|
2004 年 7 月 4 日 星期日 【微雨】
歐洲國家杯都終於踢完啦~~換句話講大家要等多四年啦!!!琴晚既決賽好睇嗎??哈哈~~當然不太好呢??埋門攻勢唔多,水準都比過往差左點點呢??唉.....可悲呢??不過希臘就有你冇你就寫埋佢地既神話落去啦~~結果......主辦國係大熱既情況下令成地下都係眼鏡碎啦!!!哈哈~~又一次証明防守既重要性係比進攻為重要呢??希臘呢個神話真係可以同丹麥果次比較一下啦......不過希臘既死守足球真係發揮得淋漓盡致呀,就連西班牙/葡萄牙/法國/捷運都敗於此呢??哈哈~~踢法唔洗悅目,只求實際......今屆希臘既目標!!!!
我買左.....實俾人嬲死啦!!
今日由返到公司到收工果刻我成個人都係冇心機......冇心機......直到返到屋企都係冇心機......妳問我點解我答唔到你.......呼~~今日有兩個熟客仔搵我book機票酒店呢??我好開心.....佢地都已經第四五次搵我訂呢??全日黎計今日成績麻麻地啦......有開單既,但都有幾單booking可能要做refund呢??唉.....lunch時wingwing話收左工去睇戲既,但最後都係去唔成,唯有星期四吧!!!!可惜......呢個答案俾唔到wingwing既滿意答覆呢??就係咁.......吵架啦,好笑定好嬲呢??剛剛傾完冇機耐都好地地既~~點知.......收左工帶住死死氣咁返屋企啦!!!!吃飯打日記......唔知做咩......除左食飯沖涼就成晚係間房入面呢??這是我的空間??表面係既......但實際既就......
開操lor~~
近排係生活上有點兒不太高興.....係屋企同感情上都出現左好大既問題,我唔知點講好,我自己都講唔出係咩野既問題......只知道問題令我好困擾,好辛苦呢??其實感情方面既問題都係因為自己既情緒而產生既姐~~或多或少都因為自己問題,從而令我同wingwing之間發生左問題啦!!!講起黎可能都唔明講乜??岩既......問題出自我身上,只有當局者先明白既!!!!係呢度我想同wingwing講聲對唔住......問題唔係妳度,由始到終都係我錯!!!!天呀~~我查實做錯左咩呢??
祖雲三大巨頭呢??
另外屋企方面啦.....如果你係我既老死知音人明白我既人我諗唔洗多講都應該知道我主要最大既問題係咩啦??又係好抽象呀.....都係講句---唔知點講,屋企---呢個字係我既字典入面只係個毫無意思既字!!!家庭---呢個字更可以話係直情唔會係我字典入面呢??問題所在一眼咁淺......我要盡快自力更新呢??為自己為將來點都好啦~~希望個天個幫助下我唔好再玩我吧......
>>July 5, 2004 at 12:40:43 PM GMT+8
2004 年 7 月 3 日 星期六 【陰】
心情都唔係太好......
好靚呀......太空翼
''O''晒嘴呀~~
今晚睇你嫁啦~~高高
佢件衫炒到幾鬼貴呀!!!
下季成為皇馬人!!!
今屆發揮平平咋wor.....
>>July 5, 2004 at 8:09:34 AM GMT+8
2004 年 7 月 2 日 星期五 【乍寒還暖】
聽晚有冇計呀??
今日成日對我黎講都唔係好既~~由朝到晚都冇一刻係好過既??家下回想起都灰都......首先講講早上先啦,琴晚好早就訓啦,為左今早舉行既跑馬地足球場呢??點知.....天公不做美呢!!!!老明領隧打黎話有人唔去,因為落大雨wor.....頂呀!!!即係唔夠人啦~~冇人去啦??點解會咁嫁!!!!激死人啦~~都冇計啦,我同老明都好冇耐咁打番電話俾其他隊友話唔去吧.....可惜可惜呀!!!!點解難得book到跑馬地個天要咁玩我地呢??唉.....更住訓啦,一訓就訓到十一點啦,起身刷牙洗面返工,去7-elever買燒賣當早餐拎埋野俾文仔就搭巴士啦,點知......
