2005 年 11 月 7 日 星期一 【晴】

係香港放假唔係好想出街，好想享受在家的時間，
係大埔食完午餐，再去超級市場逛了一逛，
買了一大堆零食，在家邊睇電視，
夜晚同阿東去左行街街，
買了一條天然石所造o既頸x，
九點去左尖咀稻香會合阿東一家人，
齊齊食大閘蟹同打邊爐，
食完都已經十二點幾，
由於阿東第二日返早學，
所以自行塔271回家...........................

>>November 9, 2005 at 3:31:58 AM GMT+8

2005 年 11 月 6 日 星期日 【晴】

三藩市漁人碼頭好熱鬧，唐人街好似香港，
同行師兄姐好nice，一齊食飯行街，
但到寂寞夜深o既時候，又覺得好悶，
打俾媽咪，佢打緊麻雀，
Hippo同成班小組成員食飯，準備返小組，
阿東返工好忙，唔可以成日講電話，
我又好唔爭氣咁係電話度勁喊，
攪到個個都好擔心，
之後媽咪話佢個晚都睡唔著，
Hippo煮左愛心紅豆沙去機場接我，
淑珍又俾左盒龍眼乾我，沖水飲好睡點，
阿東擔心得叫我唔好再做，搵過第二份工，
其實係outport只不過逗留二、三日，
問題係........我返到日本又好開心，
一睡就十多個鐘、又食得好好，
一個月又有十日假，人工也不錯，
只不過受不了係outport既寂寞~
只怪我係一個唔可以獨立、依賴心重o既人，
其實都無咩大不了，點解我唔可以堅強DD呢!?


最可悲O既係，原來好朋友屋企發生了生，自己都唔知，他比我還堅強得多。 我地真係要好好珍惜身邊O既一切一切，因為有D野可以話無就無，你同我都捉唔住......................

>>November 9, 2005 at 3:24:05 AM GMT+8

2005 年 10 月 30 日 星期日 【晴】

琴晚一行九人同楓楓預祝生日，
我地去左尖咀一間意大利餐廳食，
食物水準ok，不過份量極少，
個個都話好似無食過野咁，
好彩有Hippo既愛心生日蛋糕，
都總算頂得住.......................
食飯中途我地三個女仔玩左個心理測驗，
個topic係"你係唔係惡女"，
結果︰楓20%惡女 Hippo80%惡女 我100%惡女
"100%惡女------自信心爆棚，對自己做o既野好肯定，
自負、覺得自己做野一定岩，有正義感，
自我中心強烈，要個個人都覺得自己最好，
個個都要錫我，當自己係公主、女皇看待..........................."
我話俾阿東聽，佢話好準..........................激死 ~ - ~
哈哈......................


今日係standby duty，但無call出機，
好野多一日假................hehee
有D同學仔飛八日都係得兩日假炸，
神對我真係不錯，Standby成日都唔洗飛，
聽日就飛三藩市，間酒店係漁人碼頭，
可以觀光，而且又近downtown，
希望有師姐帶我去行街啦，
而且依間酒店有免費上網，
咁我係房都係以上ICQ，好開心，
應該都唔會好悶O既................
今日janis同ming都放假，
佢地約我去行街街............
但我決定唔去，
因為好乖咁去左補牙，
最怕就睇牙醫，唉...................>-<

>>October 31, 2005 at 10:45:23 AM GMT+8

2005 年 10 月 29 日 星期六 【晴】

今次返去日本training非常之開心，
因為一班同學仔自從飛後就好少見，
今次仲可以咁齊人，非常難得。

第一日，一行六人deadhead去日本，
入住羽田機場o既excel hotel，因為近training centre，
我地估唔到間酒店係咁靚，
有LCD 電視，又乾淨、又靚，又大，
係我地住咁多間酒店之中最靚O既一間，
個晚我地去左新宿食飯同行街，
仲有好好味O既芝士蛋糕加雪糕pancake，
夜晚返酒店會合由其他機到o既同學仔，
Janis-san同係我間房一齊sleep。

