2004 年 3 月 27 日 星期六 【陰】

　　　　　　　　　失敗......
　　今日鬼咁早就起身，因為今朝要比賽～
但唔知點解，由琴日開始，我就已經覺得我地會輸，
所以今日都好似冇乜衝勁去打呢場比賽．．．落到場，好似呆左咁，
完全冇乜心理準備去打好呢場～可能我自己已經打定輸數，所以會咁啦～
跟住一開頭已經俾佢地領先，我地追得好辛苦先追到上去，
但係可能我地已經打到最高點啦～之後又俾佢地領先，
第一場，就係咁輸左．．．．到第二場，我好似已經驚左佢地咁，
佢地殺波拍拍聲，我殺波就好似冇力咁，平時練波ｏ個陣都唔係咁既～
都唔知做乜！失敗！！有時真係好嬲自己，點解會打得咁差，
平時都唔係咁既，好想喊，但係又唔喊得！廢事俾佢地知道我地驚左佢！
所以死忍～有時追波仆哂落地，都救唔到，都係怪自己跑得唔夠快！
有時開失波，就會好嬲自己，點解練波ｏ個陣唔練好ｄ！
不過而家先發覺已經太遲啦！因為最後一場比賽已經打完，
後悔都冇用，嬲自己都冇用～到輸波ｏ個刻，我都唔敢喊，
我仲ｏ係度同我既隊友講笑，
話：『呢場我地輸左，咪豪俾佢囉～我地又唔係豪唔起！^^』
佢地都因為呢句野而笑左一笑^^～

之後就換衫走人，去唱ｋ～唱ｋ　ｏ個陣心情都好返ｄ～
之後行左陣街～跟住就同阿媽去食ｍ記～～^^之後就返左屋企ｌｕ～
夜晚ｏ個陣，阿娟打俾我，佢好唔開心，因為佢男朋友要同佢分手呀～
之後佢喊左出黎．．跟住我同佢傾左陣先笑返～^^（成功！）
之後就收左線訓覺～zｚZＺ～～

今日感恩既係～比賽既時候冇人受傷～

>>April 8, 2004 at 12:11:23 PM GMT+8

2004 年 3 月 26 日 星期五 【暴雨】

　　　　　　　　　　測完驗啦～好開心！
　　今朝我又好似琴日咁，６點鐘起左身溫書，
但係今日就冇琴日咁專心啦，出到廳，唔知點解好眼訓，
跟住溫溫下書就趴低左啦，之後一聽到有開門聲，
我就即刻起身扮溫書～（哈哈～我係咪好勁呢？？^^）
跟住一閂左門，我就即刻趴返低．．．．
呢個現象持續到我有早餐食為止．．．－，－（你話死唔死～？）

之後返到學校，都幾呆下．．跟住就測驗啦～
卷入面既試題大多都好熟面口，但係就唔識答．．．．
之後，終於都測哂兩科啦～ｗａｋａｋａｋａ！
跟住就即刻諗下去邊度玩，但因為今日要練波，
所以就取消左又去唱ｋ既念頭啦～之後就去左ｍ記度坐下，
跟住就上埋Ｌ２度玩，玩到差唔多１點度，
就去左阿娟屋企坐下（佢屋企都幾亂下，不過我屋企都係差唔多．．）
之後玩左陣，就要返學校練波，當行返學校既時候，
ｏ個陣仲落緊[b]毛毛雨[/b]架，但係當練波既時候，就停左雨～
（感謝神俾我地有一個冇落雨既時間俾我地練習～）

練完就落左林士德度同蘇浙打ｆａｎｎｙ，之後２比１，
李惠利贏左～^^跟住就返左屋企，沖完涼，一上到床就訓著左ｌｕ～
聽日有場[b]比賽[/b]要打，真係好驚輸左，因為輸左就要降班＞＜～好驚！

