|
2003 年 9 月 26 日 星期五 【晴】
去左媽媽度訓左兩晚喇又~
星期五,上晝返去上左一堂普通話tutor
一個鐘頭之後就走得喇~
丫...我發覺呢....教我普通話個miss個樣好似一個人呀!!
係蘇民峰.........個死對頭麥玲玲呀.....
上完之後,約左麥希,秋玲同鼠欣去報A-Level
呢個就係我做好漢既第一步喇!!!!
係考試局個度見到好多人喎....
劉百樂既又有,野雞學校既又有,而家Poly既又有...
攪掂晒之後,我地4個仲約埋Yoyo去唱K,好耐無唱過喇~~
我地去左嘉樂個間度唱呀~
本來其實係仲有阿蓋既,不過佢電話又無人聽...
咁就唯有唔理佢啦~~~~
之後佢先打返俾我,原來佢係無帶電話喎....
低B仔,返學唔帶電話都有既??
唱完之後,我地去左波鞋街個邊食tea
跟住都各先要走喇.我就同左麥希去馬鞍山攪D野先~
之後就再出返黃大仙喇~~
夜晚媽媽煮咖喱炒蟹呀,都OOKK啦........
仲有湯飲添....哈~~
都算有食神喎~~
有D眼訓,又係一切從簡喇....
>>September 29, 2003 at 1:49:49 AM GMT+8
2003 年 9 月 25 日 星期四 【炎熱】
其實今日都係比較平靜,無咩特別野好記~
Lunch個陣去左靚靚度食車仔麵
好似無以前咁好食咁既....
又咁岩撞正lunch時間,D人好似趕我地走咁....
食完之後返學校搵歐佬嗲左陣咁囉~
之後上IT.....成個lecture入面D人簡直係各自各精彩呀
有人睇雜誌,有人聽歌,有人訓覺
仲離譜都係我隔離兩個女仔....係度化妝都敢死.....
化完又唔係靚喎....簡直係白痴!!!
捱完IT之後同歐佬落左尖沙咀睇衫
行左好耐之後,我終於係"Update魔"買到條褲喇~~
Yeah Yeah Yeah~~~~~
好鬼眼訓呀....打住咁多先啦
拜拜~
回覆秋玲:
梗係要用普通話朗讀十次啦!!!!
一睇就知道好易讀啦!!!
讀完十次之後,如果你條利無抽筋就即係成功啦!!
希望你做得到啦,秋玲兒~
>>September 26, 2003 at 12:39:14 AM GMT+8
2003 年 9 月 25 日 星期四 【晴】
今日係星期三兒,又係要一早起身兒啦
要上普通話lecture兒呀....
上堂兒個陣,真係眼訓到極點兒呀!!!
係眼兒都擘唔大個隻兒喎....
一來尋晚兒成0200先訓覺兒
二來我係普通話堂入面係無乜朋友兒Ga嘛
康婷兒又坐左係前面兒.....
所以今日兒兩個鐘頭兒我就做左自閉仔兒喇....唉~
之不過咁....其實普通話堂兒既最大問題兒
都只係悶蛋兒左D,其實就handle到既...
講Lor命兒,都唔夠之後個兩個鐘頭兒....
上完普通話堂兒之後,就要接住上QM lecture兒
今日佢又教D超難既野兒呀....
咩minor兒...determinant兒.....咩黎Ga....
佢又講得快喎,真係唔知佢up乜春野兒耶.....
我尋日先對數學兒有返少少信心兒咋....
今日兒又要面對D咁深既野兒....咁點好呢????
唉.........痴孖B Ga.......
我地QM lecture兒係係W上既,個度真係凍到你媽媽都唔認得Ga嘛~
上完兩個鐘頭兒已經全身兒都僵晒Ga喇
點知落堂兒之後有條友兒唔俾我地走喎....
話要選D唔知咩代表兒...又唔知點點點咁既...
頂.....side晒我D時間兒~~~
Lunch去左新can兒樓上既東南亞食
個牛肉炒飯兒都唔好食既.....
