2003 年 9 月 8 日 星期一 【晴】

哎呀...阿康，我都想同你一班的呀！
但係點都估唔到只係同你一個舊同學一班，難免有d失望的。

哈哈~~~昨日玩得太盡，好累。
不過有d意外竟然撞到阿榮少，係一個好意外既意外。
我估唔到佢會認到我。再估唔到自己個時會覺得有人叫我。
多謝angel，同王志宇打左幾局，果然好身手，
又帶我去識佢幾個新朋友，阿豪、阿輝、apple、sandy、阿武。
我地去左獅子山郊野公園bbq，真係不錯，個度好舒服呀，
而且仲可以睇到個大大的月光。正！

我好想抱，
合著眼，
幻想著，
雙眼就不由自主的哭，
好想有一個肩膊給我抱。

今日一早起身以為有街出啦，點知出左門口先知原來cancel左，無奈！
不過都好，起碼可以留係家抖下~~

隻手指前日開工時拆燈俾木板插親，以為無事啦，
點知昨日開始痛，我都仲以為係d瘀血留左係隻手指，
誰知今早起身隻手指腫左，仲含"龍"~~~my god！
我阿媽幫我手，痛到我死死下，最後我頂唔順阿媽d力度自己一個搞，
終於俾我挑左支木屑出來，真係痛死~~
=========================================================================================
今晚睇到電視講d小朋友有機會接觸到法律知識，
令我回想起，原來小時候我都有想過做律師的，
見自己以前牙尖咀利，
都有諗過將來做律師的。
不知何時，已經忘記了我曾經有這個念頭，
今時今日，我已經讀緊法律，
無論我將來如何，
這一刻我只覺好奇妙。
你呢？

>>September 9, 2003 at 12:18:38 PM GMT+8

2003 年 9 月 7 日 星期日 【晴】

為未來開學日子作最後準備----玩盡d、食盡d！
為自己安排了一系列大出血行程：洗錢、洗錢、洗錢…
剛返完工，賺既錢，都唔夠我打後幾日行程的殺戮。
唯有開學時慳d再慳d！

噢~~~原來只有阿康係同我一班，雖未至於孤寡一個。
但係都……無咩分別。嘻嘻~~~~

唔好病呀！我只想身體健康……

>>September 7, 2003 at 5:58:07 PM GMT+8

2003 年 9 月 6 日 星期六 【雨】

分班。終於都知道自己分左去邊班，
無甚麼人同我一班，好事還是壞事？也許是好的。
因為我覺得無壞，只是有d擔心識唔到人。
上一年我識既人只限於自己班，
唔似阿滔、ron、fanny般……
不過係新既學年，我會努力的，至少我要比以前更加努力，
噢…阿康都係同我一班wor，真係好啦，終於有人同我一班。哈哈！
我地班得返十二人，每三個人一班的話，咁會係邊個同我一班呢？carmen定係azura？

今日去開工先……其他野，唔諗住。

>>September 7, 2003 at 7:17:16 AM GMT+8

2003 年 9 月 5 日 星期五 【雷雨】

難得有日係家中休息，
就走左出街購物，一個人行真不錯。
我今日見到有多對新人結婚，幾美好！
我站在旁邊看，覺得好羨慕，
走過好多歡笑的人群，
我覺得好幸福。

我又見到鄭家麟，我見佢拖住女友，所以無上前打招呼，
只係同佢擦身而過，但係我回頭望佢時發覺佢都有回頭，好似做戲咁！
哈哈~~好開心，我這個哥哥仲記得我。

返到家又撞得fion，真搞笑，唔打俾我都唔會撞到佢。
多謝你個月餅，真係益我好過益佢啦！哈哈。

>>September 6, 2003 at 1:45:58 PM GMT+8

2003 年 9 月 4 日 星期四 【雷雨】

嘻嘻~~nokia同阿康哥都收到啦，哈哈！只係得返阿滔~~
其實我都覺得寄可能會係樣衰左d，不過好似有d意思wor。
算啦，都寄左lu！

今晚約左俊俊同本源食飯呀~~Go go go！
哈哈~~我終於都LOAD哂D相上網啦，
大家去返個相網就可以睇到上次阿FAYE同NOKIA生日D相架啦~

今日晚同本源食飯，原來叫埋男哥wor，意外呀！我無見佢好耐啦~
不過係開心既一晚，我帶左佢地去食西餐，依然係咁有水準。
嘩~~雖然以前返學我都見過俊俊著恤衫西褲，但係返工個d真係第一次見，
不錯wor，型仔好多~~~哈哈！唔會讚壞左呱？嘻嘻~
今日男哥真係好人啦，搭多一個站來陪我，哩d朋友真係唔話得。
今晚我地仲係貼紙相舖影相，不過我地係用數碼相機影，
因為我地只係用貼紙機後的佈景來襯相，呵呵！！

>>September 5, 2003 at 4:58:34 PM GMT+8

2003 年 9 月 3 日 星期三 【陰】

今日係李彥男生日，哈哈！
好似我同佢唔多熟都記得佢生日，佢就梗係開心啦！
對於d日子我係好記得的，
大部分人既生日我都記得，哈哈~~相信熟我既人都知道我有這種特點！
除左一個日子係我成日都唔sure，
到底係20定係21號？應該係20號，但係我記得係九點十五分的。
而且我記得我分手時都迫自己唔好記得係幾時，
所以我好記得我個日就算我係幾唔開心，幾想寫低d野，都係唔寫日子的。
大約都記得少少既~~~實際係幾多號就真係唔記得啦。
所以到今日我都唔sure係幾多號，只知係12月，過左生日的~~~
============================================================================================
哈哈，原來俊俊中二時真係唔係同我一班的，
kimmy都唔係，只係炒蜆同dabby係由一中一至中四都係同一班，哈哈！
我地係中三時先再聚係一齊的，當時我仲記得我串沈祺話佢由c班打左落來，
點知佢話係落來打救我地，哈哈。

