2004 年 6 月 4 日 星期五 【晴】

今日我放假呀~~但都係冇街街,冇咩野做,整天都係留係屋企度咋~~哈哈!!!今日可算是我休息的一天.......單玩CM咋,所以都冇咩野好做lor,今日就等我放下d圖片啦!!!

洗唔洗咁激呀??


乜佢識彈琴嫁??


咁friend呀??下年齊齊走lor!!!


敵人變隊友


佢都好靚好索呀......


丹麥隊睇你啦~~


>>June 6, 2004 at 4:41:43 AM GMT+8

2004 年 6 月 3 日 星期四 【晴】

查斯Goal.....拜拜!!!


今日.....唔算太忙啦,都冇咩客人,有既都只係d麻煩玩野既客仔啦~~其實今個禮拜我都唔太知自己做緊咩嫁.....感覺到自己唔太習中同上力呀,睇黎我下星期開始要習中番加把勁啦,如果唔係.....都唔知識講啦!!!加上多左個人進註銅記,所以我就更加需要小心啦,正所謂多個香爐多隻鬼呀!!!如是者今日都係等著放工......

收左工澎澎聲過左紐約同wingwing睇戲啦,你地估下我睇咩戲??俾d提示你地啦,我對上睇果套西片既---1,2,3---之咪係明日之後lor!!!呼.......因為wingwing又有戲飛啦,所以又有得睇啦,今次睇既味道又唔同左嫁wor,或者係第二次睇啦,雖然係睇過但我都唔覺得悶,呢套戲真係好好睇呀!!!!你地唔買戲飛入場睇都買隻VCD睇啦......接住落黎既就吃晚飯lor,我地諗左好耐呀!!!結果去左食''car boy noodle''呀!!!哈哈~~再更住吃埋人和豆品呀,一個字''正''!!!最後就搵一搵阿曾,描一描佢d''女''同事有幾索先??又真係好索嫁wor......佢就開心啦,哈哈!!!最後搭埋車車返屋企lor,好累好眼訓tim,白白完之後上陣網打陣機都頂唔順啦,要訓啦!!!

周傑加盟......Juventus


>>June 5, 2004 at 3:04:47 AM GMT+8

2004 年 6 月 2 日 星期三 【酷熱】

換左呢本呀!!!


今日......我又差dd就遲到啦!!!呼~~好彩姐,唔知仲乜野近排香港仔隨道都塞塞地車既~~之前又唔見會有嫁bor.....今日一返到公司就已經見到有個新人啦,大單野啦!!!有新人落黎~~等同多個人爭飯食??睇黎我未來日子非加把勁不可吧!!!希望可以順風順水,客仔滾滾來啦~~heeeee!!!個新同事叫Samson呀,呢個名我都係第一次聽嫁咋,幾特別呀!!!唔理咁多啦~~琴日放假一天,放抵晒所有booking.....要自己跟番清楚至得,最重要既係唔好有鑊啦~~heeeee!!!

忙碌永遠係令時間過得快點兒既最好方法呀!!!吃過午飯之後就訓陣吧.....但訓唔成呀,忙到死!!!更住聽下電話,睇下野,都冇野好做lor!!!今日都提唔起勁返工啦~~收左工即閃啦,去吉野家會一會周傑吃過晚飯後,飽飽之後就起程lor!!!去邊??踢波之乎者也lor~~搭地鐡時順便買左本明報歐洲國家杯特刊~~貴就貴左d但全彩+精美圖片+200頁.....算係咁啦!!!搭老地過去寶琳踢波lor~~但係......

係老地等埋兩個人仔就起程啦,慢慢行去球場吧!!!都唔記得叫咩名啦~~當我地去到既時候......哈哈!!!Jack仔話皇馬對曼聯wor.....點解又有黑鬼踢既??乜唔係book左場咩??唔係對呢d對手fa??等埋金仔同其餘人再起程lor......分兩部的士,我同周傑同另外兩人搭後一部既,司機跟住前面輛的士,但點知~~哈哈,行到半路佢地直去面我地就轉右啦!!!點解??原來佢地個司機拾下拾下既~~heeee!!!之但係.....當我地又到場既時候,點解有球証既??咁pro既??乜唔係玩下踢下波仔既咩??呀??原來又去錯球場~~唔係呀??呢個時候大部份人心情都已經跌落谷低啦.......哈哈!!!!最後既都係搭的士,唔該''油魚灣村''呀!!!