新朵---借口王
岩岩見到巴士啦,佢就開車走人啦,個司機真係好野呀~~服左佢啦,睇黎又要遲到啦,返到公司澎澎聲跟跟booking先啦,又係忙碌既一天啦,結果.....忙碌左成幾個鍾啦,食lunch~~又係去大家樂呢??下午荼餐平呢??更住就撐多撐就可以收工啦~~因為係新既一個月開始,所以我都要由零開始過我條數啦,加把勁啦!!!!結果今日開左四張單仔咁啦.....收左工就同samson去左佢個朋友整一整我個雀巢頭啦~~哈哈!!!!好遠嫁,係將軍澳度既,如果唔係samson識得有平既話我都唔去啦......結果~~我把心一橫電一電佢吧!!!!我想左好耐啦~~自從前年一役之後都好想整多次,攪攪新意思呢??呼......但我又好怕公司唔俾wor,但到最後都電左呢??
有機會發展既.....
呼.....電完出黎個效果我廿分之滿意呀,好開心好靚仔呀~~heeeeee!!!!又靚仔左型仔左呢??呵呵~~~真係好得嫁,有機會就要快快睇睇啦,遲左就冇嫁啦!!!!洗剪吹電加加埋埋$300咋.....都幾抵既其實!!!!佢都好好人平左成舊水俾我呀,好開心呀~~多謝晒呀!!!因為太開心啦,所以決定搭一搭車過一過筲箕灣俾一俾阿wingwing睇,等佢有個驚喜吧......點知......
過到去.....唉!!!!唔好提啦......食自己吧,但已經冇晒心情呢??我既心情簡直可以用跳樓機黎形容呢??買左我最鍾意既$15大水餃......係等車既時候食啦,可惜已經唔好味啦,我終於知道咩叫做食之冇味棄之有肉呢??呼......或者由始都終都係我錯啦,唔應該過去既!!!呼......返到屋企白白上網打日記,聽日放假,都唔知去邊好啦,想出街既,但家下都冇乜心情呢??呼......世事既野真係好難預計得到呀!!!!
索到澎澎聲呀!!!
>>July 3, 2004 at 5:04:21 PM GMT+8
2004 年 7 月 1 日 星期四 【陰】
開心到你呀~~
好眼訓呀~~今日我遲到呀!!哈哈~~今個月唔可以再多過三次嫁啦,因為上個月已經.....最衰都係輛巴士,等多等都唔得!!返到公司澎澎聲跟番自己放假既booking睇睇有冇問題先啦~~忙碌左成個上午呀!!不過忙碌完望一望岩岩六月條數先啦,達到我既目標呀~~有成$26290呀!!好多呀~我自己都估唔到呢??heeee~~黎緊份commission就肥仔lor!!呵呵~~之後落大家樂吃埋lunch訓多訓又開工lor~~到到收工啦,澎澎聲返番香港仔先,上左工聯會報名呀!!日文班呀~~哈哈,見近排有時間又有點點錢學習下都岩既!!更住返屋企飯飯啦,飯完就同小朋友打打winning啦,係時候操番fit啦,因為下個月五號就正式出winning8啦,到時......爽呀!!
打到成十點幾更住白白上網啦,好眼訓呀~~早早訓因為聽朝一早就要起身踢波啦!!希望唔好下雨啦~~另外今日有個半好壞既消息啦,就係公司家下有個OT制,係星期日放假時可以選OT唔OT既,每個鍾有成$100嫁~~都咪話唔爽呀!!結果.....我報左啦,除左今個星期日外就要返足晒咁多日啦~~呼.....都幾辛苦呢??原先今個星期日都想返埋嫁,但比人報叉左先,激死人呀!!如果唔係....真係爽lor!!
打把仔
>>July 3, 2004 at 6:17:37 AM GMT+8
2004 年 6 月 30 日 星期三 【微雨】
好彩酒店有直播咋~~heeeee!!!唔洗錯過呢場大戰呢??不過今晚睇波時有些少唔同~~就係多左個人仔陪我齊齊睇啦!!!!呵呵~~我個小wingwing呀,好開心佢又陪我一齊睇呢??唔止呀~~途中佢仲不停問問題,又嘈吵......好似一個小球迷呢??哈哈~~突然有點兒開心呢??希望往後日子佢都會陪下我睇波啦~~heeee!!!!講番場波先啦~~葡萄牙大戰荷蘭豆......咩叫主場之利/主辦國??今場睇晒啦~~睇咁多場葡萄牙最好都應該係呢場掛??不過.....荷蘭豆真係令人失望呢??其實佢今屆的而且唔係踢得好,只係有點點運仔姐.....咁多場只係羸過拉脫三粒其餘都係.....邊度睇得出有冠軍相呢??行人止步都應該既......真係估佢唔到有波睇呀~~開心呀,途中有樣野都好攪笑嫁,之唔係d講波佬lor~~heeee!!!!有個嘉賓唔記得左叫咩小馬乜Q啦,小wingwing就幫佢改左個名叫做小喇叭算叉數啦~~哈哈哈!!!!
