2005 年 6 月 6 日 星期一 【晴】

我o既好好好好好好好朋友們都得到幸福!!
我有十萬個開心....................................
我真係開心到唔知點講...........................
Hippo..................Mi Mi........................................so sweet~

>>June 7, 2005 at 3:00:46 PM GMT+8

2005 年 5 月 30 日 星期一 【酷熱】

今日雖然放假，但一早已經起身，
因為要去金鐘美國領事館整visa，
咁岩亞東今日放假，我地好耐無一齊去玩，
所以決定我整完visa後去海洋公園，
我地一點左右已經到達，
今日好曬，好辛苦，不過好開心，
至攪笑我地去玩跳樓機o既時候，
大家都已經扣o左安全帶，
但等緊個時我好驚，
我問亞東驚唔驚，原來佢都好驚，
所以我地決定解開安全帶唔玩，
真係好瘀，見到好多幾十歲o既antie都敢玩，
我地兩個後生細仔驚到走.................哈哈
唔知點解我地以前玩都無野，
依家唔通人大o左，驚死?!
我地都玩左好幾o左機動遊戲、睇海獅、海洋生物，
而最開心就竟然係玩兒童王國，
o個度都有個小型跳樓機，本來我地好想玩，
但原來只for小朋友炸，失望!
玩到好倦好倦，去完尖咀食元綠就返大埔lu，
好慘呀，因為太曬，之後又頭痛，又要食藥，
仲要今日無諗過真係去海洋公園，亦係諗過咁曬，
攪到無太陽油，曬黑左少少，
今日仲要著小背心，成個背脊同肩膀又紅又痛，
玩到咁倦都唔知點算，聽日有quiz，到依家都未溫書，
都唔知瞓好定溫書好.................玩係要付出代價o架!


* 突然知道班friend好多野，個心好唔舒服，有d擔心!!

>>May 31, 2005 at 2:27:11 PM GMT+8

2005 年 5 月 28 日 星期六 【晴】

依幾日返工都不停學日文，
之前無學過，依家一學就學成句對話，
好似背歌詞咁背，好辛苦，
日日有quiz，聽番自己o既錄音，
都唔係好知自己講緊咩，
日日都學好多好多日文，
滿腦子都係..................好恐怖，
學得好辛苦，覺得自己好似有語言障礙咁，
返到屋企都仲要背...............
點解依家好似學咩都咁辛苦咁o既?!
老喇.......................=_="

琴晚無線播<新紮師妹>，好好笑，
哥哥問我睇o左咁多次唔厭架咩?!
依套戲除o左好好笑之外，仲係好多"冧"位架，
(一) 楊千嬅︰不如我地重新黎過呀! 吳彥祖︰不如結婚啦! (背景音樂)
(二) 楊︰我叫你咬住木塞學好d廣東話，你有冇做呀! 吳︰(拎粒木塞出o黎)+(背景音樂)
好sweet呀....................甜晒!!

>>May 29, 2005 at 2:46:13 PM GMT+8

2005 年 5 月 24 日 星期二 【晴】

連續返o左三日training，感覺有好有唔好啦!!
好o既係好多野學，計時差、airline地方名o既code、日文.......................
學好多日本o既禮儀，知道咩叫做禮貌同儀態，
唔好o既係太多新事物要學，一下了接受唔到，
加上我成日係度大笑，又成日做左D瘀野出O黎，
攪到D同事成日笑我，我開始覺得佢地有少少歧視我喇，
我日日返工前都提醒自己今日唔可以再做瘀野，
如果唔係D同事就唔鍾意我架喇，但成日返到去都係咁，
唔得.........................要有番少少儀態同成熟D，
如果唔係去到日本無人同我玩架喇!!
不過我都好擔心pass唔到個training，
個trainer話係日本o既training好嚴架，
差唔多每隔一期都有人pass 唔到個training而炒左，
我都好擔心呀..................我學野真係好慢呀!!
依家有時答問題都答錯，好瘀，d同事個個都好醒目，
唔係港大就科大畢業，我開始更加相信請我係因為我好運!!
無辦法啦，唯有將勤補拙~~~~~~~~~~~~ =_="


肥 : 依家我有時間都唔敢出去玩啦，我好驚會fail 個training呀，你地玩得開心d啦，唔使我架喇，由我自生自滅啦!!

