2004 年 2 月 22 日 星期日 【微雨】

　　唉～～呢排發生左好多好唔開心既事呀～～連日記都唔係好願寫．．．．．尋日就病病地都去打比賽，但係都輸左．．．．真係好唔開心～～但係喊唔出～～～之前ｏ個場又係咁．．．再之前，教左我差唔多兩年既班主任無端端走左，講都唔講聲．．．好傷心～ｏ係上兩個禮拜度，我又知道左我個ｆｄ．．．．．．．．．．．．．真係唔知點解佢會變成咁～＞＜、
　　但係我ｄ　ｆｄ就好開心咁拍拖，我又唔好意思對住佢地喊喎，只係聽下佢地既開心事，而家我家姐第一次拍拖，係一件好開心既事，我心情先至好返ｄ，真係"鄧"佢開心～！^^
　　











　　　　　　但係我而家先知道～
　　　原來有一句野係講得好岩架"人傷心都盡頭，係會喊唔出一滴眼淚．．．"

>>February 22, 2004 at 12:32:42 PM GMT+8

2004 年 2 月 3 日 星期二 【晴】

　　唉～～～近排好唔舒服呀！日日都係又咳又暈，都唔知想點～好辛苦呀！＞＜、
　　呢排我又冇寫日記啦，真係衰啦～因為近排玩到個心"創"哂，搞到自己做過ｄ咩黎都唔記得，真係慘～不過我而家肯寫返，已經好好架啦～本來我想打機架，但係見咁耐都冇寫過日記，又驚俾人ｄｅｌ左個日記喎，所以咪寫返囉～希望各位原諒～～～
　　今日超無奈，ｏ係半睡半醒既狀態下，起身返學～但係一落到樓，就俾ｄ清風吹到醒哂～凍到我死呀～衰人黎架～跟住等左一陣車，就返左學校ｌｕ～～～
　　返到學校～見未上堂，咪玩下先囉，玩得超開心喎～但係ｔｖ就．．．．．哈哈～之後就上堂啦～點知今日上既堂，堂堂都係催眠曲黎既，雖然好眼訓，但係我都冇訓到呀！我淨係"釣魚"咋～哈哈～就係咁就放左學啦～～
　　今日過得好無謂，所以今日寫既日記都係好無聊，希望大家見諒～～～

>>February 3, 2004 at 7:27:39 PM GMT+8

2004 年 1 月 21 日 星期三 【微雨】

　　今日一起身就凍到我死死下，跟住我就拿拿臨去刷牙洗臉食早餐～之後就玩電腦啦～點知我家姐同我講話想買件褸過新年，又加上我又想買個袋，同埋買件衫喎，所以我就應承左我家姐晏ｄ陪佢出去太子行街啦～之後我玩完電腦，又睇完"一起喝采"既，頭ｏ個兩集之後，就陪左我家姐出太子啦～
　　因為我尋日先同完希希行完旺角，所以我今日堅持唔行旺角，淨係行太子～我家姐亦都冇我辦法，唯有行太子～點知去到人多擠迫既太子之後，見到好似成個花市咁，真係俾佢嚇親呀～點知花園街俾人封左路～之後聽到ｄ警察講，話咩踩到人，所以封左路，之後諗住兜路行去後邊ｏ個陣～（花園街係分開兩段路架～！）就見到架有線電視既採訪車喎，真係恐怖～！
　　之後行到去後邊啦，我地就不斷行ｄ賣衫既鋪頭，不斷ｏ係度揀來揀去，又唔知ｏ個度幾咁焗喎，搞到我暈暈地～真係慘＞＜、之後行行下就見度"方少"，之後又見到"碧琪"喎，我地真係實在太有緣啦～哈哈！之後行左幾個圈之後，我地都係揀唔落，鍾意ｏ個ｄ又貴到死喎，平ｏ個ｄ又唔好睇，中等價錢ｏ個ｄ又冇自己鍾意既顏色喎～！真係激死人啦～！哼！
　　之後我家姐諗住去埋旺中行喎～（旺中姐係旺角中心～）但係我已經ｏ個ｄ鋪頭度焗到"Wing Wing"地，又加上我又眼訓喎，最重要今日要食團年飯呀嘛，要早ｄ返屋企準備，所以最終我同我家姐都係空手而回咁返屋企左～＞＜、
　　之後返到屋企，等齊人，就食飯啦～食完飯，睇左陣電視，跟住就執定全盒，貼哂ｄ揮春～咁就勁有新年氣氛啦～哈哈～！之後我老豆整角仔，咁我就幫手啦～今次我整得好靚呀，但係我一個都冇食到，因為見到咁反胃，實在太油啦～！整完之後，就倒數啦～倒完數之後我就拿拿臨去左訓覺ｌｕ～～！

