2003 年 2 月 25 日 星期二 【晴】

今日上了一堂好好的課堂，
那是一堂課外的學習；到法庭聽審。

這是我人生的第一次，向法官大人行禮，
現場有法官大人、辯方律司、檢控官，還有被告及其家人。
那個被告雖然我只見看到他的背面，但彷彿似一個人的背影。
可是又豈會是那個人呢？

整個聽審的過程，令我不其然的緊張起來，
我不停的擔心那個警員的作供，會影響整個案情的審判；
回應時他也十分緊張的，不時望一望法官的反應，
但他的回應也真是十分專業的。

另外，辯方律師在詢問海關證人時，真是十分聰明；
有點似在雞蛋裡挑骨頭，希望能找到一點對被告有利的地方。
我真的不得不服他。

但有趣的是，原來法律界都有美女的；
那法庭內的女檢控官及女庭警，
現實都有戲劇性的情景。

那就是所謂的「戲如人生，人生如戲」！

>>February 26, 2003 at 2:25:36 PM GMT+8

2003 年 2 月 24 日 星期一 【晴】

只要我-------
喜歡你，我不會花氣力去懷疑你。
喜歡你，我不會理會我在你心中是甚麼位置。
我還是喜歡你這個朋友。

>>February 25, 2003 at 10:04:37 AM GMT+8

2003 年 2 月 23 日 星期日 【晴】

發覺每逢星期一都係頗充實的一日，
一早唔知點解個鬧鐘會俾自己禁停左，遲左起身，結果當然又係遲到啦！
著左一件靚靚的衫就上學啦，其實我今日扎左辮子的。
可惜，搭巴士時太大風，唱散左...我又唔慣係車上梳頭 ( 因為我坐係車頭 )，
最後就係放左d頭髮下來。誰知小芝咁眼利 發現左我斯文的一面，
(或者係佢太得閒無野做..嘻嘻) 無法啦，但有時真係掩蓋唔到的。呵呵....
咁亦證明我個樣仲有得救啦............太好啦！

之後同阿康、nokia、阿滔、小芝、細B去左篤波，阿faye問我有咩咁好玩，
無咩既，其實就好似點解細B會喜歡踢波一樣，不過有D唔同，篤波始終唔係咁健康的。
今日的狀態不俗，連勝兩局輸一局。而最好記錄係一Q16度。
好滿足！不過真係要好好的練下波先得。
============================================================================
《乘車時》
乘車時嗅到海水的味道，
一張開眼，眼前盡是一片大海，
像一張大蓆子般，涼快得令我精神為之一振。

乘車時夕陽的映照，拉長了每個人的影子，與夕暉對望，回想起留過淚的日子。
我像風馳中的巴士般，背著那傷心的回憶繼續的向前走。

乘車時夕陽已過，餘暉已散，天空多了一層薄紗，分不清那是雲，那是紗。
============================================================================

>>February 24, 2003 at 3:16:58 PM GMT+8

2003 年 2 月 22 日 星期六 【晴】

剛才同狐狸篤完波，大家都好累，不過佢依然係大羸家。我就繼續我的「零」記錄！
無變過，繼續輸！哈哈，不過有人請我就算啦，仲請食飯，真好！
不過勁好笑，大家d衫都好似，又係紅襯杏色。
我就梗係唔會講啦！免得嚇親佢！呵呵....

食飯時，有個傻婆不停係度爆粗，激到狐狸無哂胃口。
不過我就照食，對我來講，並不是太煩，係我家，通常係有人我面前嗌交時，我都可以照睇電視。

我帶左一份補祝佢生日的禮物，因為怕郵差會偷，所以都係要親手送！
我都好喜歡個份禮物，對我來講係一份好難買到的東西，
我俾佢係打開之前估下先。呵呵...同我預期一樣，估左20次都係估唔到！
果然，佢都好喜歡這份禮物。
的確，好多野佢自己都買得到，不過這份點都係好難搵到的！
我只係希望佢係唔開心時拿出來，安慰一下佢。
我最可以做到的也只有這樣！

奇怪，原來那兩個人都喜歡那小東西。但畢竟他們是兩種人。
狐狸話我知德哥辭左職，噢！真係火都來埋了，點可以咁輕易話辭職的？
不過我倒有點佩服他的性格，無哂錢都唔希望留係個度，一d出路都無。
如果狐狸可以好似佢咁，就唔會仲留係個度啦。唉.....

神呀，請你保守他們早日找到自己應走的路！

>>February 22, 2003 at 6:00:00 PM GMT+8

2003 年 2 月 21 日 星期五 【晴】

後記：想同大家分享我的作品。
這是我第一次寫的作品，作於2002年的。
仲記得我當時一個人係自修室，但這是我最愛的作品。
=====================================================================
在牧師面前, 有一對情侶
牧師問男士: 你願唔願意得到更多的幸福?
男子回應: 我願意
牧師轉向女士問: 你願唔願意放棄少少的幸福去給予你身旁的人更多的幸福?
女士立刻回應: 我願意

牧師聽罷, 請那對小情人除去手上的指環,
牧師將兩隻指環變成四隻指環, 再交回兩個人,
男士取回指環後, 背著那一直心愛他的女子, 離開教堂......

