| 日記 | 日記主簡介 |
||||||||
2004 年 10 月 17 日 星期日 【微冷】 2004 年 10 月 4 日 星期一 【微冷】 2004 年 9 月 17 日 星期五 【晴】 2004 年 9 月 1 日 星期三 【晴】 2004 年 7 月 17 日 星期六 【綿綿細雨】 哈哈～今日終於有得去ｃａｍｐ啦～晨咁早就同ｊｏｙ丁傾電話，約今日幾點邊度等， 之後出到去，就同佢一齊食早餐，食食下就無端端有個ｉｄｅａ想叫ｋ明＆敏落黎食早餐～ 食完，我同ｊｏｙ就去百佳買野，點知買左勁耐，為免敏敏陪我地一齊遲到，所以叫佢走先～ 我同ｊｏｙ丁一買完野就衝返上去啦～返到去，都未開始．．之後就一齊唱下詩歌，分下組～ 之後出去食埋飯，返黎影埋張大合照，就出去搭車啦～點知．．架旅遊巴唔見我地就走鬼左！ 搞到我地等左成９個字！激氣！！上左車，超眼訓，勁想訓覺， 但成日俾人拍醒．．．＞＜、最終都冇訓過～～ 去到，抖左陣，就開始活動啦～一連四個活動都係我講解～佢地都好似幾聽我講野咁喎～^^好開心！ 完左，就係自由活動時候啦～咁我梗係玩沙灘排球啦～我、敏、娟＆簡ｓｉｒ為一隊； 牧師、志文、ｋ明＆友友為一隊～真係玩得超開心！但我就狂食沙．．．＞３＜、 玩完就返房啦～個個爭住沖涼，我就冇爭到，因為夜晚仲要行山～所以沖黎都無謂～！ 等佢地沖完涼，就食飯ｌｕ～～但我冇乜胃口，唔知做乜．．之後返房，無端端發冷， 又肚仔痛，咁咪諗住唔行山囉～點知ｋ明以為我扮野！！激氣！咁廢事佢又話我， 咁我食粒藥咪同敏敏出去囉～真係好彩我有去行山，唔係又少左次經歷！ 我地今次夜行既目的地係木棉洞，兩至三個人為一組，隔５分鐘放一組入去～ 我差唔多排到最後．．咁我ｏ個隊都有好多人，我、娟、ｍｉｓｓ ｌｉ＆ｊｏｙ丁～ 後來加埋簡ｓｉｒ、雞雞＆ｋ明～我地一路行，一路傾計，超開心！之後又加埋志文＆友友入隊～ 真係好多人！行行下，見前面ｏ個隊行得慢，咁我地咪停ｏ係條斜路度囉～跟住無端端唱歌～ 一排人ｏ係度唱歌～真係超壯觀呀！！哈哈～最衰冇影相啦～蝕左！ 之後再行多兩三分鐘就到達木棉洞ｌｕ～去到，見到成班人坐哂ｏ係度，真係嚇親！ 影完幅相，就拿拿臨走人，行到去個山坡度，就一齊祈禱加總結～之後就返去ｌｕ～ 返去既時候，我地６個人用２支電筒，真係要互相關"照"先得，我仲要排第一， 仆左幾次，搞到支電筒差ｄ爛哂．．＞＜、幾經辛苦，最終出到去啦～^^ 返到去，沖完涼，見訓唔著，咪同娟出去傾下計囉～點知一傾就傾到３點幾４點～ 傾到眼訓，咪返房囉～但見ｊｏｙ丁訓得咁舒服，我都廢事同佢爭床訓～我坐ｏ係地下， 攬住背囊訓～訓左一個鐘，頂唔順，都係要上床訓～但加埋我都係訓左３個鐘度．．．－，－ 完～ 感恩既事： 又經歷多一件事啦～^^ >>July 29, 2004 at 9:50:37 PM GMT+8 2004 年 7 月 16 日 星期五 【驟雨】 今日我阿媽晨早叫醒我返學，點知原來３號風球～因為時間關係，我尋日已經同阿媽講左， 如果今日３號風球就會唔去ｃａｍｐ～雖然今日去唔到ｃａｍｐ，但係學就要返．．． 不過我賴床成功！唔駛返學～^^訓醒之後，就同ｊｏｙ丁一齊鬧＜圓規＞， 但ｊｏｙ丁廢事蝕左一日假，所以就約左出去唱ｋ啦～出到去，又係我最早到～^^ 點知上到去，超多人～估唔到打風都咁多人去唱ｋ．．．之後拎左飛，見冇野做， 就去葵涌廣場食野啦～食完，阿娟先黎到～ 跟住我地就返去等，等成個鐘都未有房！激死！幾經辛苦，終於有房唱啦～跟住不斷唱不斷唱～ 都好似未開到聲咁．．之後唱唱下～死ｊｏｙ丁無端端話我扮女仔唱歌～ 搞到我都唔知嬲好定笑好．．＞３＜唱完，就各散東西ｌｕ～～ 完～ 感恩既事： 雖然冇得去ｃａｍｐ，但有得唱ｋ，都好開心！仲有多謝ｋ明車埋我返屋企！^^ >>July 29, 2004 at 9:03:50 PM GMT+8 2004 年 7 月 15 日 星期四 【晴】 今日一上完堂，就返屋企換衫去亞斯理整衫～超趕，因為要今日之內整好ｄ衫，聽日就要俾佢地著啦～ 真係好驚整唔切！點知我飛的去到，娟同雞都未到～！激死～之後我咪執下呢樣，執下ｏ個樣囉～ 過左陣，雞雞就黎到啦～再過多一段時間，阿娟都黎埋啦～（終於齊人啦～）之後就正式開工喇！ 