2004 年 4 月 15 日 星期四 【暴雨】

好野~~返埋今日聽日又可以放假抖抖啦!!呵呵~~所以今日做起野上黎都特別起勁呀!!澎澎聲攪掂好野手頭上既野聽日就可以安心放一假叉叉電啦~~heeeee!!但今日都同對上幾日一樣冇乜野做咁既......電話又少左wor,因為近日公司開左個call centre呀!!依我判斷大部份電話客都係去左果度多嫁啦,所以今個星期我所收既客仔大多以walk in為主啦!!話番轉頭我近期面對d客仔都好左咁既??哈哈~~大個仔掛??希望如此啦~~!!

個地方咁熟口面既??


無驚無險又到收工時候啦,今日大致上都冇大樹發生呀,反而有個好消息既,就係小弟今個月要做條數已經夠晒數啦,哈哈~~快唔快呢??今個月要做一雞數,我只係用左7day就攪掂啦!!勁呀~~好開心呀~~或多或少都因為今個月有幾單大野幫手同埋有d彩數啦!!呵呵~~收左工就同wingwing去睇戲lor,但佢未訓醒個人呆呆下睇落唔太開心咁.....唉!!今日我地睇既係''大佬愛美麗''呀!!但套戲睇完出黎比我預期之中差呀,有點兒失望呀!!

好大力呀!!


睇完之後就吃野lor,去左吃咩呢??死火唔記得左tim!!哈哈~~呀,醒起啦~~我地去左吃拉面呀,好好味嫁~~家下諗返都回味無窮呀!!更住我地行多一陣陣就送豬仔搭車車而我都懶懶地去左搭van仔返屋企呀~~返到去.....打陣機上陣網早早訓lor,但.....

>>April 18, 2004 at 3:40:53 AM GMT+8

2004 年 4 月 14 日 星期三 【陰】

留意春仔個頭頂


今天晚上約埋文仔/威仔/周傑四個人仔齊齊聚聚吃餐晚飯啦!!我收左工會完周傑再會威仔文仔更住我地就去左''老寧''打邊爐啦~~哈哈!!我地幾個都好耐冇齊齊吃餐飯仔lor,雖然我地係有踢波見見面既但都認真嗲下計既所以今餐飯我地一見面就已經不停嗲計啦,乜都嗲一餐呀!!大家把談歡呀.但威仔既茶量差呀,飲唔夠一陣就已經醉左lor~~呼!!語無倫次呀~~哈哈,真抵死呀!!

知佢乜水嗎??


另外今日有一件大事係好值得開心開心既,就係文仔佢今日第一天返工lor,哈哈~~所謂既白領高產階人仕啦~~heeee!!我地都好替佢開心至於威仔佢都搵到份工作啦,雖然都唔係近期既樹,但大家替威仔開心,結果今晚由佢做東啦,而文仔就會係下月到佢做東啦,哈哈!!

嚇死人咩!!


幾時先到我同周傑做東??唔洗掛??呵呵~~吃左好多野呀,好飽呀,阿傻傑佢真係傻嫁~~不停咁叫野食,哈哈!!飽飽啦~~齊齊鬆人慢慢咁行過去總站度搭車啦!!返到屋企個人都已經累累地啦,白白完打陣NBA更住上陣網就早早訓lor.....叉足晒電迎接今個星期的最後一天啦!!

>>April 16, 2004 at 6:21:28 AM GMT+8

2004 年 4 月 13 日 星期二 【暴雨】

誰勝誰負??


都係咁叉樣啦.....即係又係得得閒閒咁返工lor!!呼~~應該因為岩岩過左個復活節關係啦,d人又去完旅行,今個月可以算是個low season啦!!總之就喊又唔係笑又唔係啦~~今個月我仲要跑成萬銀既數tim呀!!起初我都怕怕地既但家下就.....哈哈,夾到單大野呀所以今個月條數都應該冇問題掛??

