2005 年 4 月 2 日 星期六 【晴】

今日返工有好大o既挫敗感，
d airline o既system係我最大o既障礙，
d terms 多到記都記唔晒，
就算俾人鬧都好正常，
因為真係覺得自己好蠢，
想當年係english language college，
我只係用左一、兩星期已經上晒手，
仲成日俾人讚，好開心。
但依家直頭覺得自己好似有學習困難咁，
講極都唔識，好驚呀!
唔想俾人鬧、唔想俾人覺得我鈍胎，
我都知萬事起頭難...........要加油呀!!

>>April 3, 2005 at 8:58:25 AM GMT+8

2005 年 4 月 1 日 星期五 【晴】

今日放假............好開心，
哥哥仲買左麥記俾我做早餐，
但係我無同肥雞佢地睇<哈母移動城堡>，
因為太益智，唔岩我睇，
我亦無同Isabel佢地打麻雀，
因為太唔益智，
都係乖乖地留係屋企，
塗下指甲，"full"下mask先...............

>>April 2, 2005 at 6:15:06 AM GMT+8

2005 年 3 月 25 日 星期五 【陰】

今個星期開始training, 頭三日係centre training,
原來依個世界上有咁多未聽過o既地方同國家，
突然覺得自己好妙小，但又覺得好新奇，
星期四開始落機場on job training,
見到好多同事，有d驚，有d陌生，
但原來機場有好多未去過o既地方，好大好大，
又睇住好多飛機又昇又降，
所有野仍然好新鮮.............唔知依種覺得會維持幾耐，
原來每一間航空公司做既system都唔同，
以前塔飛機都冇諗過原來佢地背後要做咁多準備功夫，
不竟見識左好多好多好多................................
唔知我可唔可以捱到呢!?






Constance: 雖然我無聽妳O既勸告，但我仍然好多謝妳O既意見，就當我未試過，明知可能係衰既，都要試一次，就當俾自己見識多D!!

>>March 26, 2005 at 6:03:36 AM GMT+8

2005 年 3 月 15 日 星期二 【晴】

依幾日仲不停煩緊做唔做地勤，
雖然口就不停同人講會轉工，
但唔知點解，覺得自己其實唔係好想轉，
上星期公司開會，我都仲有出席，
三位老闆話我會唔做，但不停讚我o既工作表現，
佢地明知我搵到第二份工，
但仲同我講如果做得唔開心，
隨時歡迎我返去做，真係好感動，
今個星期日旺角分校開張，
佢地仲叫我幫佢地做MC，
突然之間覺得自己好衰同自私，
講真，將來份工一定辛苦好多，人際關係更複雜，
其實明知自己未必捱到，
點解仲要去.............點解無人阻止我O既?!
其實我知爸爸媽咪都幾想我做地勤，
雖然佢地明知依份工辛苦，
但總比做receptionist有前途D，
加上自己都未必甘心做依度，
自從中五之後，我都未叫佢地失望過，
升中六、中七，讀埋associate degree，
第一份工收入已經唔錯，總算有d交代，
雖然地勤並算得上係d乜，
但係我個家族o黎講都算係咁架喇!
聽日新公司叫我去sign contract 喇!!
可唔可以俾多d時間去考慮呀?!

>>March 16, 2005 at 2:35:08 AM GMT+8

2005 年 3 月 8 日 星期二 【晴】

今日塗了塋光粉紅色的手指甲，好得意呀!

>>March 9, 2005 at 2:10:18 PM GMT+8

2005 年 3 月 5 日 星期六 【晴】

今日同爸爸、媽咪、哥哥去將軍澳醫院探外公，
由於要五點先可以探病，
我地一家人去左將軍澳廣場搵家姐同姐夫飲茶，
之後上家姐屋企坐一陣，
爸爸、媽咪留係屋休息玩按摩椅，
我同哥哥、家姐、姐夫落左會所打保齡，
到四點幾，我地就塔的士去醫院，

外公瘦左好多好多，成身o既膚色都好黃好黃，
係因為病先會咁，醫生話情況唔太樂觀，
其實依個病係家姐結婚前我地已經知，
當時仲擔心捱唔捱到，好彩情況好轉，
之後年初二去將軍澳拜年時，
外公仲好精神，都可以打到麻雀，
個個人佢都認得係邊個，
點知只係兩三個星期之後既事，
佢已經瘦左好多好多喇........成個人都好倦，
只可以食稀粥，手背插住針筒頭，
雖然佢病左，仲叫我一陣要去探婆婆，
其實佢最唔放心就係婆婆，
外公同婆婆o既一段愛情，
係我係世界上見過最堅持、最深厚、最真o既一段愛情，
佢地深愛對方o既程度，係可以令身邊所有人都動容，
亦因為咁，我更擔心佢地................................................

