2003 年 7 月 7 日 星期一 【晴】

聽日就要回家了，還是買不到甚麼禮物給蔡寶~

食完早餐睇埋四大才子，我同二家姐就出左去會所篤波啦~今次我既技術又進步了不少，可能是心情好左的關係吧！哈哈~打左兩個鐘，就出發去農莊啦，雖然有人話呃錢的，但我地還是花了十二蚊入場睇睇。入到去，cool~~一大片荷花池係我面前，好壯麗的，可惜由於天氣太熱，賞花的心情大減了，不過荷花還真算多，但有部分的還是未茁壯放出來哩！但我們還是坐在荷花旁的小棧一邊吃豆腐花，唔怕老實講，成個茶園差不多只有我地二人，所以我地有d似拍緊旅遊特輯似的，哈哈！

我地一路行，路過工藝室，有得教授織草蜢呀，但二十蚊學一次，好貴呀，所以無學到啦！是否有點兒可惜？我都不清楚。穿過工藝食，就是牧牛羊的地方，我們之前都遇上一隻羊，我才想到牠是逃走出來的。羊棚中，我看到有d欄已經被破壞，但我們走過時，一隻老羊走近欄杆來，用牠的角在鋸欄！真可憐，依我看，牠是好想離開地方的，農莊入場率一如此低，可謂入不敷支，牛羊馬的飼料又豈會好呢？

再走前些，到了馬房，看到有兩小孩在操馬，騎術相當不錯！我們坐在旁邊看著他們，看到馬，又看到駱駝，哈哈~~好可愛呀！沿著路再走，到了果園，那兒種了好多水果，荔枝、蘋果、蕃茄、大樹菠蘿，特別是芒果，大大個掛在機上，可惜有很多都跌在地上了！

走出農莊，再乘村巴回食街享用我們的晚膳，臨別依依，我和二家姐選擇了令人回味的「蒙古包」，我們點了四款菜餚「炸醬麵」「蒜蓉炒小白菜」「蒙古肉餅」「燒羊串四串」，哈哈！小白菜原來都唔小的，我想大白菜時都唔知點食lu，炸醬麵雖然不是辣的，但味道非常好；我仲記得，當我要說國語「四串」時，我就說「思春」，笑死二家姐，但我問女侍應時，佢都話係咁讀的！呵呵~~~
小白菜大大碟都只係10蚊，仲要用一隻好美的碟襯托著，唯燒羊串比較令人失望，肉質韌左少少。今晚，我們是蒙古包的第一個顧客，我們一食就食了兩小時，但在首個半小時中，整間舖就只得我同二家姐二人，有d似係包廳的感覺，而其他食市哩？已經開始忙碌了。四個菜餚，落樓都係43蚊，勁平~到我地走時，幸好，已經有兩檯食客了！

食得飽飽，接下來做甚麼好哩？哈哈，又係睇書！我地發現左今晚來左好多新書，我地一個箭步，就開始搜羅書了，結果？我又買多左六本書，二家姐就買左七本，經過兩日後，二家姐已經知道簡體字其實係好易睇的，所以我地又買左好多書啦，哈哈~~~阿媽俾我d錢，已經由300多元洗至50蚊lu，呵呵！但我前前後後買左13本書呀，好開心~都唔駛200蚊！

而這一刻既我，只係煩惱緊點樣拿d書返去！嘻嘻~~

>>July 10, 2003 at 12:48:56 PM GMT+8

2003 年 7 月 6 日 星期日 【晴】

今日同二家姐好悠閒地留在家中唱k，之後到了祈福食街試下炸腸，炸腸係我同二家姐的最愛，但係始終都係香港的味道最岩我口味，無可取代！

今晚同老豆傾左一陴電話，感覺好正，好似係朋友般，話題中帶中幽默，兩條友係電話都傻下傻下，哈哈~~可能係因為我收個古怪message呱~~呵呵！

我倆到過的地方，會成為筆下的談情地，
我倆講過的說話，會成為筆下的情話；
我倆交換過的禮物，會成會筆下的訂情信物，
原來筆下所寫的，不單是我的故事，
也有著你的故事。

