2004 年 5 月 5 日 星期三 【晴】

三人愛過畀值得一看


今日都幾眼訓下呀.....因為琴晚既車仔lor!!當車仔老領羸到第二球之後不知幾咁開心,成個人彈起左.哈哈!!但點知當俾人入到第二球既時候,面都黑晒呀,灰晒~~波就係咁嫁啦,算吧算吧!!今屆歐聯都唔知發生咩樹??由分組賽到到家下不知出現左幾咁多爆冷呀!!哈哈~~真係神奇事呀......講番今日先啦,今日好彩唔係好忙碌咋,如果唔係就死得人啦!!但點知係臨收工前竟然幾咁多人呀~~好彩我都冇空手而回姐,收左兩個客仔啦!!其中一個仲要係意大利人呀~~

咁難得既機會我當然係賣機票之餘同佢嗲左幾句計啦,我問左佢有冇睇意大利波??捧邊隊??結果佢所捧既係AC米蘭呀,哈哈~~佢仲問我鍾意邊隊呀,我當然答Juventus啦!!哈哈~~不過話時話近排我都收左唔少既外國客人,鬼佬,大陸佬,意大利佬.......heeeee!!收左工就返屋企啦,好累呀~~返到屋企飯飯更住玩陣CM又訓陣又起身白白最後同wingwing嗲埋計就訓啦~~明天之後就可以......

NBA Playoff


>>May 7, 2004 at 3:36:18 AM GMT+8

2004 年 5 月 4 日 星期二 【晴】

give me five .....


話咁快就星期三啦~~唔知點解覺得今個星期既時間過得好快咁既??哈哈~~返埋聽日後日又可以放假爽一爽啦!!家下度定星期有咩攪都好bor~~起身之後就走去swimming,更住吃午飯,更住打機再之後踢波最後就睇波吧~~好似好忙碌同埋好豐富咁呀!!但到時又未必可以成真呢??唉~~講番今日先啦,一返到公司先至知道拉科琴晚輸左wor~~呀??主場可以反勝AC大勝但今回對波圖竟然....波呢家野真係踢落去先至知啦,單看牌面都未必sure win呀!!

唔知今晚既車仔又可否反勝呢??今日返左成日工都唔係太過忙既姐,聽下電話跟跟booking.....都冇收新既客仔啦~~睇怕今個月都幾冷清嫁啦!!收左工就搭車返屋企啦,之後吃過飽飽就打打CM啦!!爽呀~~祖雲又做聯賽阿大歐聯又做阿大呀~~呵呵!!更住訓左一陣陣啦,之後同wingwing嗲計計啦,嗲到成點鍾就訓一陣吧,又起過身.....heeeee!!

唉.....下年努力過吧!!


我賺到咁多錢就好LOR......


>>May 6, 2004 at 7:49:09 AM GMT+8

2004 年 5 月 3 日 星期一 【颳風】

阿仙佬娘子軍......


嘩......今日中午既時候有個低胸大波既女仔黎左呀,佢搵左我book左兩張萬幾既機票,真有錢~~不過最勁都唔係呢樣野,話明係低胸大波啦!!阿吳生見機不可失就係咁描住條女啦~~真係睇到眼定定呀,唔只佢一個既,其他同事都係咁呀~~呵呵!!攪掂晒個客仔走左啦,佢地就不停咁討論討論.....哈哈!!收左工就搭77去太古搵wingwing齊齊睇戲啦~~結果我地睇左---''三人愛過界''本來就話睇江湖既但呢出好似有興趣d呀!!結果睇完出黎......真係好好睇呀,又風趣又好笑又感人呀!!

就連我都比套戲感動左幾次馬尿呀~~呵呵.....不失為一套好戲既,大家都值得入場一看呀!!睇完之後慢慢地行過去西灣河吃粥粥啦,更住就行行海滂浪漫一番啦!!途中嗲左唔少既計呀~~最後送埋返屋企自己都搭番77返屋企lor!!呼.....返到屋企白白先,再上陣網,眼仔訓早早訓lor~~同wingwing嗲陣訓lor,今晚有歐聯都唔睇啦!!

好特別呀!!


>>May 5, 2004 at 7:01:41 AM GMT+8

2004 年 5 月 2 日 星期日 【酷熱】

MVP - Kevin Garnett


今早起身有點兒辛苦同眼訓呀~~但都冇計呀,要起身返工撈野至得,我成日都諗如果中左六合彩就好啦!!可以晏起身夜訓~又唔洗做.....不過世上邊有不勞而獲至得嫁!!但我都要想一想如果可以令自己既生活可以改善??自從睇左一點點窮爸爸富爸爸之後都明白當日既意思,有機會既等我post係個日記度同大家分享一下吧!!