ｐ.ｓ　今日團契有個ｃａｍｐ去呀～
希望各位去ｃａｍｐ既同學仔會玩得開心ｄ啦～
唔好有意外發生～求神保佑～

>>April 7, 2004 at 9:26:57 PM GMT+8

2004 年 3 月 25 日 星期四 【暴雨】

　　不經不覺，我冇寫日記，都已經有幾日時間ｌｕ～～～（我自己都唔知．．）
ｏ係呢幾日測驗裏面，我覺得．．．一ｄ都唔似測驗～
每當我放學返到屋企之後，我就會拿拿聲玩電腦，
跟住就訓覺，"直情"未掂過本書，
咁早返到屋企都唔肯溫書，你話我死唔死？
唉～～不過呢ｄ都係測驗週頭兩日所發生既事ｌｕ～～

　　玩左兩日，我都冇乜點溫過書，我自己都知衰架啦，
所以我尋晚特登同阿媽講，叫佢早ｄ叫我起身，
因為我要．．．溫書～點知．．．搞到我今日起身幾辛苦呀～
我阿媽叫左我兩次我先起到身咋．．．（無奈～）因為太早啦～成６點呀！！
我平時成六點十個字先起身，而家早咁多，完全想死．．．＞＜、
之後幾經辛苦先起左身，跟住就溫書啦～
（我好俾心機架！）之後我阿媽見我咁努力，
咁就落左街，買左個好豐富既早餐俾我呀！幾幸福呀～～^^wakakaka!

　　跟住返學測驗啦，點知測中史ｏ個陣，竟然有出我重點溫既題目呀～幾開心呀！
好難得有一次中史科既測驗我會識答架～～！
雖然唔係識好多，但係我已經心滿意足架啦～^^
跟住放左學就去左唱ｋ～（呢兩日都係咁～）
都唔知點解係逢測驗考試先至會去得咁密～可能因為放得早啦～
個個又唔肯溫書，咁咪一齊唱ｋ囉～～
（不過近排唱ｋ真係好抵！＜２２蚊＞咋～平到佢呀！不過要睇下你食咩ｌｕｎｃｈ囉～^^）

就係咁，就過左測驗週既第４日啦～^^y

>>April 6, 2004 at 11:02:37 PM GMT+8

2004 年 3 月 21 日 星期日 【微雨】

　　　　　　　　　　　自己煮飯食！
　　嘩～～今日起身既時間，已經破左我今年既最晏起身紀錄啦～～
今日我成１０點半先起身，仲要係冇人嘈醒ｏ個隻喎～
幾正呀～好耐冇試過訓得咁舒服而冇人嘈醒啦！^^
　　今日我阿媽，二家姐同埋個妹去左拜山，所以淨返我同我大家姐ｏ係屋企，
咁我見我自己悶悶地，咁又有少少肚餓，咁咪諗住煮ｄ野食囉～
本來諗住煎ｄ薯餅啦～點知煎煎下俾我整到散哂，咁我咪亂炒一通囉～
之後又見到飯煲有ｄ飯～咁咪炒埋佢囉，之後打兩隻蛋，又炒多兩炒，落ｄ鹽，
就完成我呢個既"薯餅碎蛋炒飯"啦～～
係咪好勁呢？ｗａｋａｋａｋａ～
　　煮完之後先至發覺，個廚房俾我整到．．．．．．．
唉～～阿媽返到黎實俾佢鬧死啦．．
咁我咪拿拿淋整返乾淨佢囉～唔係梗死梗！
就係咁，就過我呢一日啦～～哈哈～　　　　　完～～

>>April 7, 2004 at 9:21:48 PM GMT+8

2004 年 3 月 20 日 星期六 【陰】

　　今日又係好早就起左身，因為今日要比賽呀～
可能因為比賽既關係，搞到我好早就醒左，
太興奮啦我～哈哈～

　　今日對ｏ個間係梁植偉，其實之前都同過佢打ｆａｎｎｙ架啦～～
唔知幾多號既日記都有寫到，李惠利贏啦～
但係阿ｓｉｒ叫我地唔好咁驕傲，因為驕兵必敗，
所以打第一場ｏ個陣，個個都好注心，
我連開波（上手ｏ個隻）都係因為呢ｄ壓力先至開到，好彩，
我都連開左４，５球度～我仲記得有一球好險，係"賴"網過既～
ｏ個陣我幾驚呀～最後，第一場我地都係贏左～^^呵呵～
可能因為第一場贏左之後，我地好開心，所以心都散哂，
搞到打第２場ｏ個陣，俾[u]梁植偉[/u]真追上黎，
好彩我地最後都打贏左，我仲殺左三球波添呀！哈哈～