之後就上埋Crit. Think tutor兒
呢個世界所有句子兒,唔係analytic,就係synthetic
原來講廢話兒都好有學問兒Ga!!!
真係唔係講笑兒~~~
放學之後去左紅磡兒陪Roy拎影印兒
跟住返學校兒個陣撞到Hoi Kei兒呀!!!!hahahaha~~~
同阿Roy行左陣尖沙咀,諗住睇下有咩衫兒好買
睇中件褸兒,又睇中條褲兒....點算呢??
唔可以用咁多錢兒Ga喎.....
諗下先都係.....
大家有無發覺今日篇日記怪怪地呢.....哈哈~~~
無呀....今日上普通話教"兒化"
就係將D字都加個"兒"字係後面
今日兩個兩個鐘入面就係咁捲利....好低能呀!!!
大家都試下玩下啦,kakakakaka~~~
>>September 25, 2003 at 12:36:07 AM GMT+8
2003 年 9 月 23 日 星期二 【乍暖還寒】
今日做左D兩年幾三年以黎無做過既事----計數~
由於聽日要交QM assignment既關係,而我又掂都無掂過喎~
所以可以話係迫左眉梢呀!!!
一返到去Eng tutor,都唔理喇,做功課要緊!!
記住,唔係抄呀!!!我真係自己做Ga!!!
不過當然係困難重重啦....
上完Eng tutor之後,同Roy,Tim,Angie,Jessie同Dorchus
一齊去左舊can做功課,順便食少少野啦~
就係我做到一頭霧水既時候
救星出現喇-------我竟然撞到輝哥呀!!!
輝哥係劉百樂出名既"數王"黎Ga嘛
咁我當然係即刻飛身撲去佢度請教下啦~
輝哥就真係唔話得呀,對住我呢個數學白痴都好有耐性....
俾佢講完之後,我真係識做呀!!!!
個種做岩數既滿足感真係遺忘左幾年喇!!!
自從F.5之後都無試過喇~~~
雖然....想當年我第一年F.6個陣有讀Maths & Stat既
不過識我既朋友都知我係點Ga喇...哈哈
所以今日雖然係要計數計到好燥
不過都ok啦,仲覺得好充實添~~~
今日上IT tutor,教我地用word
開頭我以為word就真係淨係打字咁簡單
但原來唔係Ga,入面仲有好多function係我唔識Ga....
成個低B仔咁呀今日!!!
不過都無所謂既,都唔係好難,咪慢慢學囉~~
再上埋Crit. Think,今日教個D野既concept都幾難
原來要做一個有批判思考能力既人都唔易Ga~
咩叫analytic,咩叫synthetic
驟眼望落去就好似好簡單,原來再諗深一層
其實係有好多玄機Ga~
除左個concept難之外,D terms都好難記....
不過我都幾鍾意呢科~~
今日我換左個background music喇
係孫燕姿既"遇見",你話佢係梁詠琪既"迴旋木馬的終端"又得~
我覺得好好聽呀~~~~~
遇見 孫燕姿
聽見 冬天 的離開 我在某年某月醒過來
我想 我等 我期待 未來卻不能因此安排
陰天 傍晚 車窗外 未來有一個人在等待
向左 向右 向前看 愛要拐幾個彎才來
我遇見誰 會有怎樣的對白
我等的人 他在多遠的未來
我聽見風 來自地鐵和人海
我排著隊 拿著愛的號碼牌
我往前飛 飛過一片時間海
我們也曾 在愛情備受傷害
我看著路 夢的入口有點窄
我遇見你 是最美麗的意外
總有一天 我的謎底會解開
>>September 23, 2003 at 11:59:05 PM GMT+8
2003 年 9 月 22 日 星期一 【微冷】
今日出面好涼爽呀,都幾大風下~
好有Autumn feel呀~~~好野!!!夏天終於都肯走喇!!
今日星期一,day off唔駛返學
1130到,首領打俾我,話佢有兩個鐘時間食lunch
可能佢無咩其他朋友既關係
所以就打俾我叫我同佢食lunch喎...
