|
2003 年 7 月 4 日 星期五 【晴】
訓左半打鐘之後,又要再出返去喇~
都係約左麥希,首領,阿蓋,大波心同Denise呢班人
我地去左肯德雞食早餐呀.....
一出到去已經見佢地好緊張好驚,特別係麥希同阿蓋...唉...
個個都無前一晚咁癲喇.....個個都好驚.....除左首領~
家下肯德雞D早餐唔同晒喇,又無左個粟米蛋糕
又無左麵,得返通粉....都唔好食既!!!
早知就唔食肯德雞啦!!!!
食完之後,我地就一齊返劉百樂啦....
行緊返劉百樂個陣,好似有一種行去刑場既感覺
雖然就唔係好關我事,不過我都好替佢地緊張呀!!
上到課室,人人都好怯.....
仲見到Hoi Kei,七輝同淑君添呀!佢地返黎陪大笪喎.....
見到Miss上黎,個個都更加驚啦!!
派成績個陣,我呢個旁觀者都好緊張呀!!
派完之後最替阿蓋開心呀!!!麥希同主席都唔錯啦~
其他人就麻麻地啦......替人高興完之後
都輪到我啦....咁阿蓋同阿心就陪我出左大埔啦~
搭緊火車個陣真係超驚呀....
仲要搭完火車之後仲有一段路要行,折磨呀.....
返到去,見到好多人阻住晒條路,頂....
上到課室,拎左張成績單.....有好有唔好啦.....
唔好既多D囉......唉......即刻無咩心機,好心up呀!!!!!!!
我最有心機讀既文學同英文,一個得左,一個炒左....
唉.....個天果然係好公平呀......無晒希望喇!!!!!
拎完成績之後我又返返劉百樂,同陳勁傾左一陣
睇佢個樣就唔係咁高興喇.....都可以理解既.....
佢見到我張成績之後話對我好失望喎......喂大佬
我會唔會失望過你呀!!!!!
佢話覺得我個人自視過高喎....邊樹係呀....我都唔覺~
我覺得呢日既陳勁都幾好人啵,我係佢面前話"Dee佢","食屎"
佢都無理我......kakakaka~~~``
之後又同蔡麗清傾左陣,佢知道我文學個成績都OK開心囉~
其實我都係....真係幾驚喜,無諗過會咁~
開頭都係覺得E,好彩先有D,點知又唔係啵....
佢知道我英文既成績之後叫我去check卷喎.....
唉~~~~~唔啦.....我覺得制唔過.....我寧願下年考過~
我已經同Kitmy擊掌為盟,一齊下年再考過!!!!
之後繼續同D人傾下計啦,傾下有咩打算咁囉.....
唉.......總之就徬徨啦~~~~~~~
跟住其實都無乜野Ga喇...之後仲去左Relax添
同左首領,阿心,Denise,阿蓋,肥仔同一個神秘人去唱K呀~~
個個神秘人真係好神秘Ga~~~~~kakakakakakak~~~~~
神秘人唱歌仲好得意添~~~哈哈~~~~~
唱左幾個鐘,不過其實係間K房入面已經好眼訓
所以出左去曬左陣太陽,等自己醒D,原來真係得Ga!!
仲有呀!!原來肥仔唱歌好勁Ga!!!真係失敬晒!!!
唱左幾粒鐘之後,真係超累
所以就全人類一齊返屋企訓覺喇....
返到屋企沖完涼,又咁岩食飯,所以訓著左幾個字又俾人吵醒左....
真係生不如死......食完之後又再訓過啦
點知訓左一個鐘之後,俾電話嘈醒左~
原來係淑君打黎同我傾調choice個D野
橫掂都要攪喇,就起身傾埋佢啦~~
傾完之後又無咁眼訓,精神返D
之後都係on下line,玩下個腦,講下電話囉
都係要攪到差不多0300先訓.....
就黎虛脫喇!!!!!!!!
>>July 6, 2003 at 3:05:29 AM GMT+8
2003 年 7 月 3 日 星期四 【晴】
唉........放左榜喇.....唔係咁開心囉......
有驚有喜,不過驚多D......
