|
2003 年 7 月 24 日 星期四 【晴】
在麥希家的第二日......
起身個陣差不多係1145啦,電視岩岩做"金裝四大才子"
咁我地3個就睇埋先啦,之後先出去食野~
我地去左新港城間"福岡拉麵"度食
我食左個金菇牛肉卷拉麵,都幾好食
而家仲幾抵添,仲有幾件壽司連野飲,都係廿幾蚊....
食完之後坐左陣啦,之後就返上去喇~
因為首領都黎緊......但係不嬲都慣性遲到半個鐘以上既佢
今次竟然只係遲左兩個字咁少
所以佢快過我地到....無所謂啦,由佢等下先囉咪~
佢上到黎之後,當然係竹戰400回合啦!!!
我覺得今次都刺激!!!大上大落個隻....
開頭我都有輸,之後又贏返,最高峰仲贏到70蚊Ga.....
不過之後又回落返,到打完個陣係贏左6蚊.....大數目呀!!!
我覺得自己都幾勁,食左鋪十三么呀!!!
不過最勁既係---我係食首領Ga!!!!kakakakaka~~~
之後首領又好勁咁,俾阿蓋搶槓一鋪清一色....
包左阿蓋一鋪.....哈哈~~~~~~~~慘情啦!!!
不過我又出沖左一鋪大三元俾麥希....勁呀~~~
跟住個D好賤既首領呀!!!係度勁做三番平糊呀!!!!
阿蓋輸緊先做都叫情有可原丫...佢條粉腸贏緊都死做!!!
仲要做左勁多鋪.....食屎Ga佢!!!!
我地由下晝1430到開始打,打到夜晚差不多2200
都有成七個半鐘頭啵.....犀利!!!!好耐都無試過喇.....
之後就係去食野喇,去左間唔知咩名既餐廳度叫送食飯
味道都ok啦,份量又ok啦,價錢都ok啦,唔算貴~
食完之後都2300喇,首領就走先啦...
不過我話佢都唔知會唔會趁我地走晒之後即刻跑上錦英....
算啦,唔好理佢啦~~~
咁我地3個就返返上去喇,訓多一晚先走呀!!
沖完涼,玩左一陣個腦,到0230個陣都係頂唔順太眼訓,上床訓Lu~~~
>>July 27, 2003 at 1:25:53 AM GMT+8
2003 年 7 月 23 日 星期三 【雨】
而家係0320,但我唔係屋企,係係馬鞍山呀!!!
因為我而家係麥希屋企呀!
開始發覺每日都係重複咁做同一D野....
晏晝輝輝打俾我,約我上Connie度喎....
咁我見無野做,就約埋大笪上去喇~
不過咁岩首領又打俾我,話去打乒乓波喎
佢已經遲左半步喇....
上到Connie度之後又係離不開個D啦,都係打牌呀!!
打左一個下晝,輸左成3蚊....係3蚊呀!!!!!
打到1915到啦,之後就同輝輝一齊走喇~
我去既地方當然唔係屋企啦,係麥希屋企嘛~~~
所以我同輝輝咪同途囉~~
咁我地就一齊搭803走喇~~~
我上到麥希屋企既時候,阿蓋已經到左十萬年喇!!!
佢兩個仲食緊野添.....咁之但係我未食喎....
所以麥希就好好人咁即場煮左個烏冬俾我食喇,幾好呀!!!
食完野,睇完"金牌冰人"之後
我地仲落左PK買野食添....都幾有去camp feel......kakakakaka~~~~
返上樓之後,我地鋤下D,玩下個腦就到0300喇~
之後都差不多訓Lu.....
今日真係要特別鳴謝吉米呀!!!
話說我執野黎麥希度訓個陣,以為自己乜都執齊晒啦!!
點知到左夜晚2300先知,原來我無帶到浸Con個D藥水呀!!!
呢個時候梗係搵救兵啦!!
