2004 年 9 月 25 日 星期六 【晴】

今個星期又輪到我返星期日，
第一個學生會十點到，所以我提早十分鐘返去開門，
有個鬼佬亞sir已經係樓下等我開門，
上到去，佢好惡咁話我地計錯佢d人工，
我話time card要joanne先改得，我唔可以改，
佢就發晒脾氣，大大聲同個學生講話本來依度開九點半，
因為個職員遲到，所以佢prepare唔切，
其實我地星期日一向都係開十點架，不過我費時同佢嘈，
結果一早就勁俾佢鬧，不過依個老師d脾氣一向好差，
佢之前連joanne都敢鬧，佢個學生落堂之後都同我講佢今朝好惡，
話佢d脾氣好差，佢都話我今朝好慘，
好彩都有人幫我，我都冇咁唔開心，不過今日仲有好多小插曲，
d老師爭課室啦，有家長投訴啦，等等.............佢地只會怕老闆，
老闆唔係度就會勁放肆，特別我係一個新人，佢地更加蝦我，
總之今日就係我返工咁耐最唔開心o既一日，
返依份工老闆們都好好，唔會鬧人，反而俾d老師鬧，
雖然老闆話我地係admin，可以管d老師，
但實際上，佢地唔會當我地係admin，佢地只會當我地係receptionist，
雖然依份工唔辛苦，又唔洗日灑雨淋、行行企企，
不過反而就好有壓力，有d外國人真係好好好nice，
但有d外國人比中國人仲要野蠻，又唔講人情味喎，
我計過今個月o既commission，加埋底薪已經到左我o既expected salary，
當然開心啦，不過真係得來不易喇，同埋我估下個月o既commission一定冇咁多，
因為尖沙咀比佐敦少客，二來又少左d基金資助，
不過唔緊要啦，係佐敦d private lesson太多，
我都handle唔到，萬事從低做起都好o既.................亞coe加油!!

>>September 26, 2004 at 12:17:33 PM GMT+8

2004 年 9 月 18 日 星期六 【晴】

好開心, 今日放假可以瞓晏D,
瞓醒出房門見到爸爸係沙發度睇報紙,
我又坐係佢隔離一齊睇報紙,
睇左半個鐘, 大家都好專心, 無講過一句說話,
直到佢起身著鞋, 我問佢去邊, 佢話去打麻雀,
於是我行左入房拎左一千蚊諗住俾佢(因為出左糧),
但係我猶豫左好耐, 因為咁大個女從來未俾個錢爸爸,
由出世到今年二十一歲, 從來只有佢俾零用錢我,
我都未俾過佢, 雖然之前有俾錢媽咪,
不過爸爸鏓係尷尬得多, 不過我拎左好大勇氣行出去,
同佢講俾錢佢打麻雀, 不過咁講好似咒佢輸咁,
於是我話袋住好喇, 唔好輸, 淨係羸, 於是佢都笑喇,
雖然一千蚊唔係多, 不過個種感覺好得意, 好攪笑.......................

之後去左家姐屋企個會所打羽毛球, 同埋佢D friend,
個度都有好多野玩, 仲有得"焗嗓拿", "look ling" ,BBQ............
不過都唔得閒玩, 家姐屋企已經安頓好晒,
仲有養左六條好細膽O既神仙魚,
雖然家姐搬左出去住已經兩年有多,
不過而家佢已經有屬於自己O既屋企, 又就快結婚,
個感覺又好特別咁, 好似佢已經俾左第二個咁,
唔怪得知D人話生女唔好啦, 會俾左人架...........................

>>September 19, 2004 at 4:00:07 PM GMT+8

2004 年 9 月 13 日 星期一 【晴】

今日放左一日病假，因為個pat pat位仲痛，所以都冇行街街，
淨係去沙田睇左場戲，<追撃八月十五>已經落左畫，
於是睇，依套戲比我想像中好睇，
而且D內容都幾新鮮同刺激，依套戲我俾四個蘋果

