2004 年 3 月 25 日 星期四 【陰】

今日係星期五返埋聽日又一個禮拜啦~~哈哈哈哈!!今早諗住叫個老麥十蚊雞早餐啦,點知條友仔話星期五六日都冇得優惠嫁bor.....唔係fa,我好叉肚餓呀!!激死人啦~~好,下星期一我要食呀!!今日一早就已經幾忙碌下啦,因為開門冇幾耐就已經有個傻傻地既人仔啦~~哈哈,但又幾好玩下既.結果都算做得成呢單生意仔啦~~更住去沙巴神山個客仔都山埋黎俾埋個尾數,之後都冇咩野好攪lor~~都係拆拆炸彈上上網咁啦,等到lunch時間吃飽飽訓一陣等收工......呼!!

係wor,今日仲有單麻煩野未講呀~~係我lunch前有兩個大陸婆上左黎book酒店,嘩~~佢地兩個不停咇li巴啦咁樣樣~~好煩呀,正一麻煩客呀!!激死人啦~~又耍佢唔走bor,唉.....我情願做少單好過咁麻煩啦~~!!收左工,原先今日諗住街街既,但wingwing到最後都係冇出到黎呀,呼~~由佢啦!!唯有自己返屋企啦~~今日都唔知發生咩野野樹呀,等巴士條龍長到pk呀~~等左成半粒鍾先至有車咋~~麻煩呀!!

落左車諗住睇下有冇咩野野課程好讀所以就行左陣啦~~更住去左百佳入貨啦,諗住睇下有d咩野野平既野吃呀~~但成績就麻麻啦,更住過左ok買幾支大腳板幾支野飲啦~~更住就返屋企lor....仲去左佐丹奴度探阿曾曾呀!!哈哈~~返到屋企冇吃飯呀,阿堂妹恩恩又上左黎bor,陪佢玩左陣啦~~更住自己都打NBA啦,哈哈~~張winning放低一陣先啦~~打到咁上下就白白煮野吃啦,都係杯面燒賣加鑵忌廉啦~~打多陣機上陣網就訓lor,途中同wingwing嗲左陣啦!!聽日都仲有返工呀~~不過半日仔姐,星期日又可以放假lor!!呵呵~~

>>March 27, 2004 at 2:54:07 AM GMT+8

2004 年 3 月 25 日 星期四 【晴】

有我一半呀~~


嘩~~今日真係差些少就遲到啦,岩岩好十點正返到去咋~~heeee,到目前為止都係兩次姐,就黎又一個月啦,heeee......今日仲悶過琴日仲靜過琴日呀!!到到lunch今日同阿柏浩齊齊吃呀~~結果我地就去左吉百利吃越南野啦,heeee~~好眼訓wor林柏浩條友仔!!返呢行開頭係辛苦d個人就累d嫁啦~~吃完之後肚仔痛痛wor,幾辛苦呀!!成日都差唔多係度拆炸彈拆炸彈......

哈哈,到到收工就返屋企lor,返到去吃飯飯更住打陣NBA~~heeee,我用左芬尼換阿卡達仔呀,好勁呀!!家下我聯盟排緊頭位呀32勝7負呀!!而我所用既係牛仔~~好勁嫁,陣容如下:姚明/奴域斯基/卡達/奧當/拿殊(正選)白蘭特/白賴仁格蘭/咸美頓/阿邦占士/雲艾素/疏爾(後備)係唔係覺得好強呢??哈哈~~無敵是最寂寞最是痛苦!!打完之後就上陣網更住同wingwing嗲陣計計就訓lor!!呼~~

係隻game度好洗好用呀!!


>>March 26, 2004 at 4:27:11 AM GMT+8

2004 年 3 月 23 日 星期二 【陰】

綿羊仔.....


嘩......好叉眼訓呀!!因為琴晚夜夜既吃飯同埋夜夜既歐聯就係咁攪到我眼訓到死呀~~結果
今日我咪遲到lor,但都係兩三分鐘姐~~算啦!!因為咁眼訓所以今早都冇乜心機咁啦,心只係
想快d收工快d收工返屋企訓覺lor~~今早同平時一樣啦,得個坐字客都冇多個啦,唯有既只係
電話不停咁響咁響,好煩呀!!最重要既係d客所問既問題大都一樣''請問復活節出發既仲有冇
位呀??''緊係冇啦~~咩時候呀??早又唔問家下先黎問,唉.....就算有既都懶得去做呀!!呼~~

到到lunch澎澎聲吃完之後就訓啦,太眼訓太累啦!!起身之後撐多陣啦~~希望時間過得快d啦!!
收左工即刻返屋企啦,途中經過優之良品買左些少野吃啦~~heeeee!!返到屋企即飯飯抖一陣就
訓lor~~太累啦!!

