2004 年 8 月 3 日 星期二 【暴雨】

Alan.......Smith


今日心情都係麻麻地咋~~我指係收工之後......因為臨收工前俾山山個客攪九我呀,所以真係對唔住文仔威仔周傑啦!!不過另外又有樣野攪我呀~~就係我有個沙巴客個機位俾airline cut左呀~~激死人啦!!點攪~~聽日先算啦,同埋班朋友仔聚聚舊先啦!!今晚食既係''大久保''~~真係辛苦肥威啦,多謝威仔~~當我見到威仔又令我諗返起......當晚既威哥呢??哈哈~~一開波周傑即刻黎料啦......但都等左好耐呀,所以頭一ROUND都係少少咁食啦~~一個鍾後.....叫左好多呀~~即唔晒呀,一係唔黎一黎就多到你呀~~HEEEEEE!!!

就快開波啦~~


而且我地又掛住睇電話呢??臨走時周傑仲一口食左六件紅豆糕呢??勁呀~~走果陣落大大雨呀,冇計啦~~搭VAN返屋企吧,但去到香港仔又冇雨嫁WOR~~地下仲乾既,哈哈!!返到去即白白更住就轉研一下勝利足球啦,但都係玩陣一陣就訓啦,太累呢??真係要搵日放假前大反特反嫁啦,更住早早訓聽日又要工作呢??

有d睇頭呀~~


>>August 5, 2004 at 4:48:48 AM GMT+8

2004 年 8 月 2 日 星期一 【酷熱】

又唔黎香港wor......


今日日頭都係咁過冇野好做.....都忙碌左一輪既,今日訓左好耐既晏覺呀!!!!收左工同同事去睇戲啦......''智能叛變''

係睇之前我對呢套戲好有期望......睇完出黎可惜剛剛係相反既呢??套戲唔係唔好睇既.....只係~~我自己都唔識點講啦!!!!不過套戲入面都有唔少令人類需要反醒既地方......可以給世人作一面既借鏡呢??

佢都靚靚呀!!!!


2023年果陣全世界都係機械化,睇落去有點兒科幻但若多年後真的可能發生呢??人類同機械人一同生活做事~~以機械人作人類既工具,突然機械人反叛革命起黎會點呢??哈哈.....我都唔希望會發生呀!!!不過人類為左追求生活既豐裕我諗機械人既出現只係遲早既事......

睇完澎澎聲返屋企......打我期待以久既''勝利足球8''~~真係好爽呀!!!!多左好多野呀~~真係講都唔知點講啦,你地澎澎聲買啦!!!!

Juventus新一季發報會


>>August 5, 2004 at 4:14:11 AM GMT+8

2004 年 8 月 1 日 星期日 【晴】

遲到王~~


原來每逄星期一都係特別忙碌嫁.....又要出飛又要客仔又要呢樣果樣!!真係忙碌呀~~今日,真係由早忙碌到收工呢??哈哈~~跟完自己又要跟人地既,辛苦都啪啪聲呀~~今日都冇咩大樹發生既,除左......有個客仔姓石既,之前都搵我BOOK左兩次PKG啦,今次佢好急好趕又一次搵我BOOK啦,原先我想快靚正準狠!!但係因為佢一句說話我就改變左啦......因為大趕啦,所以酒店都回覆得慢D既而且又比較爆D房~~我都怕做唔到比佢呀!!佢臨走同佢女友講''得唔得嫁??有冇房嫁''但阿石生就同佢講番冇問題既,石生好信任我......多謝呀!!所以我就更加要做到呢個BOOKING呀!!

睇佢背影係估......


收左工之後就返屋企,好累呀~~之後上網都唔知做咩好啦,WINNING今日出呀~~但好貴呀,都係留返聽日先買啦!!睇下電視上上網打打日記玩陣估估最後同女朋友仔嗲陣計計就早早訓啦~~十二點就訓左啦!!聽日肯定好精神呢??哈哈......