而家心情平復返D,先有心情打返個日記
打返7月3號晚BBQ既野先.....
個晚同左麥希,首領,阿蓋,大波心同Denise去大尾督BBQ
約左1900響大埔等,點知全人類都遲到
除左麥希囉,佢1850已經到左嘛,等左超耐我地先到
所以咪面黑黑囉....好彩好快無野咋!!!
之後上左新達間PK買野...
執齊晒之後就搭Van仔出去喇~~
去到之後都唔係好多人,好快就搵到位~
我覺得自己好勁呀!!!因為個爐係我透Ga!kakakakaka~~~
咁攪掂之後就開始食喇~
食下又玩下,D時間過得好快呀我覺得~
由於要趕搭尾班車既關係
咁咪2345到走囉,去到巴士站一路等車
一路影左D相咁......但係等左好耐都無車啵~
再望一望個路線圖.......頂!!!!!!!
尾班車原來2335就開.....What the hell!!!!!!
咁早就開既??咁咪分兩架的士落返大埔囉~
咁當然又係我同麥希,阿蓋一架車啦
我發覺佢兩個成日夾埋一齊針對我呀而家....食屎Ga佢兩個!!
見到係隔離車既首領,Denise同大波心玩得鬼咁高興
落左車先知原來佢地係人地架車度玩SM.....
仲要整到大波心流晒血....太激喇首領!!
落到去仲有火車搭,大波心就走左先~
咁其餘一干人等就返左沙田啦~
我地去左新城市出面D空位度坐低傾計囉!
不過都講左唔係好耐,就有D好眼訓既Denise話要返屋企~
咁我地就行左過乙明同佢等N281啦
而係呢個時候,麥希都要返屋企喇,所以佢兩個就走左先~
咁我,阿蓋同首領就做左個好驚人既創舉
簡直就係向人類既腳骨力挑戰.......
我地由乙明行左去隆亨......勁哩.....驚哩......
真係足足行左一粒鐘呀!!!!傻Ga!!!!!!!
點解我會同佢地一齊癲Ga?????
去到隆亨之後,我地3個響七十一門口個笪空地
一路食下野就一路傾下野咁囉~~
又知道左多少少野啦.....講下講下又講左成晚呀!
真係唔覺唔覺呀~~~
講到0530到啦,我就搭80K頭班車返屋企喇~
返到屋企即刻沖涼洗頭
見仲有時間剩,仲瞌左半個鐘添......
半個鐘之後.....就再換衫出去喇.....
>>July 6, 2003 at 2:55:22 AM GMT+8
2003 年 7 月 3 日 星期四 【晴】
而家係下晝1650,距離放榜大約仲有16個鐘....
真係......又唔係好驚,但有有D囉囉攣咁囉~~
好唔知點.....好似等緊行刑咁.....唉~
而家我準備去沖涼先呀
之後就會出去同麥希,首領,阿蓋,大波同Denise去BBQ
係呀......又係BBQ呀.......不過都無所謂啦~
無乜幾可喇都.....
我諗我今晚唔會返屋企訓喇~
聽朝我就會直接返去拎成績單.....
希望聽日再打日記既時候係可以好開心咁啦....
睇到呢個日記既朋友,記得支持我呀!!!
唔該晒!!!
我的世界末日 陳奕迅
或聽過在某一日
全世界地震
建築一一的傾側
我不擔心 只要繼續甜蜜
或聽過來到七月
全世界落雪
怪嬰一息間誕生 有你天空不會暗
不會灰 生於世紀末
不信天書 相信美麗的生活
要是我旁邊有你 誰害怕世界末日
跟你天堂接吻 還是與你跌落十八層
要是你離開了我 平日也變作末日
當你不同行 就如即刻宣判我未來
或聽過在某一日 被臭氣圍困
四方急急升高溫
我不擔心 只要繼續甜蜜
或聽過在兩千年
全世界大變
有粒天魔星降生
有你天空不會暗
>>July 3, 2003 at 4:51:39 PM GMT+8
2003 年 7 月 2 日 星期三 【晴】
今日下晝約左好多人去BBQ囉~
有阿蓋,yoyo,蛙仔,吉米,歐佬,阿包,Chisty,肥仔,秀清,臭英,秋玲,鼠欣,啤梨,仲有肥野....
