2003 年 3 月 7 日 星期五 【晴】

寫日記是我每日必做的事，
開心及唔開心的我都用我的方法記低佢，
唯獨某些傷心事是例外的；
我唔會去記，甚至迫自己忘記，原來真係會忘記的。
在選擇忘記前，我會先問自己：會覺得忘記左而後悔嗎？
反覆的自言自語，直至有答案為止。

昨日，俊俊同kimmy倆大老臣子都立了功！呵呵！
為矮瓜公主分憂了！
我就賜你倆免死的金牌吧！
=====================================================
剛才同阿b打完波，今次比上次有進步了，好開心！
不過都係無贏過，下次吧！
之後請左阿媽去金太郎食飯，佢開心死啦！我地仲買左d衫tim！
就係咁，快樂的一天過左lu.....

>>March 8, 2003 at 1:35:25 PM GMT+8

2003 年 3 月 6 日 星期四 【陰】

今日放學去篤左一陣波，都算ok啦，姿勢係正確的，始終技術要好好改善的！
大個左，依家打波已經唔係好講野，感覺自己好專業，
同自己friend就會serious，正正經經的打波，集中精神。輸都輸得光彩！
幾時開始呢?
有次同阿B打完之後，我覺得唔講野，真係認真好多！雖然技術上仍有待改進！
唔駛讓我，分數唔係好緊要，贏就當然要，但輸都要輸得轟轟烈烈嘛！
=====================================================================
今日都幾累，剛收到消息下個星期二比賽。噢！把聲都未好，未必唱到tim！
8點幾先比賽，太夜啦！
=====================================================================
唉！點解唔尊重我？一d歉意都無，你到底係一個咩野人？
唔值，你一d都唔值！

>>March 7, 2003 at 2:36:43 PM GMT+8

2003 年 3 月 5 日 星期三 【雨】

今日好凍呀~
放學時無得sleep，真慘！
真係多得fanny唔少囉！
有野就攤開來講，唔好一次講嘛！搞左太多笑話俾galaxy笑，因為實在有太多誤會啦！
唔好再要我解釋啦下~~~根本我對大家都係一樣的！
阿滔有少少唔同，係學校佢係我最好既兄弟~~ ( 如有任何殺生之禍，恕不負責 )
不過我係一上車就會sleep的，不論你係邊個！
仲有，我唔係主動會去撩同學傾的，不過你若同我傾，我或會有好多野講！
呵呵~~
好啦好啦~無事啦！........可以sleep啦~~真好！
========================================================================
到底，二千公里外正在有甚麼的人？
這問題，彷彿是個謎。
但我想：二千公里外的那個人，比得上眼前人嗎？
我卻不其然的擰了頭，比不上。
即使將來我和他有幾要好，他都追不上我們有過的回憶。
那何不就在此刻，珍惜你我共有的回憶呢？
笑笑口，人還是不停的提醒自己：珍惜眼前人。

>>March 6, 2003 at 3:41:51 PM GMT+8

2003 年 3 月 4 日 星期二 【雨】

哎呀~~~昨日的日記都有好大的迴響呀！
好多人問我「矮瓜公主」的由來，好啦~~等我一次過講俾大家聽啦！
「矮瓜公主」---
一、故明思義，我係矮啦。
二、曾經有人叫我「矮瓜」的。
三、公主係高高在上的，而「矮瓜公主」係矮的，所以就極少人可以抬起頭望佢啦！勁呀哩！
四、雖然矮，但係我可以抬得起頭做人。
就係因為咁，所以我決定改名叫「矮瓜公主」啦~~~~~~哈哈
===========================================================================
係電視見到小春唱歌，真係好型仔呀！
佢個style...........令我諗起一個人！

>>March 5, 2003 at 12:17:20 PM GMT+8

2003 年 3 月 3 日 星期一 【雨】

嘩~~~痛死我啦！

一放學，去到荃灣轉車，一落車唔知踩到d咩就P個正著了！
我行左一個幾大的禮，猶如信徒般跪拜起來！(令我諗起炒蜆tim！)
痛死我個膝頭啦！

肉痛都未算，之後仲痛！返到屋企睇到張傳單，話我前排生日買左既手錶依家只賣半價。
噢!! 天啊！雖然唔係我買的，但都替貴利佢地買左俾我而難過！
唉~~~心都痛埋.......
============================================================================
yo~~ 收到俊俊message，高興高興！唱咩歌仲要賣一賣關子先！
因為我怕講左之後會有好大的迴響~~~~ 不過我會私下同你傾的..哈哈！
多謝你支持！