好掂呀呢個shoot
今日7月1.....回歸??澳門之旅最後一天??大遊行---維園見??都唔知點攪好lor~~今日成12點幾先走去check-out呀,搭番車車出去澳門市中心果頭吧~~應該會多d野玩野食既.....出到去就即刻搵野食啦,好肚仔餓餓呀~~首先第一個地方係去.....皇冠啦!!!呢間野就已閉lor~~以水蟹粥而聞名既,去到都幾多人下啦,一碗水蟹粥同一碟竹升雲吞蝦子撈面.....以上呢兩樣野食我只可以用呢四字詞語所形容---好叉好味!!!!好味碗粥,好多蝦子碟撈面......包包之後就第二個point啦!!!炮台山??香港果個呀~~你就想啦,行左一大段路先到目的地既,好辛苦嫁,又曬又鈄又熱呢......途中經過葡國領使館既,見到費高/雷哥斯達/列卡度/大菲哥......澳門真係澳門呀,當然支持葡萄牙呢??
睇唔出佢咁壯.....
上到去已經成身大汗啦~~影左幾張靚相又要落番山啦~~玩咩??都冇計嫁......the next station is 大三巴是也!!!!澳門最出名係咩??最多人去係咩??最有歷史係咩??唔去呢樹都唔好話俾人知你去過澳門呀......哈哈,可惜既係維修中!!!!唉.....突然下大雨wor,行左一陣商場睇睇野停左雨又出發lor~~去到議事亭啦,呢度好多人好多野行好多野睇呢??令我影左唔少既照片呀~~好多建築物都古色古鄉呀!!!!好熱呀~~行左陣入左義順飲''冰冰''啦!!!heeee~~我地仲去埋''十月初五街''都冇野行既~~接住就食下午茶啦,去左一間叫九記既冰室呀!!!!都幾特別嫁,d雪糕拎一隻隻既杯黎裝嫁,哈哈~~不過......最好既係價錢呀!!!每個豬扒包$6.5x2/火腿通$10x1......又好好味呢!!!之後好熱呀~~都唔願行啦,澎澎聲買d手信返屋企啦~~結果......滿載而歸啦!!!!
搭車去最後一站啦~~''大賽車博物館''途中見到好多野呀~~金沙骨賭場啦/澳門既八達通啦/葡京賭場啦......落車lor,黎到呢道最岩既當然係影靚相啦,雖然我唔係太鍾意車~~但都真係好型呀!!!昒左好多呢??(肥仔Ray至愛)更住行多行就行埋八百伴就去碼頭lor......呼!!!!雖然有點唔捨得但.....好熱呀,好想快d返香港呀!!!!澳門好似大陸呀~~上到船差唔多同船既人仔都係訓....訓....訓....澳門再見啦!!!!返到香港.....感覺好唔同呀!!!你地要親身去一次先明白到既......吃過晚飯就返屋企lor,白白整埋d相打埋日記.....睇波lor!!!!heeeee~~~~
下一站係......
澳門特色---冇紅燈同綠燈,只有斑馬線呢??所以過馬路要小心呀~~
澳門特色---條街上面成日都見到d小朋友騎住小綿羊呢??學生都係咁嫁......
澳門特色---澳門警察既服務完全似足......香港既實Q哥哥呀!!!哈哈
精彩相片如下:
http://hk.f2.pg.photos.yahoo.com/delpialan10
>>July 1, 2004 at 7:40:02 PM GMT+8
2004 年 6 月 29 日 星期二 【微雨】
幾型咁bor~~
出發啦~~一早就已經起身啦,趕快搭巴士出去join埋wingwing去搭船lor~~heeeee!!!我地兩個都未訓醒呢??途中發生左樣小插曲呢??事源我俾左張船飛wingwing既,當我地入閘時......船飛呢??wingwing話叫我拎雜誌時俾左我??我都唔知既~~我仲慢慢睇tim.....唔係fa??結果分頭搵啦,好好彩俾wingwing搵番,真係嚇死人啦,如果唔見左就大獲啦!!!!(絕對真人真事)係搭船途中我地都訓左一陣啦,但當見到澳門時我地都好開心好雀躍呢??heeee~~之但係過澳門關時就好多人啦.....多大陸人呢??過左關啦~~澳門---我地到啦!!!但可能天氣又熱啦,所以我地既心情都俾悶熱既天氣所影響左唔少啦.......