唔好傷心啦---周傑


今日lunch我出左去同kaka齊齊吃飯飯呀即係金仔女友呢!!我地去左間車仔面度吃野呀,起飛都冇咩樹既但我吃吃下就唔想吃啦,仲想嘔tim呀!!真係麻鬼煩呀~~想吃餐飯都咁辛苦.....吃完返來就撐多陣又係時候收工lor,哈哈~~我都覺得呢兩日返工真係好叉悶呀!!哈哈~~算啦,收工係返屋企前去左百佳入左d貨啦,但我身上冇錢嫁~~

型到澎澎聲呀!!


哈哈,好在百住有八達通用姐~~天助我也!!好重呀.....返到屋企即吃飯啦,今餐特別好味道咁既??或者好耐冇吃住家飯掛??哈哈~~更住就同小朋友打左三鋪winning啦,結果3連勝呀!!之後上陣網玩陣CM白白埋最後打埋幾鋪NBA同wingwing嗲埋電話就早早覺覺豬lor!!因為今日我真係幾累下呀~~呼!!明天加油啦!!

>>April 15, 2004 at 3:00:34 AM GMT+8

2004 年 4 月 13 日 星期二 【晴】

今日係我放假後重新投入工作的第一天,當我起身既時候就真係好不願意啦,或多或少因為習慣左前排既夜訓晏起既生活啦,哈哈!!不過點唔願都要起嫁,搵食ar ma~~好在琴晚都唔算夜訓既姐,所以起身都撐得住!!返到久違既公司自己既桌面啦,點解咁亂既??成桌都係野呀??激死人呀~而且d計數機/penpen/塗改帶又冇晒wor.....麻得煩呀!!冇返九日姐??如果我再耐d咪成張桌都俾人霸埋??

哈哈~~今日一早都唔忙既只係跟番自己係假期所交落既booking姐~~呼!!都攪左一輪都煩左一輪啦~~更住既係到吃飯時間啦,我出左去呀~~你地都知今日係星期二嫁啦,所以我同wingwing就決定左今晚睇戲啦---''戀情告急'',買左飛更住就到到大家樂吃下午茶啦---平靚正!!好啦!返多兩個幾鍾又可以收工嫁啦,撐住呀.....一夠鍾即走呀!!趕去睇戲呀~~呼.....

今晚都唔太多人睇姐,套戲其實都算好睇呀~~唔差既都,幾好笑但又幾深奧bor!!哈哈~~不過點都算係叫做值得一看既.....不過最好就同埋你/妳既另一半齊齊睇就更加好啦!!睇完之後唔洗多講呀~~吃野吧---味千老拉呀!!wingwing吃左個老車大蝦拉面而我就吃左個帶子拉面啦!!飽飽之後就行左陣啦,夾糖糖吃甜品最後送埋wingwing搭車車自己都澎澎聲返屋企lor,因為自己都幾累下呀~~

哈哈,即白白睇陣電視就訓著左lor,途中wingwing打黎嗲左一陣電話啦!!最後都係要早早覺覺豬lor......呼!!

>>April 14, 2004 at 2:55:20 AM GMT+8

2004 年 4 月 11 日 星期日 【晴】

''好痛呀~~''


足足九日既假期......放埋今日就完結lor!!!呼~~回想返呢九日我可以好肯定咁同你地講''我覺得好浪費''就連我都咁堅決咁肯定咁講可想而知就真係.....唉!!!點解個天要咁樣樣玩我既姐??大佬,我得罪左你咩.....玩我都遲d先啦.....當我打呢篇既日記時係一路喊住黎打既......唉!!!我真係唔知可以點做啦,一心一意真係好想玩盡晒呢九日大假既,好想好想可以輕輕鬆鬆開開心心咁樣樣過日子......但真係連一日既真正開心都冇呀!!換來既只有悲傷,神呀!求求我吧??

達達呀!!!