咁都ok既,反正我都未食野,咁我地就過左新城市食野喇
去左西田food court食~始終都係日本野最好食既
食完之後一齊就行返過沙田IVE喇
原來需時都幾耐Ga.....不過無所謂啦
遲到係首領之嘛,又唔係我....完全無問題啦~
本來今日諗住過city搵阿蓋
同埋睇下個個煩人既....
點知原來今日煩人唔會出現
咁就唯有算數喇......
聽返呢首歌都幾好聽啵...
向左走向右走 楊千嬅
要是你的女友放棄你 我便要開香檳講恭喜
要是你知我已愛上你 可會為求避免鬧劇便撤離
要是我想故意拆散了你 然而我都愛到斷了氣
我只不過妒忌 不得已妒忌
誰人或者嫁給你 我為我生氣
都怪我比她晚了跟你走 難怪我沒法不低頭
要是能對著你自首 我大概做了你新女朋友
也許會 發現你未愛得夠
也許會 逐步逐步害怕你輕浮
結局永遠看不透 若墮進你溫柔
難免會變做前任的女友 (我怕我 漸漸同情舊日的女友)
要是那天我已吻了你 我大概也只得空歡喜
要是我肯決意放棄你 可會越行越遠但是越好奇
要是說出我會永遠愛你 然而我都愛到斷了氣
我怎麼要妒忌 只可以妒忌 但願明天嫁給你 太沒有骨氣
留一步 誰得好 難道破壞你們能自保
但我知 你知道 誰在介入你踏過的路
前一步 來擁抱 難道我便會成為被告
若我都 有分數 難道你便敬重我清高
我要向右還是向左走....
>>September 22, 2003 at 11:57:16 PM GMT+8
2003 年 9 月 21 日 星期日 【乍寒還暖】
快樂星期天~~~~
今日下晝約好左上鼠欣屋企玩
識左佢兩年幾都係第一次上佢度咋~
咁我下晝係約左秋玲先既
因為我地都未食野,所以就一齊食埋野先上去喇~
我地去左連城上面個間"仙桃源"食
第一次去,都幾好食喎,我叫左個咖喱豬扒飯
佢個度D豬扒唔係日式個D吉列豬扒黎Ga
如果無咁鹹其實都幾好食既....
食完之後我地就搭282上去
上到去,蛙仔,首領,主席已經到左喇~~
好耐無見過首領同主席喇!!!!!
上到去當然即刻打牌啦!!!!
打打下,啤梨,大笪同Abby都先後上埋黎....
係呀!!!鼠欣屋企係有K唱Ga!!!
不過係D舊歌多囉,如果麥希係度一定好開心呀~~~
我都忍唔住要Show一Show我既歌喉
同秋玲合唱左隻"其實你心裡有沒有我"....kakakakakaka~
今日打牌既戰況都幾峰迴路轉....
頭個4圈,贏既係首領同蛙仔
我仲係輸得最多個個添....
不過我地呢D係默默耕耘Ga嘛
而且仲係永不言敗既添!!!
所以之後個4圈我就發奮喇!!!!
好在皇天不負有心人,係我頑強既意志力底下
卒之俾我連食左兩鋪自摸9番,即刻咩都返晒黎啦....
之後仲要密集式咁食糊...哈哈~~~
即刻變左做贏家,仲係大個隻~~~
kakakakakaka....
最開心既係首領要輸呀嘛...
開頭佢都輸成六十幾蚊Ga....
點知佢條豬腸粉,最後連Lum左幾鋪...
俾佢追返唔少,最後輸得廿幾蚊....真失策!!
打完之後,都已經係夜晚2100
咁我地就落左隆亨大牌檔食喇....
D野食不過不失咁啦.....
不過個唔知咩例湯就幾好飲~
臨食完之前,阿蓋都黎埋join我地
咁跟住都走喇....
離開隆亨之後,主席,Abby同啤梨就走左先~
我同首領,阿蓋同秋玲本來就諗住食糖水既
不過個陣都差不多2300,食完驚無車返屋企
所以就無食到喇....
