2003 年 6 月 7 日 星期六 【陰】

意外的一天，大姐今日過大海，
結果我去左麗麗家食午飯，
之後麗麗到我家借用電腦做功課！
cool~~~倆條友係度做呀做，
做到零晨兩點幾都未做完，無法，唯有留佢係我家睡，
佢係我第一個朋友正式係我家sleep的，
因為得到我爸媽的准許。

cool~~~前晚睇左明珠的傅家俊，佢實在太可愛啦！

>>June 9, 2003 at 2:47:44 AM GMT+8

2003 年 6 月 6 日 星期五 【雨】

「不要問國家能給你甚麼，要問你能給國家甚麼。」------- 甘迺迪

中國人的身份，
我們又會認同自己有幾多。
認定自己是中國人，
我們又能給它甚麼。
在世界的大同下，
香港是數一數二的貴地城市，
是數學發達、醫術昌明的城市。
然而這地方只是世界版圖上微細如塵的一點，
但就在世界的大同下，
微如塵的一點也會有人注意。
我們可以給中國甚麼？
做好香港，
已經做好中國。

>>June 7, 2003 at 11:53:01 AM GMT+8

2003 年 6 月 5 日 星期四 【晴】

噢~~~~游完水周身骨痛！
聽日考試，要努力！

原來愛一個人
那股力量竟是如此的大
往往是在我們所想之外
你說她傻
她卻比任何人都勇敢
即使她比任何人都易受傷
但只要有那一個人的存在
她就變得更有價值

愛一個人
像是機會成本的概念
我們會捨棄最高的成本
而無論所選擇的有何改變
成本依然
因為你已經選擇了
所愛的就是那個人

>>June 6, 2003 at 11:43:23 AM GMT+8

2003 年 6 月 4 日 星期三 【晴】

6月5日，係阿成生日呀！
竟然遲左十分鐘，都仲係我第一個恭喜的人。
難道貴利同蔡寶佢地唔記得左？
應該唔會既，或者佢地唔係個種會打俾人講生日快樂的人。
不過生日既人竟然調轉頭來祝我早日搵到男朋友！哈哈~~~
會既。係遲早問題，我一定會搵到個既！
我睇得好開的，有咁多好朋友介紹，無問題既！呵呵~~~細b朋友啦，阿康朋友啦，阿滔朋友啦~
哈哈~~係阿成佢自己睇唔開，成日嚷著要搵個女友。
嗯~~~~其實我諗，好奇怪人們明明覺得自己係好伴侶，
但係偏偏有人喜歡自己時覺得自己無可能被喜歡的。
往往總是這樣的難明難解。

我們總希望自己愛上的人會同樣的愛上自己，
可惜，
天就是喜歡作弄人，
聽到有人對自己說「我愛你」的，
是他不是他。
拒絕了的，
受傷害的永不是一個人，
即使似乎從未開始過，
有發生過的就是開始。
=========================================================
終於，都可以去到游水啦！
同阿媽去左游，游一游就變左小賓賓了！
cool~~~~~~~好滿足！
總覺得自己似係放大假多過考緊試，
可能咁樣對我先係好啦~~~哈哈！

今日家中出現螞蟻，即刻提起了警覺。沿住螞蟻的路引找到了源頭，舉起殺蟲水，一舉殲滅它們。
有d似係「雷霆傘兵」，殺佢一個措手不及，事後凡有生還者，殺無赦！
終於，告一段落！

>>June 7, 2003 at 6:22:29 AM GMT+8

2003 年 6 月 3 日 星期二 【晴】

今日過得相當不錯，
一早同heidi去左灣仔溫習，wor~~發覺個度d男仔真係唔錯，睇到我特別精神！
可惜係我身旁的heidi只愛周公！
呵呵~~~之後我地去左買一早就想買的大口仔大夾夾，
如果heidi都可以一齊買就好啦，可惜佢無錢，我又孤寒！哈哈！

本來約左fion一齊去游水的，不過去唔成！
不過我一早帶左游衣，所以就打俾其他人睇下有無人去啦，
竟然，杰杰應承左！
點知當我地去度摩利臣山時，門口放左個牌寫上「維修」~~唉~~~又去唔成了！

