2003 年 5 月 27 日 星期二 【晴】

係淑君度攪下攪下,竟然天光喇喎~
睇佢以前D相簿真係笑到我甩碌
我真係不得不承認佢而家係一個好靚既靚女黎既.....哈哈哈哈
走左之後我行返落黃大仙訓覺啦!
訓醒都係1500到~仲睇到"有肥人終成眷屬"添~
跟住再食埋野就返沙田喇~~

返左屋企之後玩下個腦先....過多一陣都食飯Lu~
食飯個陣睇"繾綣仙凡間",都頗OK啵~
我覺得呢套劇都幾有意思...."香既花未必靚 靚既花又未必香"
唔.....真係好有衝擊,對我既價值觀都好正面既影響.....
哈哈~~~~~~我亂up咋!!!!!!!! ^_________^

呀.....今日竟然有兩個人中左飛碟型肺炎啵....
尋日又有一個....邊個咁唔小心呀......
不過原來係醫院病房入面感染既....小心D呀嘛~~~

我發現左一個方法,可以係呢個時候都寫到日記
呢個辦法真係好絕~~~
就係1900前Login左之後死唔Logout就得啦~
Shhhhhhhhhhhh 唔好話俾人聽呀!!!

今日都無咩好記,所以好短....
聽日我諗又係可以休養生息喇~~
沖涼先喇,bye~

>>May 27, 2003 at 11:35:16 PM GMT+8

2003 年 5 月 26 日 星期一 【晴】

嘩嘩嘩!!!!真係出奇過出奇蛋,竟然有人話我寫日記寫得太多字
呢D野好難Control Ga啵....有時我自己都唔知Ga~
打下打下就打左咁大篇....不如你地俾多少少耐性睇啦....
都唔會阻大家好多時間Ga姐~

其實本來今日爺爺要出街,咁我就要留守係沙田睇住Ma Ma既~
不過唔知點解又話遲D先出喇喎.....

係黃大仙個邊1130到起身啦....跟住拿拿聲換衫執野起撈
約左淑君,大笪,七輝上Connie度打牌嘛~
我地五條友,凸左隻腳出黎
咁我同淑君就一人打一圈咁啦,我地都有贏啵....
kakakaka~~~~~打左唔係好耐,到1900到啦
七輝要返屋企食飯喎,咁佢就走左先啦....
我地再攪埋少少搵工既野咁就走左出去食飯囉~

其實夜晚原本係約左Cathy佢地吃飯既
不過最衰都係自己,抵受唔住引誘
返左黃大仙沖左個涼先,換左件衫
跟手飛的去左慈雲山淑君屋企做飛數......kakakkakaka~~~
放左Cathy一次飛機添,真係抱歉~
無所謂啦,大家咁熟,下次見到佢送返份大禮補數!!
不過話時話,唔知咩樹我塊面好似無咩進展既???
我已經每日洗幾次面Ga啦,但係好似無咩起息咁既.....咩因由呢?
我諗都係時候同D卡樂B薯片,蝦條割蓆絕交喇!!!
不過咪講笑,做完之後真係幾好feel啵....特別係黐完黑頭呀!!!!
黐完黑頭個張野真係好可怕,真係睇得出D黑頭係一枝枝豎起
都幾核突下....而家個鼻好左少少啦....
下次再有機會都係要黎多次,難得佢唔收錢嘛~
不過唔得既....雖然熟姐,都係均爭D好D~~
我個人就係咁,咁有原則.........kakakakaka~~~~~~

回覆靚女kaa:
難得我唔怕打咁多字呀!!!你唔覺得我日記既內容好豐富咩????
同埋我梗係無俾錢啦!!!
呢D花臣野你都可以攪Ga!!!你鍾意我咪教你囉~

回覆包包:
七友梗係正啦!!!我而家係屋企狂煲呢首歌呀!!!
你可以一路睇住我日記,一路唱七友
心情都會好D!
kakakkakaka~~~~~



>>May 27, 2003 at 11:08:18 PM GMT+8

2003 年 5 月 25 日 星期日 【雨】

1230就起身,幾早呀!!!
起左身之後同媽媽,哥哥落黃大仙飲茶
落去個陣落狗屎呀!!!!!
我又白痴啦,著左對presto落去...
最後個結果就係對鞋濕晒囉....