第二日我地要六點半起身返training centre上堂，
我地要上番B777O既機種，
好耐未試過上堂LU，個個都釣晒魚。
我地又有上mock up "sir"個條滑梯(slide)，
下就上堂見返我地日本o既班主任，
佢一見到我就話收到公司message，
我收到一個乘客o既good comment，
估唔到佢仲開心過我，可能係佢教我地出黎，
今次返到training centre個感覺好奇怪，
唔知點形容，有一種好熟悉o既感覺，
因為我地曾經日日都係度上堂，
個時個個都好掛住香港，
因為係日本training成六個星期，
但依家已經返左香港，但感覺依然熟悉，
真係難以形容..................
我同Janis仲買左個時我地放學最愛食o既雪糕同布甸。
放學後我地又急不及待去左新宿食飯，
我地係居酒屋叫左好多好多野食，
我地都有叫cocktail，但我飲左三分一已經成面紅晒lu。

第三日我地都好晏先起身，係羽田機場行左一陣，
之後返酒店收拾行李出發去成田機場準備回港，
非常開心的三日旅程，如果次次飛都同成班人就好lu...............................

>>October 30, 2005 at 3:31:55 AM GMT+8

2005 年 10 月 25 日 星期二 【晴】

今日較鬧鐘十一點起身，
因為十二點半去BU搵阿東食lunch，
雖然係BU都讀過兩年書，
不過今日返到去已經覺得自己畢業好耐，
雖然對依度O既一草一木都好熟識，
但覺得自己大個左好多，
已經唔係一個書生喇，
我地去左島仔六合小館食，
食完之後佢走堂去溫書，
因為聽日有Quiz，又唔夠時間溫，
而我就自己一個去左又一城行街街，
係L' OCCITANE買左一set for訓覺o既組合，
包括一支沖涼液、一支body lotion、一個香薰、
同埋一支pillow mist，用o黎噴落寐頭，
所有野都係有酣睡作用，可以relax d呢!
之後係taste度買左d零食俾阿東，
佢陪我等巴士返大埔之後，
佢又繼續溫書，
我又返屋企食飯、揤夾，
同埋今晚約左班姊妹食糖水呢!

>>October 26, 2005 at 9:40:26 AM GMT+8

2005 年 10 月 24 日 星期一 【晴】

今日o既節目係飲茶、唱lunch K同電髮，
飲茶..................又可以食黃金流沙包，
唱K..................阿東話我一個星期唱一次都唔厭，
電髮................又電曲、又拉直................今次又曲過。

>>October 26, 2005 at 9:26:42 AM GMT+8

2005 年 10 月 23 日 星期日 【晴】

原本今日約左下午兩點去做facial，
但訓到好晏，遲左好多出門口，
之後又唔係好想去，就取消左booking，
跟住就同爸爸媽咪去樓下飲茶，
食我最喜愛的黃金流沙包，
食完又同阿東去左沙田UA睇戲，
買票之前我地去買麥提莎，
因為憑兩個吉包就可以$30買戲票，
點知係戲院附近O既店舖都賣晒，
我地一邊行街一邊搵，
hehee................仲於係某大型超市買到，
今次睇<再說一次我愛你>，
比我想像中更催淚、苦情，
夜晚回家時，Hippo話佢整左芝士蛋糕，
我又要做佢o既白老鼠，
不過今次好成功，有d似街外買的，
有進步哦.........................

>>October 26, 2005 at 9:28:53 AM GMT+8

2005 年 10 月 22 日 星期六 【晴】

今日原定下午一點幾返港，但因臨時轉第二型號機，
所以班機delay左成個鐘，人地已經好心急返香港，
仲要delay，真係心都急晒，到港仲要返office claim醫療，
結果三點幾先上車，上車之後媽咪打黎話唔得閒黎車站接我，
我個時真係晴天霹靂，已經好倦喇，一個人一定行唔到返屋企，
結果好狼狽咁係廣福落車，好彩遇上好人的士司機，
上車落車都幫我拎個大行李，下次真係唔敢再帶咁多野喇，
因為今次我帶左好多衫同四對鞋，哈哈.................
一對係返工鞋、一對拖鞋、一對運動鞋、同boot(芝加哥好凍呢!)

