2004 年 9 月 2 日 星期四 【晴】

係芭堤雅因為地方唔大~~但人又多車又多所以大部份人都以車代步既~~至於呢類既車就叫做兩排車啦!!!呢d車後面真係得兩排嫁咋~~哈哈,價錢平又可以講下價,又舒服~~都不失為一個好既交通工具呀!!!

二比零變二比二......


第二日開波啦~~一早當然係食個靚既早餐先啦,正呀~~好好味呀~~食左好多蛋蛋呀!!!!heeee~~俾wingwing豬鬧呀!!!但真係好好味呀~~今日我地分左兩隊人呀~~我同wingwing豬註守係酒店度swimming而佢兩個朋友仔就跟左Hard團去左老虎樂園呢??$550株包接送/導遊/自己餐Lunch......我同wingwing豬澎澎聲go to swimming la !!!等左好耐呀~~我選擇呢間酒店都因為咁咋~~真係好靚呀個泳池......冇得彈呀!!!又大又靚.....岩岩又有太陽可以曬一曬.....佢呢個泳池最爽既係有兩邊嫁~~一個係泳池一個係人造沙灘嫁!!!爽呀......又玩下水上籃球,又影下相真係正呀,諗住出去沙灘玩下降傘嫁.....但都冇玩度呀!!!卡陣諗起都真係.....想曬多兩曬swim多swim啦!!!!到到咁上下上房訓一陣.....之後check-out啦,真係有點兒依依不捨呀,離開之前去左''大光明''食翅+燕窩呀~~麻麻地咋,更住搭車車出番曼谷市啦,又要搭兩個鍾車程啦,真係.....最好係車度訓一覺先啦!!!!

新隊長.....


去到我地第二晚既酒店啦.....呢間係全曼谷最新最高既酒店,名符其實既5星Hotel呀.....打開門一入去.....靚到你呀!!!!兩廳兩套房一書房四個露台既酒店你住過未??成千呎都黎緊呀.....我地都嘩~~嘩~~聲呢??如果成班人入住仲更加爽呀~~heeeeee!!!!更住就落去搵野食啦~~今晚諗住係搵d地道街邊小食既,之但係搵唔到呢?搵到時又唔識睇佢地d字,真係.....哈哈!!!結果去左間餐廳係度吃啦,都幾''阿來''嫁~~又唔太貴呢下先爽呀!!!!(阿來係解好味)之後諗住搵spa做既只可惜.....又係搵唔到呢??更住去左曼谷市既''紅燈區''.....有好多好野睇呀,table drance,三點式女郎......真係正到呀!!!heeee~~但拖係wingwing豬冇得入去tim,哈哈~~呢條街有好多日本仔呀~~就連我都俾人地誤會為日本仔呢??哈哈~~

值唔值咁貴呀??


行左一行最後搭''篤篤''返酒店啦(篤篤係解Taxi,比真既Taxi為細,得三個輪,簡單d黎講即係三個輪既電單車)去左7-11買左些少野上樓玩下啤牌就早早訓覺覺豬呢??唔知點解咁累既??沖個靚涼先~~heeeee!!!有企既又有坐既,沖邊個好呢??哈哈~~係曼谷呢度有7-11之餘又有M記同肯德雞嫁~~哈哈.....緊有一間係左近既!!!!heeeee......

>>September 7, 2004 at 5:15:35 AM GMT+8

2004 年 9 月 1 日 星期三 【晴】

今日對阿叔黎講係有雙重既意思......生日快樂呀!!!!Alan仔~~哈哈,阿叔我今日牛一又大一歲呢??點攪呀~~廿一啦.....真係唔想咁大個tim,不過我再大過d都冇問題既~~因為我個樣個係細細個仲可以扼得到人既~~heeeeee!!!!至於另一個意思就係......阿叔我今日達成自己一個小小既願望,唔係香港過生日~~heeeee!!!簡單d黎講阿叔今日去旅行lor~~yeah!!!等左好耐啦......我要大反特反,咩都唔理咩都唔諗盡情開心咁玩同休息呀!!!!!去發啦......

簡拿華Ray加盟Juventus


一早就起身同埋wingwing起行啦,去到中環站搭機鐡先啦,heeee~~咁大個仔第一次遠門都真係好緊張呀,轉眼間就已經到達機場啦,又會咁快既??更住去吃個靚早餐先,機場大家樂既早餐都特別好味d既??哈哈~~等埋wingiwng另外兩個朋友仔就拎機票過關離境登機lor!!!好緊張呀.....heeeee~~途中我四圍咁望成個小朋友友咁呀~~哈哈......上機啦上機啦,好叉緊張呀!!!!!但......有點失望既係坐唔到窗口位呢??激死人啦......算啦,起飛果刻又係好緊張呀~~heeeee!!!!今次我地係搭華航,d空姐都.......heeeee!!!有好有唔好啦~~kakakakka~~到食飛機餐時間啦,唔知好味唔好味呢??成日聽人講話唔好味~~試過至知.....真係唔好味嫁!!!!哈哈~~更住又冇咩野做啦,咪訓一陣陣lor~~訓醒既時候已經到啦,落機啦~~澎澎聲出去睇下咩環境先......