飲完茶之後返屋企,過多陣等左雨之後就同媽媽出左尖沙咀行
竟然係海港城迷路呀....真係講都唔信......真係好大呀~
原來馬可波羅酒店就係係正海港城隔離咋!!!
行完想走個陣,又落狗屎....頂>___________<

想同媽媽食和民,頂你個肺
又係排爆隊,真係唔得你死!!!
次次想食親都萬幾人等位既????
最後都係算喇!!!返屋企食算喇~~~

呀.....近排香港好似有返D起息啵!!!
早兩日聽到話世衛撤銷左對香港既旅遊警告
跟住又有SARS零感染既紀錄....聽到都幾開心~
香港都終於解除SARS既威脅喇^_________^
其實我諗個個"陳防腐珍"係背後都做左好多野既~
日日都見到佢話同世衛個邊交涉
話叫佢地盡快撤銷對香港既旅遊警告
可能真係"精誠所至 金石為開"都唔定啦~
不過點都好,香港終於都有返D positive既消息俾全世界喇!!!!
Yeah~~~~~~~

>>May 27, 2003 at 6:20:33 PM GMT+8

2003 年 5 月 24 日 星期六 【晴】

Happy Birthday to Cathy~
祝佢靚D靚D再靚D
快D搵返件索仔!

起左身之後落一落街,借左部Digital Camera俾Kei Yiu
再陪埋佢搭車返工我就返屋企再訓過喇
kakakakkaka~~~``

下晝同媽媽出左沙田兜左陣,睇中左隻水晶耳環呀!!!!
即係Edison個款呢!!!!
好靚Ga!!!!

再晏D哥哥同阿甄就上左黎食飯啦
食埋飯我就跟佢地返左黃大仙
個晚仲四個開檯添啵~~~
哥哥贏左幾舊水呀,不過都係贏佢條女
即係無肉食......kakakakkakakaka!!!!

0330到就訓喇~

Happy Birthday to 柏芝 ^______^

>>May 27, 2003 at 6:04:06 PM GMT+8

2003 年 5 月 23 日 星期五 【晴】

今日就唔同喇......因為我出左去嘛~

前一晚成0300先訓,今朝一早,今次真係一早呀!!!
0710就起左身,因為0800約左我地7個男仔去打乒乓波啵........kakakakakakka~~~~
尋晚麥希仲漏夜打黎,千叮萬囑叫我唔好遲到,咁我當然不敢怠慢啦!!!
其實我不嬲都甚少遲到Ga啦....
約左大笪0740係禾輋巴士站等,等到0745佢都未到就打俾佢啦~
點知.....佢唔知醒.....頂....算啦,我咪自己去先囉~
我好準時呀,0755就去到小瀝源喇,不過去到得我一個,即係我最早到
不過又無所謂啦,咪等下囉....等左一陣,0805到啦,終於有人到喇....
係麥希.....唔.....算佢有返少少人性啦!
咁我地兩個就係小瀝源個運動場門口吹左陣水啦
過左15分鐘,有第一隻禽獸出現喇....係首領呀.....一.一
我地3個係門口坐多陣,正準備去D有冷氣既地方坐既時候
第二隻禽獸出現喇....係大笪呀!!!
咁我地4個就去左第一城麥當當坐啦,佢地3個去先,我去禁錢先~
禁完返黎,第三,第四隻禽獸黎左.....歐佬同主席!
再坐一會之後,最後一隻禽獸都黎埋喇,係蛙仔~
天啊.....個陣係0845喇......雖然我地book左十點,有大把時間~
咁我地就係麥當當食左個早晨全餐先,之後就去打波喇!~!~

打左兩個鐘,真係笑到收唔到聲....歐佬囉....成日係度攪gag!!!
一係就打air,一係就打個波落檯底,kakakakakkaka~~~~~~~
不過比起F.6個陣,佢都有好多進步喇....我都好安慰....^______^
之後有一鋪係我同蛙仔part,仲無奈....
我地一直都有個好絕既規矩,就係如果打中對方既下體係即刻加兩分既.....
同蛙仔part完之後,我真係要對佢下體既size重新估計!!!!
天啊......試問我又點會估得到佢既下體俾人打中左三次呢?????
咁即係白白就無左6分.....哎呀.......
個鋪真係輸得不明不白嚕@.@
仲有呀.....主席始終都係唔可以打破宿命
次次都打唔到去第3局....哈哈~~~~再努力吧!!!!
兩個鐘好快就過左去Lu~~硬係覺得唔夠喉,下次再打呀要!!!!

