2004 年 8 月 14 日 星期六 【晴】

今日去左美食展，因為星期日所以特別多人、好迫，
不過見到好多野食都忍唔住買，左買右買，
結果買左差唔多二百蚊野食，
有果汁、朱古力、水晶果、蘋果乾、整蛋糕o既材料、
薯蓉、紫菜、餅乾、日式草餅...................
仲不停咁試食.................哈哈
但因為拎住太多野、好重，所以無行晒全場就走，
加上好驚再行我就會失控咁勁買野，
之後塔船過番尖沙咀，諗住塔271返屋企睇good luck，
點知都係忍唔住行左一陣街，仲睇中左個袋，
徘徊左好耐都唔知買唔買好，結果都係買左，
哈哈...............好野，聽日有新袋返工，
不過因為諗得太耐，趕唔切返去睇good luck，
淨係睇到最後一節，新海終於錫緒川............好冧呀!



雨田 : 多謝! 我都祝你工作順利，不過你唔好成日食叉燒喇，整個雨田月餅俾我啦!
東 : 多謝!! (你知我講咩o既........hehee)

>>August 15, 2004 at 3:24:13 PM GMT+8

2004 年 8 月 8 日 星期日 【晴】

今日返工好唔開心，好多野要做，連lunch都成三點幾先食，
今日好多人上堂，加上今日係報紙登左廣告，好多人打黎問野，
聽電話都聽到死，仲要記好多step同information，
好想死...............

* 註: 兩個月前send過一封求職信去一間公司，係做行政助理，薪金仲非常不錯，佢竟然前兩日 先打黎叫我見工，但我已經做左依份工，點解唔早d打俾我呀! 攪到我依家咁慘!! ~. ~

>>September 12, 2004 at 2:07:40 PM GMT+8

2004 年 8 月 7 日 星期六 【晴】

今日去沙田行左一陣街，好多店舖都promote緊開學用品，
每年開學前，我都會買定一d新文具，但今年無lu，
唯有買本新schedule同筆，用o黎記低之後o既工作，
雖然睇岩好多本schedule都好靚，
不過我係evercare買左一本唔太靚o既，
因為個封面係龜兔賽跑，當然係龜龜winner啦!
而且上面仲寫住
"Most peole fail not from lack of ability but from lack of commitment"
依句說話係用o黎鼓勵我自己o既，我知只要依家努力d，
將來會一定會達到目標.............. 亞Coe加油呀!!
雖然已經退左燒，但仲係好倦，所以今晚早d返屋企休息，
聽日極度唔想返工，如果仲係返緊學，我一定會走堂.............不過依家唔係
今晚仲要睇熟"職業英語"、"中小企"、"持續進修"o既資料，
老闆話聽日要問我一次，睇下我記得未，唉...........




Contance : 你依家點呀?我之前見妳好OL look喎! 讀書or搵野做呀?
肥雞 : 一齊努力，向住目標進發，你唔記得左我地係同學AB咩?! 我地大晒架嘛!!
Fung : 好好享受你o既最後一年大學生活，出年就輪到你喇!
Harry : 肯定你同傑講啦! 佢琴晚打俾我，不過我病，訓左lu，多謝你地!!
哥斯 : 收到你o既留言，好感動，我會俾心機!!

>>August 8, 2004 at 2:28:31 PM GMT+8

2004 年 8 月 6 日 星期五 【晴】

今日好準時返工，仲自己搵野做，
只係做錯野少少，OK滿意啦~
今日有兒童班，我幫一班小一、二既學生點名，
當我讀到一個男仔名既時候，
佢竟然答"靚女，我係度"，
小學都已經咁識講野，將來一定有把前途............哈哈
本來老闆叫我返到下個星期日先放假，
但佢驚我頂唔順，所以俾我放聽日，太開心喇!!