我覺得好開心囉,可以同肥野去BBQ....仲要用埋同一個爐!
簡直係一個千載難逢既雞會....
真係令到我食慾大增呀!!!!!頂~~~~~`
下晝為左避免同肥野一齊出去,所以我同阿蓋就晏少少自己去~
咁我地就去晒左返大陸個陣D相先~
攪下攪下出到馬鞍山泥涌都過左1800喇~
仲要唔係咁識去,兜左好耐先搵到佢地...
好耐無見過呢一班同學喇都....
不過真係太熱喇,熱到都無乜mood慢慢燒...
淨係識左少少腸,少少麵包咁囉....
不過都算啦,無咩所謂既都~
係個度攪下攪下,攪到2300先走,肥仔就車左yoyo返屋企先~
咁我地就做左件好破天荒既事.....
就係由泥涌行出新港城食糖水,係行去呀!!!!!!
佢地開頭話行4,5個字到....咁諗住一大班人一齊行就無所謂啦
點知最後完全唔係個回事囉~
行左45分鐘之後先到新港城.....頂~~~~~勁累呀!!!!!
仲要間糖水鋪收左皮.....食屎Ga!!!!
既然係咁,就唯有各自散band啦~
不過我同阿蓋就未走住,因為同麥希有大事要商議.....
咁就上左麥希屋企啦......
講左半個鐘到啦,都係講唔掂數........
OK.....咁就唯有算數啦......唉.......都唔知為乜~
講完之後,其實都已經差不多0200
其實我都唔想走,想係佢度訓一晚,不過唔得喎.....
我都無帶隱形眼鏡個D野....咁就一定要走啦~
阿蓋仲係個度沖埋涼先
等埋佢沖完之後,咁我地兩個就搭的士走喇~
咁就梗係釣泥孟的啦.....
兜完新翠再返禾輋都係一舊水....差不多啦....
返到屋企再on多陣line都訓Lu~
回覆大波心:
我覺得呢個名好襯你啵....
除左你同夫人之外,應該無人可以再配得起呢個名喇!!
你應該感到高興至係!!大波心!!!
kakakakakakakaka~~~~~~
回覆Con:
攪笑既又點止係Dup骨個度呢......
實在係太多野都太攪笑喇!!
遲D見到再慢慢講你聽!
>>July 3, 2003 at 4:36:22 PM GMT+8
2003 年 7 月 1 日 星期二 【晴】
今日就留左係屋企休息喇~
同埋打左兩大篇既日記囉~
打左好多時間呀!不過都無緊要啦~
開心既野就梗係要同人分享Ga嘛!!!
回覆蠢Denise:
你試下聽朝9點鐘去返大學火車站頭卡月台度企丫....
係往羅湖方向,唔係往紅磡方向喎!!
你企10分鐘試下熱唔熱丫~
如果你一滴汗都唔流既,我就好似首領咁
送條好靚既水晶手鏈俾你!!!!
kakakakakakakakkaka
>>July 2, 2003 at 2:02:23 AM GMT+8
2003 年 6 月 30 日 星期一 【晴】
好!!!唔好俾佢停!
繼續打埋第三日既節目先~~~
第三日我地明明話去飲早茶Ga!
前一晚臨訓前仲校好晒鬧鐘話0830起身
不過最後首領又搵唔到車黎接我地咁多個
又唔識去個間茶樓,所以最後呢個飲茶計劃就告吹左喇~~
既然係咁....我地就繼續訓落去
一訓就訓到1115....我地好似話1100要出門口
1200要返深圳唱K啵~~~
不過既然都遲左起身,都唔爭在喇~
就係麥希屋企食埋野先囉~
我叫左個"星洲炒米",Denise又好唔怕油膩咁叫左個"乾炒牛河"
D野係45分鐘之後先黎到.....頂!!!
D野又係唔好食既!!!我個"星洲炒米"都還好....
不過Denise個"乾炒牛河"就唔係咁OK喇,無味既都....
同香港個D真係差九里遠....
