2004 年 3 月 15 日 星期一 【陰】

得得得~~等我攪掂!!


今日係黃生最後一天係CB既日子啦,因為佢聽日開始就要返番上總行嫁啦.....呼,又少左個肯教我野既人啦!!希望自己由聽日開始可以更加自立更加增自信心更加會做到好成績啦~~呼!!7因黃生最後一天,所以今日lunch同左佢齊齊吃車仔面既車仔面呀,哈哈~~好耐都冇黎吃啦,結果由佢埋單,多謝晒呀~~但都唔知幾時可以再齊齊吃啦!!

其實今日就真係唔忙既.....比起琴日黎計都已經少左好多客仔嫁啦,所以今日我都比較得閒呀!!只係跟番自己既booking.....就係咁大把啦!!而且我仲計計手頭上加加埋埋有幾多數tim,結果今個月真係我既旺季呀!!因為計埋我手頭上d單既話就已經過晒我今個月要做既目標啦---$11500(現時有$9640)哈哈.....家下先得半個月.....好,今個月真係要比多多多心機呀!!

係臨收工既時候.....好好彩開左兩張單呀,但其實可以選既話我都唔太想開呀,唔知點解呢??但為左今個月.....努力吧!!收工左即搭車返屋企lor,原自仲諗住同wingwing街街既,但好累呀!!返到屋企抖抖一路吃就一路睇電視啦!!heeee.....更住就收拾一下房間之後白白睇陣電視上陣網打埋日記.....吃埋宵夜都要覺覺豬lor,聽日開始我條數應該會各上增加,因為CB少左個人,我就多左野做多左booking.....呢段日子我要好好把握呀,因為我要更加成熟吸收更多既經驗......

>>March 16, 2004 at 3:58:54 PM GMT+8

2004 年 3 月 14 日 星期日 【陰】

200球....令人敬佩


今日我只可以用以下呢兩個字黎形容.....''忙碌''

因為今日由我早上開始就已經好Q忙碌啦.....多客仔,多電話,多野跟~~總之就多多多啦!!!但今日忙得黎我都好開心.....因為我都做到幾單客仔!!!!heeee~~算係咁啦,如果唔係點對得住自己呢??哈哈~~真係好忙,但我仍有點兒高興......唔知點解呢??呵呵~~到到lunch三點幾鍾先有時間得閒d可以抖抖吃個午飯咋~~呼.....但諗深一層都值得既,仲記得中學時有個Maths Miss成日都講---''多勞多得,唔勞唔得''哈哈.....講得冇錯呀!!!做幾多,出幾多力只有自己先知,想人地知道就要做d成績出黎睇啦!!!

到到五開鍾左右就開始冇咁忙啦.....heeee!!!所以我都有空可以抖抖,吃下野~~拆下炸彈,接下龍......但今日我玩多左樣野呀---打倉頡呀!!!heeee.....睇黎我都要學多樣野榜身啦~~呵呵,收左工即鬆人返屋企lor.....因為自己都覺得幾累下呀!!!今日真係.....谷得好盡呀,返到屋企抖一陣就吃飯啦,上陣網睇睇野,打打winning.....heeee!!!我隊祖雲好似阿仙佬咁不敗身取得冠軍呀,和左都係7場咋~~heeee,最長連勝紀錄10場呀,神射手查仔呀!!!接下來就係新一個球季啦.....希望可以取得好成績啦!!!heeee.....目標直指歐聯呀!!!

最後同左小朋友打左三鋪.....heeee!!!全勝呀,最城羸曼聯,仙佬羸祖記,車仔羸仙佬呀!!!呵呵~~家下既我,狀態簡直係著晒燈呀!!!哈哈~~更住就白白啦,最後上網ICQ同埋打埋日記先.....要早早訓啦,聽日返工精神精神呀,希望d酒店CFM晒啦....booking冇咩大樹啦!!!!

人氣下滑.....


>>March 15, 2004 at 3:55:07 PM GMT+8

2004 年 3 月 13 日 星期六 【陰】

肥仔....肥仔.....


