值，好熱鬧，真係有freshmen專程入Shaw陪莊員玩
英式桌球俾Wailin徹底蹂躪，輸50分，好彩o係WE 10清脆報返一箭之仇

21:30走火警，走哂落國宿平台，門口有個阿叔教用滅火筒，即刻掉頭
樓上甚至有人沖涼！下次醒水o的，繼續屈o係房，唔使走上走落咁煩

6/F層聚，聚o係pantry食5/F層代煲o既紫米露，6/F原來真係好多人都識
又有得唱院歌，我o地最鍾意就係唱院歌，想聽？下次層聚記得遲到！

Re Rock :有乜o野要寄hard copy咁大陣象？

＊－＊－＊－＊－＊－＊－＊－＊－＊－＊－＊－＊－＊－＊－＊－＊

Microsoft入職面試題

五名海盜弄來100個金幣，他們商量怎麼分配這些金幣，結果他們決定採用以下原則：

1)五名海盜先抽籤，決定提出分配方案的次序
2)第一人先講出自己的方案，然後付之表決
3)如果方案獲超過一半海盜投票贊成，則採用這方法
4)反之，如果方案得不到過半贊成，該海盜會被扔下海餵鯊魚
5)方案被否決後，下一人提出新的方案，處理方法照舊不變，如此類推

問：如果你是第一個海盜，假設你們所有海盜都是聰明人，你會提出怎樣的方案以保護自己？

>>September 28, 2006 at 12:25:23 AM GMT+8

2006 年 9 月 26 日 星期二 【晴】

有o的人參選o既目的唔係要贏，咁曹宏威參選o既目的係乜？
Political marketing幾有趣，不過選舉係咪失去本來o既原意？

第一次去Shaw Gym，滅腩鬥爭始動！第一步滅腩，然後再練肌肉
踩o左陣單車機，踩單車竟然唔快得過跑步好多？腳骨力仲係差o的
之後玩划艇機，呢個幾好，唔太harsh，45分鐘消滅o左400卡路里

聽日day-off，目標係10000m，消滅最少700卡路里，乘機練埋臂力
身高體重比例希望回落到21左右，build up返最顛峰期o既鋼條身型

走讀會議，要對代表會寫個服字，要求一個玩o既莊要有教育意義
編更期，逢星期三15:30 - 17:00當值，多o的落o黎玩，順便探我呀

P.S.原來李昌盛呢個硬膠仔都係住國宿……

＊－＊－＊－＊－＊－＊－＊－＊－＊－＊－＊－＊－＊－＊－＊

Eason好多舊歌都好正，呢首可算係《明年今日》國語版



或者，《明年今日》係《婚禮的祝福》o既粵語版

＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　《令人討厭的思想》

世上有兩種令人討厭的思想，兩種思想看似兩個極端，但其實都容不下丁點討論空間，或者完
全刺激不起討論：一種是絕對主義，另一種是完全相對主義

絕對主義，亦可解釋成真理主義，即真理在世上真的存在，而且掌握在論者自己手內。不難理
解，既然是真理，當然是至高無上，無可質疑的，當然沒有任何可供討論的空間。有點像《死
亡筆記》的夜神月，自命為改造世界、淨化人類的「奇拿」神，把追捕奇拿的警察－阻礙他創
造他認為最正確的世界的人－統統幹掉。真理主義者不會容許絲毫討論空間，如果可討論，又
怎會是「真理」？

最要命倒不是真理主義，完全相義主義其實更要命！討論之所以存在，因為每人心中都有一把
尺，又想說服別人接受自己這把尺，於是透過交流闡明自己為何相信這把尺，為何別人那把尺
是錯誤的。人類多年來的討論的經驗是，沒有人絕對正確，亦沒有人是絕對錯誤

可是，卻有人基於「沒有人絕對正確」一點，每當有人挑戰他的說法，而他無還擊之力時，祭
出「你這樣想絕對沒問題，我這樣想亦屬自然，大家都沒錯……因為每個人的思維方式都可以
很不同」，他稱之「思想自由」。大家有分歧非因當中有對錯之別，彼此亦不存在矛盾，只是
「觀點與角度」的問題，即係俗語說的「你o岩，不過佢都冇錯」

這種思想同樣容不下討論餘地。既然大家其實都沒錯，何必說服對方接受自己那套？一切形式
的討論、辯論，都帶有向對方推銷自己的信念，慫恿對方放棄(或修正)自己一貫那套的意圖，
亦暗指某人認為另一人的想法需要修正。既然一切皆對，根本不可能有修正別人的機會，即使
被人修正，只須祭出一句「大家都對，只是信念有別」便能脫身，這不過是另一形式的「各打
五十大板」

其實大部分完全相對主義者並非真的相信一切皆對，更多只是講不過道理時的脫身之法。如果
他們仍可絲毫還擊之力，他們定必處處點火！這類不難找，到網壇好好發堀吧！

>>September 26, 2006 at 10:57:11 PM GMT+8

2006 年 9 月 25 日 星期一 【晴】

唔該哂吳國倫(Alan)幫手，終於用到自己notebook上網喇！
o尋晚先睇紐卡素對愛華頓，再直踩巴塞隆拿大戰華倫西亞

要盡快習慣訓耐o的，因為三保床？08:45就醒o左，其實仲好眼訓
大通、民主在西都訓o左，大通期間響火警鐘，鐘聲後面有伴奏…
o係中大見到超級唔想見到o既人，希望佢睇我唔到睇我唔到……

P.S.國宿6/F原來唔少熟人，中同 + 莊員 + tutor + PE mate乜都齊

>>September 25, 2006 at 7:37:23 PM GMT+8

2006 年 9 月 24 日 星期日 【晴】

用緊同房吳國倫部腦，因為我部notebook仲未有上網線
民國95年9月24日下午4時30分，正式接管半間國宿H620

硬係覺得有o野未拎之下大遷徙，有o野漏咪下星期再拎返o黎囉
之後帶徐家中大旅行團，時間關係，只係行o左NA + UC + 本部
未有電腦o既宿生生活，疊埋心水睇readings，唔好積壓得太耐

Re kennyking : 我又未聽過outreach day喎，恕小弟孤陋寡聞

>>September 24, 2006 at 9:30:11 PM GMT+8