>>September 17, 2004 at 3:35:49 PM GMT+8

2004 年 9 月 12 日 星期日 【晴】

今日差不多收工O既時候，大概係七點半左右，
係公司聽緊個電話時，順便諗住坐落後面張椅，
點知原來有同事拎開左張椅，我成個人就"澎"一聲跌落地下，
當然非常痛痛啦! 不過D同事仲緊張過我，
係咁叫我去睇醫生同照X光，雖然痛，但我覺得唔洗睇都得啦，
但係STEVEN(老闆)已經二話不說去左搵有冇診所未收，
公司附近D診所都收左，佢地又叫我去醫院，
STEVEN又叫我去依間醫院，MOSON(另一老闆)又叫去個間，
最後我話不如近近地去廣華算啦，
於是STEVEN同我一切塔的士去廣華，STEVEN叫我扮痛D，
如果唔係急症有排等，去到我又真係扮到好痛，
本來非急症要等四個鐘，但唔知係唔係我扮得太迫真，
佢地又俾輪椅我坐，等左半個鐘左右已經可以睇醫生同照X光，
亞東黎來醫院之後，STEVEN再三叫亞東睇完醫生同我塔的士返屋企，
因為可以claim番錢喎，亞東不知幾開心，因為佢想渣車好耐，
今晚佢終於可以推輪椅車我，不過佢d泊車技術就差d喇~
當然照x光話我無事，不過佢地叫我照左安全d，
醫生寫左三日假同俾左d藥我，其實我都唔捨得塔的士返屋企，
不過媽咪同老闆都過份緊張叫我唔好等巴士，
算啦.............有得claim番就豪一次啦~~~


* 今日係急症室等o既時候，有一個人要搶救，佢o既朋友同屋企人黎到o既時間都喊到好慘，我估個人都好年青，d人仲不停咁講明明好地地，點解會咁架，我聽完之後個心好唔舒服，我估o個個人一定好嚴重，意外真係意外，好多野都係意料之外，生命其實真係好脆弱，希望o個人可以平安無事啦!!

>>September 17, 2004 at 3:27:59 PM GMT+8

2004 年 9 月 11 日 星期六 【晴】

連續返o左一個星期工，今日終於放假lu..............yeah
不過想睇<追擊八月十五>同<狂莽之災>都買唔到飛，
好失望...........唯有買VCD返屋企睇啦~
真係慘呀, 依家返工都抽唔到時間返小組，
今個星期仲要玩歷奇，真係失望，我都好想玩

>>September 12, 2004 at 2:01:49 PM GMT+8

2004 年 9 月 1 日 星期三 【晴】

今日返工O既時候，老闆話公司有封生日利時俾我，
不過琴日唔記得左俾，真係估唔到佢地對我咁好，
真係愈來愈鍾意依間公司.........................哈哈

放工之同約左亞MIC, 楓楓同低能食飯，真係好開心，
好耐無幾個女仔出黎，雖然好耐無見，
但好朋友永遠都係好朋友，永遠都係咁夾，
大家都係咁明大家O既心意，話題永遠都咁一致，
不過食食下飯O既中途，係我面前有隻野飛來飛去，
我即刻E嘩鬼叫再匿埋係亞MIC後面，混亂中，
只聽到佢地叫我唔好望，亞MIC不停用唔知咩野整死野隻，
噢..................對不起，可愛的飛蟲，我的惶恐令你失去性命!!
食完飯之後都冇上亞東屋企，
四個一切塔巴士好開心，又攪到成架巴士嘈嘈閉.................哈哈

返到屋企之後，行入廚房見到好人隻黃蜂，我再次E嘩鬼叫，
爸爸就拎到掃把打0隻蜜蜂，我當然立即走入房鎖埋門，
然後聽到幾下"啪啪"聲，爸爸就拷門叫番我出黎，
噢.................對不起，可愛的蜜蜂，我的惶恐再令一隻蟲蟲失去寶貴的性命!!

>>September 12, 2004 at 2:02:15 PM GMT+8

2004 年 8 月 31 日 星期二 【晴】

今日公司知我生日，所以俾我兩點幾就走，
其實我要咁早走，除左因為慶祝外，仲要四點去INTERVIEW，
點知一點幾老闆打黎問我可唔可以四點先走，
我話唔到，我心諗，你唔係咁衰生日都唔俾我早走呀!!!
點知佢地返到黎，先知道原來佢地買蛋糕同我慶祝，
原本訂蛋糕要四點先拎得，佢地見我要早走所以買現成，
佢地仲整埋沙律，我真係超級估唔到，佢地唱生日歌個時，
我真係好感動，有個同學仲要左我好鐘意O既眼影俾我，
我只係做左三、四個星期，真係估唔到佢地對我咁好...........

之後去左美麗華食自助餐，d長腳蟹真係好好好好食，
我未食過咁好食o既自助餐，不過可惜要趕住睇華仔演唱會，
未食到盡就要走，個演唱會都ok啦，不過都有少少悶場，
不過都有d高潮位，華仔又喊喎............................華仔......................頂住呀~
今年o既生日真係過得趕頭趕命呀...........................哈哈




特別鳴謝同我講生日快樂同我慶祝o既朋友仔:
HIPPO, 肥雞, 達達, 嘉輝, 阿奶, 阿東, 阿FAT, 亞峰, 漢興, 細佬, 亞MIC,EIDTH,
CHRIS, 亞琪, 亞MING, 亞敏, MICHELLE, EDO, JOANNE, STEVEN, CHRISTY,
SUKI, 古惑仔, ANKIE, 歌斯, 袁鎮
(如有遺漏、敬請原諒)