食完之後執埋D野,就出發去深圳東門喇....
出發之前首領黎join埋我地,咁我地就分兩部的士走喇....
又搭左45分鐘先出到去囉.....我地去左深圳間加州紅唱K呀!!!
真係大開眼界呀!!!!個度既新歌我諗係香港既三分一到啦
仲有呀....個度D歌既MV好攪笑Ga!
Twins首"多謝失戀"個MV係同"風箏與風"一樣
而容祖兒首"習慣失戀"個MV就係同"爭氣"一樣囉....勁攪野~
D字幕又係簡體字.....睇死人咩......
由於個度好少新歌唱,所以唱左好多舊歌囉....
我地連"愛的呼喚"同"風裡密碼"都要唱呀......
凸然間聽到"砰"一聲.....噓.....原來又係個D好蠢既Denise倒瀉野囉....唉~~
我地1500去到,唱到1800走....每人38蚊,俾多佢啦!!!
我地唱完之後,仲係個度影左D相,因為相信我地以後都唔會再係深圳唱K Ga喇~
唱完之後見時候仲早,咁就係個度行去羅湖火車站啦
因為我問個度D人遠唔遠,佢又話唔遠喎....
點知咪行左半粒鐘囉.......頂佢.....
係羅湖個陣,見到有個乞衣仔,死跟住我地囉....
之前D人同我講過話唔好俾錢個度D乞衣
因為你俾左一個之後,就會有成班乞衣衝出黎問你拎錢...
咁我就梗係唔會理佢啦...我要俾錢乞衣都俾香港個D啦!!!
但係麥希今次又豬左喇,佢俾左粒紅色既軟糖個乞衣仔
但個乞衣仔好似唔知係咩黎咁囉.....仲惹多個乞衣妹黎添呀....
要首領鬧走左佢先可以繼續行咋~~
之後我地去左行羅湖商業城,睇下有咩野買
我見到有好多LV,Burberry's袋呀!!!
行過一間賣衫既鋪頭,入面個師奶同我講"靚仔,入黎睇下啦"
我當然係無理佢啦,但我心諗:你都識叫我靚仔啦,你仲叫我入黎買你D衫???
之後我地去左睇個D水晶手鏈,見佢D鏈真係幾靚咪買左條囉~
佢一開始話賣60蚊.....咁梗係無可能啦!!!
我一壓佢就壓到15蚊,佢唔肯,托返上30蚊,我話一人讓一步,20蚊
佢開頭都唔肯Ga!咁我就話唔買,佢就即刻叫返我轉頭,終於20蚊成交左......哈哈~~~
就係咁,我地個個係咁壓佢價,我諗買平左百五蚊都有....
之後我去買超仲攪笑,我睇中左一副之後問佢幾錢啦.....
佢一問價就叫80蚊....佢傻左呀????定係佢以為我未戴過眼鏡呀??香港都唔駛啦!!!
我地話30蚊,佢開頭都唔肯,仲叫50蚊....我再企硬話30蚊
佢都要話40蚊,我再叫35蚊,佢先ok.....
不過俾錢個陣,我淨係俾30蚊佢,話無晒錢係身....
最後佢都係收左我30蚊就算......哈哈!!!好玩呀!!!!!!!
就係咁,除左首領之外,我地個個都有收穫呀!!!
其實本來仲想行耐D,不過有D好煩既麥希話好肚餓要返香港食野喎.....咁咪走囉~
之後又要攪完一輪先過到關....
上左火車之後好開心呀!!!可以返香港喇!
半個鐘到之後就返到可愛既沙田喇....勁開心呀!!
個陣都已經過左2100喇....我地上左去和民睇下會唔會有奇蹟出現,會有位啦
點知最後都係無奇蹟既出現....又係勁爆多人~
咁就去明將啦....點知又係勁多人...頂~
咁我地就去左"必勝客"啦......我地食左好多野呀!!
不過無食到"精液左既Pizza"囉...阿蓋應該會幾失望.....
食完之後阿蓋又唔知受左咩打擊....無啦啦係度彈下彈下,懶係Cutie咁...
