2004 年 3 月 5 日 星期五 【陰】

短兵相接!!!


又到星期六啦.....返埋今日就可以輕輕鬆鬆咁放返日假啦!!!yeah.....今日我返早既,但我都有遲到,遲左10分鐘左右啦!!!每逢星期六同日早上都係咁.....冇客!!!你想做客都睇黎幾難下啦!!!!所以早上我只好呆呆下咁度過啦~~上下網,收拾下野.....都唔知做咩好啦!!!到左兩點啦,人流都開始多黎問野book野既客仔都多左啦!!!heeeee......今日真係好多人呀!!!好耐冇出現過既---人龍都出現返啦!!!真係世間小有呀......結果我收左4個吉隆坡復活蛋/4個台北....呼!!!算係一日既大豐收啦!!!

放左工.....wingwing黎左接我呀!!!哈哈.....好耐冇見啦,都有成3日呀!!!佢又靚左啦.....heeee,首先係去左買我今個月至想買既野---全意足球,更住就入場睇花花lor!!!冇錯,之唔係維記果個花展lor.....我都唔知點解會有興趣想睇既??不過....入到場的而且確係有好多靚花睇呀!!!好彩我帶左相機咋~~有得同wingwing影靚相呀!!!更住我地去左吃些少野同埋飲許留山呀!!!之後......行埋time's,途中我睇中左個靚袋呀,唔太貴呀!!!但.....仲有件靚衫衫,不過我都係鍾意個袋多d......等月尾出糧先至買啦!!!

更住我地去左吃壽司呀!!!正呀......又係元氣呀!!吃左好多碟呀.....好飽呀!!!更住再行多行就送wingwing返屋企啦,更住自己都返返屋企啦!!!途中又俾我見到有錢榮!!!返到屋企......睇波,白白,打日記.....睇波.....聽日終於可以休息休息啦!!

>>March 7, 2004 at 5:55:34 AM GMT+8

2004 年 3 月 4 日 星期四 【晴】

呢格型---我鍾意


今日係阿蘇小姐最後一天既返工啦.....即係果個新黎個cleck呀!!!佢話因為要考會考溫書所以就要走人wor!!!!!真係快呀~~話走就走,幾好呀~~佢都係返左一個月左右咋!!!哈哈.....唉,咁樣樣家下銅仔又少左個人用啦,換句話講我又要做番影帝一職啦!!!

好鬼得意呀!!


今日lunch吃左個丁丁星洲少之後....再吃多個杯面先至飽飽lor!!更住諗住訓一陣既~~但嘈到死點訓呀!!!唉....激死人啦,不過近排我都好少訓晏覺啦,或多或少都因為我呢排成日都定時早早就訓啦!!!近排我都set左11點為自己訓覺既時間既.....都幾好呀!!!夠定時,第二日返工又夠精神......哈哈!!!

收左工......返屋企lor,原先係約左wing姐街街既,但電視有大結局所以就留返聽日先啦,冇所謂啦.......返到屋企吃飯lor,飽飽就上網更住打winning啦!!!!哈哈......今日失準,狀態麻麻地咋!!!更住同wing姐icq多陣都要覺啦!!!返埋聽日就可以......呵呵!!!之唔係放假lor......而且仲有得......kakakaakak!!!

我會比心機既.....


>>March 6, 2004 at 5:49:42 PM GMT+8

2004 年 3 月 3 日 星期三 【晴】

久未露面......


今日一早就吃左個杯面啦,係阿山山請我吃既~~都幾好味呀!!!爽呀.....heeee~~但唔知點解吃完呢個杯面之後......今日lunch就冇乜心機吃野啦,所以原先自己帶左個丁丁星洲炒都冇吃到呀~~算啦,留返聽日當lunch啦!!!呼......今日成日都可以話忙唔忙黎形容既!!!!一陣陣啦~~時忙時得閒咁啦!!!哈哈......跟跟自己既booking就咁多多啦,到到今日我條數.....$3139呀!!!!係銅仔我仲係no.1,heee~~勁呀!!希望可以keep住個勢啦!!!

