2003 年 6 月 13 日 星期五 【雨】

12號晚過左黃大仙,係個邊睇下"將太的壽司"
行行企企咁,又0400先訓....

第二朝1330先起身,起身之後開電視,原來做緊"都市閒情"
原來今日係星期五呀!!!!一定要睇呀!!!
因為有"好歌連戲鬥一番"呀嘛!!!
不過今集都無咩特別攪笑,有個豬小姐唱"我的驕傲"
唔......兩個字:嚇鬼

再晏少少就同媽媽出左去行下,不過老天爺爺唔知做咩事
我地一出去就落雨....不過都ok啦,行到落地鐵站都唔算大雨~
我地搭左3個地鐵站去左九龍灣行德福呀~
個德福都OK啦,都算多野行啦~
呀~~~係德福A&B入面見到個我都覺得靚仔既男仔啵~
我即刻心諗如果俾阿心見到佢一定會尖叫...
點知之後行行下真係撞到阿心呀!!!咁都撞得到.....
正所謂"世界真細小小小 小得真奇妙妙妙".....原來係堅既!!
係德福蕩來蕩去都無乜結果,咁我同媽媽就勇闖恐龍島
去左行淘大商場,不過原來入面係無野好行既~
主要都係賣D師奶野多~都唔知點解入面都係咁多人.....

行左咁耐之後,都係意猶未盡,咁就沿住牛頭角下村行返過九龍灣地鐵站
搭地鐵去鑽石山荷里活再行....不過都係無咩收穫~
行過肯德雞個陣,媽媽話買個九件雞餐拎走食喎
咁我當然係極力反對啦!!!!你唔係要我拎住九件雞由鑽石山返到黃大仙呀嘛???
同埋最重要既係而家肯德雞有得送外賣Ga嘛!!!!
駛乜自己拎咁笨呢???所以我就拉走左媽媽喇....
返到屋企就打去肯德雞叫外賣啦...
但佢有能本事由慈雲山送去黃大仙都要45分鐘....真係犀利~
攪下攪下又夜晚,0000睇"將太的壽司"
臨訓前睇左隻陳年舊碟叫做"逃學威龍3之龍過雞年",睇完岩岩0330,訓覺~

>>June 15, 2003 at 3:20:19 AM GMT+8

2003 年 6 月 12 日 星期四 【雨】

今日出面又落狗屎....唉~
好在夜晚個陣開始停雨咋~

今日又係留左係屋企咁囉
都好既,唔出街就唔駛用錢...嚴重缺水呀我!!
不過打埋今日呢篇日記就會出去喇~
去黃大仙過返一兩晚先~

回覆阿包:
我對奇洛李維斯既興趣又唔係咁大咋喎....
我而家等緊"千機變"上畫呀!!!
呢套有Edison做,所以Edison一定要睇呀!!

回覆高妹:
你做咩用我個名黎留言呀??
我睇返個E貓先知係你.....
點報答??你想呢???
以身相許好唔好???
kakakkakakkakakaaaaaa

有首歌好好聽...不過唔係呢條粉腸唱會更好....

司機 余文樂

話直行就直行別轉彎 身份有規限
我最笨我最鈍但我肯 伴你到終站
像我的天職早注定 只可載別人伴侶
謢送往返 一起上路 無緣停下與你看人間

隧道前大道旁鬧市間 火花太短暫
你約會你吃飯或買衫 但我靠邊站
若你一伸手總會在 多簡單召來喚去
未到我揀 真的愛人 何曾同樣接你上下班

為何還未看開 司機怎可以說不載
搭客心不在這份愛 未曾裝載
感激不講一句也應該
為何還未看開 不喜歡背人感慨可以不愛
不用愛 就當喜歡給你差遣
原來還勝過被愛

一盞燈一盞燈經過面前
看清楚這司機跟你 第幾年
風霜不改 為你趕來這份愛
誰來 裝載

>>June 12, 2003 at 9:32:18 PM GMT+8

2003 年 6 月 11 日 星期三 【雨】

大家請望望下面....唔係身體既下面呀!
你地睇下係呢個網既最底部個人氣指數
已經過左7000人喇~~犀利犀利!!!!
一萬之大關,指日可待也!

仲有,我寫左呢個日記原來都不知不覺有一年
我係2002年6月12號開始寫既,今日係2003年6月11號,岩岩一年
其實時間真係過得好快....睇返日記
每日做過既野其實都有D印象,個感覺好得意~
我上年既今日原來係劉百樂考緊Final exam.
今日我就係度等緊A-Level放榜
唔知出年既今日我又會點呢???
不過無論邊一年我都要自己過得開開心心!!一定要!!!!