足之都岩啦~~唉.....簡單一句油魚灣村吧??當去到球場時就已經10點啦,原先book左場踢9既~~但家下已經冇左一粒鍾lor,大家都好灰呀!!!!算吧~~換衫踢波啦!!!其實大家都未熱身未接觸過個波就要開波啦~~真係攪野呀!!!冇符啦~~所以一早我地就已經失球先啦,但我地一陣又入番粒bor,但又俾人入左粒wor,之後周傑又整番粒bor......如是者你又入下我又入下結果最後都以一球飲恨呀!!!是晚最佳非周傑是也~~因為個人大演帽子戲法呀......頭頂腳踢中柱防守二傳乜都有呀~~但最精彩既莫過於own goal呀!!!heeee~~又一世界波呀,至於本人既表現麻麻地啦,谷唔太起呀~~一個助攻咋,起腳兩次咋,其中一野單刀描遠柱俾龍門岩岩high到咋.....最滿意既咪係傳送方面lor,有幾下都好靚好毒呀!!!

踢到十一飲杯野就澎澎聲散水lor......我同周傑都要趕最後一班72呀!!!好累呀~~返到屋企即白白更住上網打日記就早早訓lor......好累好眼仔訓呀!!!要努力埋聽日呀~~返埋聽日就可以放假嫁啦~~heeee!!!諗起都爽呀~~!!

>>June 3, 2004 at 6:02:12 PM GMT+8

2004 年 6 月 1 日 星期二 【清涼】

好靚女呀....同埋索到暈啦!!!


今日.....heeee!!!唔洗返工呀~~點解??我都唔清楚呀,公司佢編左今日放假就算啦,由佢啦,是但啦~~呵呵!!!都好既,可日假可以抖一抖叉叉電呀!!!近排我都知自己精神麻麻地加上又好易累.....當休息一天吧!!!!但.....一早就已經有人打黎啦,之唔係公司同事lor!!!激死人呀~~放一假想訓晏d都唔得??更住就起身啦,heeeee~~wingwing好早就過左黎陪我玩啦,睇下電視(烏拉圭對秘魯)玩下估錯處~~呼!!!我好肚餓呀~~由琴晚到今日一粒米一條面都冇入口啦,結果我地去左謝記吃呀,好好味呀!!!!往往係你最肚餓既時候食野至好味既......

更住就送wingwing搭車返屋企啦,天氣酷熱呀,火星咩??落一落個街就已經成身大汗啦,吹陣風就訓lor......好累好眼訓呀!!!到到咁上下就起身拎野俾文仔啦,買埋隻game返屋企玩呀!!!正呀~~更住事不而遲即玩呀!!!吃過午飯睇開心大發現上陣網打打機就玩玩估錯處最後就早早訓lor~~聽日又要早早起身......加上聽晚有野要做呀~~就更加辛苦更需要叉叉電啦!!!係咩??之唔係我最喜好果樣lor......

歐洲列強最想得到既野.....


>>June 3, 2004 at 5:35:08 PM GMT+8

2004 年 5 月 31 日 星期一 【清涼】

嘩.....今日我只可以用以下筆默黎形容呀!!!

我叉忙呀!! 好Q累呀.....

哈哈~~忙---因為今日唔知仲乜野呀??多客到佢呀~~一係冇wor,一黎就成班呀!!!我又打破自己既紀錄呀,竟然係中午時份一開就連續開左成四張單呀.....唔係fa??我自己都唔信呀,一個走左更住又坐個落黎啦,忙到呀~~想抖抖都冇時間呀!!!呼~~更住係臨收工收多兩個客仔啦,攪埋晒啦~~埋單今日開左六單啦,好好既成績呀!!!哈哈~~因為咁忙,所以我連吃飯時間都冇呀,成五點先可以有空吃飯呀!!!真辛苦呀~~係收工時阿立少上左黎呀,話搵我book珠海衘溫泉wor.....呢味我就真戚唔在行啦,盡力啦!!!哈哈~~更住去左中旅同埋康仔呀,嘩~~個價錢都幾係野wor!!!仲要係三個人仔去.....真係甘啦!!!更住我就搭車過筲箕灣會阿wingwing啦!!!

