2003 年 8 月 20 日 星期三 【晴】

真係好多謝阿康同阿faye呀，我會努力的，你地都要努力！
不過阿faye，就算你唔搵我，我都會搵你的！呵呵...

今日一早明明已經係11點左右出去，打算一定可以準時約wing wing的！
點知又係遲，都唔知點解會咁的！

本來約左去食sushi之後去科學館的，但係原來逢星期四係開到5點的，咁就決定再下次先去了！
食完野之後同左wing wing去左奧海城睇戲，本來我想睇「假如愛有天意」的，點知俾個「龍咁威」吸引左去。
笑下都好的，而且我好鍾意鄭中基。

真係好好笑，鄭中基做得不錯。而且仲有我最喜愛男歌手---張學友，友情客串。
對於唔睇報紙的我，實在對學友既出現太意外啦，佢真係好得意呀.....
我成日都好希望學友快d同中基再合唱的，但竟然係拍戲，真係好開心！

睇完一套好滿足既戲，就同wing wing由奧運行去旺角，再由行去尖沙咀，
唔知行左幾耐，完全無睇過時間，兩條友仔就係咁行，講呀講！
不知不覺，都行左兩個半小時~終於都覺得有d餓而坐低食野。

今晚，我發覺左wing wing原來係一個比我想像中有分別的人，
又話自己唔講粗口，俾佢呃鬼左tim，而且佢既歷史真係非同小可。
原來我識既人係咁利害的……

YEAH~~~~嘩嘩嘩！我聽日可以去睇傅家俊對亨特利！勁呀！
本來係同heidI去的，點知佢有事唔去得lu，我要臨時call人去tim，
本來想搵阿滔的，點知佢拒絕我！之後搵阿康，佢又要踢波。
好愁之際，我戰戰兢兢打俾nokia，心想佢都唔會同我去的。
點知佢一口答應我。天呀！開心死我lor~~~

今日真係又滿足又開心。thanks thanks....

>>August 21, 2003 at 6:16:29 PM GMT+8

2003 年 8 月 19 日 星期二 【陰】

阿faye、nokia既離開，
走上自己選擇的路。
一時想起，
驚覺將會有大改變。

我地再不會一齊做proejct，
再不會一齊食賤飯，
再不會一齊踢毽，
再不會一齊拍生活短片……

日子將會變得如何哩？

>>August 20, 2003 at 3:09:18 PM GMT+8

2003 年 8 月 18 日 星期一 【雨】

哈哈~~剛從中山返港，好累了！
坐車坐到人都累，一返到家，沖個靚涼，就上網了！
噢~~今早趁christy臨上機前打個電話俾佢，佢不知幾touching，我仲俾左個goodbye kiss佢！

之前聽蔡寶講佢細佬升到中六，真係好。
當然我表弟都升到啦~~~呵呵....大家都要俾心機啦，繼續努力！

今日返家時係中山遇上行雷閃電，我望到天空好多橫過的雷電，有好幾下更清楚看到閃電。有時真會被它驚壞，因為不知下一秒會否就是擊中我們。

幸好，我們還是安全，得到平安。

>>August 19, 2003 at 6:12:08 PM GMT+8

2003 年 8 月 17 日 星期日 【晴】

昨晚一家人去左灣仔同意姐食飯，不知是否還未病好的關係，總覺得昨晚的菜餚不是太好！

返到家，榮榮打來叫我落去七記俾d曲奇佢啦，我仲想沖涼的嘛~
見到佢女友tim，樣子不錯呀，叫mandy，總係覺得係邊度聽過的名字。嘻嘻~~

剛才醒起，俊俊原來唔係香港，仲想搵佢tim~~~~~唉！

昨晚打左電話問蔡寶野，搞笑，我又唔記得左阿成個電話。唉~~~依家我會記得啦~~~
阿成話我有男朋友，都唔知邊個咁大整蠱，佢話係我自己講的。點會哩？我仲要搵男友的。唔怪得一個二個最近無搵我啦，原來以為我有男朋友。真係呀！......

>>August 17, 2003 at 3:35:27 PM GMT+8

2003 年 8 月 16 日 星期六 【陰】

昨日睇返我過去係kimmy網頁寫過的留言，才發覺原來自己所寫的都頗感性的。呵呵~~~

有時看返，發覺自己當時竟可寫出這些說話的，可能真的只有我才做到。有時也懷疑真的是我寫的嗎？怎可能會寫出這些東西？

或者我比較自戀，看到自己所寫的有時還是會有股感動的。

變了心的你或她，
始終沒有怪大家的。
不是嗎？
你並沒有怪她或自己。
事情來了，既已發生，過去了，也只可作回憶。
你、我、她都已學懂了在一個人中生活。
你更比別人早一步學到了珍惜身邊那一個她。

