2004 年 6 月 14 日 星期一 【陰】

你爭我奪


終於都到意大利出場啦~~heeee!!等到我呀~~我既愛隊呀,好彩佢呢場波係踢早場咋~~如果唔係又有排苦啦!!一開電視.....簡拿華路既光頭LOOK/托迪既辮仔/甘莫藺尼斯既武士頭......諗住意大利會係今屆有新既面貌~~點知就.....唉!!當當熱門之一,係今場波踢起黎竟然一點皇者風範都冇~~點攪呀??話雖意大利係慢熱姐~~但.....總之就令人失望啦!!悲哀呀~~接住既就係黃藍軍啦,今屆有拿臣既復出~~都幾有睇頭呀!!真係唔錯呀~~快上快落,踢法悅目~~睇睇下仲有點點黑馬成份呀!!掂呀~~好眼訓好辛苦呀!!呼~~

隻獎杯好靚bor~~


三個無里頭


>>June 16, 2004 at 9:22:15 AM GMT+8

2004 年 6 月 13 日 星期日 【晴】

今屆要爭取好成績呀!!!


第二組既比賽開始啦!!今晚既全場焦點都注射住英法大戰啦~~歡喜怨家呀,法國佬大半球員都係英超搵食,簡單黎講即係熟識英格藺踢法啦!!但又有人講呢班係英超搵食既法國佬都俾人了解晒踢波啦~~真係.....點講都岩既,落到場踢完咪知啦!!首先頭場既唔係呢場大戰呀,而係~~同組既另外兩隊.....克仔地亞對瑞士雞翼呀!!結果~~我相信呢場波都冇人會睇嫁啦,只有我同大雄兩個傻瓜啦~~哈哈,佢想早訓既但又訓唔著,我地不停互send信息,好似ICQ呀~~好白痴呀!!

哈哈~~接住既就係戲碼所在啦,英軍大戰法國佬/艾殊殊火併皮里B/丹丹激戰碧咸/黑鬼拉大戰林柏浩/神經刀火併神經刀......仲要馬基大戰尼利!!開波啦開波啦~~原先係約埋波子立少阿曾既,不過到最後都係取消!!算數啦~~遲下希望有機啦!!邊食留連邊睇波邊食汽水~~真係爽呀!!yeah~~首先開紀錄係英軍呀,由碧咸既招牌罰球傳中,林柏特一頂破網啦!!呀~~唔通英軍可以打破多年係國際賽既紀錄??(因為英軍每每係大型比賽首場比賽均未能勝出)

點知~~果頭一講把烏雅口啦,係想訓覺之際,丹丹一記網仔罰球咁就追平啦,一比一咁就完場??我都係咁諗,今晚又一次球迷奇偶記啦,補時三分鐘可以由輸變羸,零分變三分??哈哈~~唔到最後一刻都唔知呀!!謝拉特冇心機既回傳,亨仔一偷,單刀~~果占士一撲...咇咇!!十二碼~~丹丹一射.....又係果個位~~二比一吹埋完場雞.....從電視可以看到英軍各人失望傷心既心情!!拎晒頭都冇計嫁啦~~訓lor!!聽日實大把人講呢場波lor~~呵呵!!

好索呀~~


>>June 15, 2004 at 8:24:49 AM GMT+8

2004 年 6 月 12 日 星期六 【晴】

下季加盟維拉呀!!!


估佢唔到~~希臘第一場波就已經......為今屆既歐洲國家杯爆左一個大大大大大冷啦!!唔通又一隊塞內加爾??其實呢場波全世界既目光都注意係葡萄牙身上嫁啦~~一黎佢係主辦國,二黎今年係黃金一代既最後一次機會!!點知就......開波十分幾鍾就已經令國人失望啦,下半場有D起色既點知......後備兵竟然就越幫越忙啦!!好一個''新扭扭樂''呀~~雖球十二碼但又追回一球~~可惜已經為時已晚呢!!結果.....波溝裡番船lor~~睇黎黃金一代既葡萄牙都唔再黃金啦~~應該叫做黃昏一代會岩d既~~heeeee!!

名大於實??


頭場完左啦~~到尾場西班牙啦,我視佢為今屆既大熱份子好有機會奪標既一隊,可惜~~西班牙始終都係慢熱d呀,所以只可以係下半場中段入波,咁就以一比零完場啦~~呼!!希望接住既比賽會有好既表現啦~~總結第一日既比賽可以話係爆出半個冷門啦,葡萄牙爆冷輸左,西班牙正路羸啦~~呼!!未知第二日既比賽又會如何呢??我會每天為大家公司直播既!!哈哈~~

意軍3條A


>>June 14, 2004 at 6:23:16 AM GMT+8

2004 年 6 月 11 日 星期五 【晴】

相差幾多呀!!