今日返工.....直情係唔願起身呀!!!返左成日10個客仔入黎都唔知有冇??電話加埋都應該有廿個既.....但我好好彩呀!!!因為今日我開左唯一既一單呀!!!heeee......值得開心開心既,yeah!!!希望在明天~~明天加油吧!!!我要加把勁呀~~因為今個月開始我就有得分嫁啦,我諗真係要谷盡d博殺多d啦~~如果唔係點有錢錢呀!!!哈哈......接下來仲有半個月時間給我比心機,希望上天會幫我一把吧......好嗎??

羽毛球---琴晚係有線度睇到全英羽毛球比賽出場咁多位球手都係世界一流既球手,有男單女單、男雙女雙、混雙!!今個比賽雲集世界第一好手呀.....當我睇佢地打既時候,心入面有點兒酸....唔知點解會咁呀??或者我掛念''它''記得我以前好細個....好細個小學三年定唔知幾多年就已經好鍾意打羽毛球....

仲學人報訓練班嫁,好西利嫁~~自己一條友仔一星期兩日放左學補埋習就上山打嫁啦---石排灣果個呀!!所以果樹可以話係我既主場黎呀~~哈哈!!家下諗返起都好懷念當時既日子呀.....每個星期就係等打羽毛球呢兩日.....呼!!我仲記得果個阿sir個樣嫁,佢好勁.....真係多謝佢呀,所以我到左中學時打羽毛球咪好Q勁lor....哈哈,突然間我想打返羽毛球呀!!可惜....可惜....可惜....

呢條友仔好Q勁嫁.....


>>March 14, 2004 at 4:40:56 PM GMT+8

2004 年 3 月 12 日 星期五 【暴雨】

佢真人好黑嫁.....


今日係星期六.....近排我都係放星期六返星期日既,都唔知點解會咁編呀!!!我自己就真係唔係太鍾意啦~~因為我鍾意放星期日多過放星期六呀!!!星期日係我既角度黎看先至叫做假期嫁ma.....唉!!!真係激死人啦~~鬼叫我係d小職員咩......

今日一訓就訓到好晏啦.....成點先起身,如果唔係公司同事打黎煩住晒我應該會訓多陣既,之後就吃左些少野啦,更住同wingwing嗲陣計啦,上陣網睇下報紙......之後就打winning lor!!!真係不離PS2呀~~本來見今日放假想收拾一下自己間房既,但.....都係冇乜心機,又諗住睇下VCD啦,但諗諗下又冇心機睇啦,打機吧......打打下阿肥鵬就打黎叫我去踢波啦,見冇咩野做咪去玩下踢下運動下lor.....同埋肥沃阿賢幾個去黃記跟隊踢波啦!!!

點知去到球場時......利安班友仔竟然係晒度wor,係成大班呀~~佢地唔係中五要考Mork既咩??仲有心情同時間踢波既??算啦~~更住我地就齊齊玩啦,有羸要輸啦!!!哈哈~~同d勁人一隊踢起黎都順d爽d冇咁辛苦d呀!!!我地都踢左好耐啦......到到落大雨大家即散水Lu~~!!!返到屋企即白白先啦,更住.....叫左個老麥外賣呀!!!哈哈~~午餐黎嫁,更住就上網,又係打winning呀!!!哈哈~~上晒癮啦,但我用果隊祖記好Q勁呀~~一個字''強''自升左上D1之後未敗過一場呀,無論係杯賽定聯賽都係咁勁呀!!!!哈哈~~

之後就落左百佳睇下買咩野野好啦.....嘩,好多野都大特價呀!!!唔係FA??好誇呀.....平到你唔信呀!!!更住就返屋企煮下飯仔啦~~因為屋企冇人食自己呀!!!一路睇波就一路吃.....更住同wingwing嗲左陣計好累呀!!!睇陣電視.....上埋網打日記.....應該訓覺覺豬lor!!!!

琴晚臨訓既時候......條腰突然之間好痛呀,係刺痛果隻呀!!!由其係彎腰果下呀.....點解突然之間會咁嫁??老毛病嗎??其實我細細個就已經開始成日腰痛嫁啦,由其係以前成日打完羽毛球/籃球/足球都係痛嫁,所以我成日都按住條腰lor.....希望唔會有咩大樹啦!!!唉......