打完之後,原來邐住係碌Lane既....
不過唔知幾時沙田個間AMF關門大吉啵>.<"
咁我地就去左做一件比碌Lane更有意思既事.....係打牌~
我地7個男仔去左麥希屋企打啦,仲叫埋阿蓋黎添!
不過太多人喇,要打partner呀,經過抽籤之後,我同左蛙仔
今日手氣麻麻喇.....打邊瓣黎邊瓣....仲出沖左鋪8番俾主席
就係咁....佢贏左我廿幾蚊之後,就割禾青走左喇......
佢話約左條女喎,下次要連本帶利拎返呀!!!
之後有一鋪仲絕呀....差D當場激死左!!!

話說有一鋪係阿蓋坐麥希上家,我坐麥希下家
咁阿蓋就已經供到麥希索子十二章喇!
個陣都仲係好早,我相信佢叫緊個隻唔係索子~~~
咁我就打左一隻未斷既七索出去
點知.......果然不出我所料,真係無事^________^
跟住麥希摸左隻牌返黎,打左佢原本個隻,原來係南黎既....
跟住到我,我以為佢轉左隻索子啦,咁我就打左一隻我以為好安全
而且出面地下都有既西,就係呢個時候,麥希翻轉左佢隻牌....
原來佢叫緊西.......即係話.....我出左沖
天啊,試問我又點會估得到佢咁聰明,打南叫西呢????????
我心入面即刻@#$%^&zxy......kakakakakakaka~~~~~
個鋪成3番Ga!!!!!.\~/.
同佢地打牌真係會發現到好多野.....
我發現左原來首領係鍾意阿蓋Ga!!!!!!!!
話說又有一鋪,首領清一色萬子九章落地
阿蓋又唔知做緊咩大牌,咁佢就打左隻五萬出黎
無事喎.....咁大家都以為好安全啦.....轉個頭
蛙仔又打隻五萬出黎,點知首領就食左糊喇.....
哈哈~~~~~認真絕呀首領,唔食阿蓋食蛙仔!!!
除左首領暗戀阿蓋之外,我真係諗唔到第二個理由佢會咁做囉......
我地打左幾粒鐘,打到1930到就閃喇~
我同歐佬,蛙仔,首領大笪出左新港城食飯呀!
個間叫薀莎既西餐廳都OK啦~
又唔算好貴,野食都可以啦~
食到咁上下,麥希又出返黎吹水....
就係咁樣,我地又坐係新港城麥當當直到人地打烊喇~
大約2200個陣,大笪走左去食糖水呀......
其實我知道唔係咁簡單既......kakakakakakakak~~~~~
咁我地就繼續坐到2230到啦,就陪蛙仔等車喇~
佢走左之後,我同歐佬,麥希就行返過耀安
買埋野飲,我就搭85K返屋企喇~~

返到屋企,差不多0000喇~
5月24號即係Cathy牛一,咁就打左俾佢祝佢生辰快樂啦~
仲講左一陣添....
講完之後見到有封Poly寄黎既信,以為有咩筍野
點知係廢既~
大學同我愈來愈遠喇........>_________<"

再on下line,又到0300先訓,勁呀!!
唔怪得之我個樣愈來愈殘,愈來愈衰啦.......=.=

>>May 24, 2003 at 2:21:08 PM GMT+8

2003 年 5 月 22 日 星期四 【晴】

都係閒賦在家的一天~
都係睇下電視食下野個種啦
無咩好記~

係咁啦,bye~

>>May 24, 2003 at 1:04:22 PM GMT+8

2003 年 5 月 21 日 星期三 【晴】

閒賦在家的一天~~

上海麵與菜肉包
(一)
某天，上海麵同菜肉包因小事而爭拗，雙方大打出手，菜肉包俾上海麵打到死死下，於是係走之前，同上海麵講:『哼，你夠膽就咪走，我去班馬。』菜肉包就去叫埋煎包、饅頭、麵包等，準備去搵上海麵理論，就係路上遇到公仔麵，菜肉包佢地就圍住公仔麵毒打，公仔麵俾佢地打到口腫面腫，佢問菜肉包點解打佢，菜肉包就話：『哼，上海麵，你唔好以為你電左髮，我就唔認得你！』