開波啦---歐洲國家杯2004!!!!唔知各位波友準備好未呢??heeee~~我就已經準備好晒啦,睇波必備既薯片,汽水,波衫.....樣樣齊呀,今晚打頭場既就係葡萄牙對希臘呀~~主隊唔知道可否以主場之利爭取好成績呢??晏些少就為大家直擊佈道呀~~

今日我都比較早就返到公司啦~~我指既係銅記呀,今日終於回歸啦,感覺上真係好唔同呀~~返番主場的而且係唔同d呀!!!!之但係.....今日我搭車途中先至醒起~~唔記得戴鞋/booking返公司呀,激死人啦!!!希望唔會有咩差池啦~~願主保佑啦!!!

今日總結成績都唔太差呀~~開左兩張單呀!!!一夠鍾就返屋企lor~~澎澎聲整一整部新既錄影機先啦......heeee!!!!其實我想買好耐嫁啦~~家下又有歐洲國家杯,諗住錄抵晒今屆所以既入球,到到最後燒成一隻碟黎回味回味呀!!!!如果今次成功既話.....黎緊既英超/意甲/西甲......都會如是者嫁啦!!!攪左唔係好耐啦~~就掂晒啦!!!更住就出門口lor~~過左去東村吃飯飯呀!!!!更住......heeee

落左樓下,上頂打陣波呀~~同埋大雄華仔.....都好耐冇打波啦,結果成績就麻麻地啦,三連敗呀!!!聽起黎都好難睇呀~~激死人啦總之就.....希望慢慢地大家既技術同狀態可以回復過來啦!!!!其中有一場就差d可以羸嫁啦~~點知......唉!!!!加時輸緊0-2,起晒火連入兩球再加時~~第二次加時2-0果陣.....我一野冷箭三分......頂佢呀!!!入左半撞番出黎bor......激死呀,我地三個灰晒呀~~當堂死晒火,結果.....輸埋......唉!!!更住搭車返屋企lor~~白白完上陣網就開波lor~~!!!!

大快活---新驚喜!!!


>>June 13, 2004 at 11:32:41 AM GMT+8

2004 年 6 月 10 日 星期四 【晴】

終於都捉到妳啦!!!


今日係我最後一日係老鑽啦!!!有點兒依依不捨tim.....唉,希望第時有機會啦,今日都係幾早就返到公司啦,一早返到去都冇野好做啦,因為要跟要做既都已經攪掂晒啦~~heeeee!!!所以今日真係好閒呀~~又冇客仔bor!!!呼~~所以今日都早早準時收工鬆人啦,收左工返屋企啦!!!肚仔餓呀~~吃過飽飽之後就訓lor~~想玩陣電腦都冇晒力啦!!!!結果就咁樣一訓就訓到兩點又起身上陣網搵搵豬仔先啦!!!heeeee~~~

-19 Juventus


卡路士守龍呀??


>>June 12, 2004 at 10:30:57 AM GMT+8

2004 年 6 月 9 日 星期三 【酷熱】

保方新LOOK~~


今日.....第二日返鑽石山啦!!!今日比琴日遲左起身~~好彩都岩岩好返到公司冇遲到既姐!!!heeee~~好彩呀!!!今日一早就已經好餓啦,但絕對要節儉呀,盡量留番個錢,不必要既洗費真係避得就避啦!!!所以今日個lunch都特別大既~~哈哈,今朝一早就已經忙到暈啦,又要跟放大假同事booking又要跟自己既.....激死人啦,到到兩點先真係有個空可以抖一抖休息一會咋,呼~~估唔到一個人撐住間行的而且確唔係一件易事呀,都幾辛苦呀,但我家下自己一個都好滿足~~雖然係辛苦一腳踢,但突然間我都好想有自己既一間分行.....哈哈,希望日後有機會啦!!!

今日我仲發現到現在放緊大假個同事既男朋友仔原來佢自己係開汲衫鋪嫁,嘩~~正呀!!!等佢返稷一定要識佢男友呀!!!聽聞佢男友係開一間一手二手既波衫鋪呀,如果我將來可以學似佢咁就好啦,聽下佢點樣樣白手興家實現願望都好呀!!!我相信我總有一日會達成自己既夢想.....言歸正傳啦,到到下午吃飯過後都已經冇咁忙碌啦~~自己既人地既booking都跟得差唔多啦,家下我條數已經有八千啦~~估自己唔到呀,睇怕今個月都應該夠數嫁啦,係多定少姐??