我第一時間就諗起吉米呀!!咁就即刻打俾佢啦~
好真係唔話得呀!!!成枝旅行裝俾左我~~
江湖救急,出外靠朋友就係呢種喇!!!!
kakakakaka~~~~~~
8號風球,正~~~~~~~
>>July 27, 2003 at 2:09:32 AM GMT+8
2003 年 7 月 22 日 星期二 【晴】
今日又係而家差不多一個禮拜一次既Sport Day呀~
即係又係去左城大打毛羽球~~
約左輝輝,河妖,老V,大笪,麥希,Connie,阿蓋,仲有輝輝個細佬阿B添~
約1215係九龍塘地鐵站等
不過我同大笪就早到左,所以去左又一城買左個漢堡飽食先~
之後就岩岩夠鐘去join返佢地喇~
今次麥希第一次黎打,真係唔同D
果然係劉百樂毛羽球既天之驕子!!!
不過佢可能嫌我地實力同佢相差得太遠呀
所以係度特登讓賽.....
如果唔係我點會係佢手上拎到幾分呢....
不過我相信佢之後都唔會再去Ga喇
因為佢去到先知,原來係要入場費既...
kakakakakaka~~~~~
打完之後去左城大個canteen食野~
我覺得麥希同阿蓋應該係同一個人可以做到生死之交
佢地竟然拉攏其他人去杯我.....
不過佢地當然係唔成功啦!!!!
你兩個食屎啦~~~~~~~~~~~~~
之後上左輝輝屋企~
我同阿蓋,Connie同阿B打左4圈
阿B好強呀!!!!係咁食糊.....真係好有潛質呀!!!!
我最後贏左大拿拿4蚊呀....勁肉赤!!!^______^
之後我地既晚餐仲掂!!!
成個大食會咁呀!!!
老V好強呀!!!識整勁多野食!!!
都唔錯呀!!!個"老餅"最掂呀,好特別呀!!!
唉.....阿蓋.....你學下人啦.......
你除左識整公仔麵之外,仲識D咩呀.....
走左之後,我同河妖,大笪,Connie & 阿蓋出左大圍食糖水
首領都有黎添.....仲撞到阿舒同佢男朋友添啵~~~
食完之後,我地就各自搭車返屋企喇~
同大笪返到禾輋之後,仲坐左係佢樓下一陣先上樓
呀.....今日真係有D頭暈暈
返到屋企沖個涼之後都即訓喇~
幾個月黎無試過咁早就訓,都未夠0200....
>>July 23, 2003 at 1:22:41 PM GMT+8
2003 年 7 月 21 日 星期一 【雨】
呢兩日老天爺爺終於都肯落下雨啦!!!!
好呀~~~~連續兩個禮拜都酷熱警告
而家落下雨,即刻都無之前咁熱~~
今日無出街,留左係屋企~~
1230到起左身,不過都覺得唔係幾夠~
食完野,正準備再訓過既時候
凸然有人上黎.....原來係我姑媽~
咁即刻唔訓啦.....再晏D Karmen佢地又上晒黎~
仲有Dino添呀~~~所以今日屋企好熱鬧呀~~~
今晚我地無煮飯呀,叫外賣~
當然係叫阿蓋最鍾意食既Pizza啦!!!
不過無個種材料.....kakakakakaka!~~~
食到超飽呀!!!!!
夜晚係度講電話,講左3個鐘
收線之後feel到兩隻耳都好痛.....
回覆阿蓋:
你食屎啦!!!!全世界都知係你同麥希成日話我啦!!!
主席同大笪都可以做証Ga!!!!
你話我都唔止,仲要屈我!!!
你同首領係咪forever friend黎Ga?????
睇戲??我想睇"海底奇兵"先啵!!!
回覆Chisty:
好明顯呢D方法對我係完全起唔到作用啦~~~
因為我而家基本上每日都係食完就訓,訓完又食
食完又再訓,訓完又再食,但都無乜起色~~
好慘呀我!!!!!!!
