2005 年 5 月 9 日 星期一 【溫暖】

琴日jardine last day，
不過並不太順利，因為橫風橫雨，
好多飛機都要delay，
望出停機坪真係好壯觀，
好似十號球咁，真係好刺激!!
好開心，終於可以逃出依個地獄，
成個人都輕鬆晒!!

今日開始我為期兩星期o既假期，
瞓到好晏，好舒服，好耐未試過留係屋企，
所以我決定今日唔出街，
full下mask、塗指甲油、睇下電視同上網，
原來咁樣都已經好足夠，唔洗特別o既節目，
媽咪話我瘦左好多，佢不停想谷肥我，
我話想食麵包，佢竟然係山崎買左五個大麵包，
我真係呆左，一定食唔晒啦!! 哈哈..........................
今朝online收到好多message，
好開心好多朋友對我o既支持同關心，
我真係無諗過佢地仲有留意我，
不論係FLK、CFS同CIE O既同學仔都有，
真係好好好感動，
係依一刻，突然覺得自己好幸福，
我知佢地都擔心我將來辛苦捱唔住，
如果到時真係唔開心、辛苦，
我會記住佢地O既說話，
然後叫自己唔可以咁易放棄、唔可以令佢地失望。


依個假期O既目標︰
(一) 揤睡房 ------ 將我心愛O既公仔、買左唔著O既衫捐晒俾救世軍。
(二) 揤書櫃 ------ 將我由會考至大專O既書拋晒。(以前諗住會補考，我估都係有心無力!!)
(三) 學日文 ------ 雖然JAL會教日文，但如果你教極都唔識就會受歧視，我知自己比較蠢鈍，都係學定旁身好D!!
(四) 好好休息 ------ 保持心境開朗，瞓多D，食多D，玩多D，好好享受假期。

>>May 10, 2005 at 6:39:16 AM GMT+8

2005 年 5 月 5 日 星期四 【晴】

當初同期入jardine有五個人，
其中有兩個已經頂唔順走o左，
因為請病假都唔得，仲要勁鬧佢地，
我下星期一都走，計埋即係走三個，
其餘兩個都好想走，不過佢地唔想賠錢俾公司，
又未搵到工所以唔走，
我地對依間公司已經一d好感都無，
因為真係實在太不知所謂，
d人真係太衰喇，
淨係話我地咩都唔識，
但又唔諗下公司未training完就要我地落更，
而且我地係新人，唔識都係正常，
但佢地一d都唔體諒，
反而新人仲好，都會教下我地，
d舊人以為自己好叻，咩都識，
如果我做左一個月咩都識你就驚啦，
公司制度又勁有問題，
今個月已經有三十人resign喇，
咁多人辭職，請幾多新人都無用啦!
真係好嬲呀...........................
雖然返多三日已經唔洗再返，
但d日子真係渡日如年，
我更加擔心christine同cyrus都頂唔順，
希望佢地都可以盡快走出依個地獄...........................


* 鬧完間公司舒服好多喇!! 不過一陣又要返工喇..........又要俾人鬧........................唉!!!

>>May 6, 2005 at 6:08:10 AM GMT+8

2005 年 5 月 1 日 星期日 【晴】

痴線架.............琴日原本返九點半放六點半，
點知要OT, O到成十一點先走得，
返左差不多十四個鐘，真係人都癲，
所以我一早決定今日SICK LEAVE，
如果唔係訓得四個鐘會死人架，
今日我好好利用左個假期，
訓左十個鐘先起身，
訓醒終於覺得自己似番個人，
終於有番D反應同知覺，
我已經充滿力量啦!!!

今日爸爸媽咪問左好多關於我工作上既問題，
我估佢地真係好擔心我，
咁又係既，我一直都無時間同佢地講清楚，
今日一次過解答晒佢地既問題，
佢地亦放心好多，
我估到時我成日唔係屋企，
佢地一定好掛住我...............