收左工澎澎聲返屋企lor~~因為電話冇電所以途中冇得玩玩自己友send信息呀,勁悶呀~~返到屋企冇飯吃wor.....自己煮福面吃吧!!!幾好味呀~~之後白白睇電視lor!!!又係要早早訓呀~~迎接我最後一天既......鑽石山!!!!

你快定我快??


>>June 10, 2004 at 1:02:49 PM GMT+8

2004 年 6 月 8 日 星期二 【晴】

玩晒啦~~


一連三日既鑽石山之旅終於開始啦!!!今日早早就起身啦~~八點半啦,出門口就搭九,去到銅記搭二再轉MTR去到老鑽竟然先得果搭八??未開門??冇計啦~~行左一陣荷里活廣場吧,但......咩野都未開行乜鬼呀??今朝一早都未算忙碌既~~幾清閒呀,間唔鍾有幾個客仔問下野啦,電客行線又唔洗聽既??heeee~~算係幾得閒呀,但到到接近收工時就忙碌啦,因為其實同事既booking又要收錢,自己又要收客......都唔明點解d客仔成日都係臨收工先黎既??激死人啦~~攪埋其他野都要成八點先鬆得人呀!!!都咪話唔夜呀~~比著平時係銅記,夠鍾想我留多陣都難啦,即閃啦!!!!哈哈~~

今日總之就開左三張單啦,都好過空手而回既,不過有樣野就唔太happy啦,之唔係交通費方面lor~~都幾貴下呀,一程既由香港仔搭70/72號($4.7)地鐡到鑽石山($11.8)來回x2你地幫我計埋啦~~真係冇眼睇啦.....不過算啦,一次半次當係學習又好點都好啦!!!總之我會好好把握呢次既實習既~~話晒作客......哈哈!!!聽日就等我講講老鑽既人和事啦~~heeeee!!!返到屋企成個人都已經幾累下啦,吃炒面上陣網打日記~~好眼訓啦,打陣機白白睇電視就早早訓著左lor~~呼.....明日---奸爸嗲啦!!!

踢波你就勁姐~~轉波你又識??


>>June 9, 2004 at 1:34:31 PM GMT+8

2004 年 6 月 7 日 星期一 【陰】

Juventus睇你啦!!!


係收工前......收到個電話,就係聽日我要過鑽石山頂行啦!!!呀??乜唔係星期五咩??咁怪既~~不過唔理咁多啦,是但啦~~早d過早d嚐試自己一個人頂住間行都唔錯掛??heeee~~我要向高難度挑戰呀.....仲要作客,你地都知嫁啦,主場就話打高半皮波嫁啦,聽日作客.....冇主場之利就要事事小心嫁啦,作客波就最好穩守突擊啦~~哈哈!!!總之就希望聽日d客仔生生性性啦,千萬唔好有樹啦!!!

今日整天黎計都算是幾忙碌嫁~~都未停過手既,但都比琴日好些少既.....家下自己條數就麻麻地啦,要再加加油至得呀,但有幾單booking都好好彩CFM左姐,如果唔係就要退嫁啦~~聽日要夾多幾個客仔至得~~heeeee!!!係收工既時候搭車竟然撞到三年前去camp既.....義工---''2 Ling姐''??周傑你記得她嗎??大家傾傾計,講講近況啦.....突然間令我回想起當時既情境,由第一次見面到......依依不捨完結個camp既時候!!!好懷念呀~~周傑你又記得嗎??記得我地夾手夾腳整果隻船嗎??記得源仔唔識游水個樣嗎??記得老鼠嗎??記得......好多好多既野嗎??哈哈.....如果時間可以倒流既話幾好呢??攪到我好想去camp.....

返到屋企就吃飯lor~~更住早早打日記啦,少有呀!!!更住打CM白白睇電視lor......今晚要早早訓呀,聽日要早早起身呀~~但幾點起身好呢??哈哈......死啦,今朝買果本全意唔記得帶返公司tim~~激死人啦!!!

有d興趣呀.....


