好開心唷～～
　　今日同左阿敏，阿欣＆發毛去唱ｋ（發毛係網友黎架～！不過佢係好人黎既～
因為我地成班ｆｄ都見過佢好多次架啦～^^）今日唱得勁開心～
因為好耐都冇試過連續唱成十幾首歌啦，仲要係冇停過～勁呀！
所以搞到我喉嚨痛．．．＞＜、ｔｏｏ　ｂａｄ～～遲ｄ等把聲好返ｄ之後，
再去唱過～～哈哈～～

　　講返唱ｋ　ｄ野先～唱ｋ　ｏ個陣好開心，因為有人帶俾我地歡笑～
ｏ個個就係發毛啦～因為我同欣唱緊歌ｏ個陣，咁首歌發毛都識唱，咁佢又唱啦～
但係又唔肯用咪唱喎！佢都傻既，有咪唔用，自己ｏ係度哎歌～
又加上佢唱歌ｏ個陣勁有咁感情喎～個樣真係好好笑，笑到我地肚痛咁濟～～^^
ｏ係唱既途，我同阿欣偷偷地走左出黎行街，因為想俾佢地"一齊"唱下ｋ～
咁ｏ係行街途中，我同欣睇中左好多野，次次都係一齊指住同一樣野講"好靚呀～"！
最終～我同欣都係好鍾意某件衫＆某條褲（我同欣ｄ　ｔａｓｔｅ都係差唔多～）
真係勁想買，但係ｏ個陣冇＄＄～擺哂ｏ係屋企．．．．但就算有錢ｏ係身都冇用啦～
我仲要儲錢，買隻介指俾媽咪做母親節禮物架～搞到想買都冇得買～＞＜、

　　唱完之後，發毛因為有緊要事要做，所以就走左～之後欣就打俾波子，叫佢過黎，
因為佢都ｏ係附近～咁波子黎左之後，我地就去左ｍ記食雪糕～食完之後就行下街街，
跟住又見到頭先ｏ個件衫同褲呀～！真係好想好想買呀！！激氣～
之後見行到悶悶地，咁就返左屋企啦～　　　　　

完～

2004 年 4 月 13 日 星期二 【晴】

～Ｈａｐｐｙ　Ｂｉｒｔｈｄａｙ～
今日係阿敏以前既一位好好好好既"朋友"生日，雖然都係我朋友，但係冇阿敏同佢咁熟～
祝佢生日快樂，愈大愈靚仔～！

>>April 15, 2004 at 2:55:30 PM GMT+8

2004 年 4 月 11 日 星期日 【炎熱】

　　　　　　　Ｃｏｎｇｒａｔｕｌａｔｉｏｎｓ
　　今朝，我又係８點鐘碌醒左，但係我見咁早起身，都冇野做架啦～
又加上自己又勁累喎，咁咪繼續訓囉～點知一訓就訓到１０點３～唔係我家姐嘈醒我，
我諗我都仲未起身呀！一起身，見咁晏，就拿拿臨梳洗一番，換衫走人，
因為今日要返亞斯理睇ｗｉｎｇｗｉｎｇ既堅信禮呀！我出門口ｏ個陣，淨係食左粒糖咋～慘！

　　之後落到去搭車，我就眼白白睇住架４３走左，仲見到ｔｔａｔｔａ＆ｍａｎｄｙ
ｏ係入面添～咁我咪繼續等車囉～之後因為趕時間，
所以迫住我要搭３３Ａ喎～（貴過４３架～！＞＜、）
上到車，就見到婉姬同郭思喎，幾岩呀～^^跟住落左車，就已經遠遠見到ｔｔａｔｔａ，
ｃａｒｍａｎ，裕記＆ｍａｎｄｙ～因為佢地著ｄ衫勁ｃｏｌｏｒｆｕｌ喎～型爆！
跟住等埋ｗｉｎｇｗｉｎｇ，樹熊＆ｆｋ就入左去啦～之後就開始崇拜啦，
點知好多詩歌都唔識唱，我地仲要坐第一行喎，搞到勁礙眼～
跟住就到阿ｗｉｎｇ既堅信禮～好順利咁完成～恭喜恭喜～希望佢可以繼續努力咁事奉主啦！
之後范牧師就請左ｍａｎｄｙ出去做魔術師喎，幾搞笑呀～！跟住牧師就繼續講野啦～～
搞到我都有ｄ眼訓，但係冇訓到～跟住過左陣，我個肚就ｏ係度打鼓啦～
我幾驚其他人聽到呀～好樣衰架嘛．．．．跟住就完左啦～出禮堂ｏ個陣有茶葉蛋食架～～
不過我都係食左一隻咋，ｃａｎｍａｎ同裕記食左兩隻呀～～傻架！