>>September 12, 2004 at 2:03:04 PM GMT+8

2004 年 8 月 30 日 星期一 【乍寒還暖】

今日放工之後，約左HIPPO,肥雞,達達同嘉輝食飯，
食飯O既地點係<香江歲月>，D野都幾好食，D侍應又靚仔，
食完飯之後，我估到有蛋糕，個蛋糕都要有我個樣，
攪到我唔捨得切落去，不過最估唔到既係,,,,,,,,,,,,,,,,,
肥雞親手整左隻公仔俾我，隻仔著O既衫係我現實O既衫，
我真係開心到尖叫..................真係好好好靚，
我有一個亞COE自家公仔呀!!!!

第二個攪笑位就係阿東同阿奶係巴士上唱生日歌，
我真係笑到完全停唔到，佢地仲要一個唱完到一個，
個樣又勁無耐................哈哈
估唔到我O既生日會係巴士上過~~~~

>>September 12, 2004 at 2:03:53 PM GMT+8

2004 年 8 月 26 日 星期四 【晴】

好耐無打日記喇，其實好多野都好值得記低，
不過依家成日咁夜收工，返到屋企哥哥又霸住部電腦，
今日o既日記都係偷偷係公司打..............哈哈

係度日日都要對住d鬼佬，
就當上埋堂囉，哈哈.................依幾日係公司都迫自己睇下south china morning post，
希望會有進步啦.........................今日上年做暑期工個老闆打俾我，
佢話知我畢業，問我有冇興趣返去做，我當然唔返啦，
因為以下o既原因:
(一) : 薪金俾依家份工低 (因為之前有個full-time staff都係得$7000)
(二) : 依家可以學英文，對自己有好大幫助，至少依家唔驚同鬼佬講野，聽唔明咪笑一笑囉!
(三) : 依家d同事又young，起碼岩傾，以前間公司我一個staff同老闆，悶死
(四) : 做shipping成日俾人鬧o既，客又鬧、船公司又鬧、運輸又鬧，我又無興趣喎!
綜合以上o既原因，我都幾鐘意依家份工。

仲有一件我意想不到既事發生，下個月我地學校會開第四間分校，
所以請多兩個人，琴日我去佐敦分校幫手o既時候，
見到第一日返工o既新同事，佢係一個幾靚o既女仔，而且斯文大方，
細細粒粒，講野好大方得體，同佢傾傾下計，佢講左一句，
"我之前係機場返工成日都見到d外國人，佢地好麻煩架"
原來佢之前係國泰做地勤，做左一年太辛苦，所以唔做，
簡直難以置信，佢英文咁好，又靚，點解唔做地勤而做一個receptiontist呀?????
人地就唔想做地勤而做依份工，我就相反，做住依份再想做地勤，
乜做地勤真係咁辛苦咩???? how come???
話晒做地勤都有萬幾蚊一個月呀，制服又靚，
我個partner做左半年都係九千幾一個月，點計都低好多，
我地雖然都有制服，而且聽聞都唔平，但橫睇、掂睇、左睇同右睇，
都係國泰靚十幾廿賠啦.....................真係心酸呀!!

>>September 12, 2004 at 2:05:16 PM GMT+8

2004 年 8 月 14 日 星期六 【晴】

依幾日瞓醒就返工，放工食完飯就返屋企，返到屋企又瞓，
日日如是，攪到好耐無用過電腦lu，日記無打、email都無check，
其實返工個度已經開始習慣，無咁難捱，
不過仲係好驚做錯野，同d 老師有誤會，約錯學生等等，
星期一開始會調去尖沙咀分校

琴晚成大班人一齊食韓燒，好開心..............
我同佢地講我做個度係當全日制學校，
因為係教署註冊，所以睇戲、唱k用依張學生証都得，
亞琪叫我整張俾佢，當然我都整張俾自己，
今日一整完放工就去沙田UA睇戲試下用唔用得，
點知真係OK，仲要咁岩見到亞琪同佢BF，
佢仲即時用我親手整O既學生証一齊買飛睇戲，
不過<千機變II>真係唔係咁好睇喇...............
房祖明簡直係一絕..................D戲屎到爆，
陳冠希出左場一陣又唔知點解無左，
早知睇<導盲太小Q>啦!! 真係唔開心..................


Ankie : 好期待見妳著住港龍制服個樣，我真係覺得套制服好靚架，
唔知我著又靚唔靚呢!? 哈哈...................
Constance : 我記得妳去做義工，咁你記住影多d相俾我睇喇，不過要小心d呀! 芬蘭
都好危險的 !
?!

>>September 12, 2004 at 2:06:28 PM GMT+8