牛奶仔: 多謝呀!! 你記住得閒教我日文呀，如果唔係我training個時一定激死個trainer!!
Fat : 你諗住同邊個去日本先!? ............."薯片"妹

>>May 2, 2005 at 11:09:18 AM GMT+8

2005 年 4 月 29 日 星期五 【晴】

好倦喇!!!!!!!!
今個星期差不多日日返早，
工作時間好長，完全唔夠瞓，
日日上巴士第一時間就係瞓，
琴日仲瞓過"龍"，唔知醒落車，
結果要塔番車返轉頭，
仲攪到遲到五分鐘，
好耐無放過假喇，好想快d離開依個地獄，
同我同期o既同事有五個人，
但計埋我已經有三個人辭職，
因為太辛苦喇，
其實其餘兩個都想走，
只不過未搵到工，唔敢咁衝動，
其實我估其他航空公司o既地勤唔會咁缺乏人手，
不停請人又不停有人走，
其實我都幾鍾意地勤依份工，
只不過依間公司d人事同制度都太令人失望，
不過算啦, 都走喇, 唔諗喇!!


依幾日不停收到好多朋友o既祝賀，
不論係好朋友、舊同學、舊同事......................
我根本無諗過佢地仲有留意我，
真係好開心，好感動.................
不過亦有少少難為情，
唔知點解覺得自己好似唔配做依份工，
講真我覺得自己真係靠運氣同"符碌"，
um....................唔知點講!!
anyway..............thanks!!

>>April 30, 2005 at 2:33:16 PM GMT+8

2005 年 4 月 27 日 星期三 【晴】

我要好大聲同全世界講................."我做到空姐喇!"
原來我都可以係一個奇蹟..................
I believe I can fly.....................I believe I can touch the sky..............................


今朝早上十點去到日航o既機場office簽約，
簽約之前manager同我地講左好多關於依份工既野，
原來今次有成三千幾人申請，
最後只請三十個，我真係覺得自己好好好好彩，
我會俾心機去學同去適應依份工，
不過，都有d擔心自己得唔得，
話晒要學日文，之前咩都唔識，
同埋原來日航飛好多長途機................美國/澳洲/溫哥華............
每次都要至少飛八日，好擔心自己一個去到咁遠，
又怕自己一個係酒店，又唔可以見屋企人同朋友，
雖然一個月有十一日假，但係其餘d時間就要飛，
好似得好少時間係香港............................
不過，既然咁難得實現到自己既理想，
我一定要排除萬難.................................加油~
我真係充心多謝每一個支持我，同真心祝福我o既朋友，多謝!!!



石文: 我當然記得你啦，海狗話我知你都好緊張我得唔得呀...........哈哈，我諗無人估到出身FLK、仲要洩到爆炸o既黃劍Coe都可以做到空姐..............^_^ thanks

Forward : 多謝神o既保守...................如果有機會係澳洲見呀!!

>>April 28, 2005 at 1:41:15 PM GMT+8

2005 年 4 月 22 日 星期五 【晴】

琴日行去塔車返工時，見到親愛的慧儀，
佢第一句就問....."點呀!?辛唔辛苦呀?"
我即係眼紅紅咁話，辛苦呀...........
不過辛苦都係意料之內，d同事衰先難頂，
依間公司好多女仔好衰，反而男同事好人d，
唔通佢地真係咁dry??????????? ^ _^
慧儀叫我唔好咁大期望，
因為佢同我由細玩到大，都知我身體唔好，
以前讀書成日病，又成日暈，
佢話我"S"骨及低血壓好難pass body check，
特別係空姐真係要身體好好，
我話星期一就知得唔得，
佢話星期二打俾我，我話唔好啦，
如果唔得我真係有排喊喇，去到依步先唔得，
慧儀成日都係咁，以前放榜就話打俾我，
次次個result都係唔好，攪到人地係咁喊，

不過令我回想起一件事，中五放榜個時，
慧儀陪我去搵學校，結果粉嶺明愛收左我，
個時佢係m記等我，我打俾佢同佢講收左我時，
佢開心到即刻尖叫，之後翠儀佢地話番俾我知，
收左線之後，慧儀開心到喊，個時我終於知道咩叫做朋友，
我開心佢陪我開心，唔開心佢都會唔開心，

唔知星期一我地通電話個時係佢喊定我喊呢?!
今個星期真係過得好慢好慢................

