2003 年 8 月 2 日 星期六 【晴】

　　今日本來要去何ｓｉｒ個婚禮度觀禮架，但係因為見到好似冇乜人去，所以就冇去到啦～但係我真係好後悔我冇去到，因為ｐａｕｌ　ｓｉｒ去完返黎就話個婚禮好好，搞到我勁想好睇，好想返返轉頭，重頭再黎過，但係呢一切都已經太遲啦～呢ｄ過去左既野，已成事實，冇得再返轉頭，後悔都黎唔切ｌｕ～＞＜
　　雖然今日冇去到觀禮，但係我ｏ係屋企都唔係好悶，因為．．．．．．．．有我ｏ係書展買返黎既小說，跟住我成日ｏ係度睇，但係我一日先睇完一本，實在太慢啦～！跟住睇到夜晚，就有得睇直播既皇家馬德里對中國龍之隊，其實都估到一定係皇馬贏架啦～係睇下贏幾多姐，雖然ｏ係咁，但係我都好支持中國架，話哂我都係中國人，唔多唔少都要幫返中國既～點知最後龍之隊都輸左，真係好可惜～！不過唔緊要，仲有幾隊會同皇馬，希望其他隊唔會輸得咁慘啦～！睇完波，梗係睇返我既小說啦～唔知係咪頭先睇得太投入，搞到冇心機睇小說，個腦淨係諗住頭先睇波既畫面，最後我都係睇唔到小說，我見累累地，咁就入左房訓覺覺豬啦～～～～！

>>January 18, 2004 at 5:26:02 PM GMT+8

2003 年 8 月 1 日 星期五 【晴】

　　經過上一篇同書面語寫日記之後，唔知地覺得點呢？？我就覺得幾好，但係就麻煩左少少，因為始終都係打唔慣呢Ｄ咁文雅既詞語，搞到成篇日記都好似ｏ係度作緊文咁，真係好怪～！所以我今日都係唔用書面語寫日記啦，都係好似平時咁寫好ｄ，連ｄ打字速度都快ｄ架～可能都係我打慣左姐～
　　今日要返學校訓練，咁我就又要早ｄ起身啦～經過尋日咁豐富既節目後，今日我都唔係好願意咁早起身，因為尋日搞到好晚先訓得，仲要ｏ係訓之前睇左陣小說，搞到今朝賴床，真係太．．．．．．跟住我就半醒半睡咁起身梳洗，梳洗完就成個人醒神哂～！之後就食埋阿媽整既愛心早餐，再換好校服，執好ｄ野，就出左門啦～
　　落到樓下，就眼白白咁睇住架小巴走左，如果我早一步出門口，就可以搭到呢架小巴返學架啦～而家又要企ｏ係度等，真係慘～好彩仲未夠鐘姐，唔係就死得啦～跟住過唔夠五分鐘，就有一架小巴黎左，真係好啦～點知話咁快就上到學校，去到學校門口附近，就有ｄ同學企ｏ係度，佢地都係同我一樣返學校ｏ個個既全方位訓練，佢地話阿ｓｉｒ佢飲茶仲未返，所以我地唯有ｏ係度等，等左冇幾耐，佢地終於返黎啦～之後就上左宗教室，等開始啦～今日既訓練係教我地點樣去唱詩歌，又教下我地ｏ係ｄ突發情況下應該點做，跟住ｍｉｓｓ仲教左首好好聽既詩歌俾我地，但係ｄ男仔又唔肯唱，掛住傾計，真係衰～不過最後因為佢地冇唱到，所以ｍｉｓｓ就留佢地ｏ係度訓話～之後我同阿敏就落左葵芳行，點知一落到去，一個又一個咁問：「買左書未呀，同學～」煩都死～之後我同阿敏就繼續行啦～就見到有ｄ扇好得意，咁就一人買左一把，點知買完之後就俾我地見到嚴ｓｉｒ，真係太好彩啦～傾左兩句之後，我地同嚴ｓｉｒ就各散東西啦～
　　最後，行到５點度，見好似冇乜野行，就走左啦～今日落葵芳真係好無聊，不過都冇辦法，因為我地不嬲都咁無聊～～