>>May 25, 2005 at 1:01:40 PM GMT+8

2005 年 5 月 21 日 星期六 【晴】

琴晚約o左JAL班新同事係尖沙咀食飯同飲野，
大部分人都好nice、好多野講，希望大家都夾得黎，
話晒黎緊四個月training都要互相照顧嘛，
特別係日本o個個半月，大家都無依無靠，
琴晚大家傾計時，原來佢地同我一樣，都開始擔心好多野，
已經無o左開始個時o既興奮喇.............................
佢地好多人都買左保險喇，
其實家姐之前都話出黎做野係唔係都要買份保險，
所以我決定等過左probation之後買番份先，
話晒我地成日都要飛美國，十幾個鐘係個茫茫大海o既上空，
有咩事都唔可以緊急降落，都真係幾驚，
仲有呀, 到時住酒店又要自己一間房，點算..............
我d同事話會等天光先沖涼，同埋搵野蓋住塊鏡，
費時自己嚇親自己...................哈哈
同埋stay係外國個幾日，我諗我要帶d書去睇，如果唔係一定悶死，
自己一個又唔敢出街，d同事又未必肯同你出，特別係d senior crew，
所以我要學識獨立同自娛..............................=_="
其實我真係好想做空姐，但又唔係好想飛喎，
依個心情真係好難明...................................!!

>>May 22, 2005 at 7:40:55 AM GMT+8

2005 年 5 月 19 日 星期四 【乍寒還暖】

好辛苦呀............................ 因為鼻敏感攪到勁流鼻水，
個鼻同喉嚨乾到好似沙紙咁，
呼吸極到困難，成晚都瞓得唔好，
瞓醒之後自己去灣仔拎特區護照，
順便影証件相for 美國同日本visa，
今日o既行程係塔271去尖咀碼頭轉渡海小輪去灣仔，
落車之後就跳左上船，好順利隻船好快就開出，
但係落船之後就發覺有d唔對路，點解會展咁遠o既?!
原來我塔左去中環o既船呀!!
我即係打俾亞東，佢笑我話"唔好見到$2.2就即係跳上船"，
我心諗，好彩去長洲唔係$2.2o者.................哈哈
之後唯有塔地鐵去番灣仔啦.........................
拎完特區護照之後就去七仔買左支樽裝果汁先生，
但個樽蓋實在太實，完全開唔到，
但個時又好口乾，再唔飲就會乾死，
於是我好大力好大力咁打開..............都係唔得，
去到碼頭唯有買過第二杯野飲(唔係樽裝o既)，
飲完之後就似番個人，
但個時亦發現頭先太大力攪到手掌起左粒pot pot...................=_="
最衰阿東要考試唔得閒陪我，如果唔係我就唔洗咁慘啦!
我終於發覺佢係我o既 "流動方向指示牌" & "人肉開汽水機"，
原來佢係咁重要架......................為佢鼓掌....................^-^

>>May 20, 2005 at 10:54:28 AM GMT+8

2005 年 5 月 17 日 星期二 【清涼】

我又再一次發揮見光死o既功能喇!!
今日自己落旺角做facial，
之後諗住去女人街買d髮夾，
點知行唔夠十五分鐘我已經覺得好焗，
心知不妙已經行番入商場，
點知都仲係覺得好辛苦，
之後就行去巴士站等車，
已經無乜太陽，但真係好焗好辛苦，
返到屋企已經好d，但到左夜晚都係發作，
食左粒藥先瞓，仲要瞓左十二個鐘，
亞mic同寶婷真係講得無錯，
我真係會見光死架!!!