唔知點解我覺得佢做呢個動作係特別嘔心Ga囉......都唔知佢想點~
會唔會係佢食左D加左料既Pizza呀.......哈哈~
之後我地就影左幾張相囉,之後大家都累啦
咁就各自散水喇~
就係咁,呢個三日兩夜深圳公明之旅就此結束喇~
我覺得真係好正好過癮呀!!!
淨係係上面過馬路已經夠刺激啦!!因為隨時俾車車死都唔知咩事Ga!
同一條路上面,有人行,有單車,有電單車,有私家車仲有大貨車
真係要勁小心先可以行Ga!!!
同埋原來D大陸喱係任鬧唔嬲Ga......好抵死!!
仲有呀!!!我飲左啖臭既Qoo呀!!kakakaka
呢D都係香港無Ga嘛~~~~~
總之今次既旅程真係一次好正既經驗...哈哈~~~~~~
下次再有機會我都會再上去呀!!!
>>July 2, 2003 at 1:33:32 AM GMT+8
2003 年 6 月 29 日 星期日 【晴】
繼續打返第二日既行程先....
我地起身之後,就plan下有咩好做啦
仲叫左個外賣食,係叉燒瀨....個邊D瀨同香港D瀨又唔同Ga啵~
佢地個D係粗D,似米線多D....味道就OK啦....
幾蚊碗就是但啦.....
之後諗下諗下,我地做左一件我從未做過既事
而呢件事係香港都應該無咩機會做得到既....
就係去左摘荔枝呀!!!我地坐麥希表姐車
好快就去左個個有好多荔枝樹既山邊
跟住就開始盡情咁摘啦~我摘左好多好多呀!
因為要幫個幾個淨係食又唔願郁既女仔(大波心,Denise同阿蓋)摘埋呀嘛.....一.一
個D荔枝新鮮摘落黎確實係唔同D,真係正D啵!!
食下食下都食左十幾廿粒....係每人啵!!!
哈哈!!!!!!雖然係曬就曬D,不過都好開心呀!!
因為係香港一定做唔到呢D野Ga嘛!
呢個都算係好難得既經驗啦~~~
食完之後去左間冷氣房度坐左陣,順便諗下之後有咩好做~
諗唔到,所以就返左麥希屋企先啦...
係佢屋企樓下,凸然聞到陣怪味....望一望先知
原來係個D"理髮店"既洗頭水味...頂.....
俾佢洗完之後個頭臭Ga!!!
返到去之後,我地又玩個個7級豬.....我地玩到都好大呀!!
話輸左要係下面個D街邊鋪洗一次頭....
跟住我話都唔爭在啦,不如剪埋個髮啦!!!
但咁樣唔得喎....去得太盡啵....
所以最後都係話輸左食一包"開心熊仔餅"算喇....
我發覺自己都幾遲鈍....不過好在最後都唔係我輸....kakakaka...
輸既係話呢個遊戲盡在佢掌握之中既首領...
玩完之後都差不多要出去食晚飯喇~
我地又係坐麥希親戚車出去,今次係坐個D細Van仔
不過呢....架車完全容納唔到6個人囉~
首領坐車頭,3個女仔坐位....咁我同麥希呢.....
咁就要Mau係坐位後面個少少空位度...
我覺得自己好似俾人屈人蛇咁....
過左一陣之後,我地又到左我地尋日去過既個間高級西餐廳
佢叫做"愛上咖啡"呀....個名幾浪漫呀!!
不過我地完全無當過佢係一間高級西餐廳啵
我地依然都係著晒拖鞋,係個度大聲講野大聲笑
仲係度掟野添.....一日都係Denise囉....勁嘈呀佢!!kakakakakaka
食完之後,我地係附近D地方行下啦
見到有D擺係地下既攤檔就睇下啦,點知見到有兩條大陸燦打交呀!!!
大波同Denise仲唔識死咁走上前睇....雖然其實係幾好睇既...
不過都唔好行埋去嘛....行行下,頂........落雨喎!!
咁就上左一個所謂既商場行...我真係唔係好明~
佢地D人真係可以容忍到無冷氣Ga喎....上面超熱呀!