吹水個陣,講起首領同佢緋聞女友(出街俾鼠欣撞破個個)
我地話如果要同首領ICQ,就一定要改做某個名先
如果唔係佢就一定唔會應既....
跟住首領凸然間爆左一句好攪笑既野出黎...
佢話"你唔俾我Re拈左佢個名Ga?"
個一刻,我,阿蓋同秋玲即刻爆笑左出黎
"Re拈"??????咩叫"Re拈"呀???
原來佢講既係"Rename"........哈哈!!!!!!!!!!!
真係.....笑到甩碌~~~~~~~
首領為左同人玩ICQ,竟然連同佢埋同一座既秋玲都唔理
佢都唔係人黎Ga~~~~~~
咁之後我同阿蓋就送埋秋玲返屋企先啦
跟住都返屋企喇~~
回覆李秋玲:
各位聰明既讀者唔好俾李秋玲蒙騙呀!!!
佢聲稱話好心拮俾我食既個條腸
係燒焦左7成Ga!!!!即係食完會生cancer個隻呢...
你個人真係好黑心呀!!!!
至於個團火,係你親口承認想講"慾火"Ga!!
你咪以為我唔記得先得Ga!!!!
你個人除左黑心之外,仲鍾意歪曲事實
簡直係太過份呀~~~~哼!!!!
但點解你睇唔到D相既???
我睇得好清楚喎,大家睇唔睇到呀???
麻煩大家留個言話我知啦!!!
Thanks~~~
>>September 22, 2003 at 1:43:29 AM GMT+8
2003 年 9 月 20 日 星期六 【清涼】
徇眾要求,都係用返細字啦~~
尋日講過啦,今日去左BBQ呀!!!好死正呀!!!!!!
仲有好多人去添呀,直頭有成打咁多呀~~
有阿蓋,大笪,蛙仔,鼠欣,Yoyo,秋玲,Amily,詩詩,阿包,啤梨,阿舒
計埋我岩岩12個,湊夠一打~~~
約左蛙仔,秋玲,阿蓋,Amily同,阿舒阿包1600係大埔等
咁我係火炭上火車之前,就去左個toilet
跟住係入面無啦啦有條友叫我....望一望,唔識Ga喎....
佢話佢帶唔到隻耳環,叫我幫佢穿喎......
佢都低能Ga,無野呀嘛????
叫我幫佢穿耳環,咁唔衛生,我當然唔肯啦~
簡直係攪笑!!!
去到大埔之後,就去左PK買野先啦
跟手過埋大埔墟D凍肉鋪買埋D肉同丸
咁就搭van仔上大尾督喇~~
去到之後都唔駛點搵爐頭,求其見到有爐就mark啦~
無耐之後,Yoyo又黎左
燒左一個鐘到啦,大笪,詩詩,啤梨都黎埋~
十二個人用一個爐頭
大家都想像到係幾咁熱鬧啦~~~~~~
今次BBQ好奇蹟咁,竟然燒得晒所有野食喎
真係少有呀~~~
我覺得秋玲真係好曳曳呀!!!
佢竟然將一條腸叉住黎玩,仲想拎黎隊我~
我當然要反抗啦...係糾纏之間
條腸"啪"一聲就飛身撻左係條行人路中心....
仲有呀....D火燒得好旺個陣
佢竟然話D火係慾火.....
唔通佢D慾火就好似D火咁,燒得好猛???
唉....秋玲變態Ga!!!!!!!
燒完之後都差不多2300,咁就都要走喇~
係搭巴士落返火車站個陣
我地係架巴士度勁影相,好過癮呀!!!
咁當然係要同大家分享下啦~~
夜晚返到屋企,麥希打俾我...
講左個壞消息我聽....係咩壞消息盲唔好講喇...
總之聽完竟屎都滾埋啦!!!!!!!!
真係血都嘔左幾兩出黎呀!!!!!!!!
俾D相大家睇下啦~~
我D朋友就係咁Ga喇~~~~~哈哈~~~
上左起:阿蓋,鼠欣,阿包,蛙仔,我
下左起:啤梨,詩詩,Yoyo,阿舒
(秋玲Ja機)
上左起:鼠欣,阿包,蛙仔,我
下左起:秋玲,阿蓋,阿舒,啤梨,詩詩
個個都影得好靚,特別係我,因為見唔到個咀....