　　打完之後，就去左食野啦～咁食食下野ｏ個陣，
突然諗起今日可能會遲ｄ先返到亞斯理，
但係我尋日又應承左ｋ明（這係雅各團團長～）會準時１點返到去，
但係我趕唔切返去，咁我打俾佢啦，點知原來佢都ｏ係呢附近，
咁佢就過埋黎同我地一齊食野啦～（佢仲請我同阿娟食雪糕添～）哈哈～
之後佢又請我地搭的士返亞斯理，因為佢都趕住返去～
中途有好多好好笑既野～超開心～之後返到亞斯理溫書啦～我好努力架！～
溫完之後就返團契，返完就打左陣波，跟住返屋企，沖涼，訓覺～～
今日真係好累呀！！　　完～

>>April 7, 2004 at 9:14:39 PM GMT+8

2004 年 3 月 19 日 星期五 【晴】

　　今日一早就出左去，因為今日約左ｄ　ｆｄ　ｆｄ出去唱ｋｋ呀～～哈哈～～
但係今日我已經遲左出門口架啦～點知我都係第一個到，真係搞笑．．．
之後就同阿希去開房～（唔好諗錯野呀！）
因為我地講明係邊個早到就邊個開先，所以去到間ｋ房，
我同阿希都好無奈，得兩丁友，佢地又未到，
我同阿希又未開到聲（因為太早啦～）搞到都唔知做乜好～
唱歌又唔到高音，真係衰！

　　跟住唱到１２點幾度，阿欣，波子同埋阿娟都黎左，
之後間ｋ房突然熱鬧左好多，（咁樣先似唱ｋ架嘛）
阿欣就成日發癲，大叫～都唔知佢想點．．．．
跟住唱唱下阿希就要走ｌｕ～～因為佢要出藍田．．．．呀～
之後淨返四個人，就不斷ｏ係度唱，超開心～
唱完之後，就去左影貼紙相，今次影得都幾好睇呀～仲好靚添！^^y
影完之後，波子就要趕住返屋企，咁阿欣就陪埋佢返啦～
之後淨返我同阿娟，咁佢就陪我去剪頭髮啦，今次剪得好樣衰呀～
ｏ個個人都唔知係咪有問題既，我叫佢剪一至兩寸度，佢就幫我剪三寸，
ｏ個陣我勁想打佢呀～衰得佢呀～搞到我個頭不似頭形，都唔知佢想點！嬲爆！！！＼"／
之後就返左屋企，打機，沖涼，睇電視，訓覺～　　　完～～

>>April 7, 2004 at 9:06:41 PM GMT+8

2004 年 3 月 18 日 星期四 【微雨】

　　又有幾日冇寫日記啦～～真係失敗啦～
本來諗住開個新日記會寫返日記啦～
點知結果都係一樣．．．．．．．．＞＜、

　　今日好開心呀～因為返埋今日就唔駛返學啦～
聽日係咩教師研討日，所以唔駛返學，太正啦～
但係下個禮拜就要測驗啦～～仲要測成個禮拜添，
雖然早放係好，但係我都唔想測驗呀！！

　　食完ｌｕｎｃｈ之後，就去左開組啦～
今日我地班ｆ.２既感情又進展左啦～
雖然人唔齊，但係我ｆｅｅｌ到佢地個心都係ｏ係度架！^^

　　之後今日返到學校就呆下呆下咁上哂ｄ堂，
放學之後就係我最愛既排球練習啦～～哈哈！
今日練得好開心呀～因為我終於開到上手波啦，
雖然唔係咁穩定，但係我會繼續努力架！^^ｙ

