2005 年 9 月 4 日 星期日 【晴】

好嬲呀!!
就快噴火喇!!

>>September 5, 2005 at 6:56:27 AM GMT+8

2005 年 8 月 31 日 星期三 【晴】

終於完成左我七日o既芝加哥旅程喇!
好開心呀! 四程機d人都好好，
而且今次無咁掛住香港，
所以覺得七日都過得好快，
由東京去芝加哥個程飛十幾個鐘，
當夜晚個個客都瞓左o既時候，
係cabin行，岩岩見到日出，
成個天都係黑色，但只有一條橙紅色o既光線，
真係靚到飛起，我即使拎相機影機，
原來係天上睇日出係咁特別咁靚架，
不過去到芝加哥就慘喇，
因為有時差，日頭就瞓夜晚就睇電視，
下次再飛長機時一定要帶d書去解悶，
而由芝加哥回程個SU勁好人，
平時我地D crew都已經食business class既meal,
今次仲俾我食FIRST CLASS MEAL,
我真係開心到飛起，
係東京留一日多先再飛香港，
所以都去左涉谷、代官山、中目黑行街，
行到好夜先返酒店，
知道Tracy都係酒店，因為佢出機去chicago，
我去左佢間房食麵傾計，
成點幾兩點先返房，
瞓得兩個鐘就飛返香港lu，
飛返香港個程係我二十二歲生日，
個程機個SU又勁好人，公司CHECK到我生日，
佢寫左張咭俾我，仲送左for FIRST CLASS既朱古力同化妝品俾我，
d化妝品仲要係shishudo，
又拎相機同我影相，又話我係佢個女，勁攪笑，
落機之後，仲要見到陳冠A，佢就企係我隔離，
佢又望住我，我又望住佢，不過我即係好驚唔再望，
依D明星都唔知會唔會話我望佢，投訴我架..........
不過依程機真係幾LUCKY架......................^-^

>>September 2, 2005 at 6:02:15 AM GMT+8

2005 年 8 月 24 日 星期三 【晴】

話咁快聽日就要飛芝加哥喇，
今次去七日，係自從由日本返黎後，
離開香港最耐o既一次，
一直最驚o既長機終於o黎喇，
第一次飛十幾個鐘，
第一次去美國，
第一次有時差，
第一次做商務艙，
諗起都驚，
不過相反地，
如果飛完長機，可能對短機會有信心d，
而且飛完七日之後會有五日大假，
所以我要以依個為目標，
同自己講過左最艱辛o既七日，
就可以返香港休息五日，
仲岩岩好返到香港過生日，
所以...........頂住，唔可以再頹架喇!

>>August 25, 2005 at 12:42:04 PM GMT+8

2005 年 8 月 22 日 星期一 【晴】

今年東生日，無乜點為佢準備過，
因為一點先從大板返香港，
仲要佢接我機返屋企換衫，
只係食餐飯、生日禮物都係一齊去買，
真係一個唔合格o既女朋友，
好彩佢都好體諒我，

依排好情緒化，好耐都未試過開心o既感覺，
成日都無謂口食野，連街都唔想行，
個人又好無精神，唔想講野，
咁大個女都未試過咁，
唔知係依份工令我有壓力，
定係我真係唔慣依種飛o黎飛去o既生活，
唔鍾意得自己一個....................

>>August 24, 2005 at 5:43:12 AM GMT+8

2005 年 8 月 19 日 星期五 【颱風】

第一程機好唔慣，好唔開心，
雖然只係留係日本一日，但我已經好想返香港，
唔想離開香港，一日都唔想..........................
因為氣流跌左落地下， 整親隻腳，
好痛...................

>>August 21, 2005 at 5:22:50 AM GMT+8

2005 年 8 月 18 日 星期四 【乍寒還暖】

今日全日留係屋企揤行李，
準備聽日第一程機(香港------->福罔)，
本來唔係好緊張，但聽番岩岩回程o既同學仔講，
原來依幾日都勁爆機，
可能因為暑假d人去浸溫泉同食拉麵，
個個o既回響都唔同，
有人話好玩，有人話好忙唔知自己做乜，
有人因氣流坐係度成個鐘唔係做野，
仲成人倒瀉野飲，
有人同senior食早餐，有人仲可以行街tim，
不過佢地個個都認為真實同training既野唔同，
攪到我依家個心囉囉孿，
話晒都係第一次，
唔知會唔會成碌木咁唔識做野呢!?
唔知會唔會有咩特別野發生呢?
死啦..............依家好緊張，
但係又無心機溫書喎，
唔知會唔會俾人問到口啞啞呢?!
唔知我o既第一次(出機) 會係點呢?