(Yoyo Ja機)
左秋玲,右阿蓋
樣衰衰咁.....
左我,中蛙仔,右大笪
三個都型到唔知想點....kakakakakaka
左秋玲,中我,右阿蓋
我個眼袋仲大過散紙包>________<"
頂~~~
左阿蓋,右Yoyo
兩個唔大隻,又要扮大隻妹....哈哈~~
左起:秋玲,詩詩,阿蓋,yoyo
全晚最受歡迎既一定係詩詩
因為我地都比較少見到佢
個個都要同佢影相~
上:左我,右蛙仔
下:阿蓋,秋玲,阿包,Amily,阿舒
唔算太大既大合照
因為D人未黎齊~
再有其他相就同大家分享啦~~~~~
早抖先喇~~
>>September 21, 2003 at 2:49:06 AM GMT+8
2003 年 9 月 19 日 星期五 【清涼】
每日打日記都好似同時間競賽咁
希望可以進快打完,可以係hang機之前打晒.....
究竟我個腦發生左咩樹呀.....
不過無論點都好,我都係堅持要打日記Ga喇!!!!
今日特登0930返去上一堂普通話tutor,雖然係幾戇居
不過我覺得自己D普通話好左喎~~~
我個目標係普通話拎A-以上!!!
我覺得我做得到既!!!!
放學之後同康婷嗲左陣啦,跟住都走喇~
我去左圖書館睇報紙,睇左個幾鐘....
跟住就落左尖沙咀搵媽媽食Lunch喇~
我地去左陣都幾up dup既茶餐廳食
都唔好食既....頂!!!
由於我1600要去"加利福尼亞",所以就仲有大把時間
就打俾大笪啦....佢話佢同佢D friends打乒乓波喎....
咁我就去左觀戰囉....
總之我都係無聊個咋Ga喇...
等佢地打完,join埋岩岩放學既Chisty同歐佬
去左M print notes....
期間歐佬print左一份佢補習個度既英文功課,係writing黎既~
咁我就睇下,順便幫佢proofread埋啦....
我發覺我d英文屎左好多呀....
其實本身都唔係勁Ga啦,而家仲退步晒添...
咁點retake呀大佬....
唔得呀!!!我要再接觸英文多D先得呀!!!
事不宜遲,就用英文打一段先....
It was about 1600 when Au Lo and Chisty have finished printing their notes and we left Poly after that.As Au Lo went to attend tutorial class and Chisty went home,i went to California as well.The branch in Tsim Sha Tsui is really far away from the Poly U as i took about 20 minutes to go there.It really made me tired.After finishing all the things that i had to do,I went home too.
Pear phoned me this afternoon and asked me to go to barbecue tomorrow.Originally that is a piece of good news and I am delighted as I can meet my ex-classmates again;however,I knew something shocking and surprising at night.That is Fat Thing will go too.JESUS!!!What the hell!!!!!!!!It really scares me!!!!At first,I decided not to go tomorrow.But after considering attentively,I changed my mind.Giving up the chance to gather with my friends but just because of Fat Thing is not a sagacious decision for sure!!
Unexpectedly,Autumn brought me a delightful message;that is Fat Thing will not go tomorrow!!!It really takes me high since i don't have to see her face!!!So,I realize that I will have a perfectly good day tomorrow.
好似怪怪地咁,唔知大家明唔明我講緊咩呢??
哈哈~~~~~
仲有呀,D字大隻左會唔會好睇D呀???
麻煩大家留個言話我知啦,多謝各位~~
>>September 20, 2003 at 12:30:45 AM GMT+8
2003 年 9 月 18 日 星期四 【酷熱】
都係好希望可以係hang機之前完成呢篇日記啦....
今朝可以比尋日訓多兩個鐘,1030先返去上Eng Lecture
搭火車個陣有人打黎
原來係GV Hollywood叫我去見工....好野!!!