因為我地太早到澳門呢~~所以就未check-in得住呀,放低行理先啦~~之後我地開始我地既行程啦,首先去既地方係---''氹仔市中心''當我地去到既時候.....真係好市中心feel呀,好少人,好靜呀!!!!哈哈~~我地去既係官也街先既.....wingwing話呢樹有好多好野食呀---''大利''真係好叉熱呀~~點攪呀??因為咁叉熱所以我同wingwing都行唔夠幾耐就出晒汗啦,呼~~去到啦,本來呢樹最出名既係豬扒包,但未有wor~~冇計啦,坐左啦,食住其他野先啦~~魚蛋米+兩枝可樂......結果---魚蛋米真係有好多魚蛋呀!!!!成八粒之多呀~~哈哈,食完又起行啦~~諗住去葡國人居住博物館既.....點知竟然裝修緊??玩野咩??我地去左吃人造雪糕/人造布丁/人造啫哩......天有不測風雲變色,突然下起雨黎wor~~冇計啦,焗我返酒店既姐......
大菲哥你係得既~~
返到酒店.....嘩~~條鬼妹好索呀,仲要係酒店大堂度著三點色呀??接住就有個瘦骨仙啦~~條女.....諗起都作嘔呀!!!係間房抖一抖涼一涼又出發lor~~呢次係去.....百佳!!!!乜澳門都有百佳既咩~~都係wingwing講我知先知咋,哈哈~~食埋個下午荼就行動啦(下午茶幾好味又平呀)~~因為酒店冇野飲又貴所以.....冇計啦,買左野飲野食糖糖啦~~更住打道回府lor~~諗左一諗今晚食咩啦~~意大利自助餐吧......豪一次半次都冇傷干啦,都好好味呀~~由其係甜品蛋糕呢??飽飽啦~~返上房睇電視啦,順便問問人今晚有冇波睇啦~~結果......澳門係一個賭波既城市,當然有得睇啦(條友講既)哈哈~~爽呀!!!上房前我地仲去左一去賭場呢??我地都玩左幾手呀---老虎機咋!!!哈哈~~當我見到有大小玩時.....好想玩呀,但下限都要$100呢??玩一鋪吧~~wingwing問我輸左咁點??係wor.....但又可以$100變$200wor.....到最後都係返上房吧,早早白白早早訓早早起身睇波吧......哈哈!!!!
澳門既巴士好特別好特別......似香港既小巴(紅頂綠頂)或者係旅遊巴咁,今日我地既交通工具正正係以上啦.....$3.3每程搭左4次2x4x$3.3=???
入到賭場玩老虎機$2一鋪.....玩左4鋪,$2x4+???(仲要係冇次中,俾人扼既感覺)
精彩相片如下:
http://hk.f2.pg.photos.yahoo.com/delpialan10
>>July 1, 2004 at 5:50:44 PM GMT+8
2004 年 6 月 28 日 星期一 【清涼】
新的射門鞋
我們是快樂的好MODEL~~我們天天一起扮靚~~我們一起在化裝~~我們一起在買衫~~我們每天問候你~~(以上歌曲取自於''我要做MODEL'')其實套戲劇情就冇乜嫁啦~~只係入到場真係笑下開心下輕鬆下咁啦~~哈哈!!講就真係好難講到俾你地聽點咁好笑點咁好睇既~~入場睇睇吧!!當係支持香港電影又好,為自己減下壓輕鬆笑一笑都好啦!!另外戲裡面成日都會聽到''仆街''呢兩個字既~~哈哈,好特別呀!!仆街呀~~D牛奶過左期既/仆街~~我用左面粉當糖TIM......
日日都見到妳既係報紙度
對於球迷黎講呢兩日係一件喜事~~因為呢兩晚都冇波睇呢??哈哈~~咁多位終於都可以叉叉電抖一抖呢??差不多成粒月既歐洲國家杯......作為球迷唔睇既又對唔住自己,睇又辛苦呢??哈哈~~呢排蘋果日報都有條友仔寫d文章.....裡面講既野都好有道理,睇完之後心裡都不禁笑一笑又講得幾岩bor??仲記得果條友話因為睇波好多打工仔都挨眼訓導致返工冇精神做錯事,佢又話因為睇波而令一對既情侶會出現問題吵架呢??佢講既每樣事都好有啟發性既~~哈哈,點都好啦!!今屆賽事只餘下三場,對每個球迷可以說是可惜,因為又要等多四年呢??但又可以話是一件好事呢??因為唔洗再挨眼訓呢??相信老闆同女朋友老婆呢點應該係最開心既.......