今日係蔡寶的生日，我打唔到電話俾佢lu，而且都仲未買到禮物~

>>July 9, 2003 at 4:11:13 PM GMT+8

2003 年 7 月 5 日 星期六 【晴】

昨晚唱了一整晚k，唔係好夠喉，所以飲過早茶報，伯父就帶左我同二家姐去市橋買碟，一執就執左成十隻碟，我自己就買左莫文蔚既karaoke，呵呵~quality真係唔錯！
聽日係蔡寶的生日，我送唔送禮物好呢？我依家睇緊一d攝影書，希望可以搵到d岩既俾佢啦！

今晚我地到左祈福食街一間叫「蒙古包」店舖食飯，入面大部分店員都是說國語的，幸好有二家姐d流利的國語，我地叫野食都快d！哈哈~~我地叫左馳名的「旦旦麵」「小籠包」「鍋貼」「烤羊背」「烤羊肉薄餅」，別以為好簡單，全部既整法都有別於港式煮法的，不再食旦旦麵的我都破例試下，食過次後，才發現真正的旦旦麵應該是這樣的正呀！

大收穫呀！食完飯，伯父伯母提早回港，我就留係度同二家姐一齊住多幾日，我地去左書攤度買書。好開心！原來二家姐又係好鍾意睇書的人，如果佢唔鍾意的話，我會唔好意思企係度睇書睇咁耐的，哈哈！我地一企就企左個半鐘，買左九本書，都係$125咋，平到震呀！其中有七本係我買的，二家姐因為唔係好識睇簡體字，所以只係買左兩本。

今日既天色依然好晴朗，日日都有藍天與白雲，我仲見到有人放風箏，放得好高日，於夕陽前高掛著，真係好靚呀！而且仲有紙製的，我想麗麗見到一定會好興奮！看到人放風箏，令我回想起當日同麗麗，本源，俊俊，dabby等人放風箏的日子。

>>July 11, 2003 at 8:38:12 AM GMT+8

2003 年 7 月 4 日 星期五 【晴】

COOL~~我已經離開了香港，同伯父伯母及二家姐到左番禺渡假了。
伯父間新屋真係好大好靚呀，
三房兩浴室，還有一大露台。沒有華麗的裝配，但色調和諧，而且一早伯父伯母已經為新屋添置了不少傢俱，相信背後功夫真做了不少！
廚房又大，浴室的間格完全同爸媽之前的藍圖一樣，是否姊妹兄弟的默契呢？呵呵~~

離開香港，完完全全拋下香港的所有事、人，感覺一下子舒服起來！未出發前，同二家姐係杏花村食元祿，中左個七折卡，哈哈~~好開心！

今日一早，到了市橋飲早茶，食左個北京填鴨，嘩！正呀~
之後就行左好耐~~去左買刀，我見到一個好適合炒蜆旁身的用具，但伯父以為係我用的，送左俾我，依家我都唔知點算，好似唔好意思咁！跟住去睇焗爐，哈哈~~~二家姐一睇到廚具就真係忘了形，伯父都無哂佢辦法，由一個顧客變成坐係舖口看舖了，(因為佢企得太耐啦~~好累)！！

夜晚我地到左沙灣食晚飯，我地去左一間阿滔滔係電視介紹過的一間飯店，叫「沁芳園」，一入門口，就望到滔滔同老闆影的相啦~~~最利害的，原來伯父伯母都識得個個老闆的，cool~~
今晚我地叫左「木棉花煲豬尾」「牛奶燴野菌」「醬燒茄子」「沙灣薄餅」「邊魚」，仲有招牌甜品「羌汁撞奶」。我終於明白到點解滔滔係電視中講來講去都係話「好食都講唔到」，經過今日一試，原來味道好味到真係難以形容！