阿蕙送俾妳既~~


唔知你地有冇發現今個月同埋上個月都一樣好特別既野呀??哈哈~~大家都係有31號嫁??我都唔知點解呀~~咁岩上次有個客仔問我先知咋!!真係神奇事呀~~呵呵~~!!不過計一計暑假又就黎完啦.對於當年學生哥既我,一定會好好咁盡情玩埋最後呢個月既暑假~~哈哈!!可惜卡陣返工冇暑假呀......相信要有個暑假我諗都要係冇野做俾人炒既時候先會有機會啦!!哈哈~~又或者係到八廿幾歲人先黎可以放暑假呢??所以我幾時都話做學生爽既~~

>>August 3, 2004 at 6:30:00 AM GMT+8

2004 年 7 月 31 日 星期六 【晴】

回歸意甲


今日真係悶到死死下啦~~仲要係返早呀!!!10點.....坐坐坐坐坐到5點收工鬆人啦!!!不過途中有樣算叫做開心既野.....因為旅行方面應該會係9月2號出發既......去5日左右啦,曼谷+芭提雅,最開心既係可能係自悠行自己去呀~~爽呀!!!好想快d到果日啦~~heeeee!!!!收工前搜集多d既資料更住就發lor......今晚約左星晨既同事踢波呀~~唔係OA呀!!!而係旅行團既人仔~~我地d隊員好唔齊呢~~激死呀!!!!踢左一個鍾先黎齊晒......唉!!!!!其實今晚係分左兩場踢既~~頭場都算係踢得好既,起碼叫做守得住呀!!!!下半段就......唔知點講啦,攻住踢陣手球場就返屋企啦,大家臨走為左邊個拎波而嘈啦,唉......返到屋企就白白食面啦,上陣網就早早訓啦~~聽日又要開工lu.....辛苦死人啦!!!!!

六連冠~~勁呀!!!


去旅行......係一件好開心既事,對於我黎講更係一必須既事!!因為我做呢行日常對客既問題回答都少不了基本去旅行既資料所以我真係好想去旅行......有幾個熱點更係好鬼想去tim!!台北/布吉+曼谷/東京/吉隆坡~~最重要既係好想好想自己去......我個意思係自己book機票酒店唔洗跟團果隻型式!!可惜可惜......真係有陣時自己都唔太明白呀,做自悠行既唔係去玩自悠行反而係跟團呢??資料我有呀~~只係欠缺經驗同埋語言姐......老實講呀,我對自己好有信心好想試下!!或者我終於明白到自己近排欠缺左d咩野啦,就係熱誠同埋信心呢??以前既我唔識既冇有怕,試左先......

出左新碟啦~~買唔買好呢??


>>August 2, 2004 at 11:58:29 AM GMT+8

2004 年 7 月 30 日 星期五 【微冷】

九月一.......


又係星期日打番星期六既日記啦~~一早起身又係岩岩好時間先趕到返公司咋~~好彩呀!!返到去得閒左粒半鍾之後就唔得閒啦,事關我有個客仔大單野,出發唔到佢個朋友所以要澎澎聲同佢攪啦,另外佢自己又出左張機票成萬銀,唯有自己去啦~~heeeeee!!天助我也啦~~下個月應該冇咩生意嫁啦,有單咁既野就爽呀~~有排玩呀!!之後有個客仔黎搵我呀,之前幫佢book左個布吉自悠行,佢話好爽好正斗呀~~攪到我都好鬼想去呢??可惜可惜......更住臨收工前又有個熟客仔搵我幫佢出套PKG啦.又係去布吉既~~時不與我嫁,野野都係幫人book反而自己就......但呢個客仔又係俾我....heeeee出晒血呀!!

今屆要生性啦~~


收左工同wingwing搜集d旅行既資料啦,去到麥記慢慢嗲慢慢睇~~最後得出既係---台北,決定左九月頭出發啦~~呵呵!!終於可以去旅行啦,希望冇問題啦,之後行多一陣陣就去食元氣啦,途中見到銅仔分行主任HIDY更住又坐埋係對面,真係神奇事呀~~食完之後送wingwing返屋企啦,更住自己都返屋企lor.....白白完之後得知旅行地點有變,有機會join埋wingwing朋友去曼谷......更住上陣網,想打日記嫁但有心冇力呢??之後就係咁聽可啦係now.com度!!最後要早早訓,迎接明天既工作以及新既一個月開始啦!!