New Juventus
澎澎聲攪埋今日手頭上既booking先啦,因為一連兩日我將會解脫啦~~可以抖抖有一個小小既旅行呢??澳門---明天我就向你進發啦!!一早就已經收拾好一切,跟好晒booking,交低俾同事,盡量做得好好睇睇啦~~希望冇樹啦!!lunch又吃唔晒呀~~更住就上網搵搵澳門既資料吧!!到到咁上下收工鬆人澎澎聲啦,同samson去左工聯會睇下d課程讀下呢??我今個月下定決心要增進自己啦~~之後就返屋企啦,熱死人啦!!吃飽飽就睇''薯薯/薯媽''啦~~哈哈.....有條友仔個名叫''朱國亮''呢??更住就打日記啦~~早早打完早早白白早早訓訓吧!!聽日一朝早就出發lor~~等我返到黎同大家分享下澳門吧!!
>>June 29, 2004 at 5:43:44 PM GMT+8
2004 年 6 月 27 日 星期日 【清涼】
大好前途就......
今日.......都算是幾眼訓既~~但都唔打緊啦,睇見捷克琴晚既強勢真係令人回味呢??哈哈~~希望佢下場羸埋希臘最後應該就係對多次荷蘭豆......最後榮登冠軍吧,最佳球員尼維特呀,神射手係巴路仔......勁呀!!!仲有兩場咋~~撐住呀!!!琴晚場波上半場簡直係悶叉死人呢??好彩下半場冇幾耐就入波啦,如果唔係都應該係訓著呢??正所謂一不離二呢??打開缺口就容易得多呢??第二第三球完全係巴路仔既個人show??哈哈~~好一個大勇大熟既射手呢??佢已經連續4場入波5球啦~~仲有4球就平紀錄呢??但都應該會比較難啦......但點都好啦,紀錄係俾人破既,希望得啦!!!
不服當年之勇.....
返到公司.....吃左燒埋呢!!!更住成舍上午就忙碌都暈啦~~又要跟自己既booking又要跟人地既~~點攪??所以一早我既心情其實都係比較差既.....好多野好忙好亂呀!!!連睇報紙都冇時間呢??但有樣野都幾好消息既對我黎講......就係今個月條數到目前已經有$24000啦!!!仲有幾單未開,埋佢單~~今個月玩下手可能會......$26000呢??如果係既話就爽lor~~又提高自己既紀錄啦!!!!比起上個月仲要多生意呢??自己都有點點開心呀~~lunch吃飽飽睇睇漫畫又撐住啦~~又忙左一輪之後係時候鬆人啦!!!!收左工......
唔見得佢靚呀~~
去左油麻地買澳門船票+酒店呀!!!!30號出發去兩日啦同埋wingwing......佢想去好耐呢??希望係一次開心既旅程啦!!!!之後join埋文仔威仔周傑就過去CEO啦~~今晚到我同周傑做東呢??登意去一去唱下歌仔呢??哈哈~~我地都好耐冇齊齊唱歌啦!!!但今晚我唱得都幾多下呀~~威仔就掛住玩百萬富翁,非爆機不可呢??周傑又係一樣,到最尾先發力唱歌呢??文仔就乜歌都唱吧~~由其係盧X音呢??大家都玩得開心呀~~唱到咁上下就鬆人啦,成十一點半啦,返到屋企就白白呢??之後上網打日記......最後就當然要早早訓覺呢??未來兩晚都冇波睇住既~~可以抖抖叉叉電吧!!!!哈哈~~兩晚後再博殺過呀!!!!
是日語錄:
周傑---點解杯檬樂咁耐都未到既??你地飲完都未有呀~~點攪??吊臭個仆街先得......
周傑---肥威你仲咩呀??唔識~~打電話問人呀??
周傑---咩話??咩''cool 牙''呀??點解呀??唔係''cool 牙''呀,係Tour呀.....旅遊部同事!!!
>>June 28, 2004 at 5:25:53 PM GMT+8
2004 年 6 月 26 日 星期六 【晴】
永遠支持意大利!!!!