賣埋D野又Leung又核凸,淨係賣D喇叭牛仔褲.....喂,Out晒喇!!!
個度D廁所仲恐怖呀....成地濕晒,又臭....
之後見到有間賣公仔舖頭,好樣衰,係螢光色既
麥希話想買隻送俾大面喎....大面收到之後唔嗌交咩都得呀!!!
之後我地都係容忍唔到個度,因為實在太熱喇!!!!!
係呢個時候,發生左一件事....我做左一件Lor到無得再Lor既事
就係呢件事,我俾佢地個個笑到面到黃埋....事情係咁既.....
話說我地一路行,Denise同大波心都係行我後面既
咁我見到前面有架車黎緊,就諗住擰轉身拉開佢兩個啦
但係唔知幾時Denise同大波心已經走左上前面
咁我拉開個個.....原來係唔識Ga!!!!頂.......真係Lor爆全場呀!!!!!!
我拉個個係一個廿幾歲,個樣好衰既大陸B.....
我見到條友個表情有少少茫然同驚愕.....
就係咁,成個過程都俾佢地見到晒,佢地咪笑左我勁耐囉....
佢地仲話返到香港要一齊改info黎恥笑我.....
所以大家都要密切留意住我地咁多人既info喇!!!!!!
天啊..............點解我D朋友會咁無人性Ga........
走左之後,我地去左一間麥當當度坐低飲下野....
我就最穩陣,飲杯汽水算喇....但係麥希實在太豬喇!!!
竟然係個度試新野..."香芒奶昔"喎,個名就幾吸引呀!!
但係買左之後,又係發覺超難飲,陣味勁似D嘔吐物個種味....
所以都係算吧啦....
走左之後,我地決定去Dup骨....不過無人識路~
兜來兜去兜左勁耐都去唔到...問左勁多人都係唔識~
咁唔識路就問人啦,問左一個係個度做野既女人
我地問佢知唔知Dup骨個間野係邊....
跟住佢即刻用一個好鄙視既眼神望住我同麥希....
頂....你當我雞蟲呀?????
最後行左勁耐都搵唔到,咁就搵麥希個鈿佬帶我地去啦~
咁先去到咋....不過首領話唔Dup喎,咁佢就走左先喇~
去到個間野,我地5個就分開左Dup
Denise同大波心一齊,我同阿蓋,麥希就去另一間房
其實俾人Dup骨都幾尷尬....因為我從來都唔會俾人咁樣掂個身Ga嘛....
但係佢真係除左重要部位之外就全身攪勻晒....唔.....
成個過程真係好好笑,因為佢成日幫我做埋D高難度動作....
其實開頭我都忍到笑Ga!!不過之後我見到阿蓋做左一個好樣衰既動作
跟住我就再忍唔到喇....之後全程直到尾我都笑到收唔到聲.....
因為佢D動作真係好樣衰...我覺得自己好似做緊柔軟體操咁
一路做一路聽到自己D骨係度"BalakBalak"咁既聲.....真係愈整愈high呀!!!
攪下攪下就俾佢攪左成粒鐘喇....
做完之後真係幾好feel既,全身都鬆晒~~
做完之後都已經係差不多夜晚0030
我地就坐麥希細佬電單車尾就返去喇!!
係呀!!係佢細佬電單車尾呀!!
個度唔駛考牌,係人都Ja得電單車Ga!!!
我都係第一次坐電單車咋~~~好high好爽Ga!!!
真係好過癮呀~~~~~~~~~~
返到去之後,全部人沖晒涼之後
就係間屋入面影下相咁啦....不過個度就無我份
因為我容忍唔到自己無Gel頭帶住眼鏡咁影相....
咁我就做左Camera man囉~
影左好多相呀~仲拍左一段模仿Dup骨個陣既短片.....
笑到個個都趴晒街......真係頂唔順....
之後訓個陣,我要訓出面,因為會涼D
但麥希條蛋散竟然同我爭訓出面....頂~~~~~
爭奪左好耐之後.....算!!!!!我訓返埋邊囉!!!!!
第二日就係咁喇......
第三日一樣咁精彩.....