>>April 23, 2005 at 4:23:45 AM GMT+8

2005 年 4 月 20 日 星期三 【晴】

已經成個星期都瞓得唔好，
明明返下就四點，但八、九點已經彈左起身，
今日收到亞pete既電話，話公司唔夠人手，
下星期開始我地自己落更，
但我地咩都未識，咩都半桶水，點自己做呀!?
好驚咩都唔識會俾人歧視，又驚做錯野，
日航話一係今個星期五，一係下星期一出result，
如果早d知就好喇，起碼就算唔請我，
我個心都唔洗成日心掛掛，
如果知道唔請，我就會好俾心機學jardine既野，
亦迫住自己頂硬上，自力更生，
雖然我知道如果真係唔請，我一定會好傷心，
話晒都pass左final in，如果只係因為body check唔pass，
我會好唔甘心，亦好唔開心，
只係因為身體唔好就好唔抵，只係差一步，就可以完成我做空姐既夢想，
但早d知.總算有個了結，唔洗茶飯不思，真係人都癲~~~

>>April 21, 2005 at 2:47:52 AM GMT+8

2005 年 4 月 15 日 星期五 【乍寒還暖】

今日返七點，即係四點九就起身，
已經慣左黑"mon""mon"天未光就出門口，
行去大中塔車都無咁驚，
只不過真係好眼瞓，
加上依排週期性不適，成個人都"牛"牛"地，
今日既duty唔多，
首先係星航---->南方航空----->東方航空------>德航
不過由於無乜心機，
d同事都笑我等放工個樣出晒黎，
其實我真係好擔心body check個result，
點解咁黑仔，血壓低咁多................= _='
無心機到唔想返工，
Susana見到咁，所以早十分鐘叫我走，
都好，未夠兩點放工...................^-^
上巴士又再瞓過!!




* 今日返工作既時候，有一個男人好細心對我講，佢太太有癌症，依家要坐輪椅，問我一陣會唔會有特別安排，我同佢講我地會俾佢地優先上機，然後個男人就好放心行番去佢太太身邊，然後推佢太太近玻璃一齊睇飛機升降，佢地睇得好開心好甜蜜，不過我又覺得好遺憾，其實覺得自己已經好幸福...................................

>>April 16, 2005 at 8:30:55 AM GMT+8

2005 年 4 月 14 日 星期四 【晴】

好羨慕一D對自己好有自信O既人!!
覺得自己咩都擔心一餐，好無用........................
唔通有D野永遠都唔屬於我???!!!!!!!!






Constance: e!!你依家做緊咩呀? 係唔係都係airline呀??

>>April 15, 2005 at 10:17:51 AM GMT+8

2005 年 4 月 9 日 星期六 【酷熱】

嘩......................今日終於似夏天喇!!
今年凍左咁耐，終於都正常番少少喇!!
証明我最鍾意O既夏天就O黎到喇!
聽到少少蟬聲...............好正呀!!

既然心情咁好，就去行街買野獎勵下自己啦!!
哈哈............買左少少化妝品同一件衫，
睇黎我都係儲唔到錢架喇...........我唔想架!!

達達final year project係造機械人，
但佢話隻野行行都係會仆低，
所以我幫佢改名為"學行BB"，
如果present既時候佢真係跌倒，
就話因為學行所以要跌下跌下，
我覺我依個名真係改得幾好..........^ ~ ^

>>April 10, 2005 at 9:14:26 AM GMT+8