2006 年 10 月 13 日 星期五 【晴】

走讀大食會，大講堂o既assembly完結後立即舉行，趕緊set場
o係SU室後o既空地搞，同莊員打賭o的人幾多分鐘內徹底清檯

正當莊員準備食少少打底之際，assembly已經完o左，大批餓狼殺到
答案係11分鐘，連最冷門o既馬豆糕都好快俾人食哂，莊員冇機會食
Free Lunch o既吸引力始終難擋，火速set場又火速在晴朗的一天收檔
之後返落soc房睇抽獎，無限抽，其實已經渣灘，之後已經唔關我事

書通，如果唔係每堂都俾問題我o地做，我根本懶得上堂，唔上都得
俾題目，極速o係唔聽書之下狂寫，break o個陣已經完成，交卷鬆人
返屋企補習順便食飯，我講緊「打字機」，佢竟然聽到「打自己」！

>>October 14, 2006 at 2:01:05 AM GMT+8

2006 年 10 月 12 日 星期四 【晴】

訓得四個幾鐘，拖住個殼追車，課室擺o左疊寫住「鳥形圖」o既notes
Tutor都未o黎，圖表又同課堂內容無關，所以冇理，不過竟然有人照拎

上星期冇上，今日補返Soc Tuto，完全冇睇reading都撐得住，全靠狗up過關
下星期要完成mid-term初稿？我連民主在西present + assignment都未拆掂！

夜晚Shaw Lane，施源講得o岩，如果Shaw Lane只賣食物，只會越趨庸俗化
走讀莊員Wailin呃o左我$5！炸生果占卜難死到極！要不斷質俾其他人硬啃！
遇見YC 04組女烏蠅！PolyU都專程o黎中大，好彩我仲記得佢，否則又七多鑊

嘉賓請到安德尊、胡楓、唐寧、不知名雜技人、李仁醫生、羅莽、葉佩雯
其實，搵嘉賓係基於真係覺得同學想睇，抑或特登搵條友上台俾我o地笑？
塞到o係國宿平台睇show，後台出前台o既通道旁，嘉賓出入全部一目了然

據講陳以誠醫生先係中之霸，不過李仁唱兒歌破壞氣氛功力都好勁
唔知點解擺唔到youtube片，李仁醫生呢首歌將全場氣氛拉至歷史新低
雜技師傅表演完畢，竟然o係舞台後面當眾換褲！修哥年屆74真係略現老態
終於迫到最前排，諗住同壓軸o既Grace握手，點知佢一完show就衝上車！

＊－＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　　《麥卡倫也不外如是》

作客淨吞克羅地亞兩蛋，雖說克羅地亞立國以來從來於在場落敗，而今場的兩個入球都帶點幸
運成份，但英格蘭的演出實在太不濟，不濟得早於開賽首10分鐘已奠定他們毫無勝算。麥卡倫
上任後首兩三場賽事的確惹人好感，但蜜月期一過，面對已非歐洲頂級的克羅地亞已踢得如此
難看，麥卡倫的領軍能力看來也見了頂，不外如是

重用夏格維斯，把謝拉特移任右中場，打機都懂的改變，根本不算甚麼大改革。作客迎戰同組
最強的克羅地亞，大膽地臨場改用從未採用的3-5-2陣式，左右閘艾殊利高爾和加利尼維利移前
擔任左右翼衛。陣式可不是說改就可以隨便改的，英格蘭球員不論球會抑或國家隊都習慣以四
人防線為排陣基礎，「三人防線 + 翼衛」對他們來說是完全陌生的，即使排陣得當，真的做到
攻守平衡，他們也不會操作得好，因為他們根本不熟習這種踢法

更重要的是，3-5-2陣式的成敗取決於一對翼衛的發揮，能否做到90分鐘獨力包辦邊線攻守？左
路的艾殊利高爾倒令人放心，反正他在欠缺正宗左中場的球會和國家隊都慣於以近乎翼衛的姿
態「成條左邊踢哂」，昨晚見他在左邊上上落落，總算令英格蘭左路搶回點控球權，反而以加
利仔踢右翼衛就真的令人摸不著頭腦