之後同杰杰去左篤波，識佢咁耐都係第一次同佢去篤波，打得不錯呀！
駛完錢，都成九點啦，食個牛井之後，就byebye lu~~~
以為上左巴士可以睡一會啦，點知得個企！

唷~~~德哥有得見工啦~~~~恭喜恭喜~~~！希望佢見得成啦~~

>>June 7, 2003 at 6:22:10 AM GMT+8

2003 年 6 月 2 日 星期一 【晴】

今日是第一天考試，legal！
比預定時間早左1小時走，無法啦，已經諗唔到可以寫的野！
之後同左阿滔、阿康及nokia去篤波，
一打就打左3小時，
輸左阿康4度，贏左nokia7度，哈哈~~好開心！
==========================================================
最後的歌作序曲，
想愛你作休止符，
安靜作你我的尾聲。
斷了的弦，
彈傷了我的臉，
留下了烙印，
是見證，是警戒。
弦聲是斷，
但高低抑揚，
奏在你我的樂章，
似完未完的早已完章。
甚麼都不緊要，
擁有過就已經夠。

>>June 3, 2003 at 2:18:53 PM GMT+8

2003 年 6 月 1 日 星期日 【晴】

考試前一日，依然是無心的讀下去，
硬生生地記入腦，
人都變得頹廢起來，
希望聽日會順利！

>>June 3, 2003 at 9:58:15 AM GMT+8

2003 年 5 月 31 日 星期六 【晴】

阿mark，你對我真係好啦！
你果然夠老友，雖然你成日都唔打電話俾我~~
哈哈~~~ 不過我知你會支持我既！^^

好~~~現在我的腦袋非常清晰~~多謝咁多位！

咳~~~~~今日係老死kimmy的生日，
原來我地通常都無咩機會係佢正日幫佢慶祝的，
今年都不例外，
噢~~~~好想去海洋公園呀！
有好多野都想做呀~~~
快d考完試就好lu~~~~
=================================================================================================
睇到galaxy的日記，真係寫得好好呀，希望都同大家分享一下：

《CD人生》

你說，人生像是一張CD。CD裡有輕快的旋律，也有優沈的曲調；有歡樂的歌詞，也有低迷的獨白；有驚心動魄的前奏，也有嘎然而止的結尾。

你說，聽完一張CD，像是經歷了一場高低起伏的人生。如果只喜歡其中的某首曲子，反覆聽久了反而覺得膩，所以還是規規矩矩地從第一首開始聽吧，聽到喜歡的旋律響，才有「終於輪到它了」的驚喜。一如人生裡期待已久的某一刻，會讓你「終於走到這裡」的感動。

人生總是要經歷高低起伏，才不會覺得膩，若是一直停留在高音的狀態，又怎能體會低音的深刻？

後記：
你的人生又像甚麼?

>>June 1, 2003 at 10:30:48 AM GMT+8

2003 年 5 月 30 日 星期五 【晴】

昨晚我唔小心整爛左個鐵線足球，
我好唔開心！
一直以來我都保存得好好的~
===============================
一早出左灣仔同heidi 一齊讀書，
然後同婆婆一齊飲茶，
可惜，之後就無再溫書了！
不過我就買左一個大口仔同鴨仔俾自己同heidi~~

今晚得返自己一個人食飯，
我把自己的工作室變成食堂，
自己食自己，
親自煮左一豌不錯的通粉，
有我最喜歡的配菜！

>>May 31, 2003 at 10:44:23 AM GMT+8

2003 年 5 月 29 日 星期四 【晴】

哈哈~~~估唔到heidi、angel同joey三個人同樣拿到80分！
好強呀~~~
就連貓頭鷹都有70分，
不過我真係好欣賞我問大家我有深近視，答案夠「絕」！
而最令我激氣的人就係Mark啦~
識左佢咁多年都係唔記得我幾時生曰~~~真係令人失望！

今日係炒蜆的生日，希望佢平平安安啦！
===================================================
突然諗，如果有一年既考試作文題名為「苳菇」，唔知會點?
初時我諗唔到的，經我問過幾個好朋友後，
發覺大家對題目都好有興趣，
更同dabby切磋起來，要把我們的見解合起來，
足可寫一篇千字文。

>>May 30, 2003 at 9:46:38 AM GMT+8