收工啦......返屋企,吃飯飯,打陣機.....一路打就一路睇電視呀!!!到到差唔多十二點既時候.....我試試開部電腦睇下用唔用得到啦??第一次都係唔得既,但第二次......用左安全模式,更住試下用還完番前個月既野......更住重新開機,結果攪掂左啦!!!yeah~~可以上網可以正常用到啦!!!!heeee~~爽呀,咁都比我攪得掂呀!!!好野,萬歲~~哈哈!!!

冇得用部腦成個幾兩個禮拜啦......今日終於比我攪返掂啦!!!正呀......唔知係9係因為琴晚係日記度願主祝福我,所以.....多謝晒呀!!!

果日我只見到古仔見唔到Sa姐wor??


>>March 5, 2004 at 2:45:54 AM GMT+8

2004 年 3 月 2 日 星期二 【晴】

唉.....打人係唔岩嫁!!


又係返早~~我已經返左好耐既早lor.....heeee!!!今日既早餐好豐富,有粉果兩舊+蜂蜜蛋糕兩舊!!!飽飽啦~~今日lunch可以晏d吃啦!!!一早都係跟番自己既booking啦,唉.....之後就上陣網睇睇報紙更住都唔知做咩好啦,仲有打日記lor!!!!到到lunch今日落左街度吃呀~~有傻佬,星晨家姐x2,山山......一移五個去左吃太興呀!!!嘩.....d野食不知幾咁貴呀!!!哈哈,好彩阿山山請既姐,如果唔係我都唔落去吃啦,要洗錢bor......因為我太窮啦!!!

食飽飽就返上去工作工作啦......但都係坐多過做啦,哈哈!!!到到咁上下又係收工既時候啦,幾好呀~~係等車既時候見到老明領隊,嗲左陣計啦~~係車度又撞到曾超悅細佬呀!!!哈哈.....成個學者咁款呀,哈哈!!!係開門既時候......先記得今晚要過阿爺果邊吃飯呀!!!唉......激死人啦~~即係今晚又係食自己啦!!!結果......

吃左三舊蜂蜜蛋糕+一排蝦餃.....就係咁多多啦!!!食左之後都好似冇吃過野咁既.....唉!!!更住就打機啦~~又係winning啦!!!打到咁上下就同大小姐傾傾計啦,哎呀~~佢就好啦,有得用電腦有得玩!!!激死人啦......唔知我部野幾時先好番啦??願主祝福佢......

打把仔.....


>>March 4, 2004 at 5:34:45 AM GMT+8

2004 年 3 月 1 日 星期一 【陰】

傑爺.....


近排我都有買早餐吃呀.....今日就吃左腸粉呀!!!heeee.......正呀,我發現近呢幾日每天早上一吃早餐
更住落黎既時間個人都會精神d冇咁眼仔訓既......呵呵!!!飽飽之後又係工作既開始啦,首先收拾一下d價目先啦,之後再跟跟自己d客仔叫佢地早早上黎俾錢收埋尾數可以彈條數出黎ar ma!!!哈哈~~我呢幾日又係第一位呀,每個月既月頭我都係咁叻仔既~~哈哈!!!總之就加油啦Alan......

今日lunch有帶飯......飽飽之後去洗洗更住坐多陣聽多幾個電話又可以收工lor,今日大雄江少都有黎接我收工呀,哈哈!!!落左樓冇幾耐....你地估下我見到邊個??哈哈~~係jp門口竟然見到古仔係度拍緊戲呀---''戀情告急''佢真人都的而且確係好型好黑呀!!!

更住我地3個過左去灣仔吃腸粉之後又吃埋牛什.....heeee!!!!真係好爽呀~~最後仲買埋野飲之後就各自各搭車車返屋企lor!!!呼~~返到屋企就抖抖先~~因為都幾累下呀!!!之後煮野食吃呀~~heeee!!!自己一個對住個爐打邊爐呀....吃左半磅老牛,一個字''爽''哈哈!!!最後同埋大小姐嗲陣計自己都要早早覺覺豬lor.....!!!