返今日先,今日返到公司又係咁啦,跟番自己booking澎澎聲出晒d機票酒店佢,等今個月月頭出咁d數月尾可以輕鬆點點吧~~所以今日都比較忙碌忙碌呀!!吃過午飯訓一陣又返多陣陣就可以收工啦,收左工返屋企lor~~個人比較累呀!!返到屋企抖抖玩陣CM就吃飯飯啦,更住訓一陣吧,好唔願起身好想訓到聽朝呀!!但要白白同埋嗲電話呀~~白完上陣網最後臨訓前同wingwing嗲左陣電話就訓lor.....訓之前係張床諗到唔少既野!!

講D好消息過你地聽呀~~細佬我近排買左好多件波衫呀!!有西班牙/英格蘭/祖雲/愛爾蘭/車仔/阿積士/國米/日本......哈哈,好開心呀~~一次過買左咁多件波衫,你地唔好以為用左好多錢呀~~加加埋埋咁多件都唔太多既,岩岩出左糧諗住黎令自己開心一番lor~~雖然買左咁多件呀,但咁多件當中冇件係新款既,反而既係舊款~~好怪呢??哈哈~~我唔太在乎新舊既,自己開心就得嫁啦~~但近排買咁多波衫自己真係好開心好滿足呀!!當我拎晒出黎慢慢睇既時候......就更加開心啦!!哈哈~~總之我既心情就筆墨難以形容嫁啦!!呵呵~~但未來既日子我諗自己都唔會再買新既波衫啦,因為近排真係買左好多呀!!回回氣啦~~heeee......遲下街街等我一件一件咁著俾大家睇啦!!

>>May 4, 2004 at 2:16:23 AM GMT+8

2004 年 5 月 1 日 星期六 【晴】

自己刷牙仔


嘩~~一早起身要搭車過旺角啦!!因為今日我要返旺角lor~~真係辛苦呀!!一早返到去呆下呆下咁啦,係度玩下拆炸彈lor~~都冇咩野好做啦!!到到lunch吃過飽飽之後又拆拆炸彈,今日我都唔知返黎做乜??唉~~總之就無聊啦,收左工等埋wingwing就街街啦~~過過去個同事既鋪仔先,雖然地方小但我都好想學似佢有自己既......努力啦自己!!同wingwing周圍行下啦~~哈哈,又吵架但又好番啦!!齊齊吃埋晚飯之後行多一陣就返屋企啦,間粥店好好味呀~~我想返屋企呀!!呀~~今日出左全意呀,我買左呀~~好開心呀!!因為佢又一次登出我既e-mail呀~~呵呵!!更住帶住疲乏既身驅回家lor!!好累呀~~返到屋企白白抖抖上陣網就早早訓lor.....突然聽日唔想返tim!!

又有一個足球之子離開現今既足球壇上啦---巴治奧是也!!雖然我對巴治奧既認識唔算深,但始終都有睇過下佢既足球.....所以我有陣時都被佢既球技所吸引到既!!最衰岩岩過左既足球友誼賽冇播到意大利對西班牙呀,如果唔係我會睇足全場啦,同埋當佢離場既時候我定必鼓掌站立致敬既~~老實講句現今世界真係可以踢到令人讚嘆既球星都冇乜邊幾個嫁啦~~所以又有一個球星退出真係令人有點兒可惜!!

好大粒.....


>>May 3, 2004 at 4:33:31 AM GMT+8

2004 年 4 月 30 日 星期五 【清涼】

新一個月新既一日新既開始......今日係五一勞動節即係紅日呀~~所以今日我有假放啦喂....今日都算早起身啦雖然琴晚咁夜先訓~~起左身即搵野吃啦,結果吃左個大中華碗面加蝦肉燒賣.....飽飽呀!!一路睇住報紙一路吃就更加賞心樂事呀~~更住就上陣網打陣CM啦.....之後同wingwing嗲陣計想訓又訓唔到,到到咁上下夠鍾踢波啦~~join埋波子等埋小朋友就出發啦!!

去到球場就已經差唔多齊人啦~~今日加加埋埋既都有好多人呀!!有d係藍風又有d係其他......都唔打緊啦,有得踢夠人就得啦!!一開波我地就已經分左兩隊玩啦,成9vs10/10vs11啦~~哈哈~~幾咁誇呀,多人到你呀!!不過咁樣樣玩法都幾好笑幾特別呀~~呵呵,更住都係頂唔住咁多人啦,結果分左三隊踢啦....因為今日book左成三粒鍾所以大家都踢到好累都好盡情咁玩呀!!真係可喜可賀呀......希望下次都係多人好過少人黎啦,講返今日細佬我既表現先啦.....

