2003 年 8 月 30 日 星期六 【陰】

生活靜靜似是流水
全因為你
泛起生氣……

>>August 31, 2003 at 3:18:33 AM GMT+8

2003 年 8 月 29 日 星期五 【乍寒還暖】

看到一篇日記，
說：你的成就是由別人來肯定

如果成就是由別人來肯定，
那不是沒有了自我嗎？
我所做的一切也只會是順應別人的喜好，
完全沒理會自己喜愛與否。

我承認，別人的肯定令我更有成就，
但別忘記，成就更是自己給自己的。
自己有一套對朋友的觀念，
從而令我本著自己的心去交這個朋友。
我不時都會自豪這一份堅持。

有人話我愛人多過愛自己，
但我慢慢地發現，
只要對人好，我就會對自己更好，
至少對你好﹐我並沒覺委屈，沒覺不快。
明白嗎？
這道理我也是今日才發現。

>>August 30, 2003 at 5:32:48 AM GMT+8

2003 年 8 月 28 日 星期四 【酷熱】

今日約左阿ron出街，但太熱了，
結果我地兩個人走去左唱k！
太耐無唱k了，而且好耐都無聽歌了，
發覺好多歌我都唔識唱，好唔掂。

但我今日意外地俾我見到一款Q版既香水，
好得意呀！即係俾我買左u……
===================================================================================
原來掛住一個人係可以咁有勇氣的。
我都曾幾何時有這樣的勇氣，
不過還是沒有講出口。
假如當初……又如何？都過去了。

曾幾何時
好想來電就是你的電話號碼
總是對你抱著一點點的留戀
一絲絲的希望
日子過去
拾回心情
漫漫踏出這個圈
不時我仍會回頭
留戀那些屬於我倆無人能替的日子
但只是一個回頭
轉個身我便要向前走
不管向左走還是向右走
就是不可回頭
為何我們要走到今日的地步？
你與我都無得選擇
機會成本早已是零

>>August 29, 2003 at 5:03:47 PM GMT+8

2003 年 8 月 27 日 星期三 【晴】

講左幾日想做的事，我終於都做到了。
今次我選擇了一些較鮮艷的花，
還請教了老闆如何配搭就出發。

今日比往日多了不少人上山，
可惜只有我是一個人。

有些特別，今日我搵左好耐都搵唔到上次買的花瓶，
搵左好耐，心想要借別人的花瓶時，
我求左佢幫我一下，
然後再小心細緻的逐個櫃搵，
終於俾我係一個暗位發現左，好開心！
花了心思，插好靚靚的花，非常滿足。

>>August 28, 2003 at 2:18:22 PM GMT+8

2003 年 8 月 26 日 星期二 【晴】

一早去到灣仔等左20分鐘都無25號巴士，
終於都係上左25A返學，但就遲左15分鐘。

兩日的中一迎新日終於完結，兩日來我都過得好開心。
也許我玩得比較投入，雖然當有些遊戲悶時，同學都給我冷淡的反應，
但到了下午，集體遊戲時間，大家都開始信任我，還主動問我點樣做先好。
我發覺到大家既改變，可以齊心合力做好一件事，
就算我們已經是比別人落後，就算我地快到終於時失手，
C2同學都願意重新再來過，終於我地都順利完成要求。
而且還多得幾位中一同學寶鴻、逸財既幫手，我相信他倆將來好有領導才能。

告別時，我同每一個我的組員揮手，有點兒不捨，
當佢地問我：你會唔會係度教我讀書的？
又問我會唔會係學校見到你？
我都好無奈咁答「唔會啦」
相識不夠兩日的時間，這幾句問題令我覺得我同佢地真係建立了友誼。
最得意係逸財，問我係邊個教會，要跟我一齊返！
寶鴻都好，所以我都好希望佢日後可以品學兼優~~~~