莫吉真係莫吉呀!!!


係wor~~講左咁耐都未講係去邊tim??今次既旅程係去.....曼谷+芭堤雅呀!!!落左機又係好緊張呀~~好似發夢咁呢??望下四周~~泰國機場俾我既感覺好靜好舊咁既款同我出發既香港相比就真係.....突然身為香港人都有點兒自豪呢??出左機場就exchange $$啦~~之後搵車搭Taxi啦,因為頭一日我地係去芭堤雅先既~~所以又要搭一段長時間既車程呢??攪到個人有點兒累啦.....搭左兩個半鍾頭終於都到達我地首個既目的地啦---芭堤雅!!!落左車即刻個人都唔累啦,heeee~~我地首日入住既係---Hard Rock Hotel!!!我就覺得幾好啦~~但其餘團友就.....唔打緊啦,總之開心就咩都唔記得嫁啦,放低行裝就出去打個轉先啦,有點兒怕怕,始終都係第一次黎仲要係得幾個小朋友.....個個都係未黎過字又唔識多個......哈哈,但咁都幾好玩呀,講下英文咩都試下好有冒險感呀!!!!

新一代射手加盟......


入夜啦......搵個地方食下野啦,我地去左---Walking Street !!!!係芭堤雅度可以比喻為香港既''難貴坊''哈哈~~我地去左食海鮮呢??日本餐廳都幾high卡咁呀~~heeeee!!!叫左好幾樣送菜,都好好味呀~~又新鮮價錢唔太貴呢??幾好呀~~但有樣野就好攪笑既,哈哈~~飲水係要比錢嫁,因為佢地俾既水原來係一樽樽即開俾你既water呀!!!飽飽之後又起行啦~~回程途中見到好多鬼佬攬住d泰妹,心知咩啦~~heeeee!!!又有Boxer睇呀,好多酒吧呀~~更住我地去左一間按摩店度做foot massage啦!!!爽呀~~真係爽呀,行左成日最後攪d咁既野真係very good呀!!!一粒鍾都只係$200株咋~~對番香港即係$40呢??更住返番酒店訓個靚覺啦,真係舒服呀......

>>September 7, 2004 at 4:48:14 AM GMT+8

2004 年 8 月 31 日 星期二 【酷熱】

今日我好開心......因為聽日我就生日啦!!!哈哈~~仲有埋旅行去真係開心死呀~~生日去旅行.....總之就好開心啦!!!哈哈~~

今日返工都係以放假既心情返工嫁啦~~聽日都放假啦,唔好做啦~~抖抖吧,或者係咁啦~~要交抵d單俾同事幫我跟......辛苦晒啦~~不過都好既,去旅行都有數!!!今日最開心既係......公司同事幫我攪左個生日會仔呢??買左個蛋糕同我慶祝~~好開心呀,個個都同我講句~~生日快樂!!!真係好開心呀~~heeeee!!!!另外既係.....收左工就去左睇華仔演唱會啦,三年啦~~哈哈,頭頭同尾尾都好好睇但中間就差左少少悶左少少呢??不過華仔真係華仔~~fans多到佢呀......真係爆場呀!!!!多謝細姑姐呀~~

睇完就澎澎聲返屋企啦......白白更住收拾行裝~~打埋日記就早早訓啦,聽日早早起身呀~~kakakaakak!!!!過左12點.....Alan生日快樂呀~~又大一歲,要乖仔啦!!!!希望你心想事成啦~~

小wingwing送左......個小形足球仔俾我呀!!!heee~~好靚靚好得意嫁~多謝晒呀~~不過同妳去旅行已經好開心啦!!!

>>September 1, 2004 at 5:37:04 PM GMT+8

2004 年 8 月 30 日 星期一 【陰】

仲有兩日咋~~哈哈!!!!兩日後有兩單大野將會發生......一係細佬生日牛一呀,二係小弟第一次遠門呀!!!!哈哈~~希望到時會開開心心啦!!!

今日成朝都係煩惱緊點樣樣可以將六千幾蚊條數可以留返下個月呢??結果......heeeeee!!!攪你個掂呀~~我真係一個天才呢??今日都麻麻地忙碌啦~~但都收左幾單booking既,由其係收工前,d仆街客仔又係臨收工一hit過上晒黎~~玩咩??頂你地班客仔個肺呀,所以我攪到成8:30先收得工,激死人啦~~收左工.....