>>March 13, 2004 at 5:22:52 PM GMT+8

2004 年 3 月 11 日 星期四 【晴】

七年很癢


今日......訓左好耐好耐好耐,成10點起身返工出門口,吃埋個早餐tim呀!!!西利唔西利呢??哈哈~~今日我係衣著方面花左d心思.....AC米蘭白色作客波衫+短褲+Air Force!!!突然間我感到好有春天Feel呀!!!唔知點解我覺得呢個時候係著波衫既好時機呀,或者係唔熱唔凍掛??哈哈....星期一等我著祖記返工啦,因為.....星期日晚既大戰希望可以贓勝出啦,著起黎都威d呀!!!哈哈~~

今日返到公司都係得閒都暈啦,冇野好做,反而俾黃生夾晒d客仔呀,睇黎我係呢方面都要學返多少野啦,我要學下點樣感覺個客仔啦,聽佢地講呢樣野係好緊要嫁,以感覺收客~~感覺可以知道個客係有心買定冇心買.....真係要花花心機啦!!!!Lunch吃飽飽抖一陣就開工撐埋餘下日子啦,因為今日後聽日就可以抖一天放放假啦!!!呵呵.....

收工之後wingwing出左黎,齊齊街街啦,但行左陣都唔知去邊樹好啦,結果我地去左睇戲呀!!!''7年很癢''呀!!!起初我都唔太大興趣嫁.....但wing姐叫到咩都制啦,heeee,但睇睇下套戲都幾得下呀,唔差唔差呀~~如果俾我推薦既話,我會推薦一d拍拖多年既人仔睇啦,因為呢套戲正正係拍俾d拍拖多年結婚多年開始沉悶既男仔睇既......一定會好識合既!!!哈哈,都唔知套戲係得啖笑呀家係教壞人啦,要入左場先可以找出答案啦!!!heee.....

睇完之後行左去吃野啦,去左吃味千拉面呀,一個字正呀!!!好好味呀~~我開始明白心情靚既時候食起野上黎都好味好多,開心好多既....更住就行多陣,仲俾我見到烏英/霍小姐/教主.....唔知浸記既人仔記得嗎??之後送小姐搭車車,自己都搭車車返屋企lor,好累呀~~抖抖上網啦,今晚有一個任務......就係打日記啦!!!!哈哈~~仲係三日既日記呀!!!

>>March 12, 2004 at 4:47:20 PM GMT+8

2004 年 3 月 10 日 星期三 【陰】

陳小生.....


今日返工黎左個新同事呀~~佢個名叫做''Candy''呀!!!染金髮,串串共,懶懶閒咁啦~~唉.....家下時下既年青人都唔係黎做野既!!!!真失望呀~~都係前一個蘇小姐好d呀!!!算啦~~算啦~~聽天由命啦!!!都冇計嫁啦~~今日佢一早突然之間就落左黎啦,呀??咁突然既~~佢都西利啦,星期一見三星期四就返工.....好野呀!!!我都係教下佢做d簡單既野先啦.....影印,重要任務就係培育新一代影后出黎呀!!!!更住都冇野好做,拆下炸彈接下龍咁啦.....更住就lunch啦!!!都冇客仔既......都唔知今個月點死啦!!!之後就坐以待斃等收工啦,哈哈!!!

收左工.....去左黃記呀,因為今晚約左班OA仔係黃記踢波呀,哈哈~~好事黎既,因為我都想運動下,自上次踢波之後就知道自己既身體機能出現問題啦.....真係要正視問題,做多點兒運動啦!!!就快夏天啦,希望今個夏天可以重拾惜日既Sunny Alan啦!!!我都想曬黑多點點呀!!!講返踢波先啦~~加加埋埋都有10個人仔既,跟隊踢波lor....羸一輸二呀,大家都冇乜默契都算係咁嫁啦.....至緊要既係自己交到功課姐!!!!總結今日我既表現算是良好啦,肯跑肯走肯博.....對得住自己呀!!!如果唔係著住長褲踢既話,我想自己既狀態可更加好既......

踢完之後就返屋企lor....即白白更住吃左個冬冬之後就嗲左陣電話同wingwing大小姐,更住好累呀,早早訓.....聽日我想會是很辛苦.....周身骨痛嫁啦!!!