>>July 11, 2003 at 8:42:19 AM GMT+8

2003 年 7 月 3 日 星期四 【晴】

不論許下的承諾有多荒謬，
儘管將來會變成塵，化如灰，
只要許下承諾的是你，
一切都會成永恆。

愛情，旁人如何的都是難參透……
不管只是一個月，一星期，一日，甚至一小時，
愛人也好，被愛也好，
曾經越過愛情界的，都受傷過。

收拾好用品，
扎好袋子，
踏上我的路。

>>July 4, 2003 at 2:32:45 AM GMT+8

2003 年 7 月 2 日 星期三 【晴】

一早俾鄭太個來電嘈醒了，如果唔係我等電話，我真係唔會接呀~

起左身，就同阿媽去食早餐，跟住就行街啦~
見到一本書，成八十蚊，想買但又唔捨得買~~
行到2 點幾，帶左阿媽去海皇店食野，十蚊兩個人食，都算ok，阿媽話仲有無其他野食，
咁我就去睇睇有咩抵野啦，點知都無咩平野，就返埋位，點知檯上既野食已經俾阿媽食哂，只係剩左少少粥俾我！

不過今日好少有，阿成同陽哥都分別打電話來，
雖然都係有事相求的，但已經好開心啦~~有事時都會記得我！

到最後，但我就買左一條褲一對鞋。但可惜，電話就等唔到啦，好唔開心，好想離開這個傷心地！

>>July 3, 2003 at 9:32:40 AM GMT+8

2003 年 7 月 1 日 星期二 【晴】

又是一個炎熱的下午，終於同heidi都等到有email啦~~哈哈~

今日同dabby傾開，就有d筍野啦~
希望可以幫到俊俊啦~~哈哈！

我一整日在家中執野，考試後有太多無用的notes啦，仲整左一個memo架俾自己~呵呵..

如果聽日都無電話，我就會同二家姐私奔~ ^^

>>July 2, 2003 at 7:57:50 AM GMT+8

2003 年 6 月 30 日 星期一 【晴】

原以為昨日會是舒服的一天，
誰知竟是辛勞的一天！

一早同媽媽及小江寧去食野之後，行街就行到3點啦，回家食個tea，打算抖抖之際，一個來電扭轉了一整日的行程。
一個來電，急call我由沙田到小西灣，我用左我最快時間 (一個小時十五分鐘) 及相當貴的金錢，到達目的地，超辛苦！等左四個鐘，就是要等醫生的幾句說話……
唉~~~~~~~~好彩無阻礙我同本源、炒蜆、池池佢地玩，雖然我狀態唔好，同佢地去篤左兩局，但都全勝，yeah~!
不過炒蜆就辛苦d啦，因為佢本身都幾強，跟我後面打時，我會好小心的，就係咁搞到佢無咩波入了~~~
哈哈~~~~~~~知道嗎?? 只係昨日已經用左我成二百分鐘電話！
==========================================================================================
昨日好累，今日成10點先起身，仲以為可以同阿媽去飲茶，點知佢一落船就係尖咀飲埋~~嗚~~
本來打算約ben ben的，但佢話佢太累了~~下次先lu
今日無節目，可能去租下碟睇~~好耐都無做過這些事情了！
==========================================================================================
曾幾何時，
你說我是你的二分一，
感情日深，
我變成你的五分四，
每逢鬥氣，
我便退守至你的八分三，
不知何時，
我變成了你的四分一，
最後，
我們分割成兩個個體，
互不相干，
你是你的全部，
我是我的全部。

>>July 1, 2003 at 8:05:28 AM GMT+8

2003 年 6 月 29 日 星期日 【晴】

一早起身，開著電腦，睇到一個網頁，當中介紹了一本書 ----
「元祖! 愛生事家庭 vol. 3」
作者: 兵岡賢次 $28

睇到「愛生事家庭」這個名，我好開心，因為我中六時同同學一齊參加的話劇比賽就是叫「愛生事家庭」，多麼榮幸竟然有人都用這個名！
還記得當時我地有舞蹈的，由cathy幫我地編舞，我地好俾心機學的，不過到比賽時有突發事，跳不到了！不過當時我地都可以贏到全場亞軍，算不錯吧！哈哈~~

>>June 30, 2003 at 1:59:26 AM GMT+8

2003 年 6 月 28 日 星期六 【晴】

今日好熱呀！
同左fion與及佢細佬一齊去游水，好舒服呀，可以曬下太陽！
依家我d膚色又深了少少啦~呵呵~~~
今日游水時，我同fion都好有默契~~~hehe

>>June 30, 2003 at 1:47:33 AM GMT+8