一場悶戰呢??仲諗住兩隊都係攻強守弱既球隊會大手交易tim~~真係令唔少捧場客挨眼訓呢??哈哈~~最精彩既咪係12碼lor~~唉......仲攪到我鬼死咁眼訓呀~~激死人啦!!又冇波入~~又冇精彩既埋門......兩個字講晒啦---失望!!不過賽後12碼完左之後若你冇關上電視既話可以完完全全睇到勝負既球員分野呢??荷蘭豆成隊幾咁開心呢??好似希臘隊咁拎左冠軍咁既款wor.....一陣下一round輸左睇下佢地會點??另外瑞典既球員就.....失望而回啦,從電視可以看到佢地既失落悲痛呢??足球可以說是一樣引人入勝既運動但都可以說是令人傷心悲痛的運動呢??四個字講晒---悲喜交集!!
呢個shoot幾靚呀~~
今日如是者返工啦~~但頂唔順啦,好眼訓呀~~好唔想返呀,想射波呢??結果......都係要返但我要訓晏d結果就遲左22分鐘啦,唉~~我仲係咁落去就快俾人炒嫁啦~~激死人啦!!!今日返工簡單可以用個悶字黎形容呀~~悶到死啦,人又冇電話又嘈......俾我訓訓吧??都唔明返星期日仲咩呢??放假吧~~唔係好多客仔嫁咋~~唉......收左工就爽啦,因為今日我決定要出手啦,買我一直等左好耐果隊鞋呀!!!!heeee~~結果......得到手呀,雖然wingwing極力反對但唔制呀,我要買~~因為我喜歡對鞋呢??辛苦左成個月出左糧當然係想買點點自己喜歡既野開心開心吧......(不要生氣呀!!!)
更住又買左多件衫衫呀~~都靚靚呀,得番最後一件咋~~哦......明白!!!之後都冇野好買啦~~留番個錢吧~~更住去左食大家樂啦,因為想唔到先迫住食呀~~個西冷牛扒都幾爽bor~~heeee!!!正呀~~之後行多陣陣仔就返屋企lor~~有點兒眼仔訓tim......白白完上陣網嗲陣電話就早早訓啦......之後捷克加油努力打敗丹麥藍罐曲奇!!!哈哈~~
納豆---意大利交俾你啦!!!
>>June 28, 2004 at 4:46:48 PM GMT+8
2004 年 6 月 25 日 星期五 【清涼】
開演唱會要撐場呀~~
又一場既爆大冷啦~~真係好冷呀!!點都估佢唔到真係可以羸到上屆既冠軍''法國''啦~~真係好好野呀,雖然攻勢就真係冇乜嫁啦~~但果幾次都好到肉呀!!唔寫個服字都唔得啦~~好野呀,幫我隊捷克攪掂左隊大敵呀!!講左咁耐,呢隊打老虎既球隊唔洗講都知邊個啦~~希臘是也!!哈哈~~你諗都唔會諗真係會羸嫁ma~~至多咪和,和完十二碼先有機會羸既姐~~哈哈,但是實就係咁呢??點都好啦~~多謝希臘幫手,咁樣樣我隊捷克睇怕.....heeeee!!當我今日返工時差唔多人人都討論緊呢場波,哈哈~~都係果句啦,''波''始終都係圓既~~不過番轉頭其實今屆既法國我都唔係點睇好佢嫁啦~~無錯,佢個陣容真係好勁,但最主要問題在於佢地既防守上呢??睇番對上幾場波,班友仔既防守真係.....老啦老啦!!就算前面係點勁點勁,都冇計啦~~你估巴西4-2-4咩??哈哈~~遲下大家應該會見到一隊新既法國後防嫁啦!!識目以待啦~~呵呵呵呵呵!!
今日好彩係返晏姐~~heeeee!!成十二點先要返工~~真係爽呀,今日一落樓就烈日當空,萬里冇雲啦~~心諗如果放假有得去曬下太陽就好啦~~可惜可惜呢??返到公司澎澎聲睇下有冇大單野先~~收埋尾數行行企企就等lunch啦~~更住就訓一陣啦,都唔一訓既!!好耐下呀~~成粒鍾呀,更住都係發住夢咁等收工吧~~收左工......去維記lor!!今晚進行一場友誼賽呀~~對手就係---保良局啦!!