　　跟住就落左荃灣啦，但係ｔｔａｔｔａ同ｍａｎｄｙ冇去到，佢地媽咪無端端要佢地返大陸，
之後就唔知點啦～咁我地咪繼續行囉～～一路行就一路玩～今日真係行到腳仔軟呀，
好似荃灣一日遊咁～都唔知兜左幾多個圈～－，－跟住又勁食野喎，又去許留山食甜品，
又食雪糕，本來想食鮮奶撻，但係賣哂～慘！之後我地又去影貼紙相啦～今次影得幾靚架！^^
裕記同ｃａｒｍａｎ影ｏ個陣，仲除左件褸添～～幾性感呀～^^
跟住行到４點幾度，就各散東西啦～　　　　　　完～

今日感恩既係～阿ｗｉｎｇ好順利，好平安咁完成堅信禮～

>>April 12, 2004 at 1:20:16 PM GMT+8

2004 年 4 月 10 日 星期六 【晴】

　　　　　　　　　《天作之盒》
　　今日亦都係好早起身，仲早過尋日，因為今日我又去睇戲啦～～
（唉～連睇兩日，完全想死～）因為今日係睇《天作之盒》，
所以今日仲要早過尋日去買飛．．．．好慘～我今朝８點鐘彈左起身，點知我唔願起身喎，
之後我ｏ係張床度碌來碌去，碌８點半我先至肯起身～超白痴．．．之後去買飛啦～
都唔係好多人，冇尋日咁多，點知我見到ｔｔａｔｔａ同ｃａｒｍａｎ　ｏ係度排隊喎～
咁我咪諗住叫佢幫我買埋囉～點知佢就叫埋我入去排～幾好呀！
買完飛之後就同猩猩去食早餐，因為仲有成個鐘先開場，超慘！跟住去到ｍ記～
食食下野，雞雞都黎埋～跟住就一齊落吉野家搵嚴ｓｉｒ～之後就一齊去戲院啦～！
點知佢地要等人～咁我，猩猩＆雞雞就入左去先啦～～入到去，坐左一陣佢就開場啦～
幾好呀！^^

　　跟住就睇啦～～我睇呢套戲，起碼喊左３次！可能係我眼淺啦～～勁易喊～
點知有人仲喊得勁過我－，－不過ｏ個個人係唔識既～但係最緊要既係，喊ｏ個陣，
唔可以俾猩猩＆雞雞知喎～我抹眼淚既方法超型，我扮哂野托住個頭，
之後就拉長件衫既衫袖～就係咁，我就可以抹到眼淚啦～！哈哈～～超爆勁！^^

　　之後睇完，一出去，好似唔見得光咁，好慘～
跟住就同嚴ｓｉｒ＆ｔｔａｔｔａ去買ｂｂｑ　ｄ野啦～買完就返團契，
今日我學識左背少少舊約既目錄啦～～^^亦到練熟左揭聖經要揭得快～同埋要睇得快！^^
完左團契，就ｂｂｑ啦～～燒之前，嚴ｓｉｒ俾左個《天作之盒》既盒俾我，入面有復活蛋架！
之後就燒野食啦～點知我就變左"吉"野食工人，個個都要我幫佢地"吉"野食－，－
燒ｏ個陣先勁呀！我冇一樣係燒【火農】左既～係咪好勁呢？？
可能已經識得點燒啦，但係就要學起爐，因為唔係好識．．．．．．
今日我燒左兩條腸，六粒魚蛋，兩隻雞翼，兩塊豬扒同埋ｎ粒棉花糖～^^
但係我都係食左好少野，因為大多數都係燒俾左人地食～我係咪好好人呢？？哈哈～！
燒野食ｏ個陣，我地傾左好多野，好開心！燒完之後，就執野啦～執ｏ個陣好多笑料～
佢地ｏ係度互相淋水～（我冇份玩架！）執完野都已經成９點，跟住我就跟志文車返屋企啦～
返到屋企，沖涼，玩電腦，寫日記，訓覺～　　　　　完～

>>April 11, 2004 at 6:03:19 PM GMT+8

2004 年 4 月 9 日 星期五 【微雨】

　　　　　　　　　做左乖乖女～

　　今日又係好早起左身，因為今日約左家姐去睇戲～～去睇ｏ個套"大佬愛美麗"
跟住去買飛啦～點知超多人排隊喎～傻架！不過好多人睇天作之盒就真～
差唔多全場滿哂～不過好彩，我唔係睇呢套，唔係肯定買唔到飛呀！
買完之後淨返少少時間，咁我咪去買個包同野飲囉～諗住偷偷地拎入戲院食架嘛～
點知我家姐就話：『唔好拎入去啦～好有犯罪感呀！』之後我就迫住要食左個包去～
但包野飲就可以拎入去，因為唔會嘈到佢～－，－好彩我ｏ個陣未食早餐姐，
如果唔係臨急臨忙點食左個包去呢？真係呀！