本來要過去wingwing度拎行李先既,但......去左攪攪隊波同佢地嗲一嗲......結果咁就出左事啦,真係大檬樂呢??佢地踢左一場咁大把......因為真係等左好耐呢??但呢場波佢地踢得好左好多嫁啦,起碼控球在腳既時間多左,防守都穩左呢??更住過去拎行李啦......呼......

最新消息~~
簡拿華路/伊巴謙莫域齊齊加盟祖記~~好野!!!!
朗尼終於都加盟曼聯呢??
沙漠王子米度加盟羅馬!!!
米高利轉左去費倫天拿~~

>>September 1, 2004 at 5:30:30 PM GMT+8

2004 年 8 月 29 日 星期日 【暴雨】

原來佢無......毛毛嫁!!!


多謝你呀---好兄弟---''周傑''!!!突如其來既生日禮物---意大利+祖雲達斯DVD!!!!真係好開心.....真係好開心呀!!!!我都唔知講咩好啦~~但點都好啦,多謝呀!!!!

今日都係早一早就返工啦,哈哈~~呢個禮拜都係返晏11am呢??但收工果下真係.....要收成8pm都真係好......唔開心呀!!!不過算啦~~今日我做左有生以黎最大最大單既生意......我問你地些少野呀!!!如果三張機票買成萬幾蚊既,而我既利潤係.....賣價既一半,咁樣樣會唔會好過份呢??哈哈~~今日我就係做左呢件咁既事啦~~好衰??做左衰人??如果我唔係咁既話下個月我真係辛苦呢??但點都好啦~~我都係同自己講你肯俾咁多錢買就冇問題啦~~結果我都成功左呢??我都服左自己呀!!!講出黎都唔信呀~~

肥騰騰---小朋友咁


今日埋單既總生意都唔差呀,近呢幾日都係咁呀~~d客仔自己走埋黎叫我幫佢既??哈哈~~收左工周傑陪症我做第一次既球探呢??哈哈~~好似又係好衰咁呀~~但......我出發點都係為左球會姐!!!!食埋dinner更住就觀察下一兩場既對手啦,heeee~~睇完之後......心情好左好多,因為對手唔係比想像中咁勁呢??更住就返屋企啦......白白更住就上網啦,哈哈!!!一口氣打番兩日既日記呢??更住就要早早訓啦,同wingwing嗲陣陣電話就早早訓啦~~因為聽朝早.......聽日你地就知嫁啦!!!

周傑......多謝你既禮物呀,但最早既禮物唔係你呀~~而係.....我個好堂妹---恩恩呀!!!佢親手整左張生日卡+一件裇衫.......我好開心好感動呀!!!!
哥哥,
生日快樂
努力工作
唔准偷懶
妹,恩怡上

雖然係短短幾句......但我已經好開心啦!!!!
多謝恩恩

可惜.....可惜.....


>>September 1, 2004 at 6:55:14 AM GMT+8

2004 年 8 月 28 日 星期六 【乍寒還暖】

好想打7呢兩條友


終於都到一年一度既......7月14啦!!!!唔知各位對今日會有咩諗法呢??驚驚~~唔好夜返屋企早早留係屋企唔好出夜街吧!!!!哈哈~~定係街照去舞照跳呢??我只係記得細細個麻麻每逄呢日都會帶我落街幫手燒下街衣既......我都好回味呢??哈哈~~佢仲同我講要做乖既好既小朋友先冇事唔會俾鬼捉.....總之家下諗番都係一笑而知呢??算啦~~都過左咁耐啦,唔知麻麻佢點呢??

好似好多煩惱咁bor~~


今日我訓到成點先起身呀~~更住就返公司啦,今日又係為左$100x4而戰啦,但今個星期係最後一次啦,唔知要等到幾時先可以仲有咁爽既野呢??哈哈......係呢兩個月都有好多人問我同一個問題,Alan你唔洗放假嫁??哈哈~~我只可以答你......冇計啦,窮就係咁嫁啦,要辛苦下挨下至得嫁啦,今日唔知仲咩野士氣勁好呀~~一開波就已經捉捉收左兩單客仔啦,收工前又黎多兩單,今日真係.....肥過肥仔水呢??岩晒本少爺心意呢??因為下個月月頭唔係香港,卡下又可以做定為下個月鋪路等自己有路走下唔洗咁辛苦呢??heeeee~~~好戲再聽日呀!!!!