講返今日,其實係無出過街既~
尋晚0400到訓,一訓就係10個鐘
今日下晝1400先起身,訓得不知幾咁舒暢!
係屋企十下十下又一日
呀~~~晏晝個陣淑君打俾我,以為佢約我打牌啦~
點知原來佢係打錯電話,先打左俾我...
噓~~~~方唔係佢掛住我所以借D意打俾我咩...
佢仲話我聽佢轉到Degree喇....真係可喜可賀,值得恭喜!!!
都總算天有眼啦!!!

夜晚大約2315到落左街同Kei Yiu係樓下商場談心
一講就兩個幾鐘,仲去左七仔叮左個意粉食添~
之後送埋佢上樓,我就返屋企喇
返到屋企係0150~

回覆包包:
個套"廿二世紀插人兩鑊貳"我開頭都有D想睇Ga~
不過我都無睇第壹集,我驚唔明囉~

回覆高妹:
查實我係用心良苦呀,我整個日曆響樹
無非都係想提醒下自己仲有無耐就放榜.....
要好好珍惜呢三個禮拜,因為7月4號之後就唔會好似而家咁開心喇....

日記一周年紀念日....

一周年 方力申

我最多 原諒你 在那櫥窗外走過
留下我 面對比我愉快的百貨
原諒你 在這一年 開心比我多
我一個 敵不過 耀眼燈飾太多
我最多 遺憾你 未唱聖詩便分手
連累我 每當天冷便要穿風褸
連累我 在這關頭 慌張一個走
這一晚 行人路滿目挽手

忘記了忽然一周年
卻似失戀一萬年 那燈飾以為我開心一點
誰也在未分手之前 趁快樂痴纏
原來這夜不見 我可以
天天都不見

我懂得 原諒你 就算毛管不溫暖
其實我 太多手套若我肯挑選
能共你 熱戀一年 此終不算短
最多怕 寒夜被困在戲院

寒流太耐不見 我早已 沒緣份
做你的戀人一周年 卻似失戀一萬年
那燈飾以為我開心一點 全世界甚麼都痴纏
我卻未脫險 但求回家總可以 忘記你盡努力睡眠

>>June 12, 2003 at 2:39:55 AM GMT+8

2003 年 6 月 10 日 星期二 【雨】

Happy Birthday to 阿君
希望佢日日都咁高興,快D可以如佢所願
做左成功既"姑娘"......

今日全日都留左係黃大仙呀~
好似癱左咁痴住張梳化~咩電視都睇咁囉~
夜晚食媽媽既炒米粉,當然係"柯伊思"啦~
今日我好勁呀!!!一個人食左一盒Dreyer's既曲奇雪糕呀!!!
實在太美味喇!!!!唔知會唔會肥呢???
不過夜晚即刻肚痛囉....
原來"少食多滋味 多吃壞肚皮"係堅Ga!!!!!

原先諗住聽朝去打乒乓波,所以夜晚返返黎沙田
不過首領又話唔打囉唄.....因為麥希要做義工喎....
算啦,難得麥希個衰仔會做D咁有意思既野.....

呢兩日香港都受到一股低壓槽影響
所以有狂風雷暴,仲有埋黃色暴雨警告添....
其實落下雨都好既...唔駛咁熱,不過唔駛咁大雨呀嘛...
行晒雷閃晒電咁....攪到新界又水浸就唔好啦....

回覆阿蓋:
"來電險事"...都ok想睇啵~~
搵日得閒去睇囉~無問題!!

回覆藍草莓:
乜你覺得我既生活好開心咩??
其實係太悶太無聊先可以日日出街咋~
有得揀我寧願搵野做搵錢呀!!!


>>June 11, 2003 at 2:51:19 AM GMT+8

2003 年 6 月 9 日 星期一 【雨】

今日同左好大班人出去啵~因為要賀一賀阿心既廿歲牛一嘛~~
有主角阿心,Denise,大面,阿蓋,吉米,歐佬,首領,麥希,大笪同埋我...
都成十個人啵,你話熱鬧唔熱鬧???
仲要有Denise係度,加埋佢既笑聲,其實有廿個人咁嘈....哈哈~~