今次七日芝加哥之旅，可謂最大頭蝦亦最開心o既一次~

大頭蝦事件(一) ︰第一天我deadhead(即係做乘客，唔洗duty)去東京時，一上機我好熟手咁放好行李，坐係窗口位等起飛，點知有個客走去同個日本空姐講我坐左佢個位，咁空姐當然叫我check一check，點知真係坐左人個位，真係好瘀，個客都知我係空姐，大家只好以笑相對。

大頭蝦事件(二)︰當我五點到達酒店check-in時，係crew list見到好多同期，我即係抄底佢地房number，好快咁拎左個行李上房，我即刻打俾同期約出去食飯，點知傾傾下，有人拍我房門，原來係隔離房o既香港師姐，佢問我係唔係拎錯其他crew行李，我睇下睇個牌，原來真係唔係我架......................，一定係check-in時拎左隔離個crew個件，個師姐話個人打去我房，但我傾緊電話，所以打俾佢叫佢拍我房門，又再一次好瘀咁拎番個夾俾人地.................

大頭蝦事件(三)︰第二日我要早上九點四十五分返operation center show up briefing，酒店車係每個鐘o既十分同四十分開出，我一心諗住塔十分個班，我零五分落到去時，個bell boy同我講.九點個時間係唔同d，係塔正同三十分，死啦，塔三十分個班一次late show，我唯有叫左ball boy幫我call 的士，其實我都好驚架，話晒第一次係外國自己打的，不過我估由酒店幫我call都應該安全o既，好彩成功到步，不過係日本打的好貴呀，由富善去大埔墟咁o既距離已經要五十幾蚊lu，下次真係好check真d先。

至於開心o既原因係去芝加哥之前，見到同期，仲一齊食飯，而今次去芝加哥睡得好一點，因為d師姐教我唔好扮睡覺，睡唔到就起身做其他野，我真係夜晚起左身，我又睇雜誌又睇戲，仲打返香港傾電話，因為個時係香港o既下午，原來醫生講得岩，身體有一個生理時鐘，最好訓番香港時間好d，而我亦都有同d師姐食野行街，我仲係美國買左件衫，時間快過好多。

返到日本又見到勁多同期，不過佢地夜晚先到機，所以日頭我自己一個塔車去上野行街，本來想去新宿，但因夜晚趕返酒店同同期食飯而唔去咁遠，不過今次d野無discount，都係買左兩件衫炸，真係可惜....................好勁呀，今次係我第一次自己一個人落down town，仲要係無地圖架，不過之前係日本training時個個星期去shopping，雖然上野只去過一次，但都難唔到我架.............哈哈，夜晚九點同期到機，我都岩岩去完shopping回來，之後五個人齊齊塔車去成田站和民食飯，好開心，一見到 Lin哥就忍唔住串佢，我地食到十一點幾先返酒店，依家真係好期待三日後去training B777，我地又要以聚首一堂喇~



* 今日出左下個月schedule，大獲.....................八日墨西哥終於輪到我喇，好多同期都飛左，原來我都不能幸免，墨西哥!!??!!??!!?? 有無西布牛仔??仙人掌?? 好彩都仲有一班三藩市補番數，聽聞酒店係遊客區，D野好貴，不過好多野行，好近漁人碼頭。

>>October 23, 2005 at 12:14:13 PM GMT+8

2005 年 10 月 15 日 星期六 【晴】

琴日同爸爸媽咪食完早餐後，
我同阿東去左沙田行街食buffet，
首先係~H2O+買左廣告賣緊O既眼神水，
點知俾個Sales講多兩講，
買多盒mask，仲做埋member，
下次真係要再堅定d先。
跟住去左the woodstone食tea buffet，
雖然得好少野食，但d cake同pizza幾好食，
$55一位，咁平，都好抵架喇!!
我地仲食到好飽tim!