宏宏.....


>>March 3, 2004 at 3:03:06 AM GMT+8

2004 年 2 月 29 日 星期日 【晴】

知唔知左邊果個係乜水??


返工??唔洗多講啦~~又係咁,即係冇生意冇客仔lor,好彩自己上個月都留左幾單booking今個月先做既姐~~呵呵!!!做好晒手頭上既野之後.....就飯飯更住上網打日記啦,因為部腦仲係昏迷中所以......唉,今日係公司一打就打左3日既日記啦,可知幾辛苦呢??更住都係等收工又一天嫁啦!!!

收左工阿大小姐過左黎接我收工呀,幾好呀~~我地去左周圍行行啦,之後去左灣仔吃牛什吃腸粉之後......過返去時代本來吃壽司既但大家樂竟然仲有一哥火鍋wor......所以先到百佳買野飲同野食更住就大家樂見!!!heeee......

或者因為頭先吃左腸粉同牛什啦所以我同大小姐都飽飽地......吃既速度好似兩隻蝸牛仔咁呀!!!!哈哈~~不過我地一路吃就一路傾左好多野,大家都好開心呀......heeeee!!!之後送大小姐搭車自己都返屋企lu,返到去白白同大雄江少嗲陣計就係咁多啦......呼!!!同埋大小姐嗲計計自己都覺覺lor!!!!

She Is Good !!!


>>March 2, 2004 at 5:26:10 AM GMT+8

2004 年 2 月 28 日 星期六 【陰】

老虎仔.....


好野~~今日又係放假呀!!!一連兩日既假......好耐都冇放啦,家下真係爽呀!!!!呵呵......所以我好珍惜今日嫁,一訓就訓到成點幾兩點呀,西利冇??起身就即刻醫肚啦,吃排燒賣+餅餅+媽媽奶呀!!!heeee.......更住仲有香港波睇呀~~晨曦對愉園呀!!!睇左6分幾7分鐘就已經入左兩球世界波啦.....應該話香港波水平高定低好呢??哈哈~~天知啦!!!

更住都冇咩心機睇啦~~打陣機啦,呼.....個人都唔知點解冇晒心機啦,原先計劃今日出旺角買波衫嫁ma......結果!!!!唉......禍不單行啦總之就!!!!更住同大小姐嗲陣電話啦,哎呀~~突然好掛住部腦呀!!!!幾時先好返呢??神呀~救救我!!!!夜晚吃飯飯.....飽飽之後同小朋友打陣機啦又,更住睇波波......同大小姐嗲嗲計,更住.....覺覺lor!!!

明天又要接受新的工作新的一天新的開始啦......願主祝福我!!!

熱氣球....型!!!


>>March 1, 2004 at 10:22:26 AM GMT+8

2004 年 2 月 27 日 星期五 【晴】

四塊COOKIE......


今日對我黎講可以話係悲喜交集的一天啦......

今日放假所以一訓就訓到成11點幾先肯起身呀~~heeeee......起身就諗諗今日既節目先啦!!!!首先會埋江少大雄君君大小姐5個人仔齊齊去買野lor....買野燒野食呀!!!哈哈.....正呀!!!其實我都幾想燒野食既~~因為都幾耐下冇燒過啦!!!去左百佳買野佳寶買野......更住就出發lor.....上左去香港仔水磄度燒雞翼呀!!!哈哈~~

嘩....有好多人係上面呀!!!仲要係一家大細呀~~我地有講有笑呀!!!!正當諗諗燒完去邊之際.....諗到去我屋企啦!!!!就係打麻雀啦.....heeee!!!一路睇龍咁威就一路打麻雀啦~~今晚我好勁呀!!!!打足差唔多成晚呀~~heeee!!!!其實我都唔係咁識打既~~但玩玩下都上左癮lor.......好彩我到最後都冇輸姐!!!更住夜啦~~大家都累lor.....送大小姐返屋企啦,更住....自己宦返屋企lor,途中又俾我見到有錢榮呀!!!!另外仲有阿基呀......之後返屋企我好累lor!!!同大小姐傾左陣電話之後就覺覺豬lor......呼!!!