加利仔一如以往般穩健，偶爾出擊傳中亦甚具威脅，但他根本不是卡富、辛尼迪甚至森保達那
種「成條右邊踢哂」的搶鏡二閘。翼衛要於己方控球時立即後上，失掉控球權又要快速回防，
這豈是「踢得慢、唔夠快、冇速度」的加利仔所能獨力做到？既然麥卡倫一心要採用快速戰術
而棄用碧咸，又為何要加利仔踢得如此辛苦？倒不如一開始便起朋胡禮菲臘斯在右路突破，但
他回防力欠奉，那為何不正正經經用回駕輕就熟的4-4-2陣式？操作上，昨晚英格蘭的陣式極其
量只是守勢的5-3-2陣式，完全發揮不出3-5-2陣式的機動性

加利仔助攻後趕不及回防，要李奧費迪南移右協防；回防後又來不及出擊，要朗尼退到右邊推
進，結果最前線只餘已見頂，能輕易被凍結的膠治。14場入11球，乍看是驕人的入球數字，但
膠治的入球只集中於對匈牙利、千里達、希臘、安道爾等實力明顯較次的對手身上取得，他根
本仍未證明自己的實力。身高達201cm的膠治，完全沒有善用身高優勢，經常用腳迎接高波，
但相信迪科爾甚至戴倫賓特都比他更懂用腳。既非真高拿，亦非簡奴，派膠治出場簡直是浪費
球員名額！

滿以為麥卡倫新官上任，可能會帶來一點新思維，但原來不過如此，似乎麥卡倫的功力只限於
率領中型班(米杜士堡)進軍中型賽事(歐協盃)的決賽。給麥卡倫領軍下去，或者仍能晉身2008歐
洲國家盃決賽週，但以英格蘭的人腳總不會滿足於決賽週或者八強吧？

話說回頭，草頭凹凸，真的不能怪責羅賓遜，但要提醒守門員有責任留意禁區內每一寸草頭

>>October 13, 2006 at 10:03:09 AM GMT+8

2006 年 10 月 11 日 星期三 【晴】

落火車站貼poster，星期五assembly後走讀大食會，大家記得o黎！
返屋企食飯，好耐冇正正經經睇哂30分鐘有線新聞，恍如與世隔絕

阿丁 + 立爺o黎H620傾民主在西present，只係睇o左勁少readings，傾大綱
係咁爆粗，初時以為可以向同房請教次文化，點知佢一直以來都超級剋制
快快手手搞掂outline，落lobby睇波，克羅地亞對英格蘭，聽朝八半都要睇

>>October 12, 2006 at 11:08:00 AM GMT+8

2006 年 10 月 10 日 星期二 【晴】



國慶日，唱國歌！要盡快學曉唱國歌



選舉工程o既形象塑造，候選人可以透過搵唔同o既拍檔創造化學作用
蔡生叫我o地即時諗o的例子，我諗到……巴士阿叔 + 曹宏威……勁！
陳乙東選特首o個陣，其中一條政綱係o係全港各區搞大飯堂免費派飯
聯合埋曹宏威，呢條政綱可以略作修改……無限量免費派發干炒牛河

第一次民主在西Tuto，抗議presenters侵犯《禁止酷刑國際公約》！
三種語言溝埋一齊，全世界聽到一頭煙，簡直係折磨，個個嗌哂救命
下星期到我o地present，又要睇readings，又要趕Country Assignment

＊－＊－＊－＊－＊－＊－＊－＊－＊－＊－＊－＊－＊－＊－＊

有話直說　　　　　　　《雙十國慶》

堅稱10月10日才是真正的中國國慶，並不純因厭惡中共才故意另選日子，只是共產黨趕走國民
黨，另立中華人民共和國，何「慶」之有？慶祝奪權成功？記得10月1日在電視看升旗禮，記者
訪問一個男孩知不知今天是甚麼日子，他說「國慶」；記者再問甚麼是「國慶」，他答「國家
生日」。中國最少有5000年歷史，天曉得黃帝在西曆推算的數千年前10月1日打敗炎帝，締造華
廈文明之始？一個掌權僅57年的政權，憑甚麼把自己的生日當成「國慶」？

翻閱維基百科，大多國家一般以該國獨立日，或者別具歷史意義的日子作為「國慶」(National
Day)。曾受殖民統治的亞非拉國家，多選擇擺脫外國統治宣佈獨立之日作為國慶，例如美國以
發表《獨立宣言》的7月4日作為「國慶」(他們稱之「獨立日」)；從未受外國統治的國家，則
選擇該國一些重要的歷史事件，例如法國選擇7月14日大革命爆發之日為「國慶」(他們叫「巴
士底日」)