　　跟住就入左去睇啦，勁搞笑喎～但係唔知點解我好似唔識笑咁～
人地笑完，我係會因為佢地笑而我先識笑～所以我笑ｏ個陣，係慢人幾拍架！
哈哈～搞到我勁樣衰喎，好似傻婆咁，個個唔笑，得我一個人笑～超白痴喎～
不過咁先顯得我獨特呀嘛！^^

　　跟住睇完戲，本來就諗住行街既，我家姐想行旺角，但係我又唔想出咁遠～
呢排唔知點解，唔鍾意出旺角喎～以前就一個禮拜出一次都嫌少既，
而家一個月出一次都嫌多，都唔知做咩！？咁我唔想出，我家姐都冇我辦法既姐，
咁就迫住佢要陪我一齊返屋企啦～但係ｏ係返屋企之前，就要去百佳買飯盒返屋企，
因為阿媽已經一早講定～～咁我同我家姐就做左乖乖女啦～～
幫阿媽買飯盒！^^（係咪真係好乖呢？）
買完就返屋企啦～之後玩電腦，沖涼，食飯～～

　　但係今日有ｄ唔同，因為今日係我洗碗（係咪好難得呢？）其實係我阿媽今日煮飯ｏ個陣，
唔小心切親隻手～其實隻手已經傷過好多次架啦，但係今次係勁傷～
我又唔忍心睇住阿媽隻手傷左都要洗碗，ｓｏ～
我就同阿媽講：『你同我放低ｄ碗，今日我洗～』之後我洗ｏ個陣，
我阿媽勁唔放心喎～其實我以前都成日洗架啦～都唔知佢驚乜野～洗完之後，累到我死！
我勁有心機咁一隻一隻碗慢慢洗，慢慢刷～點知原來好累架！＞＜、
不過唔緊要，為左阿媽，辛苦ｄ都冇所謂啦～～係咪？？
之後就睇左陣電視就去左訓覺啦～！　　　　　完～

>>April 10, 2004 at 10:52:50 PM GMT+8

2004 年 4 月 7 日 星期三 【晴】

　　　　　　　　　　　可憐的新班主任
　　在二月尾的時候，我班的班主任因家中有親人患了重病，所以離開了我們，
辭了職，專心地照顧家人。自從班主任走了過後，我班也不太願接受那新班主任，
每次在上他課的時候，我們也是不太理會他，他有他的教書，我們有我們的玩。
在下課時，我們又會在他臨出班房門口的那一刻，一起"噓"他，令他感極無奈。
不知何時，有同學改了他的花名，名叫"河馬"。
他們說新班主任真的很像河馬，所以日後便以這名稱呼他。
不足一星期，整個訓導處的老師也知道了新來的老師被同學稱為"河馬"了。

　　過了約兩星期，我們已經能夠接受到新班主任了，但我們亦沒有改變我們的作風，
還愈玩愈過份，令他感到非常氣憤。此時，我覺得他很可憐，他只是來教書，
不是來給我們玩的，他是老師，其實我們都應該尊重他，
但我不明白他們為什麼玩得那麼過份，難道他真的那麼好玩嗎？
如果他不是容忍我們，我想我們已經每人記數個缺點了。

　　就在今天，在復活節崇拜的時候，台上的魔術師需要一位健壯的老師，
那我班便出奇齊心地大叫"河馬"，當時我覺得很心酸，他身為老師，是有自尊的，
他竟然給學生改了花名，還要大大聲聲的說出來，令他感到無奈，
迫不得意地要上台。他在下台的時候，雖然臉帶笑容，但遮蓋不了他不開心的心情。
當同學們看見老師非常不開心，他們也終於知道了自己玩得太過份了，
紛紛向老師表示歉意。

