2004 年 12 月 24 日 星期五 【晴】

今日瞓左十二個鐘先起身，
所以十分精神，準備好今晚唱K，
買完聖誕節禮物後去左join亞ming佢地，
之後去左尖東neway唱k，
唱完之後成班又去亞東家做例行公事(打麻雀)，
但我食左藥，太眼瞓，所以都係瞓........................................

>>January 2, 2005 at 8:25:17 AM GMT+8

2004 年 12 月 23 日 星期四 【晴】

今日係好平安O既平安夜，
但係我一D都唔平安，
因為感冒，又咳又發燒，
不過我都無請病假，
因為係依D大節日請病假，
費時俾人話我詐病啦............
加上今日收五點，都可以撐得住既，
中午O既時候，去左公司附近間診所睇醫生，
我叫左個醫生唔好落咁重藥，
我話聖誕節要去玩，唔想咁倦，
五點放工後去同亞東去左睇<功夫>，
睇個半個鐘都好好笑，不錯，
但係半個鐘之後講咩我就唔知喇，
因為D藥太勁喇，我點撐大隻眼都瞓著，
都叫個醫生輕手D架喇，真係文塞呀!!
瞓醒之後就蒙下蒙下去左食飯，
今晚去左大本熊食芝士火鍋，好味，
食完飯再食多次藥，之後諗住去買聖誕禮物，
但係九點左右我已經頂唔順要返屋企，
諗住塔地鐵火車咁多人，塔巴士一定有位坐，
因為九點我估D人依家先開始出街，
點知成條彌敦道都封路，要行到去油麻地先有巴士塔，
但沿路太多人，行都行唔到，又等左成個鐘都無車，
我淨係想返屋企O者，點解要咁對我呀...............> ~ <
由九點我話要返屋企，結果到十二點先返到，無奈!!

>>January 2, 2005 at 8:25:44 AM GMT+8

2004 年 12 月 12 日 星期日 【晴】

今日做o左漢興o既白夫人信箱，
佢問o左我好多關於愛情o既問題，
而每個問題都好深懊，
甚至超乎理論與哲學，哈哈.............
好彩我內功深厚，
總可以頂得住，
其實我一聽已經知佢唔開心啦，
不過有時有d野都已成訂局，
唔放手都唔得架啦!!!!!!!!!!!!

>>December 15, 2004 at 3:33:32 AM GMT+8

2004 年 12 月 11 日 星期六 【晴】

家姐今日過大禮，所以琴晚返左o黎瞓，起初諗住都係d儀式上o既野，
無乜特別，點知今朝瞓晒無幾耐，
亞"女麻"、大叔、細叔、細嬸、大姑姐、二姑姐、帶好姑姐、亞英姑姐同樂文仔都上左o黎，
真係估唔到陣容係咁寵大，大概十一、二點，
未來姐夫同佢男家o既親戚都上左黎，仲拎左隻大乳豬、嫁女餅、四個大椰子等等，
真係傳統到唔傳統，之後仲要回番個豬頭同豬pat俾佢地，不過都幾得意o既，
男家o既人走左之後，姑姐佢地打麻雀，而我就帶左樂文去大埔中心行街，
本來諗住佢同影貼紙相，點知佢死都唔肯，行到去A-1佢話要食雪糕，
我話食完雪糕後要同我影相，佢答應之後我就左俾佢食，點知佢反口..............
之後行到佢暴龍樂園門口，佢好想玩，於是換左五十個代幣，
點知佢玩到勁HIGH，係咁走黎走去，但我個時已經好倦，
所以我靜靜地拎走一半代幣，呃佢話玩晒，哈哈............................
玩完之後有D暴龍樂園票，之後佢話唔要，我問佢點解，
佢話唔想俾媽咪知佢去左玩，依家D細路仔真係好醒目，
雖然同佢只係玩左兩個鐘，但係沿路又要跑、又要捉迷藏，已經耗盡我好多精力喇!!

>>December 13, 2004 at 1:02:14 PM GMT+8

2004 年 12 月 10 日 星期五 【晴】

已經三日無見過阿東，
但我一d掛住佢都無，
因為我知見到佢之後我會更唔開心，
佢所謂o既關心同安慰我一d都感受唔到，
我想聽o既唔係意見，
靜靜地已經可以，
發生件事之後都無黎睇過我，
仲要質疑我同第二個去街，
明明係屋企睇緊天崖俠醫又話我係戲院，
又要我用屋企電話打俾佢証明我真係係屋企，
但我無發脾氣，仲照做，
因為我真係無氣同佢嘈，
已經好煩..........................

>>December 11, 2004 at 3:25:20 PM GMT+8

2004 年 12 月 8 日 星期三 【晴】

今日放工後返到屋企，
知道左一件好唔開心o既事，
事件o黎得好突然，
點解會咁.......................
記得上年依個時候收到朱sir過生o既消息，
我好傷心，喊左好耐，
我好驚有依d事會發生，
點解人o既生命係咁脆弱??