講波結良源??


>>March 1, 2004 at 4:30:45 AM GMT+8

2004 年 2 月 26 日 星期四 【晴】

joey基金!!!


YEAH~~今日終於到到出糧既日子啦!!!等左成個月啦.....最開心莫過於呢日啦!!!哈哈~~yeah!!!為左慶祝今日既大日子所以今日收左工同小wingwing街街買下野吃埋飯飯啦!!!heeeee......但都要做埋今日既工作先啦!!!

返埋今日我聽日就可以放假啦~~仲要係兩日咁多多呀!!!heeee......爽呀~~好啦,今日拿拿臨攪掂曬所有野安安心心咁放個happy weekend啦!!!!呼......所以今日都比較忙忙地啦!!!!澎澎聲做曬所有野啦~~lunch吃乜野呢??都唔記得左啦.....呀!!!記得啦~~係吃.....吃咩呢??百佳$9.9嫁~~吃完就訓一陣之後做埋些少野就等收工啦~~更住....heeeee!!!

放左工.....女朋友也接我收工!!!更住.....行過去睇戲之前我地去左吃野先呀!!!吃.....左海記粥店呀!!!途中仲見到阿有錢榮呀~~哈哈,同埋佢個女友一齊呀!!!吃完我地之就去睇戲lor....睇性感都市呀!!!呵呵~~正呀,都真係唔錯幾好睇下既~~heeeee!!!大家不妨一看呀!!!睇完之後就送大小姐返屋企啦~~更住自己都返屋企lu......哈哈!!!!!

今日對我黎講都係叫做開心的一天呀!!!!唔知點解呢??

Rap爆嘴.....


>>March 1, 2004 at 4:18:09 AM GMT+8

2004 年 2 月 25 日 星期三 【晴】

Yumiko


哎呀~~部腦仲未好返呀,咁點算??真係激死人啦.....麻煩呀,冇得用電腦同埋冇得打機!!!哼......今日我一早就返左公司啦,近排我都係早到冇遲到呀,heeee都因為wingwing每天一早打黎叫我起身咋!!!呵呵~~一早又胃痛啦,所以就破破費買買個早餐啦!!!heee.....都唔知點解近排成日都係胃痛,唉~~多病身子弱啦,遲下做埋''病仔''啦!!!

家下我仲係周不時咳咳咳咳咳呀!!!!真係手尾長呀......激鬼死人啦,今日返到公司都係跟一跟booking,上一陣網,睇下報紙......咁就一日嫁啦!!!今日生意真係......冇客仔呀~~都唔知點死啦!!!!我諗我都係等俾人炒嫁啦~~今日吃lunch係同俊俊波子B仔去左吉百利度吃呀,又係吃越車野呀~~今餐之後我諗都有排先可以大家lunch啦!!!因為俊俊佢今晚又飛啦~~返番過澳洲讀書呀!!!相信下次見既時候應該.......係下年啦!!!呼......真係有d依依不捨啦!!!

收左工.....返屋企lu,好窮呀!!!即刻吃飯啦~~更住打陣桃太郎電鐡先,heeee.....打機其實對地理認識都有幫助嫁,好似我咁~~打呢隻game可以了解日本既地理位置~~例如本州有咩成市,四國又係邊四國呢??總之就.....幾好玩啦!!!呢隻game都出到第14輯啦,我細細個由超任玩到家下PS2啦......真係好玩呀!!!打完之後打多陣winning就白白更住同wingwing傾陣電話之後就訓lor......途中我睇到有線播哥斯拉大戰機械哥斯拉.....哈哈,借到佢呀!!!

仲有呀~~琴晚唔知仲乜野野部解碼器突然清到唔清wor.....平時會變下色嫁ma,但琴晚就全程都係良好狀態呀!!!!哈哈~~希望可以長keep住落去都咁爽啦!!!!

越大越靚仔~~!!!


>>February 27, 2004 at 4:14:36 AM GMT+8