>>January 18, 2004 at 5:26:36 PM GMT+8

2003 年 7 月 31 日 星期四 【晴】

　　今天我要嘗試一下用書面語寫日記，試試看會不會寫得更好～！
　　今天的節目非常豐富，甚至連休息的時間也得很少，害我累得要死，真是可憐啊！不過累還累，我還是覺得我忙得開心呀！
　　我今天很早就起了床，因為我約了幾位朋友一起去書展逛逛，看看有沒有一些好書可看～又加上我們已經買了早上入場的門票，所以一定要早上入場。我們約了在葵興地鐵站集合，然後再乘搭地鐵到灣仔。經過大約半小時的車程後，我們終於到了灣仔，之後我們跟著路上的指示牌，就去到會展。進了場，真是人頭湧湧，第一個廳都沒有甚麼適合我們逛，那我們便到第二個廳，在這個展覽廳，裏面的東西大部份都適合我們看，在這裏還有我最喜歡的愛情小說賣，那我一定要到這裏看看吧！最後，我也買了四本小說，這四本也是很好看的啊～！之後，我又買了一把卡通的扇，又買了一份禮物給我的朋友，又買了．．．．．．
　　經過今天的瘋狂掃貨後，我便要回家了。回到家，我放低了我買回來的東西，換了另一件衣服，便和我姐姐一起到大學會堂聽音樂會。因為是第一次去大學會堂，所以到了浸會大學後，還要用多數分鐘才找到這個會堂，真無奈啊～我們在會堂外的花園坐了一會兒，因為還未開始入場，但係那裏真是很多蚊，針到我的腳很癢，真是慘～經過約十分鐘，終於可以入場了，但是還要過多半小時，才開始這個音樂會，又加上這裏有冷氣，又舒服，真是一個睡覺的好地方，那我便睡了數分鐘，就被那裏強大的冷氣凍醒，我又忘了帶外套，那我唯有無奈地等音樂會開始。等了又等，終於等到開場了，那時真的很興奮，因為這裏的氣氛很好，所以我就不覺得凍了。經過了兩小時的表演後，便完場了，還在臨走的時候，發一些我最喜歡吃糖，真是對我太好了～！哈哈！
　　最後，我便帶著一個很累的身子回家了．．．．

>>January 22, 2004 at 8:24:15 PM GMT+8

2003 年 7 月 26 日 星期六 【晴】

　　嘩～～！今日ｄ節目編排得好好呀～！又加上ｄ節目又正～～樣樣都咁好！！
首先我今朝俾我阿媽嘈醒左，就係因為我地約好左今日去睇戲，跟住嘈醒左就起身，之後就去左睇戲啦～我地今日睇ｏ個套勁好睇呀～ｏ個套就係『海底奇兵』啦～～雖然係卡通片，但係你地都唔好睇少卡通片呀～都好好睇架～雖然全場都係ｄ細路ｏ係度嘈住哂，但係總括黎講～呢套戲真係幾好睇架～各位不防去睇下呀～唔錯架～！！︿︿睇完戲之後就去左陪媽媽去『百ｘ超級市場』掃貨，之後就返左屋企訓一陣覺覺豬～訓到兩點幾就起左身，之後就整好ｄ野就出左門口啦～～
之後去到地鐵站就同成班人一齊去左青衣堂，本來我都唔知青衣堂ｏ係邊架，不過過左今日之後，我就肯定會知ｏ係邊啦～哈哈～之後去到青衣堂，本來我好驚佢係ｄ好悶既活動黎架，點知．．．．．．．．．原來係勁熱鬧同勁輕鬆架，ｏ係ｏ個度好似一個大家庭咁，好鬼ｗａｒｍ架～！跟住個音樂會入面ｄ歌又好聽，超正～！之後又話邊個係Twins，Boy'z，Mini Cookies～ｏ個陣勁搞笑，又加上佢地又識得搞氣氛，講ｄ野又唔會悶親我喎～～所以我勁鍾意呢個『逆景自強音樂會』啦～最衰你地冇去啦～唔係一定會感受到呢種感覺～︿︿

