2003 年 2 月 26 日 星期三 【晴】

返去考中文oral discussion.....
好想打皺指甲人.....仆佢個街!!!

跟住再考中文Listening...
係以前係劉百樂個陣做過既~

之後再上左阿Bean屋企
睇"我家有一隻河東獅"...其實都幾唔好睇~
不過張柏芝做得幾好!

>>February 28, 2003 at 1:03:20 AM GMT+8

2003 年 2 月 25 日 星期二 【陰】

返學個陣,落緊毛毛雨....

返去考UE Listening....好失敗....
一份我一直都覺得自己handle到既paper
原來難起上黎,真係可以咩都聽唔到,咩都follow唔到
讀左3年預科,都未試過有一次做Listening空左成版
就黎考A-Level先至咁黎打擊我.....
想做多D,屋企又無cassette player喎....
真係呢.....

放學為左要淡忘Listening既不快
所以去左旺角唱K~~
唱左3個鐘到,再去睇戲,睇"死神又來了"
其實套戲都幾恐怖,好血腥,好變態
D人個個都死得好核突....
睇到個人吽吽地....

之後就返返大埔,因為星期二要補習
補之前仲自己去左美心食野
個度D羅宋湯超難飲,無味既!!

補習個陣講Practical Skills....
佢話今年一定會考填factsheet喎...
唔知豬定牛呢?

未夠12點就上床訓Lu~

>>February 26, 2003 at 11:17:39 AM GMT+8

2003 年 2 月 24 日 星期一 【晴】

返學校考UE Oral Present
不過不失咁啦,Presentation好好多
Discussion就唔得喇...好弱,真係好弱....
點解救呢?

>>February 26, 2003 at 11:01:39 AM GMT+8

2003 年 2 月 23 日 星期日 【晴】

今日仲衰,好懶,無乜點讀過書
淨係睇左兩行"陟岵",無睇到第三行喎~

聽日劉百樂考Mock喎,希望7A各個朋友仔都
旗開得勝,掂過碌蔗~~

>>February 24, 2003 at 8:05:08 AM GMT+8

2003 年 2 月 22 日 星期六 【晴】

做左幾份Section C,做到唔想做....

>>February 24, 2003 at 8:01:08 AM GMT+8

2003 年 2 月 21 日 星期五 【晴】

唔知樓下個間黃鳴謙小學係唔係發現左佢地既地下入面有個金礦呢?
日日晨咁早就係度係咁鑽係咁鑽....鑽到人地無覺好訓...
9點未夠就俾佢攪醒左...橫掂都訓唔到架喇....咁不如.....
返學啦~

返955,我已經遲到,1015先返到去,但我係最早到個個~
返晒黎都係得3個人....屌~
又係變左自修堂.....
溫左"鈷鉧潭記","鈷鉧潭西小丘記","進學解"同"蜀道難"
其實F.6個Syllabus讀左兩年,好多野都可以好快take up返~
Repeat原來就係有呢個好處....

呢排主要都係讀文學....成個禮拜無做過英文喇~
都係要做返多少少先得......

回覆陳賢淑:
睇戲?無問題.....
不過你想叫我邊個愛人陪我呀?

>>February 22, 2003 at 12:19:44 PM GMT+8

2003 年 2 月 20 日 星期四 【晴】

今日下晝出左大圍,搵左首領,阿心同Denise食Lunch
去左蘇七利呀....成半年有多無去過喇~
食完仲同佢地影左幾張相添~

之後返去上文學,其實就係自修
跟住就返屋企Lu
係屋企睇now.com,睇左boy'z之前個個show...
都幾唔好睇架喎...唱歌一D都唔好聽
跳舞又唔齊....不過好在個show有Yumiko做嘉賓~~

再晏D同JoJo,Kei Yiu出左尖沙咀
本來就諗住去個間...唔知咩咩屋食野
但最後又唔知點解無去到喎
經過新港,就去左睇戲...
嘩~勁喎我今次,去睇藝術片喎,仲要係德國戲呀!
個套野叫"美味關係"....都幾悶....節奏又慢...
果然係一套拎好多獎既藝術片~

睇完就返返禾輋陳根記好野,好食!!!
不過今日用左好多錢哦......

>>February 21, 2003 at 1:48:08 AM GMT+8

2003 年 2 月 19 日 星期三 【晴】

今日返去考中文Oral present
完完全全地舔左撻喎~
佢話內容資料唔夠,同剩左太多時間喎....
算啦,佢話咩咪咩囉~

考完拿拿聲撇,出左黃大仙
同媽媽食左D野先,跟住就過左黃大仙廟
媽媽求左幾支籤,當然有我份啦~
我張自身都幾好喎,係上籤
不過張學業就仆街喇,係下籤...
佢話本來入大學既機會就唔高
不過因為自身好,所以又有機會......
咁即係點呀??佢講晒啦......
不過上又好,下又好
我都係會堅持讀落去既~~

之後上左屋企做下野,睇下電視
夜晚食媽媽炆既膠,煮既菇同煲既粥
簡直係人間美味..食得我好好好飽哦~~
夜少少出返沙田...
由於今日係Lorry生日
所以約左以前蘇浙班同學出黎聚一聚咁囉~
壽星女Lorry,Cathy,阿橙,小賢,甄茵,阿城,阿榮同阿德
吹下水,劈下酒咁,好開心呀都....
有返讀蘇浙個種feel添呀~~~~~
最衰無帶到部相機出去啦.....Shit~~~~

跟住都返屋企Lu~~

>>February 20, 2003 at 2:10:27 AM GMT+8

2003 年 2 月 18 日 星期二 【晴】

下晝返學之前,上左阿Bean屋企
本來諗住做Geography個Test
不過最後都係無做到,變左做英文...

下晝返去上3堂Geography
都係咁啦,佢有佢講,我有我溫文學
溫左"朋黨論"同"虎丘記"
見到"前後赤壁賦"同"白螺殼"就好頭痛....
唔溫呢三課得唔得呢?又好似唔得喎....
真係.....屌~~~~~~~~`

放學自己去左食野,跟住就補習
今日佢講Comprehension....
唉~~~佢講就好似好易,不過做起上黎又好似有D問題....
Section C距離拎C唔係太遠咋!!!
要再努力做呀!!!!!
唔....今日就set個ambition俾自己
A-Level目標係:
文化:C 英文:C 文學:C Geography:E
係就係好似天方夜譚左D
不過太易accomplish到就唔叫目標啦!!
Sｔrｉvｅ！

夜晚返屋企行火炭條路個陣
又忍唔住拎左部相機出黎玩
哈哈....行個條路影出黎既相都幾恐怖....
好好玩呀~又試左部Printer
Print出黎既相都好靚呀~~~
完全玩到上晒癮喇~~

回覆阿包:
你諗得太多喇...
我絕對絕對唔係對Juno有興趣
以前唔鍾意,而家唔鍾意,將來都唔會鍾意!!!
Okay???

回覆阿心:
無錯~~你答對了~~~~~~~~
哈哈~~好開心呀!!!

>>February 19, 2003 at 2:36:36 AM GMT+8

2003 年 2 月 17 日 星期一 【陰】

哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈.........
終於都買左喇~~~~~~~~~~~~~

喂~~~~~~~~咪再跟住晒得唔得呀???
好難頂呀!!!!!!!!!嚴重影響我心情呀!!!!
Fucking shit~~~~~~~~~~~~

>>February 17, 2003 at 6:42:57 PM GMT+8