>>May 20, 2005 at 10:28:51 AM GMT+8

2005 年 5 月 13 日 星期五 【酷熱】

志文係英國返左黎，琴晚佢地成班攪BBQ，
本來唔想去，但最後都去左，
志文變左好多，active左好多，仲見番好多人，
都成幾年無見喇，最多係街見到個o者，
之後好攪笑，我著住對涼鞋踼毯，踢到好痛，
不過好耐無玩，又忍唔住，都ok架，無退步到.................^_^
由於答應左阿東早d返，所以十點幾我同Michelle兩個走先，
點知返到去，阿東自己同d friend去網吧打機，
真係俾佢激死，自己玩咁夜又得，
最後成兩點幾三點先返，攪到我又要等佢電話，
超嬲......................>_< "

>>May 15, 2005 at 6:03:31 AM GMT+8

2005 年 5 月 12 日 星期四 【晴】

今日o既節目非常之精彩同緊湊，
下午四點幾返去英國語文學校拎支票，
因為個時仲有少少糧未出，一直都唔得閒返去拎，
返到去，咁岩三個老闆都係度，
傾左一陣傾，本來諗住坐一陣就走，
點知Benson見到我就衝過o黎攬住我，
之後我地就一直傾，傾到佢要上堂，好攪笑.........
學校都變左好多，多左好多新老師，我都未見過，
但好似靜左好多，Desiree係我走左之後，佢都辭左職lu

之後約左亞Pete同Cyrus食飯，
我只係飲杯野，因為之後仲要有下場，
我地繼續數jardine有幾唔好，
Cyrus依然好想走，亞pete話公司打俾佢，
話賠錢仲未賠夠，因為之前計錯數，
嘩............原來佢前後要賠成萬蚊俾公司，
真係成個月白做，成份糧俾番佢，
好彩我無一時意氣用事，俾足兩個星期通知，
扣埋兩星期人工都係賠二千，咁都無咁傷，
有時做人真係唔好咁衝動，佢仲要係未搵到工，
不過唔同既，佢屋企有錢，不過我覺得攪到寵壞晒，
都唔知咩叫搵錢辛苦....................唉

同佢地飲完野之後，就落尖沙咀印尼餐廳食飯，
係阿東請佢媽咪同婆婆補祝母親節，
由於佢細佬妹要返工，得我地四個人食，
依間野真係好好食，唔怪得知佢地成家人都咁鍾意食啦!!
食完飯之後，東媽同婆婆返屋企先，
我同亞東行左一陣街再食多個甜品.............晤...............好飽!!

>>May 15, 2005 at 5:53:10 AM GMT+8

2005 年 5 月 10 日 星期二 【陰】

連續兩日無出過門口喇!!
淨係睇電視、瞓覺同上網，
我覺得自己開始有少少發霉...........哈哈
所以聽朝會同阿"女麻"、姑姐佢地飲茶，
之後約O左Michelle、寶婷唱K.......So Good !

今日家姐打o黎同爸爸傾電話，
我聽到爸爸話依家好少工返，
返下抖下.......賺錢唔多，
爸爸又話我之前做地勤日日都唔見我，
又話我出面食埋d無營養O既野，
佢仲話如果我做空姐仲擔心，
一個人去到咁遠，有咩事都唔知，
但係我好想同佢講，
"你放心啦! 我識自己照顧自己，"
"我會努力賺錢，會摼D洗，"
"養你就未必得架喇，最多俾錢你打麻雀，"
"買張你最想要O既OSIM按摩椅俾你啦!"
當然我無講出口啦，咁肉麻 !
不過，我會努力做架~





珊 : 好耐無見喇!! 見到Snoopy就諗起你啦...........唔係我勁呀! 係好彩同"符碌"囉，希望我唔會俾人炒啦!!

>>May 11, 2005 at 2:57:22 PM GMT+8