阿sir0黎自樂人谷.....


>>March 12, 2004 at 4:22:46 PM GMT+8

2004 年 3 月 9 日 星期二 【陰】

見鬼2.....


sorry~~sorry~~sorry呀!!小弟遲左3日打日記,希望大家見諒啦~~如有何問題均可提出意見!!!sorry very much呀!!!

星期三.....做過d咩黎呢??真係唔係好記得咋wor.....如有不便敬請原諒!!!都係返好早啦~~之後.....跟booking.....打去airline追位,收拾一下野,做影帝.....吃飯飯lor!!!i仲有咩呢??死啦~~打左咁少既??點收科......收左工記得好似係返左屋企既.....打機??又好似唔係wor......唔理啦!!!只記得同wingwing嗲左陣電話就訓啦,更住起身睇波,但睇睇下自己都訓著左呀!!!!哈哈~~我只係睇到臨完場90分鐘波圖有條友仔執雞咁就攪掂左曼聯啦!!!哈哈......

仲有咩呢??係呀~~近排公司換左個新大大大經理呀,即係出糧過我果個呢,正所謂新官上任就三打火.....有好多野都有轉變呀!!!首先既就係向我地既機票部埋手啦!!!呢次行動都幾大影響呀.....就係唔俾開ICQ,上網玩......其他與工作無關既野啦!!!哈哈~~你地話啦,係唔係影響好Q大先??你地都知嫁啦~~小弟成日都上下網睇報紙,玩下Game,I下CQ咁....家下.......唉.....死左去吧啦!!!突然冇得上網真係大大大件事呀!!!激死人啦......

唔好傷心啦,下年黎過啦!!!


>>March 12, 2004 at 4:14:44 PM GMT+8

2004 年 3 月 8 日 星期一 【晴】

首先同大家講野大大大大大單野先啦!!!哈哈~~應該話係一件開心既事,應該賀賀佢既事.......

今日臨收工前六點左右阿經理突然打電話落黎搵我bor.....心諗驚驚地啦,發生咩樹??突然打俾我都有既??唔通我又爆大獲??唔係FA??點知......佢所講既野原來係我諗既剛剛相反~~heeeee!!!佢同我講話---''Alan,公司睇左你呢幾個月既表現同成績之後都覺得做到公司既要求,所以公司就俾你升職為Ticketing Officer啦,你係以後既日子就更要比心機啦!!''哈哈~~我聽完之後只係講左句多謝我會比心機嫁啦~~更住就收線啦,然之後吳生同黃生都得知呢個消息之後......哈哈!!!

''勁啦~~倫哥,升職啦,係時候請我地兩個吃返多少既野嫁啦,heeee!!!''奸得佢地呀~~但點都好啦,都算叫做多謝佢地既,如果冇左佢地近排都教左我唔少既野,我都唔會有好成績既!!!希望日後都會咁啦~~開開心心......但我都要多謝一下佢既---''Zandy''!!!我好開心呀~~因為可以達成我留係度既最大目標呀!!!終於有d成績睇下啦......雖然係咁但我都仍然會比心機努力既!!!

收左工我第一時間將呢份喜悅話比wingwing聽先啦,heeee......更住我就過左去東村吃飯啦,順手幫幫三伯娘攪攪部腦呀!!heeee......我都真係好耐冇過去吃飯lor,雖然人少少但都已經好開心啦,我知道由其係我既大伯最開心,所以今晚就有得打邊爐啦,heeee我既最愛呀!!!順帶我又話埋俾佢地聽我升職.....heeee!!!總之就開心啦.....吃到好飽呀!!!係自我病好之後食得最飽既一餐呀~!!~~!!

更住就返屋企啦......之後就白白上陣網同wingwing吃陣計計就覺覺豬lor.....聽日開始我就要更比心機更努力嫁啦!!!

唔知幾時都小弟呢??


>>March 10, 2004 at 3:47:15 PM GMT+8

2004 年 3 月 7 日 星期日 【晴】

Juventus幾時重振雄風呢??