>>December 9, 2004 at 12:38:34 PM GMT+8

2004 年 11 月 30 日 星期二 【晴】

上星期收到學生資助辦事處o既信，
由一月開始要還學費喇..................^~^
我突然覺得好晴天霹靂，
返左工三個月，又無儲錢又大洗，
依幾個月又多節日，又要買禮物，
又要買結婚禮物俾家姐，
唉..................睇黎依幾個月我都食節衣縮食先得。

不知不覺家姐仲有一個月就結婚，
依幾日都幫家姐手試婚紗、買依樣個樣，
原來結婚真係好煩、好多野攪，
攪到連我都淨係記住佢一月結婚，
十二o既聖誕節都差d忘記，
今年聖誕節雖然有三日假，
不過就一d節日氣氛都冇，
可能明知無christmas party去，
又唔知有咩玩，所以都冇乜感覺.................



* 唔知點解依排見親d朋友，佢地都問我仲係唔係做緊依家份工，其實我都只係做左四個月，點解佢地會咁問o既? 其實我有少少覺得d人唔係太鍾意依份工，又或者佢地覺得無出息掛...........

>>December 1, 2004 at 1:08:49 PM GMT+8

2004 年 11 月 11 日 星期四 【晴】

依家長期返佐敦早間，無左Joanne幫手，工作量大增，
好倦，唔多唔少都有做錯d野，雖然唔係大錯，
但我最唔鍾意d人，依間雖然係學校，但學生多、老師多，
相對是非都好多，最唔鍾意依種感覺，有d人真係好衰，
我知只要唔好咁在意，我會開心D，可惜我太在乎人地點睇我，
有時好想搵一份平平靜靜o既工，但又覺得好可惜，
有時又好想有d新衝擊，有時人就係咁矛盾，
夠竟我下一個目標係咩呢?????????????????

前兩日漢興約我食飯，因為慶祝亞man畢業，
不過真係無乜心情見人，唔開心o既時候，
真係唔想仲要笑笑口咁對住人，好似好難為自己咁，
不過琴日michelle約左八個八婆打邊爐，
我們八個真係好耐未試過齊人，所以點倦都一定出席，
更何況對住依班friend係最舒服，鍾意笑就笑，喊就喊，
話晒大家都做左差不過十年friend，佢地係最了解我架，
好開心亞mic同低能係巴士站接我，好感動，
於是等埋其他人就一齊行去稻香，途中見到我地o既舊同學mary，
佢已經結左婚，仲生左兩個女，個大女都已經識行識走，
好彩佢個女叫我地做"姐姐"而唔係"Antie"，
原來老板同佢男朋友一齊左四年架喇，寶婷都有三年，
時間真係過得快，佢地依家都同男朋友仔住，大個女喇!!
海狗又話家姐好事近，雖然家姐極力否認，但我地個個都唔信，
仲有楓楓XXXXXXXX呀!! (秘密，唔公開得，不過我地聽完好開心呀!)
不過對於我黎講，依D野太遙遠喇，無乜興趣，
對於我黎講，依家最想學好英文同普通話，
同埋靜靜咁抖一排，冷靜D諗清楚自己O既將來，夠竟想要D咩，
各位，我依家開始學英文同普通話，不過好貴呀，一百五蚊一堂，
不過話晒都係個別教授，一定會有用O既，我要俾心機，
唔可以學一陣就放棄，要堅持、堅持同堅持!



漢興 : SORRY，我真係冇心情出黎食飯呀，你個日打俾我，其實我係有時間出黎架!! ^ ~ ^
亞MIC : 多謝妳話如果妳中六合彩，第一件事係幫我還學費，唔知我還清學費前，妳中左未呢?
東 : 原來我唔開心O既時候，你真係會知， 連隔住電話都瞞唔到你，俾四個叻你-- "叻叻叻叻"!

>>November 12, 2004 at 3:41:04 PM GMT+8

2004 年 11 月 3 日 星期三 【晴】

原本，這是一本日記，
之後，是一本週記，
現在，是一本雙週記.....................................

>>November 4, 2004 at 6:36:22 AM GMT+8

2004 年 10 月 12 日 星期二 【晴】

依兩星期調左去銅鑼灣分校，要等下星期先轉番佐敦，
公司決定調我長期駐守佐敦分校，雖然佐敦係最近o既一間，
可以用少d時間塔車同用少d車費，不過相對工作量會多d，
好驚因為太多學生會唔識處理，又驚做錯野，仲有好大壓力tim~
雖然依份工已經做左兩個月，不過由於成日將我轉去唔同分校返，
攪到到依家都仲唔太慣，之後長期留係佐敦，可能會快d適應o既，

今日塔地鐵返工o既時候，同好多西裝人迫下迫下，
個時先發覺，原來我已經唔係一個學生，要返工賺錢喇，
個刻突然有d如夢初醒o既感覺，不過到依家我依然仲好想返學，
好想學多d唔同o既野，我覺得自己識o既野太少喇，
想學多d, 再多d, 再多d............
我要學好一口流利o既英文、國語，仲有快d跳番舞~

>>October 13, 2004 at 2:58:11 AM GMT+8