>>March 6, 2005 at 2:13:53 PM GMT+8

2005 年 2 月 26 日 星期六 【乍雨乍晴】

好煩好煩好煩...........................真係好煩
今日同ankie傾左一陣，
佢同我講做地勤真係好辛苦，
依家份工咁好, 問我點解仲要轉，
記得半年前佢in地勤得左而我唔得，
我地講過半年後係機場再見，
估唔到依家有咁既機會時，
大家既睇法都已經唔同晒，
佢都諗住轉工，
依家真係心亂如麻，
今晚去完老闆個仔滿月酒，
同d同事都玩得幾開心，
老闆又對我好，
我真係唔忍心係佢地最需要人既時候走，
好似出賣佢地咁，話晒佢地咁重用我，
唔係個個都好似我咁好彩，
但我又諗，依家仲咁細個，
將來未必有咁既機會去做地勤，
真係未試過咁煩，
依d野真係冇得選擇又煩,有得選擇更煩，
仲煩過搵男朋友!!!
依家真係好想大叫" 呀........................."

>>February 27, 2005 at 3:05:17 PM GMT+8

2005 年 2 月 24 日 星期四 【暴雨】

琴日去左某航空公司in 地勤，
今次已經係final-in，幾經波折成功了，
三月二十一日正式training，
以前一直渴望得到o既野終於得到了，
但係並唔係我想像中咁開心，
我都唔知點解，連亞東都話feel唔到我開心，
可能我知道依份工係一個好大o既挑戰，
因為真係好辛苦..........我都唔知自己捱唔捱到，
特別係當打俾媽咪同hippo既時候，
佢地第一個反應都係..........."好辛苦架喎，妳得唔得架?"
個時個心都沉左一下，佢地講得岩，
原來現實同想像係兩樣野，

依家仲考慮當中，因為依家公司正是要人之際，
如果依家走，真係好唔忍心，老闆又對我咁好，
依家份工o既人工、工作時間同地點都好過地勤，
但係我又諗，依家仲咁細個，
如果依家唔試，將來未必再有咁o既機會，
過多幾年，航空公司都唔再請咁大年幾既人啦，
而且可以對多d人，又可以學多d野，
我仲要係做airside，即係禁區個邊工作，
可以成日見到明星，而且又有靚制服，
依家真係心亂如麻.....................
不過都仲有少少擔心body check，
因為今日有少少咳睇醫生既時候，
醫生幫我量過血壓，話血壓偏低，
最好check下有冇貧血，慘喇，
我要依兩日快d好番，過多幾日就要body check喇!!
要好好休養下先!!


依家真係煩到嘔電!!!

>>February 25, 2005 at 1:41:38 PM GMT+8

2005 年 2 月 19 日 星期六 【乍雨乍晴】

今日真係好凍好凍，
完全唔想出街，
借O左隻<狂奔之災II>睇，
都幾好睇，幾刺激，
今日仲自己煲湯，
係"黃瓜紅蘿蔔瘦肉湯"，
都幾好飲O架....................^-^




平平淡淡靜靜地O既一日，好舒服，但仲有好多野諗、好多野煩!! Coe.............妳得架!!

>>February 20, 2005 at 2:01:19 PM GMT+8

2005 年 2 月 11 日 星期五 【晴】

一連十日o既悠長假期已經接近尾聲，
十萬個唔捨得，因為太懶唔想返工，
我想像到返工會有好多手尾要跟番，
依十日o既假期過得太快，
我已經好好享受每一日，但都係唔夠，
原本plan定去澳門or大陸玩都擱置左，
依幾日o既程係睇戲、行街、唱k、行花市、再睇戲、拜年、打麻雀、再拜年、再打麻雀同再拜年o既...................

之前租左隻VCD.........<機場客運站>，今日終於抽到時間睇，
故事內容係講............................(自己買VCD睇啦)
套戲最終係想帶出"人生係為著等待"，
睇完依套戲有好多共鳴，
每個人等待O既野都唔同，
但係有好多人都唔知自己係度等緊咩，
等發達? 等運到? 等升職? 等愛情? 等奇蹟? 等命運?
有D人淨係識得等，咩都唔做，
亦有人為著佢等待既野而努力，
"等待"俾人有左一個人生既目標同意義，
一句好簡單既問題，
What are you waiting for?
連我自己都唔知!

>>February 12, 2005 at 7:16:41 PM GMT+8