留下的女子, 望住那個已沒有人影的門口, 握住手中兩隻指環
淚, 不停的流......
對於男子選擇得到更多的幸福, 她並不覺得男子貪心,
因為她的愛正是希望她所愛的人得到幸福, 不但從她手中得到幸福
更希望他可以從他的朋友中得到更多幸福
淚的流下, 因為女子不能親手賦予幸福予他所深愛的人
反而要選擇讓別人給他幸福.......
但畢竟, 女子並無後悔愛上這個男子, 因為無悔, 真正地愛一個人已教她感到自豪
而且她最後都讓她所愛的人得到幸福!

愛一個人不一定要佔有, 愛一個人係希望他從你手中得到幸福
即使係直接或間接也好..........

>>February 22, 2003 at 8:03:46 AM GMT+8

2003 年 2 月 20 日 星期四 【晴】

開始真係警覺到讀書的壓力，那無形的壓力，令我不敢再輕視它了。
心情低落了不少，但一離開課室後，我真係好高興可以有一班好同學，
令我一走出課室後就可以將壓力趕走。

唉！本來狐狸約左我食飯，點知俾佢放我飛機！
不過有番一個朋友真好，這是我最想希望的！仲以為佢仲怪我...
不過，同阿滔食左個唔錯的下午茶！好！好！
哈哈....
=====================================================================
時間長短唔係問題，最緊要你地有這個心去珍惜大家。
有時回想起，彼此深刻的回憶可能不多，假使來來去去都是行街、食飯，
但日子還是由你倆一齊走出來的，不是嗎?

那是一個二人三足的遊戲，一個趺倒，另一個立時會扶持對方，
而圍繞你們的紅線會陪住你們到達終點。即使中途有幾多人想挑戰你們，
只要走好你們的路，繼續信任你身旁的拍擋，完成賽事就贏啦！

>>February 21, 2003 at 3:52:29 PM GMT+8

2003 年 2 月 19 日 星期三 【雨】

今早一出門，準備上巴士時才發現原來唔忘得帶銀包，匆忙的折返回家，結果還是遲到了。
真不幸！

>>February 20, 2003 at 5:55:06 AM GMT+8

2003 年 2 月 18 日 星期二 【晴】

今日一早就起身，應承左大家早d返我就會做得到的！
上左2個鐘accounting，都已經無咩感覺了，已經係我讀第六年的account了，
但依然係好差，我會繼續努力的。

放左學，同好友阿滔篤波，始終都不得不承認係初哥，靠好運係唔掂的，
事實都證明左我倆個知咩叫實力，就只係得第2 局係我地既真正實力。
之前個局，忘記佢啦！ (雖然係咁，但真打得好開心，無去錯！多謝！)

今日搭巴士睇到份報紙，又有人死了！心總是覺得好不安，尤其係車禍，
總怕報紙上見到的係我識的人。所以，我唔喜歡睇報紙，除左港聞。
而上次，俾成哥嚇一嚇，我真以為佢出左咩事，差d喊左出來。唉~~~~

兄弟們，係我見你地之前，請你們好好的保重自己呀！

>>February 19, 2003 at 9:00:48 AM GMT+8

2003 年 2 月 17 日 星期一 【晴】

休息了一晚，始終還是病倒了。喉嚨痛!!
一天清早去光顧診所，噢!! 成舊水又無左...

快樂的時刻真令人懷念，昨日是美好的一天。
一行六個人去左飲茶，好耐都無同大家飲茶啦，感覺特別好！
其後又上了一堂充實的法律，又豐富了我的智識了！
我特別喜歡阿sir著衫的style，似我老豆，型仔。hehe..

夜晚同左阿ron去荃灣約ellen，一等就等左2 個半鐘。早知叫多d人，可以一齊等..哈哈!!
等到無聊，我同阿ron影卡卡，噢!! 2 個少女真有味道!!
之後仲去d counter度測試一下自己的血管。..唔唔.....醫師話，都算健康，但最近心浮氣躁，不是好事，搞到d血管塞左少少。
個醫師令我諗起黃家強既「驚恐症」！！！

好！要好好的條理一下身子才可................

>>February 18, 2003 at 1:06:53 PM GMT+8

2003 年 2 月 15 日 星期六 【晴】

今日我去左試「燕窩燉蛋」，不錯，不錯。
仲買左一份小禮物，幾得意的！

今日我睇番我地以前拍過既短片。但今次我試下自己唔係用眼睇，係用心聽，去聽大家既心聲，聽大家既笑聲，個種感覺比用眼睇更感動。
我的朋友，你地果然係一班好兄弟。

如果你想擁有，必定要經過爭取。
過去一年，我們的約會，都是經過我們用心安排的。
不論係搞生日會、去唱k、去食晚飯，我地都有用心去安排。
為的都是想大家開心，擁有美好的回憶。
近半年，我地見多左面，其實我好開心的。因為可以同大家係一齊。
始終我都相信「有緣做到朋友是好難得的，只要大家拿個心出來，無野係無可能的，right？」
=================================================================================
今日我買左dabby(狄比)轉工後有份製作出版的「bu bu子」。
哈哈，d畫好得意呀。

今晚，家裡充滿歡笑。
因為阿爸發現左我同一樣咁鬼衰的地方，勁搞笑！
我個樣似阿媽，性格就似阿爸。哈哈，我喜歡這種性格。
我阿爸經常會講好多笑話的，不過我地同時都係好惡的呀。你敢惹我？！

>>February 16, 2003 at 2:39:32 PM GMT+8