型呀!!


>>March 25, 2004 at 2:55:09 AM GMT+8

2004 年 3 月 22 日 星期一 【晴】

飛身一撲.....


今日返工如是者跟番自己booking啦.....都冇咩好做啦,但今日我一早就幫親左老麥啦~~因為$10,如果唔係咁平我都唔買啦~~或者真係好平啦,平時都唔見咁多人既,今日就竟然多人到你呀!!!哈哈~~我諗未來日子我應該會食多多早餐嫁啦!!!呼~~

lunch......好晏先吃得咋,洗飯盒途中我見到柏浩呀,哈哈~~係wor,我冇同你地講過bor~~柏浩佢家下係關鍵度做緊呀!!旅行搵關鍵......即係搵柏浩,哈哈!!!好事黎既~~佢不嬲都想做呢行,值得高興既,希望佢可以比心機做落去學到多d野啦!!!收左工......過左去搵wingwing呀,因為掛住玩雞雞lor~~哈哈!!!如果唔係為左玩雞雞我諗都應該返屋企嫁啦,順便我地吃埋飯飯呀!!!

去左吃車仔面呀......不過最激氣既係當諗住玩雞雞既時候竟然兩隻雞雞都係同時覺左wor.....哈哈!!!!真係激死人啦......heeeee!!!!結果我留低左俾wingwing幫我養住玩住先啦!!!呼~~更住我都返屋企啦,好累好眼訓呀!!!同wingwing嗲左陣計,當我就訓既時候......突然肥鵬同明仔打俾我叫我落街飲夜茶wor,呀??好啦好啦~~咁突然既??原來佢地有大單野值得慶祝所以叫埋我lor,去左金滿樓吃左好多野呀,最勁既都係吃左個芝士焗龍蝦伊面啦!!呵呵~~飽飽啦!!1更住就返屋企......覺覺豬lor!!!

唔用手都咁勁呀!!!


>>March 24, 2004 at 4:29:15 AM GMT+8

2004 年 3 月 21 日 星期日 【晴】

小肥呀.....


雞仔大拎去賣,賣得幾多錢??賣得三文錢......哈哈!!!今日收左工就過左去吉之島搵wingwing啦,我地都好耐冇行過吉仔啦......順道我地去埋反斗城買雞仔呀~~哈哈,''他媽哥池二代''啦!!!呵呵~~我同wingwing一人一隻呀!!!而且仲幫埋肥鵬買埋呀~~而佢買左成四隻呀!!!!嘩.....真係多雞仔呀~~我同埋wingwing係麥仔記度吃野呀~~''每日六點後各款超值套餐.....只賣$15''哈哈~~結果就成為左我地既晚餐啦~~吃飽飽齊齊玩雞雞啦!!!

更住我地去左吉之島去shopping啦.......但主角係wingwing呀!!!因為佢有錢可以買到好多野食呀~~激死人啦,我都好想買呀!!!更住送埋wingwing返屋企之後我都返屋企lor,都幾累下啦~~白白上網打日記......嗲陣電話就訓啦!!!哈哈~~小雞雞又訓呀~~呵呵!!!真白痴呀.....

成日都見到佢既.....係報紙度


>>March 23, 2004 at 9:09:56 AM GMT+8

2004 年 3 月 21 日 星期日 【晴】

星期日放假最好做d乜??當然係訓餐飽嫁啦~~辛苦左成個星期最想最想莫過於休息嫁啦!!但我今日冇訓到黃朝百晏wor.....哈哈,反而仲好早就起左身tim.....heeee!!起身做咩??之唔係吃早餐lor,唔知點解突然好想食所以就突登早早起身買早餐吃啦,我就係咁嫁啦,想---就去做吧,至緊要自己開心既姐!!哈哈~~都係叫外賣吃麥記啦---''早晨全餐''一路睇住報紙一路咁吃落去就真係......爽呀!!

最享受呀,更住就打winning啦~~打左幾鋪就上陣網更住嗲左陣計,諗住過去搵wingwing既但最後都係去唔成,更住自己就訓覺覺豬lor,呵呵!!一訓就訓到成7點先起身飯飯啦.....飽飽之後睇電視,無線做唔知乜Q野呀,但都幾好呀~~heeeee,睇下我幾咁難得竟然去睇電視~~仲要一對就對住電視成兩粒幾鍾呀,近排既Alan都少見啦......睇完之後睇陣啦,之後上陣網打日記.....ICQ一陣傾埋電話就早早覺覺lor!呼......好唔捨得呢個星期日呀,因為我仲要休息多d抖多d呀!!