比之前好左??些微啦,但狀態始終都係谷唔起~~發揮唔到自己應有既水準.....都有d失望既!!今日起腳次數唔多,中龍多左但唔太夠力同角度~~至於傳球都係麻麻地,好差好差呀~~唔準唔夠力.....唔得''爽''呀!!要正視啦~~今日大多以後衛身份咁踢,清左唔少既波,位置感算ok啦!!但出腳就差點兒啦.....希望下次踢既時候會好好多啦d狀態!!今日入左一球靚波啦,右腳cup完左腳勁射呀~~唔得.....我要想想辦公室盡快吹谷一下自己既狀態同體能至得.....一於諗諗計啦!!踢完之後就返屋企啦~~好累呀!!有飯吃呀~~飽飽之後睇陣仙佬啦,基昂出場兩分半鍾觸球一次.....哈哈!!之後就白白啦~~睇埋雲達同曼聯就上網啦~~嗲嗲計睇睇野最後打埋日記先啦!!一口氣打兩日呀~~打完既時間係1:25.....眼訓死人啦!!聽日仲要返早+旺角tim.....希望順順利利吧!!

>>May 2, 2004 at 1:16:27 AM GMT+8

2004 年 4 月 29 日 星期四 【酷熱】

星期五....又代表著今個星期既結尾啦,而且今日都係四月份既最後一天啦!!明天就係新既一個月.....又意味著我今個月既收成已經完結,接下來既係新既開始.....總括今個月既成績比上個月更為好左??今個月係low season上個月係high season.....但成績不跌反升??哈哈~~而且月頭仲放左咁多日假,所以今個月我都覺得自己有點兒luck啦~~希望下個月都係順順利利越賺越多咁就最好不過啦!!

今日最早返既係我.....吳生同李小姐都遲到,一早返到去公司都係咁啦---''靜''lor~~我只祈求冇驚冇險又過一天可以俾我聽日輕鬆放假咋!!不過今日由朝到晚都冇大樹發生......好彩呀!!另外今個月我既成績係$18175.6呀~~哈哈,睇黎我係時候大個仔~~keep得到兩個月都過萬五,接下來既目標係下個月都要過萬五~~達到目標先當自己合格吧!!收左工自己行左陣啦~~又買左件祖雲Fans衫啦!!更住行過去灣仔行行先啦一支公,最後搭船船過尖咀join埋wingwing就去吃飯lor~~其實今晚約好左wingwing同埋佢一大班表弟妹親戚去食巴西燒既!!

哈哈~~所以我今日由早到晚一d野都未吃過野呀!!西利唔西利呢??heeee~~其實我由細到大都餓慣嫁啦!!開餐啦~~一開波大家都吃左唔少既野呀,努力呀!!而我咩都未食緊係更加博命嫁啦~~哈哈......飽飽啦,最後嗲下計~~研究下我既e-mail呀!!多到不得了呀~~之後12點左右就鬆人lor.....去左打機,話就話打一陣但一打就打左成兩粒鍾呀~~不過有驚喜呀!!竟然俾我係機鋪撞到''王晶''都係度打緊機bor.....哈哈!!最後行埋過去''星光大道''看一看就慢慢帶住疲乏既身驅回家lor.....好叉眼訓呀!!搭左N170呀,勁快呀~~21分鐘到aberdeen呀!!返到屋企上陣網.....好訓啦!!

>>May 2, 2004 at 1:15:08 AM GMT+8

2004 年 4 月 28 日 星期三 【晴】

幾咁計嘴呀~~


今日係我自己守住間行既最後一天.....由早到晚都風平浪靜撐得住呀!!不過係最尾臨收工既時間就真係好忙啦~~同事既booking吳生既booking~~d客仔一係唔上一上就成班齊齊上晒黎~~哈哈!!真係忙都暈啦~~但今日聽到句說話都幾安慰既,就係俾人讚lor~~''一個得唔得有冇咩野問題呀??''當然no problem啦~~係收工既時候又去左大買賣啦!!呵呵~~攪掂晒就返屋企lor,晚餐又係食杯面.....更住上下網睇陣電視同wingwing傾陣電話就早早訓啦!!個人又唔係累呀,但都眼訓嫁wor......正所謂早睡早起身體好呀!!

好特別.....哈哈,今期屋企樓下道電閘密碼竟然係我既出生年份~~真係神奇事呀!!另外前晚發左個好特別既夢~~就係夢見哥斯拉呀!!哈哈~~話說哥斯拉突然出現係香港仔度bor~~發生地點係百佳呀??我都唔知點解既,我買買下野突然周圍既人都走,原來有怪獸wor~~我出外看看原來係哥斯拉~~呵呵,我都走人啦!!我仲記得哥斯拉帶埋個仔黎既~~哈哈!!其實我都唔係第一次發d咁白痴K怪既夢嫁啦~~之前又夢過疆屍/喪屍.....哈哈!!可能我成日都諗呢個世界有冇呢味野啦,又成日睇埋D咁既電影所以咪夢見掛??真係估我唔到呀~~又陣時會係好可怕但又陣時又好好笑既~~呵呵!!