好肚餓呀.....呼!!!今晚我過去係陪佢打badminton呀!!呼~~好累好眼訓呀!!!但為左陪皇帝女啦......打左唔係好耐就好累lor!!!好眼訓tim.....十點左右就走啦,去左買野飲+$10雞菜餃.....好好味呀!!!係2X度食~~爽呀!!!正呀~~下次過去我要吃多次呀!!!(記緊提我呀,wingwing)係銅記搭車時.....又俾我撞到佢啦!!!立少~~同埋個媽媽+妹妹呀!!!哈哈~~又會咁岩既??佢媽媽仲記得我呀,heeee~~幾時又上去吃飯呀??呵呵~~至於佢阿妹就真係大個月lor!!!唔同晒啦~~heeeee!!!立少放心啦......由上車嗲到落車呀!!!真係依依不捨呀~~我地仲約好齊齊睇6.12呀!!!但.....唔知呢??

返到屋企睇陣電視.....訓著左wor!!!更住就白白啦~~之後......上網一陣咁大把啦!!!之後夠鍾啦~~小寶大結局!!!!好期待呀.....結果係點??睇左就知嫁啦,但下次播都唔知幾時啦~~!!!上回講小寶要死刑,但係行刑之制~~''涼風有信,秋月無邊.......''呢段詩我好記得係中學時有好多人都係度背係度講......我都係其中一人呀,可想而知套戲幾大影響呢??最後建寧死左,唔得happy呀!!!不過小玄子同小桂子都做番好朋友好兄弟......都幾感人呀!!!睇完之後.....打日記lor,唔知仲乜得近排好難先入到日記打到呀~~激死呀!!!一口氣打左兩日呀......更住就等睇波吧??我都唔知會唔會訓著左lor!!!

語錄 :

做兄弟既,唔洗講野---義氣、義氣同義氣......

一生人中應該至少有一個好兄弟......

我無自由失自己,每日茶送飯,攞我命,咸豆青菜.....

>>June 1, 2004 at 6:20:15 PM GMT+8

2004 年 5 月 30 日 星期日 【酷熱】

今個月最後一日啦~~話咁快又一個月??哈哈.....但我只知道今個月我真係谷到好盡好辛苦吧!!!做成績出來俾人睇呀~~所以.....今個月埋尾啦,結算啦!!!合共-$23549.8呀,都算係咁啦掛??好成績吧了~~今個月我都對自己既成績十分滿意.....滿意....yeah!!!但話雖如此呀~~今個月既始終都係今個月.....聽日開始又係新既一個月開始啦,簡單d講句就係由零開始啦~~都係果句啦!!!Try Your Best.....我成日都對自己講,盡力啦!!!就算係同事朋友老死都係咁講嫁啦~~盡力姐.....我開始明白自己點解咁鍾意講呢句啦,如果我係讀書時都識咁諗就好啦......可惜,可惜!!!

今日收左工同左黃大小姐去睇戲啦.....今晚睇既係''One Night In 旺角''呀!!!其實我對呢套戲都唔太大興趣咋~~反而對精裝追女有興趣,但都係睇唔到.....算啦!!!wing姐喜歡啦~~但入到場睇到咁上下都覺得唔太差既一部戲啦,而且係尾段仲有點感人,傷感呀!!!哈哈~~都唔錯啦,睇左套戲之後雖然明白既野唔太多.....但都明d既!!!話時話每當睇完一套戲之後我都會領悟到些少野嫁wor......heeeee!!!(你地心裡實諗有冇咁誇呀??哈哈~~)

更住我地去左吃魚之米線啦~~之前食過......去多hit啦!!!最正既係個上湯,因為係以魚魚黎滾既~~至於小食方面都唔差呀!!!叫左個芥辣牛仔粒呀,都係好好味呀~~之後飽飽就去左做運動啦---打機啦!!!唉......皇帝女想打就打啦!!!之後就搭車返屋企lor,好累呀~~好想訓呀!!!但都要撐住睇埋偉小寶至得呀~~heeeee!!!小寶要死??皇帝呢個兄弟真係會忍心??明日就係最後一集大結局啦......唉!!!家下有些少埋怨點解我唔一早由頭追到尾呢??