雖然聽日唔洗返工，今日又收早，
但係我冇去街街，因為好唔舒服、暈下暈下，
亞東黎左接我放工，之後塔車個時我暈到勁流眼水，
亞東話我流口水落去件衫度，激死...................
巴士去到大埔墟既時候，我已經頂唔順..................嘔
好彩上車之前買左零食，所以有個膠袋，
如果唔係都唔知嘔左落邊...............
算亞東有番少少人性，幫我拎住袋嘔吐物..............哈哈
返到屋企一陣，我已經冇咁暈，
不過成身發熱，我同哥哥講我好似發燒，
佢竟然話"咁大個女，發下燒無野o既!!",,,,,,,,,,,,,,再激死
我估係因為仲未適應，所以唔夠訓先係咁，
都係早好訓，亞Coe早抖!!

>>August 7, 2004 at 1:04:15 PM GMT+8

2004 年 8 月 5 日 星期四 【颱風】

今日第一日返工，要俾個好印象人，
所以預左一個鐘零三個字塔車，諗住一定唔會遲，
點知好塞，加上突發性o既暴雨，攪到勁遲先落車，
由於出門口時無落雨，所以我都冇帶雨傘，
點知落車個時落狗屎，攪到淋濕晒返公司，仲要遲左一個字，
返到去，d人見到我d水係度滴下滴下，叫我快d去廁所整一整，
唉..................第一日有好多野要記，做錯少少野，
見到好多鬼佬，佢地成日同我講野，不過我好驚，
好驚會聽唔明，有時都刻意回避佢地o既眼光，
不過，其實佢地好nice，d同事都幾好人，
其實一個鬼仔叫Dave，佢都幾攪笑，同佢傾左成日傾，
講講下點知佢突然講左一句好流利o既廣東話，
個時先知原來佢係香港出生，真係俾佢玩死，
返左九個鐘已經好倦，所以都無去度BBQ，
SORRY..........咁多位，我放飛機!!

>>August 7, 2004 at 12:25:51 PM GMT+8

2004 年 8 月 4 日 星期三 【陰】

今日五點幾係icq同亞敏同學傾計，我仲話得番我一個未搵到野做，
點知唔夠一個鐘，英國語文學校打o黎話請我，
我估佢地真係好唔夠人手，如果唔係都唔會要人要得咁急，
我同媽咪講我聽日返工，佢好似唔多鍾意咁，
可能佢覺得冇乜出色，而且人工又低，佢都唔明依家幾難搵野做，
而且有幾千蚊已經算不錯喇，雖然我都係諗住做住先，
如果半年後in航空公司衰o左，我諗我都會轉工..............

不過依家好擔心，話晒廿歲女以來第一份正職，
唔知會唔會做錯野，同d同事又唔知夾唔夾，
最驚就係怕同d鬼佬溝通唔到，到時就瘀死喇!!

>>August 5, 2004 at 2:57:23 PM GMT+8

2004 年 8 月 3 日 星期二 【乍寒還暖】

今日玩icq時見到Ankie, 知道HIAS請o左佢做地勤, 我知佢好開心, 我都好替佢開心,
我仲話半年後做佢同事..................其實我都知好難!!
原來大部份O既同學仔都讀BU degree, 即使唔讀書都已經搵到份好工，
得番我一個炸.....................你地唔好留底我呀!!!

今日第二次見工，係"英國語文學校"O既文職，我好肯定依間一定唔係呃人，
因為係教署註冊、政府資助"職業英語運動"、"持續進修基金"、"中小企業培訓基金"，
雖然底薪得七千，不過佢話會有佣同bonus，所以第三個月開始有八、九千(佢話囉!!)，
所以我都係當佢七千蚊一個月先，雖然人工唔高，
但係個度o既教師全部都係外國人，如果做依份工可以有好多機會同佢地傾計，
我相信對我o既英文都有好大幫助，可能對我半年後再考airline都有幫助。
不過依樣只係我單方面o既諗法，因為仲要等一至兩星期消息，都未必請，
更何況我覺得我in得唔係太好，因為我冇諗過佢用英文interview,
佢話一定要英文好，因為要同d教師溝通到喎，雖然最後佢話我英文都OK,
不過我覺得我自己答得唔流暢，因為我係第一個interview，所以佢仲想in多D人比較下，
我估都係唔得，佢要求中七程度，如果有中七程度O既人英文一定好過我啦，
大家唔好忘記，我A-level英文拎U..........................唉

>>August 5, 2004 at 9:59:47 AM GMT+8