今日山山放假呀~~哈哈,換句話講今日即係得我同''力著''兩個咋!!一見咁樣樣既陣容.....我諗今日都應該會係幾忙碌嫁啦!!呼.....願主保佑啦~~成個早上我既工作好簡單,幫rockie拖跟佢既booking,影印,收拾一下分行......就係咁簡單咋~~呼,但都已經幾累啦!!因為今日我冇吃早餐所以...我今日就好早吃lunch啦!!吃飽飽訓啦~~都差唔多訓左成粒鍾呀!!哈哈~~原因只得一個---就係琴晚我訓訓下起左身睇波呀!!heeee....所以今日返工個人都已經累累地嫁啦!!撐住佢呀~~因為夜晚仲要同wingwing街街呀!!

heeee.....收左工即鬆人啦,嘩~~係樓下我見到個女仔好似wingwing嫁~~我諗係吹吹佢耳仔
嚇嚇佢啦!!點知~~原來唔係佢黎嫁wor....好彩我係吹之前望清楚姐,哈哈!!原來唔係wingwing黎嫁~~heeee....真係大頭蝦呀!!呵呵.....更住我地就街街lor,首先去左time's先呀!!因為......星期六睇中左個袋,女朋友仔話買俾我呀!!哈哈~~好野~~wingwing萬歲萬歲萬萬歲.....靚靚呀!!更住我地就去左吃dinner,又係大家樂見呀!!一哥火鍋呀~~正呀,去埋百佳買埋野食野飲加料就開餐lor!!結果我地一吃又吃左成粒鍾呀~~飽死人啦,yeah~~yeah~~更住去接埋外母大人收工之後就鬆人lor......返到屋企抖抖先,更住就收拾一下房間lor~~之後打左幾鋪機啦!!好西利呀~~我終於升左班啦,祖記勁祖記好西利!!heeee.....更住玩多陣icq就覺覺豬lor!!

>>March 10, 2004 at 3:51:29 PM GMT+8

2004 年 3 月 6 日 星期六 【微雨】



好野~~今日放假!!!萬歲~~heeeee,所以我一訓就訓到成點先至起身咋,呵呵.....起左身即醫肚先啦,吃左老牛咋,雖然唔太飽但.....算啦!!!更住就上網lor,但用用下又死左啦,都唔知發生左咩事??本來攪掂好嫁啦,但又黎多hit.....激死人啦!!!更住就同小朋友打機啦,打左幾鋪我都win曬呀!!!哈哈~~狀態大勇呀!!!更住就睇電視lor,睇返琴晚祖記對布雷既比賽先......嘩!!!好驚險嫁~~上半場先輸兩粒,下半場即刻發威連入三球反勝呀.....哈哈,呢場賽事最令人注目既莫過於''米高利''3射12碼啦.....都唔明點解??總之就奇啦!!!

睇完之後好腳痕呀!!!哈哈~~真係天助我也呀!!!因為....今日有波踢lor!!heee......爽呀!!!經過左我差唔多成三個星期既休養之後......終於有得踢波啦!!!正呀.....但今日到左場之後有點失望啦,因為唔係太多人到場咋!!!唉......不過最開心既都係有得踢!!!呵呵~~而且今日仲叫左利安其中位隊員呀---偉仔,阿發,阿聰.....好耐冇齊齊踢波啦!!!而且仲加埋金仔就更住.....heeeee!!!!慢慢練同磨磨啦......首先係同d街外人踢左幾場啦之後就自己友踢啦,6vs6.....今日我既狀態麻麻咋~~始終都係耐冇踢,唉.....

總結今日我只係入左一球,中左一次柱,兩個助攻咋.....唉,仲諗住今日會有好成績tim,不過都難怪既,自己都咁耐冇踢.....算啦,唔好灰心!!!下次努力過啦......踢完之後就返屋企即吃飯lor,更住即白白啦成個戈都散晒啦!!!睇左AC場波之後就訓lor,訓訓下wingwing打黎,嗲左一陣間之後大家覺覺lor......更住四點又起過身睇波lor.....羅馬對國米呀!!!哈哈~~而且我又見肚仔餓餓呢,所以吃左個丁丁炒面呀!!!heee.....

>>March 8, 2004 at 3:45:19 AM GMT+8