>>April 7, 2004 at 9:01:56 PM GMT+8

2004 年 3 月 11 日 星期四 【晴】

　　前ｏ個兩日整呢個日記板，整到我死下死下～
咁諗住今日寫返篇開心既日記啦～
點鬼知今日會咁．．．．

　　今日好開心咁返到學校，返到去就等放學，
因為今日放學之後會同班男丙打比賽～^^ｙ
但係上ＩＳ堂ｏ個陣（姐係最尾既兩堂）
就已經唔係咁舒服，個心好似有ｄ野壓住咁，好辛苦～～><"
跟住ｍｉｓｓ就無端端要我地放學後去罰企，
話我地排隊ｏ個陣嘈到佢上堂～
佢都傻既，自己唔夠大聲就懶我地！！
之後就放學啦，去左罰企，罰企ｏ個陣個心已經好辛苦，
好似有舊好大既大石壓住咁，仲辛苦過之前～唉．．．．

　　之後同男丙打啦，打左３場，２比１，男丙ｗｉｎ左～
唉～～今日我地女丙差左好多呀～～＞＜、
好唔開心，平時打比賽都冇咁差，
但係今日好有壓迫感，我都唔知點解～嗚嗚．．．．＞＜、
　　之後同師姐傾左一陣既賽後討論之後，就走左啦，
點鬼知西村同東村之間爆水管喎～
搞到我搭小巴都要兜成幾個圈，兜左咁耐，
我就狂標冷汗咁耐，都唔知做乜．．
之後用成半個鐘都未落到車，勁慘～
　　落車之後就"拿拿淋"返屋企，點知返到去又俾人鬧喎，
超激氣！咁遲返我想既咩，鬧我做乜姐，
痴線！總之今日勁唔掂啦！

>>April 7, 2004 at 8:45:59 PM GMT+8

2004 年 3 月 5 日 星期五 【晴】

　　今日好開心呀～～因為今日係團契返呀～～今日團契好好玩呀～又好笑喎～你地冇返真係走寶啦～哈哈～但係今日有好多１ａ既同學冇返學呀～～有成１７，８個呀～～超多～希望大家都會為佢地祈禱啦～

>>April 6, 2004 at 10:54:33 PM GMT+8

2004 年 2 月 26 日 星期四 【微冷】

　　今日好鬼開心呀～～由今朝開始已經好開心，首先我返學ｏ個陣，落到樓下諗住等車ｏ個陣，架車就即刻黎左，仲要俾我爭到位座喎～真係正～^^keke（我ｏ個度好鬼多人爭住搭車返學架，搭過呢架小巴既人都知～）就係因為呢件事，就已經証明左我今日唔會衰得去邊，仲會幾好運添～哈哈～～之後就訓訓下咁就上哂ｄ堂啦～～～跟住就到我最鍾意既排球喇～
　　今日放左學之後，我就拿拿臨沖落去球場度練波啦～～點知阿ｓｉｒ話今日要打ｆａｎｎｙ，同梁植偉打～聽到ｏ個陣我以為我聽錯，點知真係，ｏ個陣真係有ｄ驚驚地～因為之前打比賽已經輸左兩場，如果打ｆａｎｎｙ都輸，我真係死俾你睇！之後我地就爭取時間，狂練波啦～過左一陣，佢地終於上到黎啦～開頭見佢地人多勢眾，好似好恐怖咁，真係呀！但係同佢地打左４場之後，李惠利ｗｉｎ３場，梁植偉ｗｉｎ左１場～～哈哈！！^^打最尾ｏ個場ｏ個陣，我差唔多打左連續９球既直接得分～^^唔通我開ｄ波真係咁恐怖？？　．．？我地ｗｉｎ左之後仲想打多場，但係個天都已經黑哂，咁佢地就走左啦～但係佢地輸左都冇唔開心，我地ｗｉｎ左都冇乜特別開心～可能都係打ｆａｎｎｙ啦，冇乜所謂～不過今場真係打得好好！個個都有進步～實在太好啦～但係如果下場同陳兆民比賽ｏ個陣打得咁好既話，就一定ｗｉｎ梗！！ｋｅｋｅ～～～
　　就係咁，就過左咁開心既一日啦～～～～

>>February 27, 2004 at 9:12:29 PM GMT+8