上星期六同利安班友仔踢波.....雖然大家都耐冇見一排.....而且又唔同年齡又唔太熟,但我地之間見返都冇咩大樹呀---''喂,Alan乜原來係你黎嫁?我差d識唔出你tim.....''呢句咁既野野我都聽左唔少次lor....乜真係同長髮時咁大差別咩??同佢地踢波都冇咩大樹呀.....反而唔知點解同佢地產生左一種友誼呀,哈哈!!又多班波友啦....講開波友,我都的而且確係幾多下嫁.....講到最勁莫過於肥沃果班啦,真係好西利嫁!!你地未見過咋,如果佢地用盡全力出盡人腳.....都咪話唔驚呀!!我同佢地踢.....我只係好小好小嫁咋!!我都好想學似佢地咁勁呀.....仲記得以前每到星期日都同埋佢地上水庫踢波既,雖然已經夠人~~多數我做後備,但係佢地身上已經學到唔少既野啦....但家下各有各忙啦,想踢次波都難呀!!我成日都講呢句說話既---''想勁d除左下苦工仲要同下d勁人踢下至得既''哈哈.....

>>March 22, 2004 at 4:29:23 PM GMT+8

2004 年 3 月 19 日 星期五 【晴】

唔知琴晚既圖片大家覺得精彩唔精彩呢??哈哈~~本人就真係津津樂道啦!!!heeee~~言歸正傳啦,今日我都係要返工既~~換句話講聽日既星期日我就可以放假lor??哈哈~~正呀!!我真係想放星期日多過放星期六呀.....今日係返工之前有樣野要辦呀,就係book場啦~~呼.....一去到就已經好多人啦,或多或少都因為星期六啦,所以我今日成績麻麻地咋~~只係book到兩日既場咋,更住就返工啦~~返到公司今早得我同Candy兩個咋,阿黃生將於12時先返工既.....不過都係好似平時咁啦,每天早上都係死死氣冇生意既.....都習慣嫁啦,有客仔都係下午先至開始慢慢有嫁啦!!

黃生返埋黎啦~~而我就可以lunch啦,吃飽飽本來想訓一陣既但都係訓唔著所以就由佢啦......撐埋個幾鍾佢啦!!收左工原先諗住同wingwing街街既但突然有d大樹所以就取消左呢個行程啦.....面我就返屋企啦,是但啦!!咪當抖抖lor.....今晚有波踢嫁,原先我都諗住唔去既,因為條腰都未好番諗住抖抖啦.....但見又冇街街去又好似冇咩人仔去所以去埋啦!!行行企企都好啦.....今晚到場既隊員都唔太多既,加埋先得果10個人仔,冇計啦~~咁大個場唯有叫其實人齊齊踢啦.....今晚10人當中其中3個係肥沃阿鵬腳子黎呀!!

哈哈~~佢地黎左踢起黎都爽d好玩d啦!!今日我個表現麻麻地啦,守龍為主因為都費事玩到咁盡啦.....一陣再傷d就手尾長啦!!今日我入左兩~~heeee.....無獨有偶既係我兩球都係用左腳入嫁,哈哈~~我都好耐冇入波而且仲要用左腳啦.....唔好以為我左腳係符碌呀,都入得幾靚下嫁~~哈哈!!林柏浩都話我---''雙槍腳''呀!!踢到十一點就鬆人lor......返到屋企即白白更住丁野吃啦,之後睇陣波嗲陣計上陣網打陣機又睇陣波.....就訓lu,好在聽日係放假既姐.....heeee!!I Love Sunday more then Saterday~~

>>March 22, 2004 at 4:27:03 PM GMT+8

2004 年 3 月 18 日 星期四 【陰】

今日當我幫個客仔搵一搵d資料時,我發現此地.....神山!!

松鼠仔仔


雲海


身在上下層之間....


火燒既晚霞


日出既一殺那


多麼辛苦呢?


