2003 年 4 月 5 日 星期六 【陰】

昨日媽媽送了我一條好靚的鏈，
開心！

昨晚又同大家係icq開心咁chat左一陣哩~~

一直以來，我都好希望父母會接受我的朋友，
幸好，我媽媽都不錯呢~~ 好錫kimmy、炒蜆、fion、麗麗、貓鷹...
而且我都有一班好錫我的朋友哩~~
永遠會暗地裡遷就我，俾我早d返屋企！我是好感激的！

曾經，我希望同貴利、阿成佢地做到好好的朋友，
所以好希望玩通宵哩~~
不過，那種生活還是不適合我的，
之前一直都無玩通宵，他們還不是我的好朋友嗎？
是的。他們還是接受那個我，我倒要多謝佢地呢~~
不過佢地都唔知哩~~ 如果知道左會點？？哈哈.....佢地可能會唔慣而打我lor~~
=======================================================================
剛才同麗麗仲有超超，去左行山，
嘩!! 真係少d腳骨力都唔得呀！好辛苦哩~~~~
有d腳震tim~~~ 呵呵....係誇張左少少，不過凍就真係堅的，
我都怕會凍病哩~~
聽日，約左阿b....呵呵~~ 安全呱???
不過身體健康就夠啦！

>>April 6, 2003 at 10:38:55 AM GMT+8

2003 年 4 月 4 日 星期五 【晴】

今日係大x樂同媽媽食下午茶，
臨走前，我望住碗上所剩下的油，
我問︰媽，你知道這幾點油會動嗎？
媽︰你整佢就會動。
我問︰你又知道這幾點油，點樣會走在一起嗎？
媽︰唔知喎。
我︰只要用牙籤將兩點推在一齊就可以了！就似人與人之間，把你倆牽引在一起的，
除了緣份，還要天時、地利、人和。

今日阿媽罕有地問我一句︰光頭仔點呀？
我錯愕了一會，我估係講佢吧！我便話︰佢好好呀！
之後講左一大段佢既近況，(我所知既幾其實唔多！呵呵~~)
阿媽聽完就只講左句︰咁咪好lor~~
我諗︰係呀！應該好好哩~~

>>April 5, 2003 at 3:27:24 PM GMT+8

2003 年 4 月 3 日 星期四 【陰】

【希編】

留下「再見」，你就走了！是否流著兩行淚？之前，還強裝沒所謂的笑，說著自己會好好的過活，但知否你的背影狠心地出賣了你？我說中了，對不？我努力地說服自己相信你剛才的謊話，但卻騙不了自己對你的了解。到了此地步，我竟才知曉我對你的心意！

剛才你說要離開我，我不覺得可惜，我想，也是時候吧！然而此刻，心卻猶如刀割地隱隱作痛，是要懲罰我嗎？懲罰我過去對你的冷漠嗎？

我從褲袋伸了手出來的，但太遲了！你的背影已經越來越遠，也越來越模糊，我只可以清晰看到你最後消失的那一點。我可以走上前的，但這一刻的我可為你做甚麼？

我改不了我的執著，我的大男人，我的自卑，也是你不得不離開我的原因吧？再留住你，我還是甚麼都給不到你。

也許分開會令你鬆一口氣的，就留下我一個人在回憶中折騰吧！
=================================================================================================
【月編】

對不起。我不得不作出抉擇，太累了。為你哭得太多了，我已經無力氣走那條未完的路，原諒我！

我費了好大的力氣才叫自己轉身走。令你幸福是我最想做的，給不了你幸福，是我失敗了！如期單手擁抱，倒不如和平分手。我的世界，已失去了你久違的笑容，你知道嗎？是我錯了嗎！也許吧。你不用再改變了，你有權利的去執著、去自卑、去當主導者。

