2003 年 2 月 14 日 星期五 【晴】

一早同佢講清楚後，心情都好左好多。
不過佢唔可以預期我可以當無事發生。

今日去左同heidi, joey,優秀, 杰, kinski唱k, 好抵呀...
之後同heidi, joey去左旺中，hehe....我地終於都做左個樣野...開心!!

最近開始接觸法律，感覺真係幾好，好有趣味，不過條路會愈來愈辛苦。
努力！努力！

>>February 15, 2003 at 11:20:30 AM GMT+8

2003 年 2 月 13 日 星期四 【晴】

情人節快樂!
如果你無情人的話，我希望你同我一樣早日找到幸福啦。

雖然今日無收到d咩情人禮物，不過有Fanny同carmen既巧克力。哈哈...
而我自己都買左一件衫俾自己，多錢就要駛下架啦!!

好耐都無踢毽啦!! 今日同大家踢左成個鐘，好開心!
記得有 3 個大男人係度救個毽的情景。勁搞笑!
成龍大哥係最「騎里」的一個，~~~「淩空一字馬」、阿滔既獨門絕招....哈哈!
====================================================================
.........................................................................(俾我冷靜下，冷靜下我就會無事。)
我唔會忘記你既態度！

>>February 14, 2003 at 3:04:09 PM GMT+8

2003 年 2 月 12 日 星期三 【晴】

今日係我爸爸的生日，祝他生日快樂!! 呵呵.....
唉........我地做女想同老豆食飯都要排隊，爸爸的生日約會足足要慶祝幾日。
哈哈! 鬼叫佢同我一樣都咁受歡迎咩!!! 哈哈

今日終於都可以脫離苦難啦，因為project終於係我面對電腦18小時後大功告成。
由早上9時至零晨3點，我真係盡哂力啦，fanny都有來我屋企幫我手，仲留係度食飯。
呵呵.... 佢終於都明白點解我好難減肥啦，因為我有一個好廚藝的媽媽 !

今晚要早好好訓一覺!!!

>>February 13, 2003 at 11:34:47 AM GMT+8

2003 年 2 月 11 日 星期二 【陰】

我特地放自己一日假，希望係最後機會完成個project。
好辛苦，死做，爛做。
不過做得都似樣的。呵呵....不枉我捱幾日夜。

我是否傻了?！竟然甘心情願教你點樣追女仔。
我不是大方，我心仍有點兒戚戚然，但還是希望自己愛過的人可以得到幸福的。
好希望你懂得如何去愛人，好好的對待另一個愛你的女仔。
======================================================================
即使是我的朋友、我的情人、我的親人，
只要我任何一個動作，都再沒有任何人的影子，我就真的放得低他們了。
然而，放低他們其實好不容易，
因為他們都真的認真的走過了我的生命。
======================================================================
我要同阿ron一樣，好好的放低那一個佢。
望遠d，去追尋那一個站在遠方靜靜地等待著我們的另一個他。

>>February 12, 2003 at 2:43:38 AM GMT+8

2003 年 2 月 10 日 星期一 【晴】

昨日，貴利打電話來，以為問我d咩! 竟然係同我講: 情人節送d咩俾女仔好呀?
噢! 聽到我都好無奈，我只講左句: 我已經兩年無經歷過情人節啦! 我未必幫到你。

佢仲問我: 咁你想要咩呀?
我話: 我想要公仔。 你唔會買俾你女朋友架啦......
佢: 係呀....我買左好多俾佢。

唉.....真無奈! 不過見佢咁有心買禮物俾自己女朋友，還是不得不感動的。
最後我都幫佢諗左幾個idea，又介紹左幾個可以買到佢想買的地方。佢女朋友應該會好sweet!

哈哈.......情人節!
==================================================================================
滔，
日日都係情人節，你唔好出街呀! 笨!
大男人........
==================================================================================
今日，我抄左一句好有文采的句語俾阿滔，打算同佢分享下。
「登山時無法卸下的是自己，思念中無法卸下的是你」..真係寫得好好!

阿滔睇完，即時舉一反三，
「登山時無法卸下的是自己，思念中無法卸下的是你；
游泳時無法卸下的是泳褲。」
可恨他的文采不翼而飛...........