(二)
話說公仔麵俾菜肉包佢地丙完後條氣唔順，於是搵埋米粉，烏冬麵，日本蕎麥麵和炸醬麵，去搵菜肉包算帳。點知，係路上遇到小籠包，公仔麵由頭到尾望一望小籠包，然後就話:
『兄弟們，上! 』 公仔麵打得最為大力，丙完小籠包後， 麵族人問公仔麵:
『嘩，頭先你好重手喎，乜你好憎佢架咩？』公仔麵就話:
『本來諗住係咁意教訓下佢就算，點知佢居然扮cutie，學人著童裝...越諗就嬲咪打佢鑊金金地囉。』

(三)
話說小籠包俾公仔麵誤丙之後，消息傳遍成個麵界，個個都話公仔麵好 "近"，某日，拉麵係街上遇見水餃，以極之詫異既眼光笈住佢，水餃正想上前問之際，拉麵已連跑帶跳咁走左，拉麵同係街上見到既每一個麵族人都話：「 "近"呀！果日公仔麵將菜肉包打到成塊面都歪埋一邊呀...」

(四)
小籠包知道自己點解會俾人打之後.....覺得好委屈.....
於是將情形話俾麥包，豆沙包，生煎包同雞尾包知，於是同佢地去打公仔麵，結果係路上見到杯麵，小籠包驚到哩埋，因為杯麵著左避彈衣,小籠包唔敢去招惹佢，係逃跑途中遇到銀絲捲，小籠包心諗 ："哼，將呢個喱埋係棉胎訓覺既上海麵托返去做人質 "
於是就帶佢返包族，準備將銀絲捲放入火爐嚴刑逼供，就係呢個時候，包族既長老仆倒咁走黎話:
"果個唔係上海麵黎架，佢係我派去既臥底呀!@#$%&.."

(五)
話說菜肉包上次俾上海麵丙左鑊之後，心情好唔靚，因此搵埋小籠包、九菜包、生煎包、麥包一齊去打邊爐去衰氣，一入門口就見到金菇，包族一齊沖埋去打左金菇一鑊，佢地一路打一路話：「噓，唔好以為你戴左頂帽，我地就認你唔出先得架！」

(六)
再話說上海麵一族同包包一族，兩族族人積怨已深，兩方人馬成鬼日都因小事互毆。一日，麵族一群人係街到行，見到叉燒包一人係樹食飯。正所為仇人見面分外眼紅，諗番起之前公仔麵佢地既恩怨，二話不說，就將叉燒包狠狠的毒打，上海麵邊打邊叫：「哼哼哼，嘔血又點呀，打，同我大大力咁打!」
俾人打爆缸既叉燒包去搵菜肉包求救，菜肉包一怒之下，聯同高力豆沙，綠豆糕去火拼，戰情一觸即發，路人紛紛走避，淨係見意大利粉一個人係樹過馬路，於係一群人上前將義大利粉打左一餐，菜肉包邊打邊叫：「哼， 你唔好以為你做左"負離子"我就唔認得你呀！」

(七)
某日，菜肉包同蛋餃又因細故而發生爭執，雙方更大打出手，但係因為菜肉包食得太飽，俾蛋餃打到落花流水，於是係走既時候，又同蛋餃講左一句：『夠膽就唔好走，我叫人黎』
三個禮拜後 ，菜肉包約左生煎包、饅頭、麵包等，準備去搵蛋餃講數，就係中途遇到水餃，菜肉包等人於是圍住水餃毒打，菜肉包：『哼，你個死蛋餃，唔好以為你係呢三個禮拜用左SK-II美白，我就認你唔到先得架！』

(八)
星期日，菜肉包同菠籮包，麥包，叉燒包去食飯，係路上見到粉絲踩住單車經過~~~
佢地就將佢拉落車打~~~~打完之後~~~菜肉包好不屑咁話:
“超，好心你呀，隱身術都未練好就唔好出街啦~~冇鬼用!!"，之後菜肉包等人繼續去食飯。

~~完~~

回覆Connie:
你呢個係一個問題定係一個句子呢???

回覆阿包:
咁你呢兩個月咪無無聊聊戇居居囉??
唔搵D野攪下??
仲有,似機械人即係咩意思呢???
都係咁英????