今日我果邊有肥仔/柏浩/阿健/威仔/金仔/偉仔/腳子/肥鵬/Alan啦~~一開波己隊就已經好有決心啦!!!今場非勝不可呢??踢左十五分鐘左右就由柏浩先聲奪人啦~~更住到阿健啦,開賽初頭前兩者都有好既表現但.....過左陣就已經體力下滑啦(要操下啦你地兩個),對方由一個毫冇威脅下既角球......威仔接唔穩下拍左入龍啦,巴夫威真係巴夫威神經刀呀!!!哈哈~~更住......老子發威啦,睇準對方面防既失誤單刀情況下左腳禁區頂一射~~GOAL~~GOAL~~!!!(入球既感覺.....好爽呀!!!)更住場波就參唔多由我地控制住大局lor~~阿健抖緊又入左粒啦,而我就接應偉仔既直線......右腳射番龍門既右方,中枉彈入~~好彩呀,下次唔攞咁盡啦~~之後我助攻左野俾偉仔,都幾靚呀!!!最後我地都算係大勝而回既~~以7-3勝出.......更住天公不做美呢??落大雨呀~~局住鬆人啦,更住搭車車lor~~返到屋企白白更住上網打日記啦,煮埋野食就......荷蘭豆對黃藍軍呢??我估荷蘭豆3-2羸波呀!!!heeeee~~~
總結......今日本人表現始終都係麻麻地呢我覺得......唉!!!!希望7月3會有好轉啦~~呢兩場係維記踢我都好開心呀,因為一大班隊員都應邀到場踢波......好事黎既,踢下大場見下大場面都好呀!!!遲下試下踢街外人仲爽呀~~heeeee!!!!今晚場波差些少可以帽子戲法嫁啦,可惜呀~~一下中柱,一下唔貪功......我都好耐冇連入三球啦,不過係位置上我有唔錯既入球率都已經好滿足呢??
得~得~得~得~
>>June 26, 2004 at 5:12:18 PM GMT+8
|
|
廣告 |
|
|
讀者留言 |
| 路人留言
|
 恭喜你把過去拋開了
>>August 4, 2010 at 6:08:57 PM GMT+8
幾個聯賽的冠軍~
<br>
<b
>>May 26, 2010 at 5:34:28 PM GMT+8
係咁E都打D 呀
>>May 11, 2010 at 4:10:13 PM GMT+8
學99收皮了
>>April 13, 2010 at 5:51:35 PM GMT+8
公仔長大了不少
>>March 10, 2010 at 3:49:19 PM GMT+8
恭喜新入伙
>>February 24, 2010 at 4:18:24 PM GMT+8
pk仔,打日記未
>>December 24, 2009 at 5:02:18 PM GMT+8
行左好多山播........
>>November 18, 2009 at 7:25:54 AM GMT+8
見你仲有踢波,
<br>我都好安
>>October 14, 2009 at 5:10:42 PM GMT+8
最近我又聽返古巨基d舊歌, 好明
>>September 22, 2009 at 1:39:05 AM GMT+8
仲有兩年........
<br
>>September 3, 2009 at 5:39:03 PM GMT+8
任砌唔嬲,haha
>>July 15, 2009 at 5:39:18 PM GMT+8
不如講下近況仲好啦
>>July 7, 2009 at 3:51:22 PM GMT+8
好有動感
>>June 29, 2009 at 4:15:06 PM GMT+8
唔認真打日記
<br>摺左佢把啦
>>June 22, 2009 at 5:36:07 PM GMT+8
死仔,打錯月份呀
<br>哩排點
>>June 2, 2009 at 5:01:10 PM GMT+8
耶和華神對蛇說:女人後裔要傷你的
>>May 8, 2009 at 2:54:51 PM GMT+8
影個肥野做乜??????
>>April 20, 2009 at 4:23:59 PM GMT+8
反而我最深刻係行山澗࢘
>>April 6, 2009 at 5:50:18 PM GMT+8
想當年行港島徑
<br>你我大雄
>>April 4, 2009 at 6:50:52 PM GMT+8
Maiddate 女僕餐廳酒吧
>>April 4, 2009 at 6:44:05 PM GMT+8
咁都認到我
<br>唔野少喎
>>March 16, 2009 at 4:15:32 PM GMT+8
整張靚女相你打jj
<br><i
>>March 10, 2009 at 3:37:41 PM GMT+8
一口氣十日
<br>辛苦你了
>>February 28, 2009 at 2:41:41 PM GMT+8
有時可能做隻狗仲好(因為睇到上方
>>February 11, 2009 at 2:33:50 PM GMT+8
no tax..........
>>February 5, 2009 at 5:43:05 AM GMT+8
地址 : 北角炮台山福元街7
>>January 30, 2009 at 11:26:04 AM GMT+8
請不要放棄自己....