>>June 8, 2004 at 12:47:48 PM GMT+8

2004 年 6 月 6 日 星期日 【暴雨】

今日......我好早就返到公司啦,足足既係早左三個字呀!!!但新同事仲早過我嫁~~或者係想有好表現俾公司睇啦,難怪既~~任何人係新既公司頭頭三個幾月都會努力d盡力d勤力d既......唔有好表現叫人地點請你呢??難怪難怪~~我都試過既......一早就已經好忙碌啦,因為要跟番自己既booking呀~~要跟緊d啦,如果唔係一陣個客走左去就大件事又小左d錢錢嫁啦!!!希望順順利利啦~~

lunch之後阿吳生就上左總行開會啦~~咁突然既??或者係大單野掛??都唔知咩樹lor~~對於我呢d打工仔低薪人仕唔理得咁多嫁啦~~希望唔關我樹就最好吧了......但下午唔知仲乜鬼野bor~~又係忙到暈晒既,多客仔到佢呀!!!!但大多都係問多過book lor~~唉......生意難做啦,好好彩今日自己都開左兩張單姐~~luck呀!!!keep住落去呀要......不停咁做不停咁做,時間就過得特別快啦~~收工時候即閃啦!!!收左工就去百佳買下野lor~~其實起初都係冇諗住買既留番星期五先入貸.....但有好多野都幾抵咁bor,就即刻入左貸先啦~~heeeee!!!都係忍唔住手呢??結果.....大手筆大出血啦,加加埋埋買左成$220.4呀!!!

真係.....誇張呀~~冇計啦6.12大件事呀,入定貸啦~~到時我真係訓都唔洗訓啦!!!好重呀~~一袋二袋既......返到屋企岩岩好吃飯lor,更住睇陣NBA先~~結果係點??今早已經知lor,之後玩陣電腦白白又睇陣電視上陣網打打日記玩玩估錯處就訓lor.....呼!!!今日先至係星期一......幾時先又再到星期日可以放假呢??唉~~好掛念放假呀!!!

>>June 7, 2004 at 5:54:21 PM GMT+8

2004 年 6 月 5 日 星期六 【雷雨】

又到左星期日啦~~又係要工既星期日啦!!!真係唔太開心呀~~之但係好好彩由今個月開始我都唔洗個個星期日都返工lor~~因為多左個新同事所以.....輪流返啦!!!heee~~我唔記得左有冇同你地講過呢??黎緊個星期五我將會自己一支公咁椒進註鑽石山分行呀!!!哈哈~~今次既調配我都幾驚喜呀!!!!之前都冇咩野野先兆我會過一過去既.....更何況係我從來未試過自己一個人撐住人地既分行呢??真有點譫心呀~~但銅記自己一個都頂得住lor,老鑽洗乜驚呀??哈哈~~

講返今日先啦.....今日出門口就已經天陰陰啦,希望9好落雨啦,因為一陣收左工有波踢呀,一返到公司座唔夠幾耐就已經接左第一單生意啦~~呼,都算係好既開始呀!!!其實今日開始我都想個人集中番d認真返d做野啦,抖左成個禮拜......係時候從新上力啦,heeeee!!!接住落黎我都好認真對每個客仔既.....到到收工今日既成績幾好幾滿意呀,前前後後收左五個新客仔呀!!!有大野又有細雞野啦~~heeee!!!最勁既咪一收就收左四個一年期去多倫多直航機票呀!!!!肥仔啦呢獲野就真係.....呵呵~~收工鬆人啦!!!!

係地鐡站等埋周傑/肥仔/老明/偉仔就出發啦~~今次既目的地係---石峽美足球場呀!!!對手原先係金仔既新華足球隊~~但因為我地勁遲所以人地就拉隊走人啦,冇計嫁,我都唔想嫁.....唉!!!佢地等多等都唔得既??搵住其他對手踢住先唔得既咩??唉~~我地就自己一隊同左d街外人踢啦,結果......係雨戰度大家都發揮唔到應有既水準~~偉仔金仔更勞氣不過呢??其實我地都有入波既,有陣時都有悅目既組織可惜既係臨門一腳......上場既英雄周傑今場就變左罪人啦,因為佢今晚冇著維尼32件國米波衫lor~~哈哈!!!至於老明都有兩球收獲,但其餘時間都麻麻地啦,肥仔呢場有唔少既誤傳同轉人慢表露無遺,我就更加唔洗講啦~~單刀對住個龍竟然......唉,太大意啦~~攪乜鬼呢??

大家都冇晒心機lor~~各自各搭車車返屋企lor......好累呀我都,返到屋企即白白更住上陣網啦~~吃過晚飯都冇計啦,早早吧了~~嗲左陣陣計lor......wingwing要考試呀今個星期,所以.....heeee,我可以大玩特玩啦~~想約小弟既,早早吧!!!!呵呵~~加油wingwing呀!!!

>>June 7, 2004 at 5:33:31 PM GMT+8