本來約好同nokia、阿康去篤波的，
點知nokia有工開啦，無得去lu~~希望佢開工大吉啦！

結果我同angel去左篤波，哈哈！去左新開既太子桌球城，係少左d檯，但係真係唔錯。
我仲開左張卡，都幾靚的架。
終於我都買左部mp3，不錯，560蚊~~哈哈！好滿意。
之後又同左阿朱去食飯~~~哎呀~heidi去唔到啦，可惜！
咁我同angel都好有可能去唔到啦~~~ >_<

>>September 4, 2003 at 4:46:30 PM GMT+8

2003 年 9 月 2 日 星期二 【晴】

這幾日同dabby傾計，真係好開心。
我好少會咁同dabby傾的，係離開左學校先講多左。
我都記得我中四時都有同dabby一齊坐，中三就同俊俊坐，係唔係哩？~~~~
有一年，我同dabby、kimmy、沈祺、尹子揚、炒蜆一班的，是中二嗎？
dabby就同我最耐的，由中一至中四都係同一班。
我仲記得個一年係dabby第一次剪個光頭look，就係咁多年都係一樣啦，哈哈！
可能我係睇慣左，甚至知dabby以前係咩樣，識得耐，好自然會有左個免疫力。
所以d人話dabby型仔，我都只係覺得ok，睇慣左啦，所以都唔怪得d女仔會死係佢手上的。

道理上，令我想到貴利。貴利都唔係靚仔，不過佢係好仔，仲幾好人，起碼斯斯文文。
哈哈~~ 我個人好易對人有好感，亦好易鍾意人。不過我分得好清楚的。

kimmy昨日同我講佢見到charles，噢~~~係我第一個暗戀的人。
哈哈~~ 聽講佢都係咁啦。咪好lor，咁先似係我睇中既人架嘛~~雖然係過左去。呵呵~

睇到我自己d相，我開始覺得我係有d自戀狂~~~嘻嘻！

我今日都係去左科學館~~哈哈！正。

>>September 3, 2003 at 2:46:17 PM GMT+8

2003 年 9 月 1 日 星期一 【驟雨】

8號台風現正懸掛~
今次既台風真係好強，d風刮得好勁。

哈哈~今日過得算不錯了，起碼有個partner，
本來我好有心問佢叫咩名的，點知……
佢：是但啦！
我：咁是但都有個名的嘛~
佢：(望一望自己心口個R2牌) 你就叫我R2啦~
我：……
唉~ 見佢都無心同我講，我都唔打算話我自己個名佢聽 (佢結果都無問我叫咩名)。
不過今日同老豆，阿媽，蔡寶講電話，講到無哂電，哈哈~~電話分鐘多都無用。
老闆本來唔俾人走的，我話我住得遠，咁就俾我走啦！呵呵~~

唉~~WING WING話佢聽日唔可以同我去科學館啦！
又一次無得去~~可惜！
阿FAYE就係阿FAYE啦！唔駛改。

heidi今日做野時觸電，幸好都無事，我聽到有人嗌就走上去睇下，原來係heidi。
知道佢觸電真係擔心死，我昨日先試過。都知係d咩感覺啦~~~~
真係要小心d呀~

>>September 2, 2003 at 5:01:09 PM GMT+8

2003 年 8 月 31 日 星期日 【晴】

今日返工返得好唔開心。
一早開工，得我一個無得同人partner，咁就唯有自己一腳踢。
無人同我傾計，由拿野至上架都係一個人，成個場我就係咁走，
想問d人駛唔駛幫手，佢地又話唔駛，又悶又辛苦。
如果有多個人起碼可以一齊上架，又快又方便。

lunch時間，終於有得抖，一個人去左m記食野，但係個股悶氣仲係個心入面，
所以我打俾阿朱，我知佢不嬲都講開粗口的，所以我就好擅無忌旦咁爆粗發洩下，爽！
鬧完又同佢講下野咁lor，哈哈！我仲俾佢鬧返轉頭話我好講粗口。
但發洩完真係舒服好多，本來都想打俾阿ron的，點知佢又未起身。

下午做野時唔知點解係咁出手汗，終於都出事被電電親。
我個時企係條梯頂做野，突然俾野好大力咁搖左一下，
仲以為邊個做野好事，原來係我出手汗搞到觸電，個心跳之後跳得好快。
得我一個人，觸電都無人知，無人理，heidi又忙緊睇住其他人，
個一刻真係donw到不堪！

>>September 1, 2003 at 1:03:29 PM GMT+8

2003 年 8 月 30 日 星期六 【酷熱】

返左工，係d手手腳腳好累，
人就唔係太累~

今日識到左兩個女仔呀，一個叫娟娟，一個叫joyce。
兩個人好似樣的，我初初仲以為係兩姊妹tim~哈哈
我帶左佢地去食10蚊麵麵，佢地話我好識路！
哈哈~~咁當然啦，我以前係香港區讀書的，d朋友大部分都係香港區，蒲得多當然識路。
而且阿爸又會帶我周圍去的，所以我唔多唔少都識好多路的。
哈哈~~

我仲記得前幾日同阿faye講起麥當當，我先發覺自己差不多去過好多間麥記。
真係好多~~哈哈~~~地鐵中大部份既站我都去過幫襯過M記。

好，要sleep~~~~~~~~早抖。

>>August 31, 2003 at 5:01:43 PM GMT+8