今日又好奇蹟地無遲到啵~~~
我發覺Eng. 教個D野真係幾無聊...唔係咁OK
又唔practical....
上上下堂個陣,電話震喎...原來係麥希打黎
佢講左個超壞既消息我聽
真係.....Diu!!!!我尋日買個三場波炒左兩場呀!!!!
又由於我係買3穿4既關係
我$1都收唔返......pork街......
點解我一唔買就會中,但一買親就會輸Ga.....
今次仲要輸晒$80...好hurt呀!!!!激死我喇!!!!
個一刻我既心情真係有如跌碎左既玻璃一樣....
無可能呀!!!!我一定要回返本呀!!!!
睇住黎啦!!!!!!!!!!!!!
上完兩堂Eng. 之後,就有兩個鐘break啦~
咁我今日就同左....Roy,Tim,Jessie,Angie同Dorchus去食Lunch喇...
我地落左尖沙咀食"表哥"呀....
第一次食....D野ok啦....唔係真係好好食~
食完之後就返去上IT Lecture喇~~
我發覺個miss真係好攪野,成日係度驚叫
問人地問題,人地答到之後就大叫"Oh!!","Yes!!!!"
頂......拍洗頭水廣告咩...
上左一個鐘到,本來Miss都無打算放break既~
不過好在阿Roy好型咁叫miss放break,所以先有咋!!!
當然,係呢個時候,我即刻二話不說,執野較腳啦!!
阿Roy真係造福社群呀...咁樣break一break
都唔知走左幾多人.....哈哈~~~~~
我走左之後並唔係去反Ga!!!
我係搭地鐵落鑽石山見工咋.....
其實所謂見工,都係講幾句野,佢講仲多過我講~
至於個結果,佢話再等通知喎....是但啦....隨緣啦.....
之後再係鑽石山hea多一陣
就搭89返沙田喇,因為約左Kei Yiu呀嘛~
原來佢之前係同Helen一齊既,咁Helen就要返屋企
所以都同埋佢搭車先啦....
跟住我同Kei Yiu就落去UA買飛睇戲喇~~
係買飛個陣,竟然撞到媽媽喎!!!!
我問佢睇咩戲啦,佢睇"向左嘔 向右嘔"喎.....
E???我都係啵!!!!再問佢睇幾點啦.....
佢睇1930....哈哈~~~~~~我都係呀!!!!!
之後我地去左西田打左個白鴿轉
係無印涼粉買糖食
仲順勢係food court食埋野先啦~~
我發覺大三巴D野真係唔掂呀!!!
真係幾難食下....
食完D咁難食既野之後,都夠鐘開場喇~~
咁就拿拿聲過返UA喇~~
入到UA,真係見到媽媽啵~~~
仲係埋同一個院睇添,真係未試過~~~
講返套戲....一個字:"正"呀!!
講感動,其實係有既....
雖然又未至於滴得出眼淚
不過真係鼻酸酸.....
其實劇情係有犯駁之處
但係都總算幾smooth,幾有heart~
同埋梁詠琪都做得幾好呀!!!
成套戲都比我預期中好睇
唔錯唔錯~~睇得過呀!!!!
睇完之後,再上埋滿滿食糖水就返屋企喇~~
好野,又無hang機~~~~~
回覆阿蓋:
唔好咁啦,雖然今日係打唔成
不過總有機會既~~~
我當然係會搵你啦!!!死搵添呀!!!!
我點睇都唔係貪新厭舊個D人卦!!!!
>>September 19, 2003 at 12:52:03 AM GMT+8
2003 年 9 月 17 日 星期三 【晴】
希望可以係hang機之前完成呢篇日記啦.....
今日有件攪笑野一定要記低呀!!
話說今日我要上普通話Lecture嘛~
我又遲到喎,咁入到去就求其搵個位坐啦
咁我就坐左係一個女仔隔離
開頭都不以為意,跟住點名tick attendence個陣
我就聊下個女仔講野,問佢係張name list入面既邊個名啦...
跟住佢一指,佢叫李康婷....