>>January 23, 2004 at 11:24:00 AM GMT+8

2004 年 1 月 20 日 星期二 【暴雨】

　　今日係年廿九，因為今日冇乜野做，所以就約左ｄ　ｆｄ　ｆｄ出去行街街，同埋行花市～但係ｏ係朝頭早ｏ個陣，就發生左一件事，煩都我死，又搞到我好似做左衰人咁，真係好慘～其實我都係想大家出黎見下既姐，點知原來你地之前嘈過黎，我鬼知你地ｄ野咩～真係衰呀！搞到我同阿希左右做人難～唉～～最後搞到不歡而散添！但係我同阿希都冇因為呢樣野而冇出街街喎，反而仲行得幾開心添～！
　　咁同阿希行到６點零７點度，就出左去銅鑼灣等阿敏一齊去行花市～點知我同阿希勁早就去到喎，搞到等左好耐阿敏先至黎～但係ｏ係等既期間，我先知道原來ｏ係呢個時間搭地鐵，係好方便架，因為唔駛一分鐘就有一班車黎喇喎～真係快，睇到我暈暈地呀！
　　之後阿敏就黎左啦～我地就一齊行去維園，今日就係好少人行，一ｄ都唔迫，可能仲係早啦，個個仲食緊飯，所以先至咁少人行～！之後我地行左一個圈度，阿希就ｃａｌｌ左佢個ｂｆ黎啦～點知我地仲要！等多十分鐘度，佢先黎喎，真係激親我呀～等既期間，我地就ｏ係度睇人地玩ｏ個ｄ火箭～阿希就俾ｄ火箭嚇親，睇到阿希咁驚，真係笑到我肚痛～哈哈！之後等到佢黎啦～我地就繼續行啦～之後行左幾個圈就走左ｌｕ～～～行既期間，多左好多人，迫左好多，不過好彩今日唔係除夕，唔係仲多人！
　　最後我地幾經辛苦先至出到去，之後我地就去左荃灣．．．．．．．．．之後就返左屋企ｌｕ～～～就係咁樣我就過左開心既一日啦～！^^

>>January 22, 2004 at 9:15:53 PM GMT+8

2004 年 1 月 19 日 星期一 【乍雨乍晴】

　　今日，我好早就起左身，但係ｏ個陣仲未夠鐘返學喎～咁見時間尚早，咁咪同媽咪一齊去喝茶囉～咁點知去到茶樓，全部都係大人，一個細路仔都冇，真係嚇親我～ｏ個陣我仲要係著住校服，搞到我好似逃學咁，超怪雞喎－︿－"今餐係我第一次請阿媽飲茶架，真係好難得呀！雖然唔係好貴，但係最緊要係用心姐～^^
　　飲完茶之後，咁我就去左搭車啦～點知行緊過去等車ｏ個陣，見到架８９走左．．真係慘～跟住我就繼續等車啦，真係等到我腳都陣埋，凍到我呆左．．＞＜之後，終於有車黎ｌｕ～咁架車去到地鐵站ｏ個度，我就見到阿兒，ｔｖ，朱女幾個ｏ係度買包食，之後，車架就走左ｌｕ～～
　　返到學校，都冇乜我熟ｄ既人返左黎，超無奈！－，－過左陣，個個都返哂黎ｌｕ～～之後玩左陣，就集隊上去禮堂ｌｕ～～上都去我梗係好用心聽歌啦，有ｄ就唱得好好聽，有ｄ就．．．一般啦～本來都聽得好好地架，點知阿豪豪男扮女裝，笑到我肚痛！～哈哈！！聽完佢地唱歌之後，就到歌神唱歌啦～（歌神姐係高年級歌唱比賽冠軍既人～～）佢唱得超似張學友呀！勁爆！聽完歌歌之後，就拿拿臨同阿敏搭車返屋企～ｏ係搭車前，特登去買杯熱既粟米黎食，真係ｗａｒｍ爆～！
　　返到屋企就繼續整呢個日記板啦～整到我眼訓為止，咁我就去左訓覺啦．．．．ｚｚＺ～