今日其實我係好想喊的，不知何解，睇到森柏斯光榮引退時，我竟然感動得流了一滴淚。
他打滾了13年，拿左無數獎，可以豁出去的說引退，唔知點解好感動。
而且今日同d中一生講byebye時我都想喊的，
都俾我死忍忍住左，其實我最想係同佢地影相的，點知佢地又要去搭校車。
結果，我都係無喊到，因為疲憊的身軀令我忘記了喊……
===============================================================================================
今晚我用肉眼都睇到火星呀，好開心呀！
同阿媽係樓下睇，真係幾光的。

>>August 27, 2003 at 3:30:03 PM GMT+8

2003 年 8 月 25 日 星期一 【晴】

一早返左桂記搞迎中一新生日，
自我離開桂記後，我從未試過咁早返學的。

今日回憶過去，乘著晨早的巴士，走著每日都會走的路，
穿過必經的街市，買了一個我心愛的包包做早餐，搭上25號巴士。

今日同d中一生玩，都不錯呀。仲同幾位老師打左招呼。
尤其係中午時我地玩跳大繩，幸好我寶刀未老，仲識得入繩，同大家先玩得較開心d！
我都好開心，心諗點解中學時唔會玩d咁既野？不過我記得以前我地都會玩下排球。
仲記得試過一次係lunch同joey、cathy個d打籃球，個時我地都好開心的！哈哈~~

放左學，叫左angel去打snooker，哈哈~~病佢都肯同我打，我好開心！
Angel打波又進步了，真係有天分。
同佢識左咁諗，佢同我真係好似，諗既野，又係有好多男性朋友……
今晚我地打得比較慢，但係好開心，慢慢打可以打出水準，
而且埋單時老板娘仲送左我幾張post card，跟住我話如果有poster就好啦，
點知老闆娘話有多，就送左我兩張poster，我好感動呀！
我唔係成日去佢都咁好相遇~~~真係唔話得！
而且幸好老板娘送野俾我地，搞到我地無即時埋單後走人，
如果唔係angel個電話就係咁無左lu，幸好那個路不拾遺的侍應哥哥拿出來問係唔係我地，
如果唔係我都唔知angel唔記得拿電話，等佢之前仲話我知執好野啦！哈哈~~~

之後ange為答謝我令佢可以減學費，請左我食飯，其實蕭sir好易話為，
開句聲一定可以減，我都好開心可以幫到angel慳返唔少錢。
不過我之前仲同我阿媽知九點半會返到的，但係都係成12點先返到家，哈哈~~~
仲俾佢串我時間觀念有問題！

>>August 26, 2003 at 5:31:31 PM GMT+8

2003 年 8 月 24 日 星期日 【雨】

昨晚教左阿faye點樣load相上網，
好開心！又同佢傾左好耐計~哈哈... ...

睇到diary，kimmy都開心返~~~真係好！我相信神真的有聽到我的禱告。

本源都有工開，大家又開心，真係好！

係麗麗叫我比較擔心。

今日天氣唔好，無得去拜祺。

>>August 25, 2003 at 6:35:45 AM GMT+8

2003 年 8 月 23 日 星期六 【雨】

請左爸媽飲完早茶後，去左同阿b篤波！
自從睇左傅家俊對亨特利之後就好想打返一場。
難得阿b又有時間，我地就打夠本為上，一打就打左5個鐘，哈哈！
7 局入面，我輸足七局，慘敗，食哂蛋。

不過，同阿b打左咁多次，打得最好係今日。
阿b都話我打波有好大既進步，有d波真係話入就話。
我都好滿意我既表現，有幾局仲同佢打到爭pink波同黑柴~~
哈哈，雖然係輸左，但係我打得好開心！