E??個名咁熟既???以前蘇浙隔離班都有個女同學叫李康婷喎
跟住我望一望佢側面....又好似唔係蘇浙個個喎....
咁就算啦....跟住再嗲多兩句....
原來佢以前都係讀蘇浙......E???
咁咪即係我識個個?????
但係點解我會完全唔認得佢既?????
佢個樣唔同晒呀....好邪~~~
當我知道左佢係我識個個李康婷之後
我即刻不禁爆笑左出黎....
咁都唔認得喎!!!我真係勁~~~~
當然,我都唔係淨係聊女仔講野既~
我都有聊我隔離個男同學呀...
佢叫做"阿文",跟住佢隔離個個就叫"阿民"....
umum.....
上完兩堂普通話之後,又要再戰QM
不過今日都OK啦....無之前咁大鑊~~
個D Matrix真係....Lor你個膽呀!!
上完之後,放兩個鐘break,咁我就同左一大班同學食飯喇....
等我試下記下佢地D名先....
Roy,Tim,阿明,阿海,Cammy,Carrie,Judi,Alice....
好似仲有Ga,不過唔記得喇....
今日都叫做講多左野Ga喇....其實呢班同學都無乜野既....
雖然佢地講個D野都係咸咸濕濕個D
不過又真係幾好笑....kakakakaka~~
之後再上多堂Crit. Think tutor
討論左D野咁囉,過得好快下都~~
落左堂之後,我就落左尖沙咀喇~
去左投注站買波呀!!
今日麥希又俾左D tips我呀~~~
其實尋日佢都有俾我Ga
不過我又唔記得左買....仲要中左添....Diu!!!
無左幾舊水呀嘛.....
所以今日一定要買啦....一定要中呀!!!!
之後就接左媽媽放工呀
行左陣尖沙咀,又食下野咁啦....
行下行下就行左落油麻地
咁我就搭81返屋企喇~~
回覆Paula:
我已經係IT totor,我玩ICQ個陣
俾左個電話no.你喇~
為左驚你又唔記得
我都係俾多次你啦!!
係60399672呀!!!唔好再話無我電話喇~~~~
回覆阿蓋:
你唔好咁啦...打牌就一定Ga喇!!
不過麥希原來星期四放1830呀....
所以我地又要擇日重賽喇....
之不過咁,宣洩情緒都有好多種方法既~
你有咩就打俾我啦!!!
電話係60399672呀,你都有Ga啦~~
永遠撐你呀!!!!
好野,打左咁耐字都無hang機~~
聽首歌慶祝下先~~
估唔到佢而家仲有一首咁正既歌啵~~
錯愛的呼喚 郭富城
最近你好嗎 他跟你算甜美吧
然而我要你記住將我背心沾濕那滴茶
遊羅馬當蜜月了嗎 暫借給他絕代芳華
然而我命你 終生要記得溫馨在文華
我待你好嗎 那次差點一絲不掛
仍然揹你披風帶雪亦值得牽掛
臨行咬過現在痛嗎
但你舉起淡綠的茶
垂頭說太愛誰為日後著想不要嫁
明明你也自命率真
怎麼變了認命的人
為何以為逃離了最愛便是再生
如果這算是愛 我也不忍責備你傻
我也許都有做錯 能值得死去活來世上有幾個
除非他像我 你怎麼可以認錯
若有天找到下個
如若跟他吻別時會令你很痛 問我
你待我好嗎 當天送你那束花
懷疑你喜歡得將它每晚都深呼吸幾下
其時你愛暫住我家 渡過今生未渡的假
為何當初天搖地陷亦未必想到嫁
誰輕輕叫喚你 你也急於再入愛河
我也許都有做錯 每個他走了又還你事後也記起我
除非他像我 你怎麼可以認錯
我最多准你恨我
誰願分開了六年會問掛念我麼
誰令你嘴角仍然暗暗覺得痛 是我
>>September 17, 2003 at 9:58:12 PM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
去左媽媽度訓左兩晚喇又~
快樂星期天~~~~
希望可以係hang機之前完成呢篇日記啦.....