我地1345係"身體店"等,齊晒之後我地男仔就落左"樂趣地帶"打機
D女仔就係東京新幹線影貼紙相
不過原來打完之後我地都係要一齊影既....算啦,俾面阿心嘛~
影完攪下攪下都1430 Lu....哈哈!!!
原來佢地係有組織及預謀咁要等到過左1430先食野既....
因為有特價下午茶食喎.....原來係咁~~
難為我地要餓左咁耐....唉....算啦....當係俾面阿心啦~
我地十條友去左小巴黎,我食左個香茅豬扒凍檬,ok啦都...
食完嘈完之後,我地唯一一個著校服既學生妹大面就走先
我地就係沙田兜下,睇下野咁囉~
仲撞到淑君同佢男朋友"小春"添呀!
行行下歐佬同吉米又走左~
之後麥希買左個袋,大笪又買左對鞋
我地仲去左許留山食糖水添啵~
再過夕陣阿心,Denise同麥希又要走,咁得返我同首領,大笪同阿蓋~
我地去左"豬二千"幫首領揀恤衫
攪左好耐之後終於揀到隻好襯佢既色呀~~
跟住又返西田幫大笪揀tie,不過揀左好耐之後都揀唔掂~
咁就算啦....之後大笪就走左~
咁我同首領周蓋就係西田食埋飯啦
我係大三巴食左個"唔知咩咩白辣蜆肉寬條麵"
係非常之咁唔掂,大家千祈唔好食呀!!!
仲有D小丸子又係唔掂,個皮脆既????
做咩西田D野食退步晒Ga....以前唔係咁Ga啵....
食完之後又吹水啦
講起星期日邊個要同肥野坐就真係笑爆個咀!!!!
我已經買左係大笪加麥希喇....希望會中啦!!!
仲有.....究竟佢個日會點著呢???真係極度期待呀!!!
笑下笑下都差不多2230 Lu.....咁就散水喇~
我就搭返89返黃大仙喇~

夜晚睇左隻"下一站...天后"VCD,麻麻地啦....
周麗淇真係靚到絕呀~~~~~
睇完都未眼訓,就睇左隻陳年舊碟"唐伯虎點秋香"
係周星馳做既....都係好好笑~
睇完就差不多訓喇....我發覺我真係賤命呀!
平時唔開冷氣訓就好地地,但一開冷氣訓就即刻鼻敏感
尋晚打左七十幾個乞嚏,用左7張紙巾呻鼻涕
鼻都甩咁滯~~~

呢兩日都聽到有人同自己男/女朋友嗌交,攪到唔係咁開心~
有咩係唔可以心平氣和咁傾呢.....唉~
總之希望佢地快D和好就係啦~

>>June 11, 2003 at 2:32:02 AM GMT+8

2003 年 6 月 8 日 星期日 【晴】

下晝大笪打俾我,問我去唔去七輝度反喎...
唔....當然係無問題啦!!!
咁就食返少少野先,跟住就換衫出去喇!

一去到大笪,七輝,淑君同Connie係度打緊牌~
咁我就做住歡樂先生先....即係斟茶遞水呀~
之後麥希又黎埋,仲熱鬧~~~
晏D Connie走左,我就接棒與佢地繼續打牌~
打下打下,又打到2030左右啦,我地都仲未打完
之但係麥希已經大叫肚餓喇啵....
當然,我地係好朋友黎Ga嘛!又點會俾佢捱餓呢???
所以我地就極速finish四圈,就出去食野喇~
除左我地5個之外,仲同埋七輝個細佬阿B出去食喎~
我地決定左又係去薀莎食啵~
落左去之後,梗係要搭車啦,不過等左都好一兩個字都無車
一係就full晒,一係就唔夠六個位...
所以最後都係上85K,再行過新港城囉~

其實個間薀莎D野食真係幾OK Ga~
不過D服務態度就PK到震呀!!!!
真係要搵劉華同佢地傾下計先得喇....
我地食下食下,傾下傾下,又到差不多2300
由於時間同埋阿B第日要返學關係
所以我地就提早散水喇~
我就同淑君一齊搭85M出左黃大仙先
去到Van仔站,佢搭37M,我就搭18
就係咁....個晚我就返左媽媽度喇~

上左去之後,個晚睇左"國際排球精英賽"既決賽
係中國對俄羅斯呀!!!勁好睇呀!!!
俄羅斯既金莫娃同阿達文露娃真係超勁!!!
不過中國女排就點會係弱呢??
王麗娜既扣殺式開波確實係無敵呀!!!
趙蕊蕊又係,好powerful~~~
第一場中國輸左,跟住第三第三場就追返喎!
第四場俄羅斯又贏返,要打到第五局~
不過都係中國技勝一籌既....
就係咁,中國女排就贏冠軍喇~
睇完之後都差不多0400,訓覺~