另外，要同大家宣佈一樣野，咳...咳... 「我拍拖啦！」
哈哈...講笑！講笑！
千祈唔好咁認真，我仲係單身的，仲要靠你地介紹朋友俾我識的呀！
呵呵.....其實只係「幸福小女孩--大喊包」已經大個女啦，唔再係喊包啦！
所以改左一個都好巴弊的名----------「矮瓜公主」。
之前個名都跟左我5年啦，有好多感情的，嗚嗚............但畢竟人要長大，歲月不留人啊！

「矮瓜公主」這個名其實都係好有意思的，heidi就知啦！呵呵....

>>March 4, 2003 at 9:52:42 AM GMT+8

2003 年 3 月 2 日 星期日 【晴】

終於對眼都唔痛啦，真係要感謝神！但把聲就要慢慢好。

不過要同一d人講對唔住啦，我知你地都好想我去參加，
但這幾日我都是在床上渡過的，根本無辦法去搵歌，
不過我自己都知唔可以錯過的，好應該好好的玩一次！
所以我好草率地選了一首大家都唔睇好的歌。

其實這首歌，都係一首不錯的歌，只係歌手問題吧！算吧，都參加左啦！
唯有到時唱好d啦！！

病左幾日，發覺自己還未好好的答謝fion添！
你送我那份厚禮真的令我家姐十分妒忌呀，哈哈！
我講大話係我朋友送，佢就鬼哂咁嘈！之後我阿媽話係fion送，佢又唔信！

>>March 3, 2003 at 1:35:17 PM GMT+8

2003 年 3 月 1 日 星期六 【陰】

雖然病，但我都記得今日係貴利的生日，
同佢講左句生日快樂就收左線啦，無法啦！真係無咩精神去同人傾計，
我足足sleep左兩日，我阿媽都無哂我付~~~因為我雙眼又痛。

噢! 唔記得左要幫阿成哥做野tim....
我只想身體健康.......

>>March 2, 2003 at 2:20:52 PM GMT+8

2003 年 2 月 28 日 星期五 【晴】

矮瓜公主的流感再次發病了，太醫都束手無策，
現公主正與病魔打仗，敬請大家暫時不要打電話俾我！
不便之處，敬請原諒！

>>March 1, 2003 at 11:49:45 AM GMT+8

2003 年 2 月 27 日 星期四 【晴】

<<我的遺憾>>

相片
是生活的記憶
每一笑 每一靨 都印在我倆的相片中
歲月也許可沖走你我的傷痛
可沖走你我的回憶
卻沖不走你我的相片
再一次的 把我們扣在一起
然而
遺憾卻沒有與你拍過照

>>February 28, 2003 at 3:53:20 PM GMT+8

2003 年 2 月 26 日 星期三 【晴】

今早病到死死下，頭痛、眼痛、周身酸軟。
可惜要測驗、仲要一早就係上law...病到要返學。
今日的辯論比賽比我想像中精彩好多，大家的頭要轉得快才夠同對方鬥，
幸好我方都有很多智囊團，各有各見地，而我依然覺得我個point好有力，
只係我講得唔太好，有點兒可惜！

放學時出左一身汗，精神好左好多，但都要睇醫生。
不過今日放學時好開心，雖然我係好想sleep的，但nokia一提起篤波就真係精神哂，
上車傾到落車；之後仲收到楊明達的長途電話，好surprise呀！一傾就傾到無哂電。
勁開心，真係估唔到佢會打俾我的，果然夠朋友，我矮瓜小姐有阿明這朋友，真夠運！
假如，灝霖兄都打來就好啦！搵日身體好d打俾佢先！

乖乖的去睇醫生，一等就等左大半小時，我當然唔會傻傻的係度等啦，
我去左麗麗的屋企坐，仲第一次見到超超tim！超超好乖呀，唔吠我！
我心諗，搵日帶fion去見超超，佢見到一定會好happy！

>>February 27, 2003 at 10:49:24 AM GMT+8