　　希望經過這事後，各同學也會懂得尊重老師，不要讓老師氣憤。
他們是來教書，不是來給我們玩的！　　　　　　　　完～

>>April 9, 2004 at 4:06:03 PM GMT+8

2004 年 4 月 6 日 星期二 【陰晴不定】

　　　　　　　　　　　　　　無聊～
　　　　放完幾日假之後，又要返學啦～（慘～）不過好彩，只係返埋今日同聽日姐，
　　聽日仲要係復活節崇拜添～返半日就得啦～～幾開心呀！^^

　　　　今日返學都係冇乜心機，因為前ｏ個幾日玩到創哂，又加上淨係今日要上堂，
　　聽日又唔駛，所以就覺得今日聽唔聽書都冇乜所謂，
　　ｂｅｃａｕｓｅ．．．．過兩日又放假ｌｕ～～^^所以今日上堂唔係玩，就係傾計，
　　最尾ｏ個兩堂仲衰．．．．．淨係識得訓覺～～哈哈～～可能係飯氣攻心先至會咁既姐～！
　　就係咁～玩下玩下就上完今日既堂啦～^^

今日感恩既係～好平安咁過左一日～　　　　　　　完～

>>April 8, 2004 at 12:06:38 PM GMT+8

2004 年 4 月 3 日 星期六 【陰】

　　　　　　　　　　 一週年～！

　　ｗａｋａｋａｋａ～～～今日係我寫日記既一週年紀念日呀～
難怪我今日會咁開心啦～^^而家睇返上年既第一篇日記，真係好白痴～
完全都係玩玩下既心態，但係我而家再唔係以前既小朋友啦～！
我會好有心機去寫好每一篇日記，
記低每日開心同唔開心既事！所以一定要睇我寫既日記呀！

>>April 8, 2004 at 12:10:14 PM GMT+8

2004 年 4 月 3 日 星期六 【陰】

　　　　　　　　　　Ｈａｐｐｙ～ｈａｐｐｙ～

　　今日好早就起左身，因為阿欣晨咁早就打俾我叫我今日去唱ｋ～
之後就約左１１點半等，點知要成１點先至有房～
咁我地咪周圍行下囉～ｄ鋪又未開哂，又冇野行，悶死！
幾經辛苦先至挨到１點～之後就去唱啦～
（好彩ｏ個陣仲係ｋ　ｌｕｎｃｈ～唔係貴好多架！）
跟住唱唔夠一陣，我就要走啦～我個位由詩詩去接手，
我地一人俾一半錢～跟住我就拿拿臨衝返去亞斯理，
因為今日要早一個鐘返去學唱一ｄ新既詩歌～返到去～
人唔係好多，但係好熱鬧，好有屋企既ｆｅｅｌ啦～
雖然唔係學左好多首詩歌，但係已經足夠啦～！

　　之後團契就開始啦～今日我地係開組會，好好玩，
我同我ｏ個組既成員已經熟絡左好多啦～仲好開心添～
雖然玩ｄ野係無聊左少少，但係玩得好開心架！！～
我地仲約左星期一去唱ｋ添～不過去唔去得成，就唔知啦～
之後團契完左，ｋ明就應承請我，敏，娟食飯
（因乜事請我地食飯？唔好提ｌｕ～～）跟住約完時間，佢就去返工，
我地就呆等．．．．．之後阿敏話肚餓，
就去左街市搵佢媽咪拎錢買野食～跟住就去食『奶醬多』～
好好食架！又平喎～
跟住就行左去荃灣啦～之後就同雞雞＆阿發同行～
一齊等ｋ明放工，等食飯～之後行到悶悶地，
咪去新開ｏ個個商場行下囉～點知係冇野行既，
仲要成間鬼屋咁～跟住阿發又ｏ係度嚇人，
嚇到我叫左出黎～（驚驚～＞＜、）
真係俾佢激死！ｏ係等ｋ明既其間，我地好似斷命追魂ｃａｌｌ咁，
狂野俾佢，問佢放工未～因為我地已經等到好唔耐煩～
跟住悶悶地，咪去左ｍ記囉～之後雞雞＆阿發勁"核突"，
一人一啖雪糕，真係嚇死街坊！

　　幾經辛苦～ｋ明終於放工啦！！因為避免佢咁遲黎，
所以我限佢５分鐘內黎到韓燒間鋪～如果唔係就要佢請多餐～
哈哈～結果～佢用左９分鐘呀！！不過頭先講既野，都係嚇下佢既姐～^^
之後，我地就好開心咁渡過呢次快樂既時光啦～
食完之後，就去影貼紙相，好搞笑，原來班男仔係唔識用部機架！
笑死～～跟住我地就６個人迫埋去一部機，真係熱死～
影完就畫野啦～畫左好耐，之後幅相出黎啦～～影得都幾靚下～^^
跟住我地就返屋企啦～

　　ｋ明同敏一齊行～我，娟，雞雞＆發就一齊搭車返～
搭車途中講左好多好笑既野～^^
就係咁～就過左開心既一日啦～！！！^^

今日感恩既係～好開心，好平安咁渡過左今日～　　　　完～

>>April 8, 2004 at 12:08:12 PM GMT+8