>>July 22, 2003 at 4:04:44 AM GMT+8
2003 年 7 月 20 日 星期日 【晴】
今日下晝其實都打算同麥希,阿蓋去游水既
不過世事實在太多變卦喇~最後又凸然去唔成
陰差陽錯變左上輝輝屋企反....
我約左阿蓋1430係富安等,我到先既~
見到入面D大話蛋糕加1蚊有多件
所以我都用左6蚊買左兩件~
因為我未食過野,實在太肚餓喇,要頂住肚先呀~
上到輝輝屋企,Connie同大笪已經到左喇~
上到去叫返個外賣食先,一路食一路睇個個"左鄰右李"
D歌就好好聽呀,不過佢兩個講野個D真係好煩好悶
唔知佢地係咪覺得自己好攪笑呢??
睇左一陣之後,梗係又係打牌啦~
今日手風比起尋日好十萬倍左右啦!
都有唔少靚牌既出現....哈哈~~
到最後當然係有贏啦.....kakakakakaka~~
打到1900左右啦,我地就各自散啦~
輝輝,老V,Connie,麥希同河妖就去左馬鞍山游水
我同阿蓋就返屋企食飯喇....
今日係輝輝屋企,佢地話我似一個明星
我真係好驚好驚.....唔係呀嘛....無可能呀!!!
千祈.....千祈....千祈....唔好呀!!!!
聽到之後個心即刻寒一寒.....
回覆主席:
放心啦,真理係永遠都企係正義個邊既!!!
我都真係睇唔過眼呀!!!!
我地係會幫你Ga~~~~~~
回覆阿蓋:
你食屎啦!!!你自己一個個陣就無野!!
不過一同埋麥希一齊就PK啦~~~~
你仲好意思要我檢討??
簡直係欺人太甚呀!!!!
而家個天都睇唔過眼,懲罰你啦!!!
所以你游唔到水!!!抵死~~~~~~
回覆Chisty:
呢D咁common既做法對我係完全起唔到作用Ga!!
無論我食幾多訓幾多都係咁樣....
真係天意弄人,想肥既肥唔到
想瘦既又瘦唔到~~
>>July 21, 2003 at 2:22:34 AM GMT+8
2003 年 7 月 19 日 星期六 【晴】
下晝最熱最曬個陣,我出左去馬鞍山
目的就係上麥希屋企打牌~~~
約左首領,阿蓋同大笪
我地約1330,不過我就遲左少少,1400先到~~
我係佢樓下大家樂買左個乾炒牛河上去食~~
而家麥希同阿蓋兩條粉腸愈來愈過份
針對我都不特止,仲當我透明
完全漠視我既存在....
阿蓋食碗面反碗底,佢完全唔諗下係大陸個陣
係"愛上咖啡"入面,我用好味既芝士焗海鮮意粉
同佢換左個唔好食既吞拿魚意粉.....
哼!!!我地下次上去佢唔駛旨意我會同佢換呀!!!
我覺得今日都頗黑仔,打牌都係食左幾鋪糊
做咩都唔靈....上又上唔到,碰又碰唔出~~
最高峰既時候我都輸都差不多80蚊.....
不過....全靠我不斷咁力爭上游,默默耕耘
終於係臨完場一圈追返一半....kakakakaka~~~
佢地班粉腸當然係好失望啦.....
打到1930到啦,麥希屋企食飯
咁我地都走喇,大笪就返左屋企
我同阿蓋&首領就過左新港城食飯~
我地去左薀莎呀,仲係個度撞到Helen添~~
個間野好就好在唔會趕人走~
我地食完之後仲坐左兩個幾鐘先走....
而由於首領係度,所以中間講既內容都會有D咸濕野....
不過都幾攪笑既真係~~^^
食完之後都返屋企喇
係等車個陣見到我一個蘇浙既騎呢師兄----恐龍呀~
N年無見過呢個人,不過都比以前好左少少啦....