轉身的一刻，我還有一刻想你叫停我。只要你伸出手，拉一下我衣袖，我便會放下自尊不顧一切的掉頭！但你沒有，我心碎了，徹底的心碎了！淚如決堤般傾瀉下來，但我不敢去抹，我知若伸手去抹的話，我便再沒有力氣向前走！

心裡不停的呼喚著你的名子，但我臨走前留低的就只有「再見」。
再見！再見！還會再見嗎？
=================================================================================================
【後記】
這是我最新的作品呀！好匆忙下寫的，請指教啦！

>>April 4, 2003 at 3:35:29 PM GMT+8

2003 年 4 月 2 日 星期三 【晴】

要宣佈停多幾耐課啦係嗎??
都好的。

不過，我發現街上少左人帶口罩了，
怎能如此鬆懈的？？
帶口罩，不是為你自己，也是為他人的。
講你帶回你個回罩啦，
如果唔係，到時唔好怨政府做唔到野、無能！

>>April 3, 2003 at 1:24:27 PM GMT+8

2003 年 4 月 1 日 星期二 【陰】

快d買數碼相機，
我好想同你地影多d相！
拍更多的movie，讓我們自豪一番！

等多我一排啦，我一定會買的，
今年要破好多的財，不過，
財散人安樂吧！

不過唔好叫我散俾你地呀....尤其係heidi呀！！
好想有一部愛心字典呀...
仲有要學野~~~
仲有如果俾我見到個隻咸蛋超人公仔，我一定會買的，
我唔會再等人送俾我的啦！
或者，到我想買時，佢已經俾人買左……
=========================================================
懷疑係每一個人都做到的，
但要去相信人就好難了，
做一個可以信任別人的孩子，
我信一定會有幫助別人的力量。

原來人一出世不是善良的，
是慾望，令他們生存下來，
善良係後天產生出來的，
所以我們在不停的學習別人，
把自己變好。

幾米，一個出色的作家，
卻寫了一句，
「惡魔的孩子都是惡魔」
我好反感，自此，我無再打開那本書。
幾米，真係值得人喜愛嗎?

所有事情，都有兩體的，
文字可以幫人、救人、也可以害人，
icq同樣不也是一樣嗎！

>>April 2, 2003 at 8:37:58 AM GMT+8

2003 年 3 月 31 日 星期一 【晴】

剛才同麗麗行了一會，
風吹起來好舒服哩~~~~~~

我地一齊去左食雪糕磚，自上次係大埔食完之後就無食過啦！
而感覺上，已經無以前咁好味，可以當時係好熱的，
食起上來特別好味！

感覺雖然變了，但我永遠會記得你同我分享過的雪糕！

我做唔到d功課呀...bia呀...........
========================================================================
今晚特別寧靜，因為電視機壞了，
本來寂靜的夜晚，被張國榮突來的死訊打破了！
傻！真係傻！也替他可惜！

我見到媽媽打電話俾人聽時，
我，我諗起了當時我都有做過同一的動作。
當時打電話俾kimmy、俊俊、dabby、炒蜆、貓鷹的我，每打一個電話，都好辛苦。
要開口話俾人知，他死了！心情如何？
有的，只有心痛！

>>April 1, 2003 at 2:55:17 PM GMT+8

2003 年 3 月 30 日 星期日 【晴】

剛才阿成打俾我，好耐都無打來啦，衰仔！
傾談中，又提起大家的傷心事，唉！都唔知係邊個講起先！哼！
其實有發生過的感情又點會唔諗呢？

好正常吧！我偶然都會諗起蔡寶同狐狸的，那又如何？
想起只係因為見到有d人似佢，
想起只係見到一d好熟悉的動作，
想起只係聽到一句好耳熟的說話…
只要細想，其實想起除了因為你愛過他外，
也同時因為你愛的他，原來是多麼平凡的一個人啊！
平凡得令你經常都會見到他的影子，從而又想起了他！

哈哈！那到底愛一個平凡人好，還是愛一個不平凡的人好呢？
別傻啦！想完了，我不也是我嗎！
悶死啦~~~~~~~可以出街嗎?????