>>January 21, 2004 at 11:31:57 AM GMT+8

2004 年 1 月 18 日 星期日 【颳風】

　　其實今日真係冇乜野好寫，因為我又冇出街啦，又冇打機喎～今日淨係ｏ係屋企度對住部電腦，上黎呢度，整好我個日記板，因為我自己以前都好少理呢個日記～咁而家咁難得我肯用心去寫返日記～梗係要整返個板靚靚啦～我用左差唔多４個鐘既時間黎整架～我真係好俾心機架～今次係我第一次咁有心機整靚個板架～以前都試過整得幾靚，但係都只係３分鐘熱度，整唔夠１５分鐘就算～所以今次我咁俾心機整，你地一定要睇哂我寫既日記架！
　　ｏ係玩完電腦之後，我就入左房睇左套叫做"低一點的天空"既戲，我覺得幾好睇架～又有意義喎～我仲記得佢最尾ｏ個度，有一句野講得好岩，所以我抄低左架～就係～：『每個人都有自己的願望，而每個願望都需要自己親手創造～』英文係：『Everyone does have a wish , and every wish should be created by our own hands . 』
　　睇完之後，就要訓覺ｌｕ～～但係諗起只係返埋聽日學，就有得放假，聽日仲要係Music Day添～淨係返幾個鐘就得～真係諗起都開心呀！^3^～

>>January 23, 2004 at 11:24:42 AM GMT+8

2004 年 1 月 17 日 星期六 【颳風】

　　我都好耐冇寫過日記啦～而家寫返，真係有令一種感受，因為我而家先發覺，我以前寫ｄ野係好好笑架～我睇返我都唔知我自己寫ｄ乜～超無奈．０．

>>January 18, 2004 at 5:04:37 PM GMT+8

2004 年 1 月 17 日 星期六 【颳風】

　　今日一早就起左身，因為今日係一年一度既家長日，雖然我唔駛陪媽咪去，但係早ｄ起身，備定案都好～！跟住ｏ係媽咪臨走之前，我約左佢見完ｍｉｓｓ之後去飲茶～（其實想順返佢條氣，因考得唔係咁好～）之後就飲茶啦，阿媽話ｍｉｓｓ話我心散，之後阿媽又話我懶～（事實係咁～所以我都冇野講～）唔知係咪因為咁，所以今次飲茶係我食得最少野既一次～飲完就陪家姐行左一陣街，家姐就不斷用部手提影相，我就有我睇野，話咁快就行到１點半ｌｕ，之後就搭小巴返亞斯理，見仲係好早，咁就去左阿敏屋企坐左陣，跟住就一齊行返亞斯理啦～
　　今日係阿敏領詩，我領禱～其實尋日開始我已經驚都死死下架啦～但係最終都係我領禱＞＜、好慘呀！！幾經辛苦，我終於都領左禱啦～祈完禱之後我勁開心，可能係因為我竟然會領禱啦～哈哈！～（真係感謝神，佢俾我有勇氣去領禱～）跟住話咁快，我地就開始左第一個遊戲啦，好好玩架，最衰我又唔識點講俾你地聽我玩ｄ咩啦～＞＜、之後玩完一輪，我地就一齊整角仔啦，我見佢地整得好開心，但係我又冇乜ｍｏｏｄ整喎，所以我就企埋一邊，睇佢地整啦～我發覺睇佢地整，仲開心過自己整架～！
　　過左一陣，第一輪角仔終於現世啦～個個都食得好開心，但係我都係冇食到．．因為冇乜心情食－－"～跟住佢地食下又整下，整下又食下，咁就到左６點啦～因為今日約左家姐去買鞋，所以我就走左啦～，之後就去左搭地鐵啦，點知鬼死咁多人，迫到我死死下，ｏ係最迫既時候我家姐竟然打電話黎，簡直玩野啦～我幾經辛苦先拎到個電話出黎～真係慘＞＜之後我就雙手擺前面，防ｄ衰人扮哂野咁揩油～（阿媽教落既～！各位女仔，知道未呀？哈哈～）
　　之後ｏ係旺角兜左廿幾次之後，就行去太子搵野食，因為仲未食晚飯呀，餓到我死呀！跟住又行到隻腳都斷咁濟，真係慘～食完野，成個人醒哂，之後就繼續行啦，行行下，我睇中左條褲，我覺得幾好睇（唔知你地點睇啦～）所以就買左啦～但係我家姐行左咁耐都未買到對鞋～好無奈～＞＜行到１０點度，就返屋企ｌｕ～～返到屋企，隻腳真係就黎斷得架啦～唉～累到死～之後拿拿臨沖完涼，洗完頭就去左訓覺ｌｕ～～