聽日麥希叫我去游水,不過我又乜都無
都唔知去唔去到~~~聽日先算啦都係.......
有一首新歌,真係正到暈!!!
真係會暈,唔係講笑!!!!超級無敵勁好聽!!!
絕對係陳慧琳登峰造極之作!!!
Melody正,歌詞都正,Kelly唱得仲正!!!
未聽過就快D係我shared file download啦!!!
勁期待佢隻新碟~~~
她比我醜 陳慧琳
朋友都說 你為了她心醉像個木偶 任誰力勸亦無力可拯救
我想到她比誰也更清秀 我不看一眼絕對不肯走
誰在此刻跟你成為密友 明白事實已經不能補救
我恨我尚要看清楚對手
難以見諒你太沒有要求 感情紅燈口
順勢遇到她的溫柔盲目地接受
你說今後 無人再動你念頭
明日我便會自由 而我想冷笑就夠
她比我醜 但竟可偷你走
內心鬆口氣 不用再忍受
若覺得她也算世界獨有
但我怎可看著你們 愛到直至白首
何解你 厭舊愛新 竟也沒有內疚
若誰令突然學懂偷走
我知道她必然有點優秀
我輸了所有 但說不出口
才用心找一個 堂皇藉口
其實漸漸化妝不停加厚
看著鏡內我更加的顫抖
唯有怨恨你太沒有要求 感情紅燈口
順勢遇到她的溫柔盲目地接受
你說今後無人再動你念頭
明日我便會自由 曾有的卻再沒有
她比我醜 什麼都比我醜
用這種方法安慰我感受
自覺得因過去愛你未夠
但我怎可看著你們 愛到直至白首
何事會令你逗留 何以她有我沒有
她比我醜 什麼都比我醜
用這種方法安慰我感受
若覺得她也算世界獨有
就以祝福送贈你們 要對著到白首
>>July 20, 2003 at 12:27:37 AM GMT+8
2003 年 7 月 18 日 星期五 【晴】
今日一起身就有D囉囉攣
因為1515要去Poly in個Social Policy
感覺上會覺得幾難,而且都無乜信心...
其實我個心都有諗過:不如算啦,橫掂我志不在此
但咁又點得呢????
去過in完,佢唔收我都死得眼閉呀嘛....
臨出門口之後,又要噴返黑個頭,攪左勁耐~
仲噴到成個額頭黑晒,不過睇慣自己染晒髮個樣
今日見到自己一頭黑髮,都幾好睇啵......kakakakaka~~
下期返璞歸真都好~~~
去到Poly,搵左一陣先搵到個室,仲見到煒哥添呀!!!
佢做工作人員呀~~~我入到佢淨係俾左個眼色佢
跟住就坐埋一邊,無耐之後就有個姐姐同我個team人做個briefing先
我個組得我一個男仔咋....D女仔都幾斯斯文文啵
唔知係咪扮出黎Ga呢???
其實成個interview就係我地8個人做個自己介紹先
跟住就開始討論一個社會話題
我呢個都算易講啦,講沙士對我自己既影響同
討論下楊永強應唔應該落台.....
都算係易啦,成組人講下講下都唁覺講左40分鐘...
見到今日呢個場合,令我諗起考中文oral點樣拎F
如果考oral個日有今日呢個表現就唔會F啦....
in完之後,同煒哥傾左一陣,之後仲一齊走添~
我就去搭火車,佢就去左做"占"喇~
睇下個電話,原來我in緊個陣主席打過俾我
咁我就打返俾佢問佢咩事啦....原來係佢好寂寞,想搵人陪
但係個陣佢已經搵到蛙仔同鼠欣喇,不過我都係去左join佢地~
由紅磡搭火車去到大學,再搭87K去新港城
去到食左個tea,又傾左一陣計
之後蛙仔同鼠欣就去左踩單車,我同主席就蕩左一陣啦~
到差不多1900,就打俾麥希叫佢一齊出沙田
出到沙田我地去左明將等位先
我地3個大男孩,居然係度講D情情塔塔既野....哈哈~~~~~
之後阿蓋同Denise都黎左,不過主席夠鐘學車就走先啦~
等左都頗耐先有位,一入到去就勁食
完全無理過未黎既大波心....哈哈~~~
唔知咩事呢排我都好似好好胃口咁~
食左好耐都唔覺飽.....唔知係咪第四期發育呢??