>>June 1, 2004 at 5:46:30 PM GMT+8

2004 年 5 月 29 日 星期六 【清涼】

今日.....星期日但都冇出街呀!!琴晚好夜訓好累呀~~但今日都好早就起身啦!!因為捧場睇睇NBA呀~~heeeee!!木狼好彩都羸得到湖人姐~~哈哈.....更住就上網打winning吃午飯啦!!更住就睇下足球小將等埋個棋櫃黎收拾好一切就白白出門口lor!!今晚約左周傑同佢父親去睇AC呀~~heeee!!我早周傑少少到場啦~~去到就不停影相啦,但都係太遠啦,所以影得都唔靚仔既~~最清楚既都只係米蘭第三號門將費奧利咋~~哈哈!!真係冇鬼用呀~~睇波lor!!

好耐都冇去大球場睇波啦~~今晚入座率不太好啦!!比起皇馬~~算啦.....如果加度素/恩沙基/派路/卡富/加卡又黎埋既話就唔同講法啦~~我想必定爆晒呀!!哈哈~~上半場戲碼就麻麻地啦,悶戰一場呀,更住下半場一開波左路既沙真奴快放傳中,舒夫高高一頂破網呀!!終破悶局啦,唔好以為傑志就咁樣俾人炒呀~~反而既係由後備入替既變色龍連入兩球反勝AC爆左一場冷門結局呀!!哈哈~~甚麼應屆意甲冠軍/上年既歐聯冠軍.....竟然大跌眼鏡成地玻璃碎啦!!

heee~~睇完場波之後就返屋企lor,咁岩撞到小朋友同車呀!!係香港仔買左碗南記食啦,吃過飽飽之後就白白啦,上陣網玩陣game就早早訓覺覺lor~~heeeee!!今晚係小弟第一晚訓新房既時刻......哈哈,終於有自己既房間啦!!''My Football Room''

>>June 1, 2004 at 4:46:53 PM GMT+8

2004 年 5 月 28 日 星期五 【晴】

今日十一點起身......刷牙洗面出門口lor~~去邊??哈哈,今日我要返工呀!!!都可以算是開心既~~因為我鍾意返星期六多過星期日呀!!!今日我返晏既,十二點~~返到公司就即刻有麻煩野啦!!!之唔係我d客仔lor.....其中一個就CFM唔到間房俾佢呀,冇計啦,唯有退啦......好彩個客仔冇乍形呀!!!更住又冇幾耐.....又有單野煩啦!!!我地酒店部同事竟然book錯左hotel呀~~激死人呀!!!新黎真係新黎呀~~好彩有房俾到個客姐如果唔係真係唔知點收科啦......呼!!!估唔到一早就咁多煩野啦~~

今日真係忙到暈呀!!!但d客仔都係問多過book既......玩野咩??好彩我都收左兩單啦~~heeeee!!!不過其中一單我都怕怕地會爆獲呀!!!希望冇樹啦~~lunch我都係冇吃野啦!!!忙死人啦~~五點後仲死tim,因為candy姐收工啦.......得我一個咋!!!呼......收左工就澎澎聲返屋企lor!!!因為我好好好眼訓好好好累呀~~琴日又係咁今日又係咁呀!!!返到屋企......都唔知做乜好啦??買左個M記,飽飽之後就打陣winning啦.....d人轉晒會lor!!!upday晒啦~~heeee!!!更住上陣網就白白啦,同wingwing嗲計計就抖抖睇電視......又打winning等睇波lor!!!但睇睇下都係訓著左呀~~heeeee!!!