你地仲記唔記得我前排既日記呀??仲度好晒呢九日既大計.....諗住可以一一實現啦掛??點知,只有既係一一既失望!!!去旅行/行街街/露營......哼,竟然一樣都冇好好咁實現得到啦!!!我知道家下我點樣唔開心,喊又好,發脾氣又好點都好個結果同答案就已成定局嫁啦......但我個心真係好唔甘心白白浪費左呢九日!!!如果真係有叮噹既話,我想問佢借樣可以時光倒流既法寶呀!!!可惜我現在只係對牛彈琴,空口講白話咋......試問呢一刻有誰可以幫到我呢??唉......

Trezegol.....


>>April 12, 2004 at 11:54:01 AM GMT+8

2004 年 4 月 10 日 星期六 【晴】

老實講呀.....去唔到露營係我最唔開心既原因,如果你地明白我既話就知我點解會咁唔開心啦!!!上月尾我就已經係等到今個月既11號......由決定去露營果日我就已經好期待好希望......所以我係呢後時間左好多既功課都關於今次既露營---路線/安全/交通/金錢/問題......攪掂好晒啦,點知係出發前一天先話去成??

唔係fa......本來去唔成或者唔係咁嚴重既姐,但我都講左好多次啦,今次係唔同既.....我係發起人所以我既任同本份係好重要......正所謂坐言起行,所以今次我好認真好認真諗住攪好今次既露營!!!由第一天開始我已經足晒功課啦!!!問我契媽契老豆借營/爐/袋.....呼~~點解要俾個咁既答案我呢??到目前為止我都係好唔開心,對事仍然係好難望呀.....哼,仲記得當我去拎營呀/爐呀/袋既時候契媽契老豆仲同我講叫我小心d,玩得開心d.....對佢地笑呀!!!但其實個心係喊緊傷心緊既......有誰會明白我既感受呢??

我知道呢幾日係我好唔開心既時候有''佢''既出現.....我知道佢明白我既唔開心,我睇得到佢點樣想盡辦法令返我開心番等我冇心唔開心既,好多謝妳呀!!!有時候我仍然都係唔開心好灰咁樣樣,sorry呀!!!但我都想咁嫁,我都唔想令妳譫心同唔開心既.....但我今次真係好唔開心呀!!!妳明白嗎??妳既陪伴令我感到開同溫暖,但始終都係果句啦,今次既唔開心/傷心係同以往既好唔同......呢點只有我先可以睇得見,我自己都知問題係邊度既,但我唔識得解決呀!!!辛苦妳啦.....我明白妳既勞氣係為我好既,但我唔想係唔開心既時候妳都惡對我呀!!sorry......

>>April 11, 2004 at 7:29:30 PM GMT+8

2004 年 4 月 9 日 星期五 【晴】

9號我同埋wingwing江少君君大雄一行5個去左海記呀(即係海洋公園)!!!我都好耐冇去啦~~記得前兩年既時候仲有海記既年証既時候我時常叫人陪我齊齊入去玩玩既,哈哈!!!無限次出出入入wor,緊係用盡嫁啦!!!記得既係仲不停咁叫身邊既人仔呀,而阿華仔更係同我一樣有全年証嫁,哈哈.....但我今篇既內容非講今次去海記既趣事同經過bor!!!反而我想講既係.....當年呀,唔知我有冇講過我第一次去海記既經過呢??

哈~~唔理啦,家下就講俾大家聽聽啦.....記得我第一次去海記既係同我阿爺二伯二伯娘四個齊齊去既,哈哈!!!我記得既係我充足開心期待去今次既海記嫁,因為係第一次ma......所以我好想玩機動遊戲呀!!!但.....當時我未夠呀~~有d就玩唔到但又有d玩到呀!!!哈哈.....今次去海記係我睇海洋戲場同玩太空摩天輪既時候突然我想第一次既景象同感受.....我諗最令我回味既係我阿爺啦.....呼!!!