個個都食飽晒之後大波心先黎
咁我地就當然會等埋佢啦~~
阿蓋,Denise同大波心都講左D低B野,詳情見我info.....
食完之後,主席join返我地,我地就出左大圍食糖水
仲見到大笪河妖同Connie添~
唉,大笪真係唔應該呀....下晝主席叫佢出黎佢又唔出
但而家夜晚就出左黎同第D人食糖水
佢都唔當主席係friend Ga!!!
放心啦主席,我地一定幫硬你呀今次!!!!
食完之後,大波心同主席一支箭咁走左先~
我地就慢慢行返去新翠個邊搭
我又坐首領車呀今日!!!!佢又渣左佢架BMX出黎.......
都幾爽呀!!!!!!kakakakakaaka~~~~~
不過有D人首領話載唔到喎,唔知邊個呢??
回覆大波心:
如果你8月1號拎唔到張証
我地就唔理你,我地自己上去Ga喇!!!!!!
我地(除左首領之外)係絕對唔會等你Ga!!!!!!!!
回覆臭英:
你係咪問我in成點呀???我當你係啦~~
個interview都ok啦....但我覺得未至於好到佢會收我囉~
如果佢咁都收我,就真係超級好彩Ga喇!!
不過我已經盡量表現得最好Ga喇~~
你又o唔ok呀?
>>July 19, 2003 at 3:40:01 AM GMT+8
2003 年 7 月 17 日 星期四 【晴】
熱到成個人都吽吽地....
下晝秋玲打俾我,佢話佢岩岩係Poly in完出黎....
聽日就到我喇....我有少少緊張同少少徬徨呀....
雖然秋玲話個氣氛都幾輕鬆,去到就唔會太緊張
不過我都有D擔心呀~~~
我不嬲都無乜政治意識Ga嘛
我驚我聽日會講到九唔搭八咁呀,咁就樣衰呀嘛....
成組多過十個人係度講成粒鐘野....好似好難咁呀!!!!
D人又好似都唔會太弱.....
又要噴返黑個頭=.=
唉.....總之希望聽日逢凶化吉啦!!!!
愈來愈鐘意睇"金牌冰人"
我覺得張可頤古裝扮相靚過時裝~
個平安都幾過癮~~
有首新歌我覺得好好聽~~
月亮河 葉文輝
遠遠一束潔白星光墮 流到這地 點起燦爛滿座
剎那一身發亮是甚麼 欣然她將快樂傳給我
自由和甜蜜跟她雙雙穿梭 彎彎肥胖月兒掠過 就與她
浸在轉動變幻笑窩 流盪在髮畔星際銀河
那光與影交織奏這首歌
搖著跳著抱著靠著我輕輕訴 全城漫天唱和
萬個屋瓦上 浮飄過
剎那一身發亮是甚麼 欣然她將快樂傳給我
自由和甜蜜跟她雙雙穿梭 彎彎肥胖月兒掠過 就與她
浸在轉動變幻笑窩 流盪在髮畔星際銀河
那光與影交織奏這首歌
搖著跳著抱著靠著我輕輕訴 全城漫天唱和
萬個屋瓦上 浮飄過
搖著跳著抱著靠著我輕輕訴 全城漫天唱和
萬個屋瓦上 浮飄過
>>July 17, 2003 at 11:08:06 PM GMT+8
2003 年 7 月 16 日 星期三 【晴】
今日差不多全日都留左係屋企~
都好既....唔駛出街即係唔駛用錢~
連續出左咁多日街,荷包都元氣大傷
俾佢抖下都好~~
今晚晚飯先犀利呀!!!