>>August 18, 2005 at 4:18:39 PM GMT+8

2005 年 8 月 15 日 星期一 【乍寒還暖】

今日起身睇新聞，先知日本有大地震，
真係令人擔心，好彩我d同學仔下就先飛，
希望大家都順順利利啦!

本來諗住同亞東出旺角配眼鏡，
點知行左一陣，
佢屋企人話一齊出o黎食飯，
同佢屋企人係朗豪坊行左下陣街，
陪東媽去3買電話，
東媽個電話model仲新過我，好in，
之後齊齊塔的士去尖沙咀印尼餐廳食飯，
東媽最鍾意食依間，差不多次次都去依間食，
不過事實真係好好食o既，
食完飯同東妹配眼鏡，
之後亞東就送我去巴士站塔車，
結果我地兩個都無配到眼鏡喎~

>>August 17, 2005 at 4:46:33 AM GMT+8

2005 年 8 月 14 日 星期日 【晴】

今日係我第一次著住制服、拖埋個"夾"，
係屋企出發去機場，
係日本training時已經日日著制服，
本來覺得無咩特別，
但行去塔巴士途中成日有人望，
真係有少少尷尬，
因為咁，我見到紅燈都唔敢過馬路，
少有地遵守交通規則，

返到公司先知sam sam病o左，
所以飛唔到，要由standby頂上，
我即係好驚，因為我duty係standby，
但係一直諗住19號先正式飛，
如果叫我突然飛，所有plan都會幻滅，
好彩公司搵左Ally出機，
不過我覺得佢好慘，完全無心理準備，

briefing完左之後同Janis去機場o既屈臣買零食，
個收銀員第一句就話"黃小姐，您好!'
佢應該見到我張 Crew ID O既名，
走個時又話拜拜黃小姐，
雖然咁既服務態度係好，
但我覺得有D假同誇張，
我同janis好想食野，但著住制服又唔可以，
我地唯有坐巴士上層o既前排，
等其他人見唔到，哈哈...................




* 我D同學仔聽日開始飛喇，希望佢地一切順利啦!!

>>August 17, 2005 at 4:18:30 AM GMT+8

2005 年 8 月 12 日 星期五 【溫暖】

我返o黎喇..........................................
昨日香港時間下午一時十五分到達，
亞東接機時有d尷尬，
不過二十分鐘後回覆正常，
媽咪係大中巴士站接我，
好多行李，大家拎得好辛苦!
返到屋企覺得香港d樓好高，
但間屋、間房同廁所都好似好細咁，
琴晚瞓左十個鐘，晏就再瞓多三個鐘，
好似好耐無瞓過咁...................哈哈



係日本六個星期，發生好多好難忘o既野，
但一言難盡，經歷過地震、自己照顧自己，
無屋企人係身邊，每日瞓得好少，
日日五點幾起身，又要溫書，
學識好多野，好多辛酸，
開頭好唔慣，成日想返香港，
不過又好值得，同d同事好friend，
有時玩到好癲，星期六日成日去街，
新宿、原宿、涉谷、上野、池袋、廸士尼.......................
全部都好好玩、勁shopping，我地好似唔洗錢咁，
但事實又唔平，但又忍唔住.......................哈哈

出左下個月o既roster，下星期五開始飛，
第一程---------------------------> "福罔"
第二程--------------------------->"大板"
第三程---------------------------->"芝加哥"
第四程---------------------------->布里斯班"
好開心..............一直都好想去布里斯班，
估唔到on job training第一個月就有得飛，
好期待大堡礁、大峽谷.................我o黎喇!

>>August 13, 2005 at 3:50:07 PM GMT+8

2005 年 8 月 9 日 星期二 【雨】

仲有兩日，阿coe就返黎喇！大家係唔係好緊張，有d未出發先興奮0既感覺呢？佢今日出左佢入行以黎第一份更表，係唔係好想知係點呢？你地想知0既就記住兩三日後打電話去問佢啦！

>>August 9, 2005 at 5:30:19 PM GMT+8