希望聽日會好天啦！

>>August 24, 2003 at 11:08:18 AM GMT+8

2003 年 8 月 22 日 星期五 【晴】

同阿滔仲有阿ron昨晚係icq傾計，我好開心！
問到我地d回憶，我總會記得的。當然我唔會忘記啦！
我仲約好阿滔我地要拍更多既短片俾阿faye睇！哈哈~~~

或者我是盲緊張，
但對於自己最好的朋友，
平時還是很放心的，
但睇住佢一直咁唔開心，
做朋友又幫唔到手時，
都好唔開心！

明明係想抖下的，點解又要搞到自己咁忙哩？
就不可以放低一下嗎？
如果做野係開心的，我一定會替你開心，替你高興。
但這一刻，我只替你擔心。
至少都要離開那個地方，出去走走。

如果做回原來的自己，
最後所剩低的人，
才是真正的朋友。
============================================================================================
今日真係唔知點解，愁愁地！
打俾阿朱傾下計，
串下佢，讚下自己，
佢都仲叫我去死！哈哈~~~~

我真係服左佢，可以同我講咁多次既人就只有佢，
話佢傻，佢又認！
跟住就傾傾下有左靈感去幫「高妹正傳」改歌詞。

「高妹正傳」

沒有day off
沒有加班經已當做夢
閒時睇樓
幻想笨豬jump都死幾次
雖說習慣
加班OT無糧都不計
就算斟埋茶你話我扮野
不過我都 (無從投訴)

我沒有六呎高
也沒有五呎高
我只會蒲那加連威老道
你話我是皮草
踩低我就當根羽毛
我沒有學法術
怎會跟你飛到外國闖
你家陣確無咩係錯
我自認非好漢
從此
請不要為我加冕
我未係白雪非公主
是個死野

用左半個鐘改好的，算係咁啦呱！哈哈~~~我係唔係好有才華呢？

>>August 23, 2003 at 1:06:43 PM GMT+8

2003 年 8 月 21 日 星期四 【雨】

嗚~~~nokia！你怪我呀？
按道理就梗係要搵阿滔先啦，這點我信你明白我的。
之後我係諗阿康同你架啦，但係邊個先好呢？
結果都係阿康先~~~~嗚嗚..你就原諒我啦！哈哈~~~~

你唔係後備的，你係我朋友來的呀....飛就係得一張......
你要明白、明白呀.....
------------------------------------------------------------------------------------------------------------------------------------------
剛才我又拿起我同阿滔、阿faye、nokia、細b、阿ron、阿康影既貼紙相出來睇，
雖然我覺得可以同過佢地影過相，經已好感恩啦，但唔知幾時我地再有機會走係一齊影哩？
係大家下次再一齊影前，我會好好咁保存這張相的。
------------------------------------------------------------------------------------------------------------------------------------------
COOL~ 精彩！精彩！真係好想大叫「好」！
終於都可以等到傅家俊同亨特利既比賽啦！正！
係開場前竟然撞到狐狸，原來佢同哥哥就坐係我地隔離個行，仲以為點都撞唔到tim~
我又見到ben ben wor...真係撞到好鬼多人！

傅家俊雖然係輸左，而且所有球手既表現都係不是太好，但係就睇得我好得肉緊！
嘩~~~仲記得傅家俊一出場好似行catwalk咁，型仔到爆！
之後到亨特利出場，仲型仔，好似兩個人係度連形象都鬥埋~~勁搞笑！

今晚仲見到arron kwok、張志霖拖住靚靚、仲有邱淑貞同佢老公一齊來睇比賽！
佢地來係捧杜赫迪(愛爾蘭)場的！
到左第六組賽事，唔想睇中國神童就同nokia走左lu~

臨走時又會會場外見到球手阿里(巴基斯坦)，佢換左便服，但我一眼就認得係佢啦！
佢仲對我笑，我對佢揮手呀~~~哈哈....爽呀！不過nokia話唔認得佢wor~~~嘻嘻

不過真係多謝nokia肯去睇比賽，又同我撐檯腳wor。
好！今日好開心，過得好好~~~thanks！

>>August 22, 2003 at 4:30:50 PM GMT+8