好耐無試過係屋企食咁多野~
我食左三碗飯,兼飲左兩碗湯
哈哈~~~~咁樣都應該會肥返三兩磅卦....
食完飯睇電視,今晚第一次睇"律政新人王"
睇左頭15分鐘,見到有個個"豬籠".....頂佢....唔係好掂啵...
跟住就落左去陪Kei Yiu & JoJo食宵夜~
不過我無食到.....食完之後送左JoJo搭車
之後同Kei Yiu係惠康兜左一陣,不過無野好買~
之後都返屋企喇~
今日掃把頭同松松都相繼辭職
其實我覺得掃把頭基本上係做得野既
不過係太過hard sell 23條,成日叫人"放長雙眼","信佢"
先攪到人見人憎姐~
諗深一層,其實係咪諗23條出黎個條友仲有問題呢??
如果掃把頭唔係咁串,同埋唔好成日急於將23條立法
可能唔會咁多人唔妥佢Ga.....
至於松松,其實我又覺得唔駛辭職咁嚴重既~
D人就淨係識狂炳佢偷步買車,都唔諗下佢D好野~
其實佢都幫過香港唔少啦....
而家佢兩個都唔撈,其實對香港都未必係一件好事.....
真係唔可以低估遊行既力量呀~~~~~~~~
回覆大波心:
咁你就錯喇....阿蓋同我講話佢個日係屋企超無聊呀!!!
咁我呢???你無搵過我喇卦.......
算吧啦.....我已經唔想再聽你地既藉口喇!!!>___________<"
>>July 17, 2003 at 12:45:24 AM GMT+8
2003 年 7 月 15 日 星期二 【晴】
今日就勁喇......去左做運動呀!!
約左七輝,老V,阿蓋,大笪,Connie同河妖,仲有七輝個細佬阿B
1130去左城大打毛羽球
我覺得好好玩呀!!!可能少玩啦.......
我仲覺得自己有進步添啵!!!kakakaka~~~~~
不過開波就有待改善喇....成日都打唔到對角
一係就打出界.....唔係咁好睇囉>________<"
有得打多D就好喇~~~~~
不過最過癮係同大笪打,佢成日都會好無厘頭咁失分....好攪笑~
其實城大個體育館都幾大幾正
如果有朝一日讀到城大,一定勁叫人黎玩呀!!!
不過我真係真係好想好想打排球呀!!!!!!!
有無人肯同我玩呀????
打完之後大約1400到啦,去左南山村食Lunch呀!
原來城大行去石硤尾係咁近Ga!!!
去左一間餐廳到食,都幾好食啦,D野又大碟
連杯野飲都大杯過人....都唔駛30蚊,抵!!!!!!
食完之後,大家都無野做,就有人提議上我度喇
其實都可以既....咁就過返又一城先
之後先搭Van仔上黃大仙~~
上到去,打牌既打牌,打機既打機
不過我同阿蓋約左大面同吉米食飯
所以都玩左唔係好耐就要走喇....
我地1730係黃大仙走,1810先出到沙田
出到沙田見到大面同吉米,仲見到麥希....
係大面要俾返D野佢....哦.....原來係咁....
之後佢就走左喇....就咁就走左喇....唉~
咁我地本來諗住上和民食飯
個陣1820到,諗住應該會有位卦....
點知最後奇蹟都係無發生到,一樣係等位等到PK
咁就撤退唔等啦,去左新開個間味千食麵
不過都係要等幾個字....
我食左個味千辣麵....辣到PK,飲左啖湯即刻標晒汗....
好在同阿蓋交換左D湯先好好多!!
仲要左個芝士焗雜菌同芝士焗生蠔
全部都好好食呀!!!!!!真係唔錯!!!!