我地試印左好多次，都唔成功～不過我地冇放棄，不斷咁加工！最後都整到一個好靚既模出黎～^^ 跟住就印衫啦～印印下，ｋ明黎左，真係嚇死人～（乜佢唔駛返工既咩？）其實都唔多明佢做乜會黎， 不過算啦～佢都冇阻住我地～之後就聽到個消息．．就係聽日好大機會去唔到．．＞＜ 嘩～聽到ｏ個陣真係勁ｈｕｎｔ！冇哂心機印衫，跟住就即刻罷工！無論ｋ明點講， 連牧師都出動埋，都冇辦法彌補我失落既心情．．．唉．．之後ｋ明走左，我地仲ｏ係度呆坐．．． ｏ個陣真係勁想走．．．我整得咁辛苦為乜姐，為個ｃａｍｐ之嘛～點知可能要延誤／改期～ 真係ｈｕｎｔ爆！過左陣，下左火，就拿拿臨整埋ｄ衫，走人～ 完～ 感恩既事： 終於正式完成件團衣！ >>July 29, 2004 at 8:43:11 PM GMT+8 2004 年 7 月 12 日 星期一 【晴】 一年一度既暑假已經開始左，但係我就仲未正式放暑假～因為由今日開始，成個７月都要返學校補課．．． 唉．．都唔知想點，８點半至１０點半就上一堂數學，１１點至１點就上一堂英文～ 真係諗起都想死．．不過今日堂數學好快就過左，因為我同波子勁傾野～但係今日傾哂， 遲ｄ ｏ個十幾堂都唔知傾咩好．．慘慘慘！上完數學，咪出去食個早餐囉～ 跟住就超快速咁返返學校～英文堂容易挨過數學堂，因為我對英文有興趣ｄ～^^ 挨完兩堂，就返屋企ｌｕ～～ 完～ 感恩既事： ｄ ｍｉｓｓ阿ｓｉｒ好好人！雖然今日表現分得Ｂ．．．－，－ >>July 30, 2004 at 12:08:55 PM GMT+8 2004 年 7 月 11 日 星期日 【微雨】 晨咁早就返到亞斯理，因為要練歌歌呀～練歌既時候，時芳加插左ｄ簡單既動作俾我地， 令唱詩既時候更有生氣！練完，就派ｄ整得好辛苦既團衣俾團友啦～佢地著起黎，真係好靚！ 跟住一班黑衣人就坐ｏ係禮堂既前排～等上台ｏ個陣真係有ｄ緊張，但過左陣就冇野啦～ 因為都冇乜特別！無謂浪費精神去緊張，不如去背下歌詞好過～但唔知點解， 我每逢獻詩或者上台表演，我都會間歇性失憶個喎～都唔知想點．．． 不過好彩今次有咁多人陪我一齊上台，所以我唱錯歌詞都唔覺～^^ 終於要上台啦～ｏ個一刻係有少少興奮，之後就冇ｌｕ～順利唱完之後，都幾開心， 因為我淨係唱錯左兩個字咋！！^^跟住崇拜完左，就要拎埋ｄ衫去後期加工．．．摺衫！ 揩完就拿拿臨走佬～去唱ｋｋ～真係好開心！本來埋單ｏ個陣每人百幾蚊架～ 但係有位善長人翁贊助我～就係我組長＞凱琳＜啦～^^唱完ｋ～我地就各散東西ｌｕ～ 完～ 感恩既事： 好順利完成獻詩～^v^ >>July 30, 2004 at 12:10:23 PM GMT+8 2004 年 7 月 10 日 星期六 【晴】 今日係敬拜小組主持既團契～佢地所唱既詩歌，再加上細ｙ既分享，ｏ個種感覺真係．．難以形容！ 其實每次細ｙ所講既野，都可以令到我喊，唔知係感動，定係一時感觸呢．． 今次亦都唔例外，開頭我都冇乜野架，但阿娟勁喊喎，初頭我都可以安慰下佢， 但之後祈禱ｏ個陣，就已經忍唔住啦～唔知我真係感動定係又因為．．呢？ 唉．．幾時先放得低架？真係好辛苦呀！ 跟住喊完一大輪，就開始練歌啦～原來首歌好好聽架～最衰上次冇練歌啦，唔係我一早唱到熟啦！ 捉到ｄ音之後，就排位～練歌既時候真係好開心，好舒服～可能岩岩喊完放低哂ｄ野掛．． 今日真係有悲有喜啦～^^ 完～ 感恩既事： 今日終於有時間俾我發洩啦～而家舒服哂～！超ｈａｐｐｙ～！ >>July 29, 2004 at 7:12:55 PM GMT+8
|
|
好累呀～～～
ｅ排好忙呀好忙呀！
呢排返學好忙呀～連寫日記既時間都冇乜．．．唔多掂！但係今個禮拜入面，令我感覺最深刻既都係星期二打波ｏ個陣整親條尾龍骨，傷左．．痛死！第二日仲要返唔到學．．成個廢人咁．．ｈｕｒｔ爆！＞＜、幸好ｏ係夜晚既時候，好多ｆｄ都打黎或者ｉｃｑ搵我，問我有冇事。ｂｕｔ，我唔明點解咁多人都知我整親條尾龍骨．．點知原來係ｍｉｓｓ同全班講既．．（唔制呀～咁多人都知～）但係知道有咁多人關心我～我都幾開心架！^^
開學啦～～～
笑多d... 笑多d...笑多d人氣: 8291
Design & Scripting by ShowHappy.Net