冇得露營對於我黎講真係一件可悲既事情......星期五去海記當江少同大雄傾開計既時候我就已聽得出佢地唔太想去露營啦......點解呀??我真係好想問問佢地呀,但我冇咁做到.....反而仲同佢地講冇所謂啦你地喜歡啦!!其實我個心係好想好想去嫁,或者呢d咪就係叫做口不對心啦!!!呼~~到到晚上當周傑打黎既時候始終都係要面對現實.....sorry呀周傑!!!

我記得你係電話度同我講左呢句:''唔好咁傷心啦!!''當你講呢句既時我真係好感動.....點解你可以明白我既感受而佢地就唔明白我既感受呢??大家差左d咩野野呀??呼~~算吧算吧!!!或者我既希望我既夢想都已經不會是在明天掛??冇了期既等待......

>>April 11, 2004 at 7:27:08 PM GMT+8

2004 年 4 月 8 日 星期四 【晴】

失望的一個晚上......

>>April 10, 2004 at 5:50:17 AM GMT+8

2004 年 4 月 7 日 星期三 【陰】

越來越近露營既日子我既心情就越來越緊張......期待左咁耐既活動仲有兩日就去得啦~~yeah!!!

今日同平時差不多啦~~今日我都冇街街度呀,太懶啦!!!簡單講講今日就算啦~~!!

小朋友佢又係要露營呀!!!成四日三夜呀~~佢不知幾咁好呀!!!正呀~~我都可以玩到咁多日就好啦!!!我都好想呀!!!

至於另一邊就d大人都要佢地自己既節目呀~~返大陸呀!!!哈哈......

呀~~琴晚另一場波又出現左驚人既戰局啦!!!

拉科係落後1-4既情況下回師主場以4-0大勝而回呀......真係講你都唔信呀!!!

哈哈......

>>April 10, 2004 at 5:49:30 AM GMT+8

2004 年 4 月 6 日 星期二 【晴】

今日起身之後.....吃埋個午餐就出門口啦!!!今日既節目比之前豐富得多啦~~就係同wingwing去太空館啦!!!哈哈~~失驚冇神點解去太空館??你問我我都答唔到你呀~~heeeee!!!今日係星期三所以幾個博物館都係免費入場呀.....幾好呀!!!首先齊齊搭船船先啦,更住就入場lor~~今日都咪話唔多人呀,幾鬼多''塞豆隆''呀~~哈哈!!!阿wingiwing就玩左個太空慢遊呀~~哈哈,好攪野呀!!!行到咁上下我地就出發到另一個地方lor!!!!

旺角---首先既係wingwing行左佢鍾意既地方先啦,即係有得買衫衫既地方呀~~結果佢既收獲都算是豐富啦,面我呢就.....都買左對涼鞋,衫衫,褲褲啦~~多謝黃小姐,更住我地就去左搵野吃啦~~嘩!!係花園街邊邊果d位幾咁多餐廳選擇呀,結果我地去左吃''新森林''啦!!!!吃飽飽又起行lor.....行多兩行就搭車車送埋黃小姐返屋企之後自己都返屋企lor......

好累呀.....累死人啦!!!今晚要早早訓至得呀~~如果唔係就唔靚仔嫁啦,哈哈!!!

琴日我咪講左句''足球就是這樣的''既??其實我咁講都因為.....琴晚既歐聯賽事令我有咁既感覺姐~~事關頂頭大熱皇馬係首回合領先摩納哥4-2,諗住次回合睇住食掛??重馬仲要由魯爾先入一球....多個作客入球,係睇既途中心諗皇馬今次掂啦掛??點知......另一邊既車仔對仙佬,又係咁~~~首回合仙佬打和一一諗住有個作客入球今次返番主場睇住食掛??哈哈,自己先入波啦~~誰不知比車仔連下兩城返勝番呀.....仲要臨天光香埋tim,哈哈~~就係因為呢兩場波令到我......''足球就是這樣的''

>>April 8, 2004 at 5:04:21 AM GMT+8