今日為聽日飛七日芝加哥而準備一切，
首先係超級市場買左d雜糧，
有麵、麵包、朱古力、糖、餅餅等，
(唔係每樣野都帶得入境，依樣都係一門學問黎架)
仲買左三本雜誌，有x假期、3週x、忽然x週。
仲租左3隻VCD過落notebook度，
咁就可以慢慢睇戲啦!
以上o既野都係為留係芝加哥個三日而設。

今晚約左海狗、低能、阿mic入大尾督忠誠食飯，
因為聽日係亞mic生日，但我聽日要飛，
所以提早同佢慶祝生日，順便聚一聚舊。
佢地見到我第一個話題依然係我o既身型，
對於d friend係咁話我瘦，我已經開始麻木，
佢地係咁塞我食野，而我都好聽話係咁食，
我同低能都異口同聲話唔想返工，
最好就唔洗做，等人養，
但我相信在坐只有亞mic先可以做到，
佢依家簡直已經過緊少奶奶o既生活，
真係開心...........................
而我就同自己講 "Coe.....頂住呀! 俾心機呀! 你得架!"



琪︰你放心啦，我會小心身體架喇 ! 其實我只係係外國個三日因時差睡得唔好，但我一返到日本就精神晒，係日本我會睡十幾個鐘然後再shopping食飯，完全係正！其實我有好多同期都有依個問題，佢地都係因時差睡唔到，可能對於新人o既我地，係要d時間去適應。所以依家一返到日本同香港，我訓得勁多，再勁食野，又去玩同做facial，盡量平衡番嘛~ ^-^

>>October 16, 2005 at 3:04:38 PM GMT+8

2005 年 10 月 14 日 星期五 【晴】

剛剛飛完六日溫華哥，
今次旅程可謂最不如意，
因為時差，係溫哥華三日只睡了七個鐘，
無錯.................三日 = 七個鐘，
成個人好似傻左咁，食唔落野，
其實去親outport都因時差睡得唔好，
次次都辛苦到喊...............
但總未試過三日睡得咁少，係奇少，
其實個身體已經好倦，但睡唔到，
係床上碌來碌去，辛苦到不得了，
依種精神上o既折磨，令我好似發瘋咁，
開頭以為慢慢可以適應，
但足足兩個月喇，一直無改善，
d師姐話有d人好似我咁，
如果改善唔到，好快會頂唔順依份工，

結果我係依個極差o既身體狀況下，
回程做左一班爆客o既機，
d 客要求多多，令我忙個不停，
但對住d客仲要強顏歡笑，
有個外籍客人話好鍾意我o既笑容，
問我係唔係日日都咁開心，
我笑住咁回答: "yes! i think so~"
個刻其實不禁有d心酸。
跟住仲有兩位香港人係我做service既時候，
用DC拍我，又要求同我影相，
好坦白講，當得到客人o既欣賞，
心中係開心、enjoy，但無奈stay outport真係一個問題，
我知道再係咁對我身體有好壞好壞影響，
因為真睡再加假睡，令我忘記咩時候要食野，
睡得不好，食得不好，係令我瘦o既原因，
最初d friend同屋企人問我點解會咁時，我無講，
係因為唔想大家擔心，但依家發覺自己都唔能適應，
又唔識handle，結果今次返o黎去左睇醫生，
醫生俾左d藥我，令我可以睡得好d，
但佢話始終唔可以長期靠藥物，
叫我盡量去適應，(~ _ ~..............如果我得就唔洗睇你啦)
媽咪話再係咁就唔好再做喇...................
um................而我覺得，希望可以適應到，
如果唔係真係頂唔到幾耐。





亞Coe舜間看地球︰
溫華哥依家只有十度，我已經要著毛衣。我間酒店對住個海，有好多遊艇停泊，好靚，好靜(不過出身於熱鬧o既香港的我，真係好唔慣)，成條街都係長滿紅色樹葉o既樹。個度有好多華人，係街度要搵個香港人同中國店舖並唔困難，酒店做清潔o既May，都係移民左o既港人。

>>October 15, 2005 at 2:02:26 PM GMT+8