Alan好勁呀~~


收左工立仔上左黎呀~~下月尾去旅行??跟團我幫你唔到呀~~更住肥威接我收工呀!!!因為佢今晚話要上去屋企教小朋友整網頁wor~~我都想學下順便啦,佢地打winning而我就......乜咁簡單嫁咋??哈哈~~一陣間就學識左呢??我要澎澎聲整一個Ole F.C.網頁先至得啦!!!!更住就食晚飯啦~~其實都唔算叫做晚飯既,只不過係食福面姐~~我已經連續兩晚都係食同一樣既.....Dinner啦!!!唉~~更住睇陣電視打陣winning嗲陣電話上陣網好眼訓啦,想睇波都撐唔住啦~~聽日又要迎接新既開始啦!!!!

仲有幾日咋~~heeeeee!!!越來越緊張開心呢??唔知到時會點呢??
呵呵~~
sorry wingwing過唔到黎陪妳食Dinner......

曼聯千萬唔好買個死肥仔呀!!!


>>August 31, 2004 at 7:59:18 AM GMT+8

2004 年 8 月 27 日 星期五 【陰】

買左番黎又傷左~~哈哈!!!


要你打番3日前既日記都幾係野呀......鬼叫自己平時懶惰咩!!!哈哈~~不話話時話我都真係幾懶惰呢??或多或少都可能我係.....豬仔年出世啦!!!!哈哈~~又給自己一個借口把!!!唔講呢d啦~~講番今日啦,星期六又係要返工呢??返到公司.....做咩好呢??我都唔知呀~~今日''衰神''又請左病假呢??所以今日大小事務都係由我攪掂佢呢??激死人啦~~麻煩客仔又要耍走佢,又要影下印呢??唉.....總之就!!!!麻鬼煩啦~~之但係今日結算都有唔錯既收獲啦,哈哈!!!都收左兩單客仔呢??keeeee~~~~

成個小朋友咁既~~


收左工又係落大大大雨呢??近排既天氣都係咁,攪到自己既心情都係.....down down down !!!!唔開心呀~~但係.....返到屋企星期六有咩做??作為一個球迷當然既就係對住部電視啦,哈哈!!!又睇波啦~~今晚更可以大睇特睇呢??因為聽日返2-6咋~~呵呵!!!!又可以反夜d又可以訓晏d啦!!!!kakakaka~~到到夜晚都係例行果幾樣野嫁啦,上網ICQ/打winning/攪攪球會既野......好兔野做啦,突然覺得自己既時間真係.....唔夠用呀??點算好??哈哈~~

睇落都幾得嫁wor~~


>>August 31, 2004 at 7:57:42 AM GMT+8

2004 年 8 月 26 日 星期四 【陰】

今日.....又係一早起身走左一班車,頂佢個仔呀~~差d遲到呀又!!!!再黎多獲就3次嫁啦~~到時......之但係我都有個好消息既,岩岩收到封信,公司警告我第二次咋~~換句話講我就算再遲都唔洗俾人炒,哈哈!!!!返到公司都已經幾忙碌下啦~~因為自己手頭上唔太多booking呀,想快快攪掂晒佢更住先放假去旅行呢??heeeee~~咁我玩都玩得開心冇野諗呢??呵呵~~本來今日係平平冇奇既一日......

係臨收工鬆人時~~有個吉隆坡人入左黎問機票,我好想耍走佢嫁啦,但點知佢又肯買wor~~哈哈!!!真係吹脹呀~~結果.....出手啦!!!成頸血呢??我都唔想對唔住啦~~哈哈!!!!餐餐都係咁嫁wor~~好幾之都係臨收工求其啦,諗住耍走佢但佢又黎買嫁wor~~哈哈!!!或者呢d叫天意啦......收左即join埋文仔同周傑街街啦,諗左好耐終於知道食咩啦,唔通食樣野都係咁難??之前又係咁今次又係咁~~哈哈!!!

去左吉百利度食呀~~文仔同周傑食lor~~面我只係坐坐吹吹水咋!!!!哈哈~~冇錢太窮啦,食到咁上下有兩條女搵周傑影張相呀~~哈哈,更住我又拎私伙野出黎啦,哈哈~~結果我地又有影呢??最後周傑兵團出動啦~~周傑大佬好野萬歲!!!!heeee~~到到咁上下我就join埋wingwing佢地啦,因為我仲有節目呢??同佢豬豬同佢班表妹朋友去左稻香打個靚邊爐呢??哈哈~~初初我仲驚會好貴既tim~~但食到最後都叫左好多野食但埋單都唔太貴咁呢??

好彩好彩呀~~但都幾好味幾high卡呢??下次又多個地方食飯呢??之後就鬆人散ben啦~~好累好眼訓呀!!!!返到屋企白白完之後上陣網更住就訓啦~~聽日仲要返工工呢???

>>August 28, 2004 at 12:46:15 PM GMT+8