琴晚當我去旺角MTR等緊人既時候.....突然我回想起岩岩同wingwing拍拖既日子呀~~雖然地方唔同左但我依然想回當時既情景!!仲記得當時暑假wingwing係太子度返工既,每每係佢收工十一二點既時候係地?站等佢收工~~有一次佢唔知我黎既,當時落住雨既~~諗住佢準時收十一點掛??點知.....哈哈,等左差唔多成粒鍾呀~~先見到佢,真係等左好耐好累呀!!但當時我都唔介意既因為.....哈哈!!佢都好驚喜見到我出現,最有趣既係當我送左佢到筲箕灣站之後自己搭返地?去銅仔啦~~點知.....過左時唔俾我出閘wor,呢次我好記得嫁,話晒都第一次~~呵呵!!唔知wingwing又記得唔記得呢??

>>April 30, 2004 at 6:43:05 AM GMT+8

2004 年 4 月 27 日 星期二 【暴雨】

瘦左又索左wor!!


今日一起身就已經.....好累啦!!每次激戰完之後都係咁,周身骨痛既~~唉!!所以由起身到到公司今日都係呆呆死死咁,心只希望冇大樹發生就已經係我既最大安慰啦~~但自己既野冇樹姐估唔到吳生既booking就有樹啦~~跟佢既booking都已經煩死人啦!!激死啦~~不過今日都有樣值得開心既野~~就係小弟條數啦!!呵呵~~一萬六千幾啦,仲差少少就拍得住上個月啦!!加把勁啦~~

今日吃飽飽之後就訓一陣先,之後撐多陣收工啦~~heeee!!今日有大買賣呀~~呵呵,但賣買完之後就唔係咁開心啦~~原先係同wingwing出黎吃飯既但.....算啦,下次先啦!!唯有返屋企自己食自己啦~~杯面加送尾!!之後上陣網就睇波啦~~日本對捷克呀,更住同wingwing嗲唔夠兩句就收線啦,唔好唔開心啦大小姐~~好累好眼訓呀!!最後都係早早訓啦~~明天早早起身啦~~

最後既係感染力啦~~唔知道你地有冇發現當球賽進行中有冇一兩位球員係可以令大家提起勁既呢??例如肥沃同金仔呢??其實感染力對球隊都有好大既幫助,一兩個球員就可以帶動成隊波嫁啦~~我唔知你地明白唔明白咩野野叫感染力啦,但我希望你地可以係比賽中當有一兩名球員踢得特別用心併博既時候你地都可以跟隨佢一齊既心態作賽.....可能帶起成隊波既人就係你啦~~總括黎講以上既野我唔知你地明白多少啦??但我只知道欠缺以上既野就會變成一盤''散沙''我唔希望己隊會係咁~~起碼最低要求藍風踢出黎都有個形都好呀!!希望大家加油努力啦~~!!

>>April 29, 2004 at 4:42:39 AM GMT+8

2004 年 4 月 26 日 星期一 【晴】

金童回歸!!


今日開始就係冇吳生既銅記啦~~要一個人撐住呀!!所以真係事事要小小心心呀~~千萬唔好有獲啦.....希望!!哈哈~~但調轉頭咁講對我又係一個考驗黎既~~成日話想試下一個人家下就試下一個人吧~~呵呵!!一早就已經好忙碌啦,又要跟自己booking又要跟吳生既booking~~總之就煩啦~~到到lunch吃飽飽之後都冇訓啦,要睇住間行呀!!等到收工既一刻心情先至放鬆點兒咋~~收左工即走啦,搭MTR過去尖咀會埋肥仔,老明,周傑,金仔就起行啦!!去邊??

哈哈~~之唔係踢波lor~~今次既場地係.....藍田一座??乜野野黎嫁??我都未去過未踢過啦~~今日仲有奪標子揚既,但因為塞車所以我地去到都好晏啦!!腳痕痕左好耐啦~~好想踢波呀,但第一場就差dd更住果幾場之後自我儉討之後想一想踢法好左之餘改善左唔少啦!!唔錯呀~~呵呵,可惜都係差些少先羸到啦~~激死人啦!!踢到關燈就鬆人啦~~我地4個都好累啦,搭MTR出返市區吃飽飽最後搭埋車車啦~~好累呀!!散晒啦~~返到屋企即白白睇陣小寶就訓啦~~我諗聽日實累死人定啦!!

其次既係合作性啦,如果家下同以前黎比既話的而且係進步左既,但呢d既合作性大家始終都未能經常發揮到bor~~點解呢??希望各位多多注意啦,無論係場外場內都好希望大家可以合作多點~~因為大家係藍風既人呀!!

>>April 28, 2004 at 3:00:01 AM GMT+8