>>March 31, 2003 at 6:17:54 AM GMT+8

2003 年 3 月 29 日 星期六 【陰】

今日有好多野諗，不過多謝heidi個擁抱先！
哈哈！我知道我有好多好朋友都有睇我日記的，
不過除左阿成、貴利等人。
一班唔會睇到我日記的好朋友，一班幾時都係好忙，但幾時都係咁可靠的一班朋友！

阿成，一個經常遲到，十分大洗，又叫人擔心的一個人；
擁有十分了得的口才，可以說是數碼器材的專家。

貴利，一個傳說中的萬女迷，在我的眼中，好多人都係睇佢頭的，但感覺上，
佢有時會好辛苦；一個會同朋友分享的人，重朋友的一個人。

蔡寶，一個好重視朋友的人，但好少會記朋友生日的人，一個熱愛攝影，也是唯一我傳授了轉筆的人，呵呵！有心事時卻不敢輕易同人分享，怕煩到人；但卻是一個寫字好少錯的人。

這四個人，係桂記時為我帶來好多回憶的，他們都有一個共同的特點，
對朋友佢地係好認真的，我發現我身邊的好朋友都係好重朋友的。
狐狸、fion、kimmy、joey、滔、麗麗，每一邊的好朋友都是這樣的，
我同佢地雖然唔係成日見，有時可能半年先見一次，
不過就係從來都唔會覺得大家會有被忽略的感覺，
因為我知道他們身邊都有好多朋友，會為他們分享、分擔，
大家既生活圈子都可以容納好多不同的朋友，
作為你們的朋友，我，亦感到自豪，
只要你們需要，我一定會係你地身邊的！

>>March 30, 2003 at 7:39:47 AM GMT+8

2003 年 3 月 29 日 星期六 【晴】

剛才同阿成傾完又同狐狸傾，
好彩佢地都無事，真係擔心死人！
志盈個邊都好擔心，好彩佢都無事。
大家真係要小心d呀，雖然我唔係個個都打電話問候，不過我係好關心大家架！
======================================================================
我為你付出的感情係真的，
你係知道的！
我一定感受到的，請感動時，就緊緊擁抱我吧！
我要的只是你一個抱！咩都唔駛講！
抱住你，我會比任何人都有福氣！
偏偏我只是一個好普通的女仔，無法擁有，
我好錫我自己，我開心會獎勵自己，
我唔開心，我會有朋友分享，
唯獨我怎都擁抱不了自己！
所以我好喜歡把我喜歡的人擁抱！

>>March 29, 2003 at 6:06:53 PM GMT+8

2003 年 3 月 28 日 星期五 【陰】

早呀，係放假的第一天！
爸爸媽媽已經返來啦，真係好！
不過禮物就無咩啦，我有個靚鎖匙扣，yeah！
太好啦，後日唔駛去睇牙，真好！
不過，我有d擔心後日的「黃子華」個個show，好似好危險咁！
都唔知點算，我怕坐係附近有淘大住戶，阿康都好少少啦！嘻嘻~~
可能，一路睇，一路驚！到時真係要搵定出口，一唔對路就要走人！呵呵~~~

哎呀，又見到麗麗啦！諗起前幾日盲 好笑，我地睇岩左介指，一人買左一隻唔同款的，
點知個老闆同我地講，這邊都有情侶介指wor~~~~
呵呵~~~我同麗麗笑左一笑，就好有默契咁扮情侶啦！
諗起都開心！
===============================================================================
哎呀！狐狸都係住牛頭角的，好擔心呀！
希望佢同佢阿哥會無事啦。神呀！你要保佑佢呀....
好彩香港區唔多，如果唔係真係擔心死人！
大興有事wor...... ellen係咪住大興架???
阿康同盈盈你地都要小心d呀~~~~~

>>March 29, 2003 at 5:16:03 AM GMT+8