不過遲下先再打過喇~~~
>>July 1, 2003 at 5:23:58 PM GMT+8
2003 年 6 月 28 日 星期六 【晴】
我返黎喇~~~
三日兩夜深圳公明之旅終於都Game Over喇~
中間真係有萬幾樣爆笑野發生,要打出黎都唔知點打好....
但係唔得!!實在太惹笑喇!!!
我會盡量記低晒所有野Ga喇.....因為我肯定將來睇返都會好攪笑!
6月28號 星期六 熱到爆~
約左麥希,首領,阿蓋同Denise 0900係大學站等,不過有D好蠢既Denise去錯對面月台囉
攪到我地係烈日下等佢等左勁耐....不過算啦~
去到大埔再join埋大波心,之後就上羅湖啦~
我咁大個仔都係第一次去羅湖過關......其實都頗麻煩,勁多香港人上去~
而家又要填健康申報表,阻左好多時間!!
唉....排隊過關已經俾個大陸女人打左尖,食屎大Ga....
過左去之後,就見到好多簡體字既大型廣告牌,好樣衰Ga!
去到羅湖個的士站,諗住坐的士去公明啦
點知D的士佬竟然係度開天索價,一叫就百五蚊....傻左呀?
佢梗係唔知我地有兩個人個鄉下都係係個邊啦!!!
最後等左好耐先搵到架一百蚊上車
不過上完之後又係食屎Ga!我同阿蓋,麥希一架車
上左車之後個的士佬先講話唔識去公明.....玩野咩......
跟住我地就梗係落車啦!!!個蛋散的士佬仲好意思問我地拎起錶錢.....唉~
真係九唔搭八Ga!!!!!
之後上左另一架的士,雖然個的士佬係識去
不過唔知點解個架的士個冷氣勁微弱....
仲要坐成粒鐘車程,落車個陣我周阿蓋條褲個屎忽位都濕晒呀!!頂....
跟住上麥希屋企放低晒D野先,跟住就坐首領個舅父車出去食野喇....
其實個陣我地都已經換左拖鞋,但我地係去左一間係個度都算高級既西餐廳食野...
哈哈~~~我咁大個仔都未試過著拖鞋去西餐廳食野!!好過癮~
由於個間西餐廳都算高級,所以D味道都算OK....
不過唔知點解佢D奶茶係有涼茶味Ga....
食完之後就返返麥希度喇~
我地打左陣牌,打到做"黑夜彩虹",個結局真係超悶....
夜晚個餐我地叫左Pizza食...個間野叫"浪潮Pizza"
頂.....勁恐怖呀又係!!如果拎個Pizza皮去掟人
真係可以掟穿人個頭Ga!!!
又唔好味喎,應該係勁難食先岩....個海鮮Pizza係無海鮮Ga....
夜晚我地6個去左行百貨公司呀!!!真係笑死無命賠!!
入面真係千奇百怪,勁多騎呢野賣.....
最經典係我見到有"紅棗可樂","開心熊仔餅","澳洲"同埋"鵪鶉餅"
個D"紅棗可樂"真係勁恐怖....會唔會飲死人Ga??
紅棗同可樂可以溝埋Ga咩???
"開心熊仔餅"好明顯其實係冒牌既"樂天熊仔餅"啦
不過包裝上面個隻熊好樣衰同好肥...好爆笑!!
至於呢個"澳洲"仲攪野,其實佢係冒牌既Oreo黎既~
佢既包裝都係藍色,D餅個樣同Oreo係一樣既!
但係佢點解要叫做"澳洲"呢???我地見到呢包野之後笑左勁耐!!!
"鵪鶉餅"係個度D小食呀,即係一打開就食得個D呢....
但係佢又有汁係入面Ga啵,行過個陣聞到係臭Ga!!!
痴線Ga....原來D大陸B係食D咁既野Ga!!!!勁得人驚呀!!
但係見到呢D野,我竟然好想買俾大笪食.....
夜晚就打多陣牌,打到半夜就上左個天台上面吹水
個環境都ok啦,都有風既,唔算太熱....
不過個度睇星星真係好正Ga!!!我係香港好少會見到有咁多星星Ga!!!!