海拔4,095.2m神山山頂---東南亞最高點


我已經被那壯觀美麗既景色收買了啦.....
太漂亮啦!!!
我誠意推薦此網頁
http://world.go2c.info/kinabalu/index2.htm

>>March 19, 2004 at 4:40:34 PM GMT+8

2004 年 3 月 17 日 星期三 【陰】

今日如是者早早起身吃左兩件蛋糕就出門口啦,近排都冇遲到我都幾開心啦,heeee~~返到公司都係跟跟自己既booking先啦,睇下有冇咩野野大問題呀!!每天一早都check一check睇下有冇錯溜咁樣樣可以令出錯既機會減低呀,話時話我近排都好少爆獲犯錯呀,希望唔好再有d唔如意既野係我身上發生啦!!今日比起琴日前日都係靜左好多,人流都相對地少左......呼!!

lunch~~吃完之後坐多兩坐就等收工啦~~收左工去拎蛋糕仔先,更住就搭車過東村問左肥威借左d野,之後就上左阿爺屋企啦,諗住係吃飯飯打邊爐既~~但華仔大雄都叫我打波,見自己又好耐冇打過波所以就落左去打波,唔吃野住啦!!上到球場.....得三條友仔打咋,更住就撩人鬥波~~哈哈,都好耐冇鬥過波啦~~頭頭都幾好既,但俾人追追下加埋時仲輸埋tim呀,激死人啦~~第二場好d既,先輸後追平加時但最後都係輸左~~好唔抵呀,激死人啦!!

到到第三場啦,呢場勁lor~~我一下既平民射球之後落地果下落得唔好,結果拉親條腰呀!!好痛呀~~彎唔到條腰同埋行唔到呀.....過左陣輸埋呢場之後抖抖啦,諗住會好d掛??點知一d好既都冇.....仍然咁痛,彎唔到條腰先係最大件事呀!!返番上樓打邊爐整電腦.....更住就約埋華仔小娟拎埋蛋糕上左去大雄屋企啦!!哈哈~~

一到十二點''大雄生日快樂呀!!''哈哈~~驚喜唔驚喜....天寒地凍仲要夜麻麻上去慶祝生日,heee~~之後大雄華仔送小娟返屋企啦,而我都返屋企lor~~搭的士......我唔想搭嫁但真係好痛呀!!返到屋企白白上陣網好累早早訓lor!!但......

>>March 19, 2004 at 2:40:27 AM GMT+8

2004 年 3 月 16 日 星期二 【微雨】

今日一返到公司.....個人都未訓醒咋就已經有條傻傻地既人仔入黎問沙巴PKG啦~~諗住耍佢走啦,點知佢又真係俾錢出黎book嫁wor....哈哈,結果今日一早我就已經有得開單啦,好野!萬歲!阿黃生離開左CB既好處就係咁lor....少左個人同我爭客做呀!得益既係我....但我都有損失既,就係少左個人仔教我野lor!!呼.....有利有害啦!!更住就收拾一下自己既booking啦,好啦~~埋晒你地單啦,結果我叫晒差唔多手頭上既客仔上黎俾payment啦~~heeee!!爽呀~~呢獲野仲唔夠數!!呵呵~~

lunch....吃飽飽就訓一陣啦,更住就撐埋個下午佢啦~~同我預期中一樣呀,即係d客仔係我臨收工前上晒黎俾尾數呀!!好呀~~聽日我就應該夠晒數嫁啦,但係我臨收工鬆人既時候....又有個傻傻地既人仔呀,問機票wor~~我又係諗住耍佢走之制佢又拎錢出黎book機位wor....哈哈,都唔知好笑定好喊呀??條友仔真係傻得有理呀!!收工換衫鬆人......wingwing黎左接我收工呀!!yeah~~we are long time no see la !!

但我知wingwing佢今日好累呀~~因為聽把聲同睇個樣都已經知道啦.....唉!!早知就早早返屋企啦~~我都唔想wingwing豬咁辛苦呀,我地行左行啦~~訂左個蛋糕仔呀,做咩??聽日話你地知啦~~小wingwing順手買左對鞋仔呀~~而且咁岩又撞到fatray呀!!更住我地就去左吃味千啦,因為上次吃左之後回味無窮所以今晚就決定吃多次啦.....但今次我叫果個豚肉拉面就真係麻麻啦,好咸呀.....但個金姑就幾好味啦!!吃完之後行多兩行打左幾鋪機之後就帶著疲乏既心情回家啦!!呼.....

今晚我同wingwing都係好累既,但為左見對方一面都冇計啦,返到屋企白白打左兩鋪winning睇陣電視上陣網打日記....吃宵夜早早訓lor,聽日都要比心機工作啦!!

>>March 17, 2004 at 4:40:48 PM GMT+8