>>May 22, 2003 at 2:15:49 PM GMT+8

2003 年 5 月 20 日 星期二 【晴】

由於出左去唱K既關係,所以差不多0900先訓
不過都係訓得個幾個鐘咋,到大約1330就醒左喇
成個下晝都無乜精神,十下十下咁囉~
臨訓之前食左個公仔麵
起身之後又係食公仔麵,好悶耶.......=.="
不過屋企又無其他野食....唉,算啦~

過左一陣到左大約1730又走去訓過
一訓就訓到1945,到食飯爺爺先叫醒我
但係我好似約左阿蓋睇戲 Ga啵....
咁就唯有即刻用最快速度扒左碗飯
跟住拿拿聲換衫裝身,係2020出門口啦~
出到去買左飛先,套戲開2200啵~
咁未開場之前我地就去左仙跡岩飲野啦~
到夠鐘就入場喇,睇"兇群出洞"
麻麻地咁啦,有個性場面都幾核突
不過成套戲最得人驚唔係D老鼠啦
而係個男主角個媽媽呀!!!!
成塊面都係紋紋....成個驅魔人咁耶.....勁恐怖~
不過好彩佢好快就俾D老鼠仔咬死左!

睇完戲,差不多2345到啦,見咁早大家都唔想回家住
咁就去左泰華食野兼吹水啦~
我地又係度討論究竟肥野係Grad. din.個日會點打扮啦~~~
呢個話題真係太攪gag喇.....哈哈~~~~
真係好矛盾耶.....又想見到佢個look
但又驚會嘔喎.......唉~
呀.....仲有呢,阿蓋話早幾日係劉百樂入面見到司徒派飯同佢條仔嗌交喎~
唔知佢地和好未呢???
希望佢兩個可以白頭到老啦~~~~唔好再周圍出去攪其他人喇!!!
傾下傾下又同佢傾到0200
傾到人地鋪頭都打烊囉~咁就唯有撇啦!
咁我地就係沙田中心行返禾輋,去到禾輋佢就坐私家車走囉~

返到屋企兩點幾,on下line,攪到0400先去沖涼
沖完涼又繼續online,同下阿沈傾計
又係0600先訓,勁唷~~~

呀~~~前日咪同左佢地出去唱K既...講返先知
原來我一入劉百樂個陣佢地個個都覺得我好串好曳喎....
真係好奇異耶~~~~~
個陣我都只不過係未染返黑個頭同Gel左頭之嘛~
咁我個陣一個人都唔識就梗係唔出聲自己坐埋一邊Ga啦!
唔通笑騎騎望住人咩.....
講返起都幾攪笑~~原來我第一日讀劉百樂俾D同學既印象係咁既....^^
佢地仲話連望都唔敢望我呀.....kakakakaa~~~~駛唔駛呀.....
不過佢地而家終於都知道我其實係一個
心地善良而且天真無邪既男孩子喇~~~~未為晚也!!!^________^

回覆阿包:
算啦,我都預左自己F
而家係望佢oral佔好少percentage,影響唔會好大啦....
不過中文個C又破滅左喇....
而家....無野做呀,日日都好得閒呀~
都會搵野做既.....不過都預左搵唔到喇~
你呢?

回覆藍草莓:
haha~ok La~
或者我都會有一日見到你係火車上面同人.....
哈哈~~~

>>May 21, 2003 at 2:49:58 PM GMT+8

2003 年 5 月 19 日 星期一 【陰】

唉...中文oral....舔左屎喇....
1710去到楊葛小琳,我又係第二批先考得既人
咁就又係等等等啦...等到1750先有得去考
個人短講題目係:準備考試的日子
都唔好講既>_______<"
都係怪自己唔練啦,寫到成張咭密麻麻Ga喇
點知原來講就好快講完....
結果.....唉.....咪剩左1分10秒囉....
考完之後成個人即刻down turn啦~~~
不過都要控制自己情緒,討論個part更加唔可以衰!!
過多10分鐘左右就考討論喇~
小組討論題目係:如果要令到香港更加蓬勃,你認為香港應該"中國化"定"國際化"
成組5個人都係話應該國際化....
咁講咩唧??仲討論到D咩唧???
我都講得唔係好多野咋.....
如果F左就真係樣炳喇!!!一.一
我發覺去親楊葛小琳考oral都死Ga!!!
F.5個陣英文oral又係衰左!
唉......邪門呀!!