仲有D係睇住佢閃下閃下,好靚!!!
講到天光先返落去訓喇!
訓個陣又係唔係咁OK....由於個間屋係新起既,所以就未有冷氣~
咁我夜晚就同首領,麥希一張床啦,我訓中間,真係勁熱...
不過都訓得到既,第一晚就咁就過左喇....
漏左D野唔記得講...
係夜晚打牌個陣,阿蓋竟然係度講賤野....
佢講"精液左既Pizza........"
究竟咩係"精液左既Pizza"呢???
"精液左既Pizza"係咩味Ga呢???
"精液左既Pizza"又係點整Ga呢???
唔通佢好想食???
唉~~~~好恐怖呀阿蓋!!!!!
打字打到好累喇....聽日再講啦~~
仲有好多攪笑野Ga~~~~~~
>>July 1, 2003 at 3:50:12 AM GMT+8
2003 年 6 月 28 日 星期六 【晴】
我出發了!!!!!!!!!!!
>>July 1, 2003 at 3:47:56 AM GMT+8
2003 年 6 月 27 日 星期五 【雨】
Happy Birthday to 祖祖
係度祝佢廿歲生日快樂,開開心心
盡快完成到佢既心願!!
尋晚0500先訓,今朝1115就要起身,不過最後唔知醒....
約左阿心同阿蓋去唱K呀!!!
1215去到沙田間"綠色盒子",不過好多人等
攪到我地要1400先有房,咁我地就去左金河苑食個Lunch先~
我發覺金河苑D野食愈來愈唔係咁OK....
我食左個豬肉湯河,認真麻麻呀~~~
坐到1400,咁就去返"綠色盒子"......入到去之後發現
原來都有好多新歌唱啵!!!!
而家Boy'Z有首"我的驕傲",咁就諗住唱下佢啦
點知原來成首D編曲唔同晒,好怪....
怪到好難聽.....不過我唱得唔錯.....kakakakakaka~~~
仲有呢....呢間"綠色盒子"D staff既服務實在係超差呀!!!
以前個D係入去之前就問我有無學生証Ga嘛~
點知呢間Fucking"綠色盒子"無問我,咁我就唔醒起啦....
最後就眼白白無左個九折優惠喇....>________<"
呢個都算啦,個條入黎收錢既蛋散D態度又差....
真係要搵下劉華同佢傾下計先得!!!!
唱完之後阿心要走一走先,夜D先出黎join返我地....
咁我同阿蓋就係沙田中心間麥當當度坐下先...
坐坐下仲撞到張名添~kakakakakaka~~~
坐到1930到啦,阿心就出返黎喇,咁我地就去左睇戲囉~
去左UA睇"神探俏嬌娃2之指環密令",其實我都無睇第一集
但又唔知點解對續集又幾有興趣.....
睇完之後覺得OOKK咁啦,D動作場面都幾好睇~
不過真係好誇張囉,開頭仲以為自己睇緊"廿二世紀殺人網絡"....
打到好激之後竟然係可以完全係無事著住件晚裝去Party...攪笑~
仲要一D傷痕都無....犀利犀利!!!
不過金馬倫戴雅絲都幾靚,雖然個樣就有D老.....
睇完之後,我地3個上左新城市間麥當當坐
坐坐下,阿心條仔打俾佢,佢話由佢等下先喎....
點知走個陣係跑住咁走囉!!!!仲要又Dum低我同阿蓋....唉~~
超賤呀大波心!!!!
咁我同阿蓋就繼續響麥當當,仲傾到2330人地打烊先捨得走~
我地行路返禾輋,點知行行下又落雨喎
咁阿蓋就上左我屋企拎把遮囉....咁我就送埋佢去搭車喇~
返到屋企沖完涼,就要執野啦....聽日北上呀!!!kakakakaka~~~~
聽朝仲要早起身....講到呢度啦~
返黎之後我會同大家講下有咩好玩Ga喇~~
早抖~
>>June 28, 2003 at 2:29:23 AM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
訓左半打鐘之後,又要再出返去喇~
今日下晝約左好多人去BBQ囉~
今日就留左係屋企休息喇~
好!!!唔好俾佢停!