由此推算，中國其實只有三天可當作「國慶」。黃帝打敗炎帝，此為中華數千年文明之始，但
這時代只是傳疑時代，無法考證確實日期；另一個是秦始皇揮軍消滅齊國，結束春秋戰國分裂
混戰，中國首次出現大一統的皇朝，但同樣無法考據確實日期；最後當然是1911年10月10日的
辛亥革命，結束帝制，創建東亞首個共和政體，象徵國民對專制的反抗、自由的追求。姑勿論
革命成果最終如何被袁世凱和軍閥搶去，這是中國最值得紀念的日子，亦是最值得成為國慶的
日子，辛亥革命為開創

共產黨聲稱由他們掌權，驅除西方帝國主義侵略者，實現中國人民真正當家作主，也算開創時
代。早於日本戰敗的1945年，列強廢除百年來強加於中國的不平等條約，中國成為聯合國安理
會常任理事國，這時中國由誰掌權？中華民國！實現中國人民真正當家作主？如果人民真的當
家作主了，17年前天安門為何有這麼多槍下亡魂？為何現在到處都是維權運動？

中共把10月1日定為國慶，要不他們狂妄自大，把中華人民共和國政府等同中華5000年文明，要
不他們(都是狂妄自大)自認為建政57年來，成績卓越，為中國開創新的時代(這是真的，新的染
血時代)。10月10日的意義遠遠大於10月1日，雙十並非一個單純由專制過度至另一個專制的日
子，是國民憑自己雙手追尋幸福、開創未來的象徵，10月1日怎能與之相比？

>>October 10, 2006 at 11:32:59 PM GMT+8

2006 年 10 月 9 日 星期一 【晴】

大通lecturer又講錯o野，身為歷史系講師，點可能口快快講錯？
平時上民主在西都狂寫Death Note，今次唔係寫o左好多o野落去

政政系臨時全民大會，會章o既一大缺憾，要修改會章、通過緊急撥款
知道系會已經好努力宣傳，不過真係冇乜可能搵到2/3同學(106人)出席
唔夠通過動用儲備金o既法定人數，得返修改會章，上莊不斷質詢議案
想同Sam提修正案，可惜字眼執唔好，又有人propose相似議案，作罷

LSB閂門都未完，去Franklin繼續，表決幾項動議 + 會章修訂，全部通過
點知人數不足(最少40人)，表決全部作廢，又要等齊人，夠人先再舉手
不過實在仲有太多o野未解決，如果急急就章，只會為效率而放棄仔細
休會，本屆莊期內唔會再搞呢壇o野，個波會掟俾下莊接手，大把時間

>>October 10, 2006 at 1:38:24 AM GMT+8

2006 年 10 月 8 日 星期日 【晴】

遇上高幾班o既對手，能夠捱打捱o左10分鐘先失守已經叻仔
今日超齊人，齊腳到可以分兩隊7打7鬥全場，圍內鬥都過癮

草聯如果有政政隊Cutter打輔鋒，馮景昕推上最前，陣容就更完善
同樣，如果政政隊有Cafu或者肥鵬鎮守後防，足以同任何球隊一戰
輝哥係派路 + 文尼治混合體，不過你估加度素咁易搵？所以踢死佢

返宿，睇《女王的教室》前傳，國宿lobby全場爆滿，仲旺場過睇波
「人點解唔可以殺人」，呢個問題最好問夜神月，好想知佢會點答

>>October 9, 2006 at 12:24:05 AM GMT+8

2006 年 10 月 7 日 星期六 【晴】

羅學叫19歲生日快樂！

>>October 7, 2006 at 11:35:24 PM GMT+8

2006 年 10 月 6 日 星期五 【晴】

冇o野俾我o地玩通宵，所以04:00就訓o左，一覺訓到10:30
留低肥鵬o係房去Assembly，唔記得一早drop o左今日呢個

返宿吹水，帶肥鵬落Shaw Can，之後去走讀打機，終於有四打掣
合拍肥鵬挑莊員Steric，一勝一負，同肥鵬頗合拍，互相傳送走位
上書通，順便送肥鵬搭車，張力好人，見中秋早o的放人脫離苦海

中秋夜，食完飯入UST Cindy宿屈蛇，o尋晚搵人屈蛇，今晚去屈蛇
第一次踏足UST，感覺上有o的CityU格局，一個大商場，不過景靚
望住大大個牛尾海，靚過依家o既吐露港1000倍，至少冇瘋狂填海