>>January 18, 2004 at 4:18:33 PM GMT+8

2003 年 8 月 8 日 星期五 【晴】

　　前幾日又冇乜做啦～～～！真係就黎悶死啦～以前過既暑期唔會咁架！今年都唔知咩事，成日都會好無聊，又唔知點解喎～？有邊個可以答到我呀？？
　　今日又要返學校既全方位訓練啦～之前約左阿敏一齊搭小巴返學，點知我一落到去就見到一架小巴ｏ係我面前走左，之後我就即刻打俾阿敏，但係又打唔通喎～打左幾次之後，終於打到啦，原來佢都係岩岩上車，唔係搭我睇住走既ｏ個架小巴，嚇到我死死下～！
返到學校，我同阿敏遲左８分鐘，不過好彩趙ｓｉｒ冇鬧到，佢淨係話遲到１５分鐘就會鬧，我同阿敏真係好彩啦～！今日返去教我地點樣祈禱同埋點樣領禱，其實我開頭都唔係好明架咋，但係經過阿ｓｉｒ咁有耐性咁教導後，我終於明啦～！之後嚴ｓｉｒ無端端入黎問，邊個有留言板或者日記既人就舉手，之後又話舉手ｏ個ｄ放學後搵佢。臨放學之前，趙ｓｉｒ派左通告俾我地，仲有幫埋裕記慶祝生日之後，就去左搵嚴ｓｉｒ，點知．．．．．．．．．．佢話我地要俾明報做訪問，ｏ個陣真係俾佢嚇死，但係之後都應承左，真係慘～唔知ｏ個日會搞成點呢？？真係好驚呀～！

>>January 18, 2004 at 5:23:27 PM GMT+8

2003 年 8 月 5 日 星期二 【晴】

　　之前ｏ個幾日都冇乜特別，平平淡淡咁就過左啦～但係今日就唔同啦～～！今日有波睇呀～～～～今日係皇馬對FC東京呀～！我估應該會好幾睇，因為日本都唔算好差，所以值得一睇～！
　　今日好早就起左身，但係我今日又冇街街去啵～今日好乖乖咁留左ｏ係屋企，但係真係好無聊，今朝起左身又冇野做，咁我咪睇電視囉，又見到ｄ卡通片好似幾好睇咁喎～咁我咪睇下囉，但係話時話，我都好耐冇睇過卡通片啦～而家先發覺，原來睇卡通片係有另一種滋味架～！呵呵～～～～～！
　　睇完電視，我就玩電腦啦，而家玩電腦實在太悶啦～我又唔鍾意打ｄ咩ｏｎｌｉｎｅ　ｇａｍｅ，ｉｃｑ又冇乜野玩，上網玩桌球又唔想玩，搞到我淨係ｏ係度作下歌仔，留下言，上網搵下野咁，真係好鬼無聊架～！但係都冇辦法啦，鬼叫自己唔鍾意打機咩～！
　　到左夜晚，我就好乖咁坐ｏ係張ｓｏｆａ度，準備睇波啦～我仲叫阿媽拎埋ｄ花生，可樂出黎～！咁樣睇波先至有ｆｅｅｌ架嘛～～！係咪先？？點知日本都係輸左，而家唯有希望香港唔好〝炒蛋〞啦～唔係就好樣衰架啦～！唉～～～～～
　　睇完波，梗係要睇埋我追開黎睇既『ＥＲ』啦～咁好睇～但係唔知點解，我ｄ　ｆｄ都唔鍾意睇埋鬼ｄ野ｏ個啵～睇完ＥＲ，我覺得好眼訓，所以一上到張床度就訓著左啦～！

>>January 18, 2004 at 5:24:52 PM GMT+8