>>January 28, 2009 at 5:06:46 PM GMT+8
哩個時間我都未放工
<br>用我
>>January 25, 2009 at 11:20:59 PM GMT+8
橫綱 Yokozuna 油麻地彌
>>January 25, 2009 at 8:21:28 AM GMT+8
橫綱 Yokozuna 油麻地彌
>>January 25, 2009 at 8:21:05 AM GMT+8
踢到六十分鐘輸梗一粒想放棄??
>>January 13, 2009 at 5:36:16 PM GMT+8
笑左...........
>>January 8, 2009 at 5:11:41 PM GMT+8
願耶和華賜你心靈平安,AMEN
>>January 4, 2009 at 5:14:55 PM GMT+8
愛的紋身，即係紋左乜？
>>January 4, 2009 at 2:39:50 PM GMT+8
http://www.youtu
>>December 25, 2008 at 4:47:11 PM GMT+8
苦中作樂
<br>笑中有淚
>>December 21, 2008 at 6:32:16 PM GMT+8
我本來都想放謝8相
<br>但俾
>>December 14, 2008 at 5:40:01 PM GMT+8
哈哈.....幾堅呀,右手高過隻
>>December 3, 2008 at 4:10:41 PM GMT+8
話唔埋連條波褲都係
>>November 30, 2008 at 5:06:22 PM GMT+8
三次都係嗰件衫..
>>November 30, 2008 at 12:31:55 PM GMT+8
四萬咁既口...
<br>
<b
>>November 30, 2008 at 12:30:36 PM GMT+8
一切隨遇而安~
>>November 26, 2008 at 5:15:52 PM GMT+8
小學生的時候無電話真係會好易俾人
>>November 24, 2008 at 3:16:33 PM GMT+8
敵人?邊個呀?玩到好似查案咁
>>November 23, 2008 at 4:23:28 PM GMT+8
11月22日2009年.....
>>November 23, 2008 at 10:32:18 AM GMT+8
與敵同行???
<br>
<br
>>November 23, 2008 at 2:24:30 AM GMT+8
咩料呀?咁七既心口唔夠肉,仲有政
>>November 19, 2008 at 4:28:32 PM GMT+8
你心口唔夠厚肉呀 , 食返多D野
>>November 18, 2008 at 3:21:39 PM GMT+8
你都有四年無同我睇過波嫁啦
<b
>>November 18, 2008 at 3:17:08 PM GMT+8
|
|
歐洲國家杯都終於踢完啦~~換句話講大家要等多四年啦!!!琴晚既決賽好睇嗎??哈哈~~當然不太好呢??埋門攻勢唔多,水準都比過往差左點點呢??唉.....可悲呢??不過希臘就有你冇你就寫埋佢地既神話落去啦~~結果......主辦國係大熱既情況下令成地下都係眼鏡碎啦!!!哈哈~~又一次証明防守既重要性係比進攻為重要呢??希臘呢個神話真係可以同丹麥果次比較一下啦......不過希臘既死守足球真係發揮得淋漓盡致呀,就連西班牙/葡萄牙/法國/捷運都敗於此呢??哈哈~~踢法唔洗悅目,只求實際......今屆希臘既目標!!!!
心情都唔係太好......
開心到你呀~~
好彩酒店有直播咋~~heeeee!!!唔洗錯過呢場大戰呢??不過今晚睇波時有些少唔同~~就係多左個人仔陪我齊齊睇啦!!!!呵呵~~我個小wingwing呀,好開心佢又陪我一齊睇呢??唔止呀~~途中佢仲不停問問題,又嘈吵......好似一個小球迷呢??哈哈~~突然有點兒開心呢??希望往後日子佢都會陪下我睇波啦~~heeee!!!!講番場波先啦~~葡萄牙大戰荷蘭豆......咩叫主場之利/主辦國??今場睇晒啦~~睇咁多場葡萄牙最好都應該係呢場掛??不過.....荷蘭豆真係令人失望呢??其實佢今屆的而且唔係踢得好,只係有點點運仔姐.....咁多場只係羸過拉脫三粒其餘都係.....邊度睇得出有冠軍相呢??行人止步都應該既......真係估佢唔到有波睇呀~~開心呀,途中有樣野都好攪笑嫁,之唔係d講波佬lor~~heeee!!!!有個嘉賓唔記得左叫咩小馬乜Q啦,小wingwing就幫佢改左個名叫做小喇叭算叉數啦~~哈哈哈!!!!
大好前途就......