I-Robot 非睇不可


>>August 1, 2004 at 2:38:28 AM GMT+8

2004 年 7 月 29 日 星期四 【酷熱】

傷追人.....


好~~星期日打返星期五既日記得啦!!哈哈.....星期五仲記得又係一個苦悶既星期五,同前排一樣,客又係唔多過電話又係唔響多個既~~等收工啦,話時話今日打返都唔太記得做過D咩野黎啦~~收左工去吉之島同wingwing街街,但wingwing有要事所以返左屋企先再之出番黎吉之島多之呀~~哈哈!!我地去左食野先既,食左個珍寶拉面+鳥冬,話就話珍寶夠兩個人食~~哈哈!!更住行多兩行,買左件衫衫俾wingwing之後就送埋wingwing返屋企自己都澎澎聲返屋企啦,係車度見到對情侶打晒車輪wor....又毛手毛腳真係世風日下啦!!哈哈~~返到屋企已經好累下啦,今晚仲話有波wor~~仙佬對河床.....睇左半場悶到PK就走左去訓啦!!聽日要返早早呀~~真係有點兒辛苦呢??

幾似打winning咁呀!!!


>>August 1, 2004 at 2:37:20 AM GMT+8

2004 年 7 月 28 日 星期三 【微雨】

再見唔到呢個場面啦.....


今日返到公司就已經收到MEMO啦~~係關於兩樣野既!!!!首先係如果連續四個月都遲到多過三次就會即炒呀!!!!玉皇大帝都冇野講呀~~哈哈,呢單野對我都真係大獲野啦,事關我卡陣好似已經連續係遲左三個月呢??下個月......另一樣野係幫同事SIN-IN/SIN-OUT啦,呢單野重金呀~~唔理係幫果個定係叫果個都齊齊拜拜......對於吳生都幾大單野呢??哈哈~~總言之我下個月真係要乖乖仔仔啦!!!!

廿分可人.....


今日返到公司......上網睇報紙吹吹水食早餐.....又係冇野做既一個上午呢??睇怕下個月生意都幾難做掛??哈哈~~都好既,可以抖抖叉叉電~~卡陣我都懶左好多lor~~但我有時間都會睇睇酒店網頁或者睇睇火車票嫁~~希望對自己有d用啦......lunch原先食飯盒既,但SAMSON叫我落去陪佢食wor......是但啦,去左大家樂食!!!!好耐都冇食過啦~~好似好好味咁既??所以我好快就食完啦!!!!哈哈......更住下午忙碌過一段時間既,更住又冇野做嫁啦,等收工啦!!!!

十兄弟.....


收左工返屋企就飯飯啦,更住就過工聯會啦,做咩??上堂lor~~日文初階開始啦,都有好多學生嫁(wingwing放心,冇靚女既)老師係個男人黎既~~有點兒似米高利呢??哈哈!!!!我好有興趣學呀......今堂教既野唔多但我都好比心機呢??(阿蕙,多謝妳既告誡)話咁快十點就落堂啦~~呀......咁快既??我都唔想落堂tim呀!!!!哈哈~~8:30pm-10:00pm......返到屋企就打日記更住白白.....早早訓吧,精神迎接明天吧!!!想一想明天幹甚麼好呢??哈哈.....我要比心機學好d日文呀!!!!

>>July 30, 2004 at 3:07:12 AM GMT+8

2004 年 7 月 27 日 星期二 【暴雨】

第三作客......


琴晚都算早訓嫁啦~~所以今日起身都幾精神,但呢d既精神都係撐到一個上午呢??或者係冇客冇生意冇野做掛??哈哈~~我都冇符啦,冇客仔都冇計嫁??哈哈......lunch吃過午7之後訓左兩陣啦,真係好累呀??悶姐.....臨收工前肥仔杰同藍風施丹上左黎探班呢??嗲左都幾耐下既計呀~~佢地又冇野做我又冇野做呢??而且肥仔杰要......哈哈哈!!!!