誰知，阿飛一睇之下更有所領悟，
「登山時無法卸下的是自己，思念中無法卸下的是你；
游泳時無法卸下的是泳褲，便秘時無法瀉下的是便便。」

雖然核突野就唔應該收錄係我的diary中，不過真係太好笑啦。

>>February 11, 2003 at 6:26:50 PM GMT+8

2003 年 2 月 9 日 星期日 【晴】

昨日約左阿B出來，當然係去篤波啦，我地一來就打足3個幾鐘，打到我隻手好累。
連續5局的賽事，一如以往，食哂蛋。 5 比 0 .......唉!
佢仲話要同我特訓，等我可以打得好d。呵呵..好感動!
等我清哂我手頭上project，我會去受訓的。

之後我地去左食飯，噢! 傑仔型左wor......呵呵....愈來愈似才叔叔啦!!
今日餐飯好開心，大家有講有笑，大人有大人講，我地有我地傾。
真開心。

昨晚我寫左一封信，短短幾個字就寫左我成個鐘。
希望佢會活得開心。

>>February 10, 2003 at 6:03:46 AM GMT+8

2003 年 2 月 8 日 星期六 【晴】

這一刻的心情好唔高興....... ----- 12:25am
=======================================================================

WASABI講得岩，我地永遠與人分享快樂，但偏偏哭時又一個人在角落裡!
可以睇到自己喊的人真係唔多!假若分享你的快樂同時也可分享你的淚水之朋友，
才可叫做真朋友。

我唔敢講我係誰人的知己。
但朋友可以俾你睇到另一面的自己，你想朋友點對你，還是希望自己點對朋友。
我最好的朋友，永遠都係遲到的。即使我還是知道佢會遲到，但我還是會準時的到達，
那是我對自己的要求。即使我知道到時我仍然會鬧一鬧佢。

朋友係我心目中，係可令我肯定自己價值的人，不但肯定我係佢地心見中有位置，
而且還俾我知道，我係一個有用的人。
老實講，我係一個自卑的人。以前的我絕無可能會係人地面前大笑的。
我好想你試下認識多d不同性格的人。

或者有一日我或會發現我的好朋友變左，那的確係有d無奈。
但佢還是我心目中那個重要的朋友，只要佢有事，我還是想向他問好，
等佢知道我還是當他好朋友的。

你不可以控制你的好朋友永遠只有你一個好朋友，
假若佢只得你一個好朋友，佢就不會進步。
而我都唔想見到我最好的朋友得我一個好朋友! ------- 12:40pm

>>February 9, 2003 at 4:50:19 AM GMT+8

2003 年 2 月 7 日 星期五 【陰】

今晚約左阿滔睇阿七做話劇，應該會幾開心的。

昨晚發左一個好奇怪的夢，
夢中的我好幸福，我相信我唔會忘記的。
我仲見到大家好認真的眼神，好奇怪。

我記得我以前都有夢見大哥同charles一齊的，另外我都有夢見沈祺，
不過自從上次見完就已經無啦。
你信唔信有報夢? 我都係個時才敢相信。
夢中相見並非因你日有所思，夜有所夢而發生的。
相信只係他們希望見你一面，其實唔駛驚的。
佢地只係有點兒唔放心你，才於夢中見你一面，俾你知道佢都無離開過你的。
有時我諗，能夠同佢係夢中相見係何等福氣之事!

昨晚的夢，或者就只得那一晚。
===============================================================
噢! 最後我都係無去到睇話劇。
點解? 唔想留低阿媽自己一個食飯啦! 唔好意思啦阿滔!
肥左好多呀我!!! 好唔開心。
要減肥...............

>>February 8, 2003 at 10:24:23 AM GMT+8

2003 年 2 月 6 日 星期四 【雨】

收到justine的小禮物，哈哈! 我已經用緊啦.....好多謝你。

今晚又過海啦，去食飯呀....哈哈!
香港、九龍、新界，都有好多朋友啦! 好開心，彷彿我的世界容納了很多不同性格的人。
還欠什麼呢? 答案就是你。

雖然我經常提及愛情，但係人面前，我口中提及的大部份的都是fion, kimmy, 炒蜆, 俊俊, 阿成, 貴利...。
寫日記好似同自己講野咁，想將自己一個人的心情講出來。
那是我感情的一部份。

假若，可以介紹我最好的幾個朋友同大家玩，一定會係好開心的事。
大家一定會好喜歡他們。

22/2 係健威離港的一天。
23/2 係灝霖兄離港的一天。

>>February 7, 2003 at 7:16:29 AM GMT+8

2003 年 2 月 5 日 星期三 【晴】

fanny你真係客氣啦!
今日fanny來左我屋企做project，不過真正做project既時間其實真係好少。
大部份時間都係係度玩下、傾下計、睇下相咁啦，煮飯俾你食都係唔想你駛咁多錢吧!
雖然有少少意外，不過餐飯都食得好開心。哈哈!!
今日fanny聽我講左好多野呀，呵呵!! 真係辛苦佢啦。

愛情上，
刻意忘記某事情，有時比記住更加難。
然而，
想記住但卻發現自己忘記了，那種心情，又是何等的難受。
原來，到頭來，兩者都真的受傷了!

>>February 6, 2003 at 2:24:32 PM GMT+8