呀....我知道左件事呀!!!
張勇竟然同麥希講,話見到我係西九龍拖住條女踩冰喎....
冤枉呀~~~~~無呀!!!我無呀.....
要踩冰我都唔會去西九龍啦....
呢件事俾大笪同麥希知道左之後,又死屈我...
天啊.....點解我D朋友咁鍾意屈人Ga????
尤其係大笪呀.....變態Ga!!!!癲Ga!!!!!!>_______<"

>>June 11, 2003 at 12:38:18 AM GMT+8

2003 年 6 月 7 日 星期六 【陰】

Happy Birthday to 阿心
祝佢個胸可以比而家大返3-4倍
唔駛再俾人地恥笑微波....kakakakaka~~
仲有同佢個個好似E-kids主音既男朋友愈來愈好!!
成日都要咁開心~

今日差不多1400先起身,睇亞視播個套"我和春天有個約會"
呢套戲真係好好睇呀!!!
想當年我第一次睇個陣係F.1,不過都好深印象~
確實係掂呀!!

約左張名,Kathy & Connie 1630去睇戲
由於我相信佢地一定會遲到既關係
所以我1625先出門口,出到新城市1640
去到......果然不出我所料,我並唔係最遲個個
而且仲係最早到.....我覺得我太了解我D朋友喇....哈哈~~
到晒之後就去買飛先啦....買左1800"六樓后座"
其實我都幾想睇呢套戲,直覺上我覺得應該唔差~
咁未夠開場,就上左"雙重公園"拎左張membership card先
跟手就去"生跡癌"飲野,我叫左杯大既奶抹點子
嘩.....真係超大杯.....飲完之後個肚好漲~
跟住就夠鐘入場喇~
睇完之後,我覺得$45完全係抵睇呀!!!
林嘉欣又好戲,盧巧音有進步,鄧健泓,森美,小儀都有驚喜
劇情都算OK,不過我最鍾意都係杜麗莎個段.....
佢做周俊偉個媽媽,講D野都幾有point
臨尾講幾個主角食屎個度,又係好中
好多人講就天下無敵,不過要真係食起上黎就個個都推翻晒自己講過既野....
總之成套戲就係好睇啦~
唔怪得蘋果日報俾4個蘋果佢啦,完全係無錯!!
好開心見到香港有一部咁有message既電影呀!!

睇完之後即刻去個toilet屙返杯奶抹點子出黎先
之後就去左德興食野,食左個窩蛋免牛飯,食到超飽~
跟住就送走Kathy先,因為佢又約左人打牌囉~
我地就繼續係沙田到蕩來蕩去啦~
蕩到2300到就去左許留山食糖水
食完就搭80M返屋企喇~

呀....今日仲係沙田撞到好多人添啵~
都係以前蘇浙既朋友
係"生跡癌"見到個個鏗記
係西田見到周一奇同郭子立
係新城市見到林振培
走個陣係巴士站又見到啟業同佢女朋友咁囉....
真係犀利~~

呢首歌好好聽,同部戲一樣咁正~

六樓后座 林嘉欣

這響聲使我 記得你 索性去換過 我手機
這間屋使我 記得你 住到隔四十里

想清洗所有記錄 試過結識你
就當相戀這幾年我斷了氣記不起
我共你 縱是有開心過 更多不快回憶 要清理

從頭抹掉你 從頭刪掉你
不必紀念碑 來年重聚再回味
仍然記住你 猶如為難自己
相愛後怎能變知己

從頭抹掉你 從頭刪掉你
搬出了六樓后座尋夢那場地
杜絕前事再回魂 杜絕懷念你
莫非分到一吻後 就終生都要記得你

一起欣賞過 每齣戲 慣性儲下了 每張飛
今天一整套 也拋棄 沒証據 約會你

想清洗所有記錄 試過結識你
就當相戀這幾年我斷了氣記不起
我共你 縱是有開心過 更多不快回憶 要清理

從頭抹掉你 從頭刪掉你
不必紀念碑 來年重聚再回味
仍然記住你 猶如為難自己
相愛後怎能變知己

從前我日記 頁頁都是你
今天努力撕 毫無懷念那餘地
杜絕前事再回魂 杜絕懷念你
莫非分到一吻後 就終生都要記得你

損毀的 可以再修理 愛錯卻沒法 背得起
小心的剪接 我的戲 遇上你 那段戲

>>June 8, 2003 at 4:24:36 AM GMT+8