打牌，其實明知只會獨沽一味打牌，不過奉陪到底，只係反應遲鈍
臨天光，終於個個都捱唔住，同Jason走先，返屋企先一覺訓到夠

Re Cafu : 林挺搞o既，而且主要係5B聚會

>>October 7, 2006 at 6:49:45 PM GMT+8

2006 年 10 月 5 日 星期四 【晴】

精o左，唔使咁早搭轉堂巴，循環巴落本部轉車，可能訓晏o的
越睇陳健民越似多哥教練，今日著住條窄身牛仔褲入o黎……

o係CKB訓覺，返宿繼續訓，訓到Soc Tuto都冇上，總之o係宿不停訓
夜晚有SY夜話，坐哂o係胡草傾計，政政系回顧與前瞻，相當有意思
好想聽埋前瞻o個part，不過約o左5B聚，冇辦法唔走，21:00離開UC

Billy + 挺 + 肥鵬 + Eric + Richard + 輝哥 + 雪，創興8/F打邊爐每位$93
妖，周圍都o係度玩Black Magic，識o的唔識o的，冇興趣玩，繼續食

肥鵬突然話今晚o黎屈蛇，要知道半夜潛入國宿唔係易事，及早盤算
亡命巴返中大，再去到國宿門口，先入大堂視察形勢，看更dup低頭
看似有機，拉埋肥鵬直衝樓梯口，行o左一半，看更：「咪行住！」
我自出自入都冇問題，不過肥鵬點都要返出去，唯有出去再從長計議

基於保安問題，理論上所有側門都應該鎖哂，唯一進出通道係大門口
無計可施，一度盤算只係以拖字訣，等看更訓o左先入，不過會好夜
七o左，莊員Steric一言驚醒，輔仁旁邊條梯仲開到？咁就輕易潛入境
原來咁容易就偷運人蛇，早知唔使搞餐懵，總算吸收做蛇主o既經驗

Re kennyking : 齊哂……唔該哂……

>>October 6, 2006 at 3:24:49 AM GMT+8

2006 年 10 月 4 日 星期三 【晴】

小二o既表妹問中秋燈謎，幫幫手：

林中燒炭(猜一成語)
悲劇演完(猜一成語)
十個哥哥(猜一字)
將軍冇棋(猜一香港地名)
同胞兄弟(猜一字)
黃昏(猜一中國城市)
十一月(猜一字)

＊－＊－＊－＊－＊－＊－＊－＊－＊－＊－＊－＊

波 蘭 漢 放 屁 抗 議 被 通 緝

放 屁 有 罪 ！ 波 蘭 一 名 男 子 在 被 問 及 對 總 統 和 政 府 有 何 意 見 時 ， 大 聲 放 屁 ， 被
指 「 蔑 視 國 家 領 袖 」 ， 即 場 被 捕 ， 他 其 後 棄 保 潛 逃 ， 現 在 成 了 「 放 屁 通 緝
犯 」 。

被 控 蔑 視 政 府 罪

45 歲 的 霍 夫 曼 ， 早 前 在 首 都 華 沙 一 個 火 車 站 被 警 察 截 查 時 ， 抱 怨 總 統 卡 欽 斯
基 （ Lech Kaczynski ） 和 孖 生 哥 哥 總 理 ， 令 國 家 走 回 共 產 黨 式 獨 裁 統 治 的 舊
路 。 警 察 警 告 他 對 領 袖 要 「 尊 重 點 」 ， 但 不 知 霍 夫 曼 是 否 故 意 ， 竟 然 立 即 大
聲 放 屁 ， 結 果 當 場 被 逮 捕 。

警 察 落 案 控 告 霍 夫 曼 「 蔑 視 國 家 元 首 和 政 府 」 ， 並 准 許 他 保 釋 候 審 ， 但 日 前
案 件 開 審 ， 霍 夫 曼 蹤 影 全 無 。 法 官 不 但 拒 絕 辯 方 律 師 要 求 撤 銷 控 罪 ， 而 且 下
令 警 方 在 全 國 展 開 通 緝 及 通 知 國 際 刑 警 。 法 院 發 言 人 神 色 凝 重 說 ： 「 這 種 無
禮 行 徑 ， 必 須 認 真 對 待 。 」

>>October 4, 2006 at 11:31:33 PM GMT+8