考完都已經1840,咁就出左尖沙咀同Miss Ng食飯慶祝佢生日啦~
係田心搭88M出去,原來3蚊咋喎?!抵搭啦,又快!
今晚出黎既有Cherry,Lydia,七輝,河童,Connie,Hoi Kei,Mon同邦啦!
去左五十嵐食日本野呀,D野OK啦,普普通通咁~
食到尾個陣煒哥都出埋黎啵~勁開心!!
當然仲有影下相咁啦~
我都係第一次同Miss Ng出去食飯咋!
佢生日要俾俾面既......^^
食完之後,Lydia同邦都走先
跟住我地一大班人就落左旺角唱K喇~
不過落到旺角之後先知原來河童係唔唱既...
咁佢就好瀟洒咁走左......
咁耐以黎都係第一次同煒哥同Cherry唱K~~哈哈~~
當然係掂啦!!!一唱就唱到今朝6點~
之後就鳥獸散喇!
原來諗住係旺角搭81返禾輋
點知佢原來要0630先有頭班車係佐敦開出,Shit!!!!
咁就唯有焗住搭火車啦~
返到沙田就同Cherry一齊搭80M返屋企喇....
返到屋企,唔係講笑,即刻沖涼洗頭呀!!個身勁痕.....
再食多個公仔麵,就打日記喇~
打完就訓Ga喇~

回覆高妹&Yoyo:
食飯當然係無問題
都話搵日出黎BBQ啦~
好唔好呀????
係喇,而家大家都得閒,天氣又熱
最好就係係屋企開住冷氣咁黎留言啦,right???

回覆藍草莓:
如果俾著我,我都唔排除我會咁做既可能性,哈哈~~~
不過總之見到人地咁樣就好篤眼篤鼻啦!!>________<
(勁變態~~~)

回覆阿心:
發生咩事你咁燥呀????
ICQ一定要詳談呀!!!
俾個機會你盡訴心中情!!

>>May 20, 2003 at 8:42:35 AM GMT+8

2003 年 5 月 18 日 星期日 【陰】

今日晨咁早(11點幾)就起左身,出左銅鑼灣同中環囉~
係銅鑼灣仲撞到Hoi Kei添~
世界真細小小小呀!!

係搭火車同地鐵個陣,見到一個大家成日都會係車廂見到既情景
就係有好多好似糖黐豆咁既情侶響樹攬攬錫錫
好多時候就係個男既攬住條女條腰
然後條女就箍住條仔條頸....
其實本來都無乜問題既,不過最難以接受既係
男既係牛扒,女既係豬扒咁係度纏綿囉~
真係唔得佢死....兩件嚇人既物體係度E泣
好恐怖耶~~~~~~=.="

而係車廂既另一邊又有一對情侶,又係好攪gag~
應該係個男仔既唔知做左D咩激嬲左個女仔啦...
以下係佢地既對話.....
男:今晚你想食咩呀?
女:(無出聲)
男:做咩唔應我呀?
女:(無出聲)
男:做咩呀,仲嬲呀你?
女:你都唔care我 Ga!淨係掛住睇波,又唔打電話俾我....(仲喊埋出黎添)
男:對唔住呀,一時唔記得左呀,下次一定唔會Ga喇!!!唔好喊啦...
女:(仲喊緊)
男:哎呀...sorry呀,唔好咁啦!
女:正一死人頭黎Ga你....
男,女:(攬埋一舊)
我:(偷笑)
其實我就有幾樣野唔係幾明....
第一:個男仔一時唔記得打俾個女仔姐....唔駛嬲呀嘛...每日屙幾次尿都話佢知好唔好???
第二:個女仔喊乜Q野呀??大庭廣眾響樹喊,幾唔好睇呢!!!
第三:點解佢地明知有個陌生人(即係我)係佢地一米範圍之內,都有能本事講D咁肉麻既野出口呢??唔通佢地知我無情人,想我妒忌???

返到屋企,都係online,食,睇電視個D囉~
夜晚唔小心睇左少少"老歌伴我行"(麥希好鍾意睇個個節目)
見到pizza姐著左件露背衫又唱又跳,唔知發生咩事....
為左唔想嘔,我入左房玩我個腦!

陣間就考oral囉~
都未練過,唔知點好~

回覆Yoyo同阿蓋:
你兩個都係俾我迫黎留言既....哈哈~
不過都唔可以咁講既
正所謂"隻牛唔飲水就點都禁唔低佢個頭"
所以你兩個都係乖乖地多d黎留言吧啦!^________^

回覆阿包:
哈哈~~你講得好抵死...
希望佢唔會睇到呢個日記啦...
哈哈!!!!!!

>>May 19, 2003 at 1:55:22 PM GMT+8