不過食完成個麵都唔係好夠飽囉~~
所以之後都去左"生跡癌"再食多少少野~~~
哈哈~~~~~~希望會肥返十磅八磅啦!!!!
仲坐左係個度勁耐添.....哈哈~~~~~
原來係"生跡癌"入面係見到好多攪笑野Ga!!!
首先係見到幾個劉百樂既師弟師妹呀!!!
佢地個個都好乖呀!!!劉百樂都仲未放暑假
有D就染晒金毛,同埋都係勁煲煙咋!!!都無隊草....
真係個個都係乖仔乖女啦!!!
其中一個師妹,身型都算肥啦,但著衫超靚呀!!!
上身係一件粉紅色吊帶,下身係一條賴屎牛仔褲...
再加對涼鞋添呀!!!靚到死呀!!!!
之後又有個女仔入黎,係典型既MK look
黑衫黑裙黑絲襪,再加對紅黑adidas鞋
但係前面就帶左條好大抽好誇張既銀色頸鍊
唔知佢係黑社會定黑寡婦呢???
之後仲見多個極品,係女仔黎既,不過男人樣囉~
唔.....睇到我好開心~~
飲左好耐,傾左好耐之後,我地就走喇~~
送左吉米同大面搭車之後
我同阿蓋又做左個創舉.....
就係由沙田新城市行到去新翠....犀唔犀利先????
足足係需要一粒鐘既.....
不過好在夜晚好風D,都唔算太熱~~
不過呢,去到新翠,岩岩開左班車
咁係巴士站等多一陣,見到仲有班車喎!!!!
不過呢....佢無停俾我,好快咁飛走左....
我問阿蓋知唔知咩事啦....佢話係鬼巴士喎....
頂....即刻個心寒左一寒.....
既然原來尾班車無左,咁就索性唔走住喇~
我地就係個巴士站度講野啦.....
我今次知道左好多驚世大秘密呀!!!!!!!!!
講下講下都講左兩個幾鐘頭,真係超級喪B黎Ga.....
我成0315先搭的士走.........超驚哩~~~kakakakaka
>>July 16, 2003 at 7:05:46 PM GMT+8
|
![]()
|
廣告 |
|
|
讀者留言 |
| 路人留言
|
 彥生, 你好耐無Update h
>>April 16, 2018 at 1:43:42 PM GMT+8
Eddie, 你的blog有很多
>>June 30, 2007 at 7:40:15 PM GMT+8
好耐冇見喇彥生~有時間打個電話比
>>May 25, 2007 at 1:43:57 AM GMT+8
哈哈～我都無你電話，點打俾你喎～
>>April 15, 2007 at 9:34:18 PM GMT+8
你幾時放假呀Gap?
<br>我
>>April 12, 2007 at 11:18:18 AM GMT+8
好耐無睇你日記
<br>笑鬼死我
>>April 2, 2007 at 9:55:47 AM GMT+8
hello..long time
>>March 28, 2007 at 7:13:30 PM GMT+8
how come!?haha~
>>March 23, 2007 at 10:55:39 PM GMT+8
哈哈~我又留言了~
<br>
<
>>March 23, 2007 at 1:18:56 AM GMT+8
我5月有3個星期大假, 同你去邊
>>March 22, 2007 at 11:07:07 PM GMT+8
Woo..I also juz
>>March 20, 2007 at 4:17:41 PM GMT+8
我仲打算搵日要你幫我留意下見唔見
>>February 17, 2007 at 11:14:04 PM GMT+8
a very nice diar
>>February 12, 2007 at 11:09:43 PM GMT+8
well..咁你條眉又真係勁粗,
>>January 23, 2007 at 11:43:40 AM GMT+8
我勁enjoy同老朋友吹水食飯同
>>January 13, 2007 at 12:57:16 AM GMT+8
hihi 彥生~^^
<br>好
>>December 15, 2006 at 1:50:10 AM GMT+8
請問你會唔會離行畢業禮架？
<b
>>October 26, 2006 at 12:17:32 AM GMT+8
唔辛苦又點得世間財?? 但3點幾
>>July 31, 2006 at 7:42:58 PM GMT+8
我套制服成個月都未有~~~!!!