其實我也不知道自己所講的是對與否…………

>>August 17, 2003 at 8:05:44 AM GMT+8

2003 年 8 月 15 日 星期五 【晴】

今日本來要入camp帶學生的，但係隻眼仲係腫起左，只好同partrick講去唔到啦！

阿媽見我隻眼咁，驚死我唔可以同佢去中山，就迫左我去睇醫生。幸好阿媽叫我去睇，如果唔係我都唔知自己生眼瘡，醫生仲話好彩來得早，如果唔係含膿時就手尾長啦，我仲以為我平時喊喊濕濕所以生野啦，但醫生話原來係因為眼內的油脂分泌塞左，令油脂積聚於眼內而形成眼瘡。哈哈~~有得醫都無咁驚，我幾驚佢叫我睇少d喊野呀！呵呵……

christy搞好哂d野，恭喜哂啦！

近日網上的病毒好利害，為安全起見，昨晚都係唔聽阿ming台就走了。而今日又花d時間去backup一下我過去同大家影的相…不知不覺，都儲滿了我兩隻cd。

等待、期待、失落、希望、再見
請開口對我說，
讓我知道，
你也真的在乎我。

>>August 16, 2003 at 9:24:23 AM GMT+8

2003 年 8 月 14 日 星期四 【晴】

昨晚又係太夜sleep，本來約左benny篤波的，都係遲左少少。

今日竟然可以贏到benny，真係有少少既意外，最後仲要爭黑柴定輸贏。呵呵~~~我最後lucky贏左。

之後返教會，中途竟然塞車，趕時間好多人都走落車到附近轉地鐵，當然我都唔例外，話左1點前要返桂記，就點都要準時的。

今日要返桂記同社工開會準備中一迎新日前的簡介會。一邊開會，隻眼又痛過，搞到心情都無哂！到我走時去完洗手間，就發現腫左，又痛又腫，咁既情況只好即時打俾二家姐取消約會了！嗚~~~會唔會再見唔到佢哩？

同左agel落一落灣仔睇mp3機，都幾好，我仲考慮緊買唔買！

返到家已經好累，一sleep就sleep到九點半，真係爽！

>>August 15, 2003 at 3:48:04 PM GMT+8

2003 年 8 月 13 日 星期三 【晴】

一早俾阿朱叫醒左，話佢今日會係沙田開工，叫我今晚等埋佢食飯，我見今晚都係自己一個人，就應承左lu~~

點知阿朱之後打來話要返公司開會，好啦，唯有自己一個人食！

難得留係屋企，今晚我親自下廚，整左忌廉粟米蜆肉蟹柳通粉，味道調得相當好！

今日要重新add返d網頁係部電腦~~都真唔簡單哩！

>>August 14, 2003 at 12:40:00 PM GMT+8

2003 年 8 月 12 日 星期二 【晴】

今日係christy生日呀，昨晚即時打電話俾佢恭喜，我地用英文溝通真不錯！但有時還是聽不懂的，但我發現我可以用到好多英文，但同時都有好多英文係唔識的，所以我要努力。

昨晚電腦死鬼左，我傷心左好耐，打俾dabby哭訴，佢介紹左我搵本源。本源實在太好啦，完全打救左我部電腦，犧牲少少mp3都係值得的。搞到6點半，即係衝出門口去旺角開飯局啦！

今晚真係好意外，有十三人來食飯。雖然開頭好多人都話來的，我都無十足的把握好多人來，但係最終都來到十三人，真係好開心！我就係咁啦，雖然唔係自己生日但都會好開心的，聚在一起，無非就是想開開心心過一晚。今晚我講既野唔多，但都好開心，因為我見到大家都有野講，唔會自成一角，這我已經覺得好夠！但我好開心可以同阿滔坐，好耐都無咁啦，如果以後返學都可以一齊坐你話幾好哩！

>>August 13, 2003 at 5:22:13 PM GMT+8

2003 年 8 月 11 日 星期一 【雨】

昨晚同左heidi、joey、angel、jsutine、cathy、杰少、spancer食飯，
之前同大家仲有佳姐去左篤波，哈哈！我始終有d擔心悶親佳姐的。

去左新星打邊爐，原來一早已經可以入席，坐到差不多十一點。係杏花村等埋二家姐，就返家啦！

一早起身以為可以搭10點船入坪洲，但二家姐臨時要做身體檢查，打算改搭11點半船的，點知我地還是遲左一分鐘！又要等下一班！

呵呵~~終於都到左坪洲，廿五分鐘船程真的好爽，又快又舒服。小時候總覺得由碼頭去阿婆的家好遠的，但係今日同二家姐一齊好快就到。

每次到坪洲，之前一定會同阿婆講聲唔好煮咁多野俾我地食，點知結果都仲係有好多野食，哈哈！魚、蝦、蟹、鮑魚、魷魚，一個午餐有咁多送，今晚唔駛再食lu~

來到坪洲，我一定會去沙灘的。今次有二家姐陪，竟有意外收穫，我拾到一隻非常完整的風螺，好開心呀~~ 雖然外表唔係好靚，但放在耳邊真係可以聽到野的！哈哈~~~好正架！

雖然好累，而且又駛左好多$，但這兩日我真係玩得好開心！多謝哂~~

>>August 12, 2003 at 1:40:56 PM GMT+8