明日之後真係好好睇呀,好回味呀~~好想睇多次呀!!話時話套戲雖然唔係d咩大明星做但都好好睇呀!!唔係睇星味而係睇套戲既感情......唔知地球會否終有一天學似套戲咁呢??其實好似明日之後咁既戲都出現左唔少??反映咩呢??我估既係想話俾世人聽,地球現在既問題,唔正視會點??有咩後果??我睇完之後真係明白左多少呀~~咁你地呢??所以我都覺值得洗三十蚊入場睇既.....係wor!!三十蚊??星期二呀??nononono~~面係數碼港呀!!係真嫁~~新既舊既都係三十......地方又新又大又乾淨真係值得一看既~~試試吧!!

>>May 30, 2004 at 7:57:32 AM GMT+8

2004 年 5 月 27 日 星期四 【晴】

識你老鼠??


今日發生左單大大大野呀~~就係關於吳生既!!!今日下午時突然阿主任就打個電話落黎問阿candy吳生係唔係成日遲大到??成12點幾先返??係唔係幫佢sign in.....問得呢d野就真係唔簡單啦!!所以......唉,我都唔識講啦!!當吳生知道既時候已經太遲啦,單野越攪越大呀~~就連經理都知,真係唔係講笑呀!!到到收工果陣吳生都係咩都唔知.......當佢知道時就打俾我問過乜事啦!!結果係點......發老脾lor!!之後既野都唔太清楚lor~~我都唔知講咩好啦,希望佢冇事??想佢死??你問我我都唔識答啦!!但有樣野我只知道.....人地點對我我點對人地,如果有有人潟晒d野落黎,玉帝都冇面俾呀!!都唔知點解銅記攪成咁呀~~唉......

講左d唔太好既野之後就講講d好野啦!!三個月前自己定左個目標.....要連續三個月過萬7,結果都冇白費呀!!當我收到今日既數紙時.....$22890.6呀!!哈哈~~就連我自己都嚇左一跳呀,一次過多左成7千有多呀~~yeah!!原先仲諗住下個月定個目標係過二萬,估唔到.....今個就到啦!!而且係我第一次過二萬呀!!我要比心機呀~~yeah!!收左工同wingwing街街啦,但今日我好累呀,好眼訓呀~~所以都唔太有心機既,走果陣落大大雨呀!!去左吃壽司呀~~正呀!!但因為我肚仔未好返晒所有我吃左好少咋~~但wingwing佢就一口氣吃左成十碟呀!!勁呀~~之後行多一陣陣就返屋企lor~~真係好累呀!!係van仔度訓左陣啦~~返到屋企即白白啦,之後上陣網同wingwing嗲陣計就睇小寶lor~~heeeee!!仲有最後三集咋~~小桂子俾小玄子出賣??做兄弟既最傷心最唔想既係俾對方出賣......

welcome 卡樂B


>>May 30, 2004 at 7:46:22 AM GMT+8

2004 年 5 月 26 日 星期三 【清涼】

Kiss ??


今日都係一早早起身就返工啦,一早就已經好肚仔餓啦!!買左個大家樂吃啦~~但點知......食左冇幾耐就唔太舒服啦肚仔~~所以就提早收工去左睇醫生啦!!結果醫生就話我冇刷牙所以就唔舒服啦~~哈哈!!都幾貴下呀,成兩舊水呀~~好彩有得補姐......食飯都冇胃口啦,諗住訓既~~但太熱啦,所以就VCD啦!!PTU~~正呀......更住就真係訓lor!!訓左兩個幾鍾啦,之後就吃dinner啦~~吃埋藥就出門口lor,去邊??病都周圍走~~去左數碼港睇戲呀!!heeee~~同埋大雄同江少呀!!

但我地傻仔呀~~早成個鍾去到......都唔知做乜啦!!唉~~而今晚我地睇既戲係明日之後.....兩個字講晒---好睇!!講就真係講唔到點咁好睇,真係要入場睇左先知既~~正呀!!家下諗番都好想睇多次呀!!睇完之後就慢慢咁行返屋企lor~~哈哈!!太窮啦,冇錢搭車~~返到屋企就岩岩好睇---小寶啦!!但今集麻麻地好睇,比較悶呀~~睇完上陣網同wingwing嗲陣計就訓lor~~

好靚呀!!!


>>May 28, 2004 at 6:20:35 AM GMT+8