回歸湖人


收左工班OA話去打波wor~~是但啦,還掂又冇野做又想操一操自己體能同技術呢??今日都有幾多人下既,吳生都有去呀~~佢琴晚仲為左打波而去左旺角買左套新波衫波褲呢??哈哈~~洗唔洗??頭場自己友對自己友呀.......好唔好彩同吳生一隊呢??哈哈~~佢既技術......難以形容呀??更住有人跟隊啦,黎真料啦~~可惜對手都好強呢??玩晒個籃底呢??更住大雄都過左黎打一陣.....爽呀!!!!之後打到好累又冇心機打啦~~之後同大雄等車更住就澎到屋企即白白啦,之後上陣網同女朋友仔嗲下計~~大單野呀??煮埋個福字面吃呀!!!!打陣CM更住就打埋日記,最後訓啦~~聽日又要上班呢??

祝你好運


>>July 29, 2004 at 4:53:34 AM GMT+8

2004 年 7 月 26 日 星期一 【清涼】

有d睇頭呀~~


今日都唔知自己做緊乜啦~~得閒到你呀!!!悶到你呀.....差唔多成日都係冇野做,上網都上到悶啦掛??真係吹脹啦~~加上自己今個月又已經夠晒數呢,所以更加令我自己懶懶閒呢??到到今日我條數又突破左自己既新高啦,第一次~~真係第一次有三字頭呢??三萬幾呀~~哈哈,當月頭時仲擔心自己今個月死緊......家下真係人算不如天算lor!!!!呵呵~~都好既對自己係一個好好既成績同埋好好既紀錄......但相信往後日子都冇咁多嫁啦,因為緊薪之後會比現在更加懶更加......求其呢??所以轉緊薪既我對於公司係一件相當唔好既事呀!!!!如果我今個月尾呢兩個禮拜肯努力點點,相信家下可能有成三萬五都未定呢??另外仲有一件事值得一提既,同我同期入星晨果位沙田同事呢兩三個月佢個成績都係我之上.....唉,聽左之後緊有d唔開心嫁啦,不過算啦!!!!或者我已經冇左以前係要第一既自信同鬥心呢??

又多個壞孩子加盟


收左工就澎澎聲去''金不換''啦!!!!呢間野係間泰國野黎既~~今晚約左Zandy同埋主任食餐飯仔啦~~叫左好多好多野食呀~~好好味呀!!!!我地由7:30食呀傾呀食呀傾呀~~到到成10:30就鬆人啦,都好夜啦~~都嗲左好耐呢??哈哈......其實今餐原本係我請既,因為係我約出黎食既,我想佢地可以教教我野,可惜到最後都係食野吹水多,教左唔太多野lor~~但都明白左好多野既,而且仲諗住係我請嫁啦~~但到到最後都係Zandy......多謝呀!!!!更住澎澎聲回家啦~~返到屋企樓下時見到阿偉仔呀~~同佢去左老麥嗲左幾嗲啦~~哈哈!!!!好耐冇見啦,乜都講下啦~~近況/足球/將來......之後返到屋企即白白啦,更住就上網打埋日記要早早訓啦,呢兩日都唔精神呀,聽日希望會精神吧!!!!

>>July 29, 2004 at 4:54:17 AM GMT+8

2004 年 7 月 25 日 星期日 【晴】



型爆呀!!!


原先今日係約左人飯局既~~可惜要聽日先得呢??所以收左工就澎澎聲返屋企啦,好累好眼訓呀!!其實今日返工成日都係呆下呆下咁,眼訓死~~都冇黎精神呀!!返到屋企食飯更住就抖抖早早訓一訓先,更住同wingwing嗲陣電話,要早早訓啦!!就連部電腦都冇關到就訓著左lor~~哈哈!!

相當珍貴~~


成為皇馬人??


>>July 27, 2004 at 4:17:22 PM GMT+8