>>July 4, 2006 at 8:01:12 PM GMT+8
明天首日上班~~很緊張!!
<b
>>June 4, 2006 at 10:10:40 PM GMT+8
工作完有錢就可以再去旅行la~
>>May 28, 2006 at 2:06:28 AM GMT+8
多謝哂呀~黃彥生先生。
>>May 14, 2006 at 8:30:02 PM GMT+8
你做乜響我全檔呀...my na
>>May 5, 2006 at 6:40:52 PM GMT+8
一於轉過黎xanga la
<b
>>May 1, 2006 at 2:23:14 AM GMT+8
Thx!!
>>April 30, 2006 at 5:42:04 PM GMT+8
喜歡 生日禮物 嘛??
<br>
>>April 29, 2006 at 11:14:22 AM GMT+8
遲左添~ 生日快樂啊~
>>April 27, 2006 at 2:49:53 AM GMT+8
生日快樂呀~哈哈哈~祝你開開心心
>>April 26, 2006 at 9:00:41 PM GMT+8
1.請依照問題遂一回答哦
<br
>>April 21, 2006 at 6:29:05 PM GMT+8
今日追看你的日記才知道有個"卉婷
>>April 6, 2006 at 4:16:14 PM GMT+8
希望你唔好破大笪既記錄啦！
<b
>>April 3, 2006 at 10:14:33 PM GMT+8
FRI要加油啊~~~~
<br>
>>March 22, 2006 at 1:40:36 AM GMT+8
做咩咁激動
>>March 20, 2006 at 11:14:23 PM GMT+8
哎呀，早知今日勁眼訓都彈起身上易
>>February 15, 2006 at 12:59:55 AM GMT+8
我今天很悲哀呀...等我打o係日
>>January 24, 2006 at 12:41:33 AM GMT+8
我真是愛死你啊,還記得在日記祝賀
>>January 23, 2006 at 1:33:42 AM GMT+8
有無買佢隻碟呀咁？貴人你幾時得閒
>>December 31, 2005 at 1:34:12 PM GMT+8
乜我咁勁咩???
<br>竟然可
>>December 26, 2005 at 11:41:16 PM GMT+8
不要說是雜貨，起碼我遵守規則，我
>>December 25, 2005 at 5:20:20 AM GMT+8
52.3真係好難買..不過我一早
>>December 22, 2005 at 1:07:44 AM GMT+8
You're so mean t
>>December 13, 2005 at 11:40:17 AM GMT+8
車
<br>玩過啦~~~
<br
>>December 3, 2005 at 12:42:28 AM GMT+8
你個愛情測驗o甘好玩ge??!!
>>December 2, 2005 at 11:57:40 PM GMT+8
<br>
<br>我要你下次係
>>November 28, 2005 at 7:45:31 PM GMT+8
唔駛負數呀
<br>我liste
>>November 26, 2005 at 12:25:57 AM GMT+8
哈哈
<br>
<br>chea
>>November 19, 2005 at 12:46:58 AM GMT+8
哦！陳慧嫻的玩味呀，好舊嚕！
<
>>November 18, 2005 at 2:47:00 AM GMT+8
我決定了，以後每個星期六
<br
>>November 14, 2005 at 12:03:50 AM GMT+8
你洗咪講到咁攪笑呀！
<br>
>>November 9, 2005 at 10:21:24 PM GMT+8
死野！我何只做左一件好事呀？？仲
>>November 9, 2005 at 12:46:33 AM GMT+8
|
|
在麥希家的第二日......
呢兩日老天爺爺終於都肯落下雨啦!!!!
今日就勁喇......去左做運動呀!!