2003 年 4 月 14 日 星期一 【晴】

即使我是超級電腦，
還是會當機的，未被儲存的記憶還是會流失；
遇上了柏金遜，駭客的入侵，所有的記憶體更是一下子，煙消雲散。

>>April 15, 2003 at 5:23:49 AM GMT+8

2003 年 4 月 13 日 星期日 【晴】

今日好有雅興去睇stepmom，我想睇好耐，只係之前無咩mood！
果然係一齣so touching，又溫馨的好戲，
講述一個身為生母及一個作為後母的恐懼，
生母為怕去世後地位被取代，後母怕要與孩子的親生母親比較…
兩人的心情一點都不好受…
當我睇到孩子同親生母親講，「如果你要我討厭佢，我會的。」
他的母親有點兒錯愕哩！也許，她都有點兒內疚。

而令我最感動的，係我睇到兩位母親互相傾訴心事時，
「Isabel: Look down the road at her wedding. I'm in a room, alone with her, fitting her veil, fluffing her dress, telling her no woman has ever looked that beautiful. And my fear is that she'll be thinking, I wish my mom was here.」

「Jackie: And mine is, she won't. But the truth is, she doesn't have to choose. She can have us both, love us both. And she'll become a better person because of me and because of you. I have their past and you can have their future.」
雖然唔係自己親生的，但要讓孩子接納自己，承認自己，是多麼大的壓力！

雖知當母親唔係一件易事，但我還是很想當媽媽哩~~
我想將來做我的孩子會是多麼的幸福啊！
因為他會有一個如此可愛的媽媽~~哈哈

>>April 14, 2003 at 10:34:30 AM GMT+8

2003 年 4 月 12 日 星期六 【晴】

唷~俊俊，如果係咁，當時你媽媽塊面有黑嗎？

哈哈~~~~ 今日我舅父來幫我整燈啦，
先發現原來唔止流電，就連個燈泡都爆左，好彩當時有個罩罩住！

而且我地仲發現左個燈制都有問題，
原來個制壞左，先會做成流電！又要換埋。

終於都安全啦，依家我一個人係屋企，非常安心哩~~

不過昨晚唔知點算時，去求救炒蜆，
雖然最後都解決唔到問題，但至少都知道流電既成因！
佢話天氣潮濕，電線係會發霉的。
只係萬萬都估唔到連個制都壞埋~~~

雖然安全左~~~~~但開燈制時還是有點餘悸！

>>April 13, 2003 at 10:39:55 AM GMT+8

2003 年 4 月 11 日 星期五 【晴】

今晚發生左好多事，可謂一波未平一波又起！
剛剛我間房盞燈，發生短路事故，得我自己一個，嚇死我，
幸好麗麗過來陪我，仲送左一對介指同一條鏈俾我，好感動呀！

等到有管理人員來搞，點知出現流電，出現幾次火花，
今次真係嚇死我同麗麗啦！
個個管理員叔叔好好人，教我地點做，不過安全上，佢就唔可以幫我整個盞燈，
而到這一刻，屋企唔可以開燈，得番我一個係屋企，無得沖涼，好慘呀！

爸爸，快d返來啦~！

>>April 12, 2003 at 1:06:37 PM GMT+8

2003 年 4 月 11 日 星期五 【晴】

為何人人都說自己在荒廢？
荒廢！荒廢！我已經聽厭荒廢這兩個字啦~
既然知道自己荒廢，那為何不努力？
人家荒廢，就由得他嗎？
難道大家不可以一起努力，互相鼓勵？
看不過眼就鬧啦~ 唔好客氣！
真係激死我！

我每一日都會做少少的功課才叫自己安心，才不會內疚！
即使只有15分鐘，但起碼我會知道我有d咩功課要做！
因為我認真我的學業！
=================================================
對唔住，我唔識用咩方式去關心我身邊的人！
不過，朋友們，
聽到你荒廢，身為你朋友，好受嗎？
我真係一d都笑不出！
我情願，你高傲般對我說你做完功課，
也不願，你沮喪的對我說你咩都無做！
對唔住~

>>April 12, 2003 at 4:14:57 AM GMT+8

2003 年 4 月 10 日 星期四 【晴】

好累了，對住部HI-FI成兩個鐘，
總算醫好佢！但隻手就唔多好受了，
雖然平時都係衰的啦，家下仲黑哂TIM~，有D唔開心！
部機始終都係好機，受不了低劣的CD，唉~~
機都有脾氣，唔係咩歌都會幫你播出來的。真係難服侍！

我經常懷疑自己前世是男人，
整電器，扮演的角色，總有些相似，
而我阿媽又話我未出世時，老豆已經好希望有個兒子的。
潛移默化下，個女變得男性化了！

這亦令我同男同學的相處更加好，可謂惺惺相惜，
所以一直以來，男性的朋友永遠多過女仔的，同老豆阿媽亦比較融洽。
以前未轉校前，我就只有FION一個女仔好朋友，
要不是之後我拍過拖，阿媽可能以為我同FION有野~

我阿媽是直言進諫的賢臣，往往知道我拍拖，就會講：邊個咁無眼光！
而我亦係一位明君，禮賢下士的，我唔會叫佢告老回鄉的！哈哈~~
不過，都曾經有女仔同我講，如果佢係同性戀者，佢一定會愛上我，
但其實我想講佢知，就算我係男人，你都唔會愛上我，
因為我是多麼的矮！

當然啦，阿滔都會話，凡事總有兩體的。
男性化有利必有弊，好的方面剛才提過了，
但壞呢？當然係壞在我的情場上，
然而畢竟我都係一個女仔，都實在需要人錫的架~~~
雖然男仔幫女仔拎野係應該，但係我更想你留返隻手拖住我架~~
雖然我唔捨得駛你錢，但你間中都要駛係我身上架~
雖然我知你愛我，但你到咁上下都要講你愛我先得架~
雖然..................................................
睇下！好明顯我都係一個不折不扣的普通女仔。
唉~

>>April 11, 2003 at 9:07:30 AM GMT+8

2003 年 4 月 9 日 星期三 【雨】

見到人地d網頁好靚呀~~~~好羨慕！
原來「粉強」係有咁既意思的，我只係識得諗埋一邊！

今日係一個「帶銀主公」的網頁睇到一段出自哥哥係「阿飛正傳」說話，

張曼玉︰你到底想怎樣？
張國榮︰我只不過想和你做朋友而已。
張曼玉︰我幹嗎要和你做朋友？
張國榮︰看著我的手錶
張曼玉︰幹嗎要看你的手錶。
張國榮︰就一分鐘
張曼玉︰時間到了，說吧。
張國榮︰今天幾號了？
張曼玉︰十六號。
張國榮︰一九六零年四月十六號下午三點之前的一分鐘，你和我在一起。因為你我會記住這一分鐘。從現在開始我們就是一分鐘的朋友，這是事實，你改變不了，因為已經過去了。我明天會再來。

張曼玉獨白︰我不知道他有沒有因我而記住那一分鐘，但我一直都記住這個人。

一個眼神，散發著攝人的魅力，
他無意的手法，卻擊碎了無數顆男女老幼的心。

我可以忘記你離開我的那一分鐘，但卻忘不了有你這個人。
==============================================================================================
我好享受每日一個人在書房的感覺，
那一刻好自在，無任何煩惱，不會有人打擾。

我，是冷血的，是無情的！
但我不得不做這個我。

>>April 10, 2003 at 9:25:20 AM GMT+8

2003 年 4 月 8 日 星期二 【陰】

前幾日同俊俊傾過，
我們一班人中，是否很堅強？

我們一起成長，不知不覺中，在相互的支持下，
我們，都變得堅強起來。
昨日影相時，感覺上俊俊好似開心左哩~~
那是自信嗎？不知道。
只係感覺大家又長大了，
雖然好明白，大家有心事時，好難會走在一起為對方分憂，
但就是我們對彼此的信任。

即使我們當中有人是比較軟弱，但我們還是在大家的友情中變得堅強。
而我們以後，還要變得更強。

我覺得我地有個心去做一件事，
有一種好重視大家既感覺
嘻嘻~~~~ 有點感動！
即使好似係一齊傻...........卻羨煞了旁人！
以前推動我地合作的係學校的功課，
推動大家一齊的係午飯既時間；
大家走左之後，
就由我地來自製事情來推動大家聚在一起！

那是我們珍貴友誼的見證！
=====================================================================
牛頭角又出現肺炎了，
好擔心狐狸，唉~~~~
唔知可以講d咩，起碼俾我知道無事就得啦！

好啦~知道佢無事啦！嘻嘻.......
佢同我講，佢有女朋友啦，果然係個個！
真係好啦~~似返個男人，哈哈！
但願她是他的最後一個。

>>April 9, 2003 at 11:01:06 AM GMT+8

2003 年 4 月 7 日 星期一 【雨】

今日天氣已經算好，同麗麗、俊俊順利拜完山。
之後仲影左卡tim~~~~
本來打算帶口罩影的，
不過無謂浪費d錢啦~~呵呵！

今日白色菊花纏著毋忘我。
突然有一種感覺，沈祺係我心中已經唔會再長大了，
到我容顏漸退，他還是停留在那年的十九歲。

>>April 8, 2003 at 2:33:25 PM GMT+8

2003 年 4 月 6 日 星期日 【雨】

假如掌上再沒有生命線，
我們還是在生存的。
你我的相遇，
斷不會在我的生命線出現，
也不需要在顯微鏡搜尋，
你便在我肯定中，確實的存在了！

昨晚，我係飄小姐的留言版留了這個言。我自己倒很喜歡哩~~
今日我又輸了(六比零)，但欠他的我都還了！
聽日，去拜沈祺，希望好天啦！

>>April 7, 2003 at 9:19:16 AM GMT+8