>>January 18, 2004 at 5:29:01 PM GMT+8

2003 年 7 月 21 日 星期一 【晴】

　　呵呵～～！我終於去完ｃａｍｐ返黎啦～係咪好掛住我呢？（講笑咋～）其實今次個ｃａｍｐ除左好玩之外，ｏ係入面都學左唔少野架～學左ｄ咩我就唔點講啦～因為實在太多啦～^^
尋日訓得一陣咋～（應該係今朝先岩～因為ｏ個陣已經過左１２點～～）但係唔知點解食完早餐之後就冇野啦～跟住走ｏ個陣又訓唔著喎～ｏ個陣仲好鬼精神添～點知一返到屋企，沖完個涼～就開始勁放"蚊"，超慘～不過眼訓還眼訓，我都唔會放棄玩電腦既時間架～因為都有一日一夜冇見過"佢"啦～點樣都會有少少掛住佢架嘛～係咪先？？所以我就抽左ｄ時間出黎陪"佢"，我係咪對"佢"好好呢？？^^不過ｏ係陪"佢"當中，梗係會寫日記啦～我今日一定唔會唔記得你既～
唔講住啦～遲ｄ先再講啦～我　╔──　│　　　╔───╔───╔──╗
　　　　　　　　　　　　　要│　　　│　　　│　　　│　　　│　　│
　　　　　　　　　　　　　　╚──╗│　　　│──　│──　│──╝
　　　　　　　　　　　　　　　　　││　　　│　　　│　　　│　　　
　　　　　　　　　　　　　　　──╝╚───╚───╚───│　　　啦～

>>January 18, 2004 at 5:29:28 PM GMT+8

2003 年 7 月 18 日 星期五 【晴】

　　嘩～～～！今日好鬼開心呀～今日終於知道我地考成點啦～雖然仲未派成績表～但係我地已經提早知道左啦～今次我進步左呀～上次全班第１６，全級第１７架嘛～今次全班第９，全級第１０呀！！進步左好多呀～連我自己都估唔到呀～我得一科唔合格咋～我開頭預佢有４科唔合格架，點知唔係喎～ｏ個陣開心到我死呀～！！
我全班既女仔都可以全部一齊升上２Ａ，但係ｄ男仔就冇咁好啦～全班有２８個男仔，有１５個會升唔到２Ａ～真係慘～話哂都識左成年，都有少少唔捨得既～不過都冇辦法啦～我都幫唔到ｄ咩既～！＞＜希望佢地離開左Ａ班之後，會努力Ｄ讀書～考返入Ａ班啦～

>>January 18, 2004 at 5:29:49 PM GMT+8

2003 年 7 月 14 日 星期一 【晴】

　　今日好無聊呀～今日放左學之後就返左小學探老師～但係好衰唔衰，咁岩今日佢地去旅行，好多老師都唔ｏ係度，搞到我地ｏ係度等左半個鐘有多，佢地先至返到黎～超慘～本來諗住佢地返左黎，就有得同佢地傾下計啦～點知佢地要開會，剩底幾個老師ｏ係度，不過有老師好過冇老師，我地都傾左好耐下～之後我地就去左阿妍屋企，我ｏ係佢屋企都有成個鐘～之後見冇乜野做就走左啦～
　　　　　　　　　　　　　唉～今日就係咁俾我白白浪費左一日啦～

>>January 18, 2004 at 6:02:32 PM GMT+8

2003 年 7 月 12 日 星期六 【晴】

　　呢幾日又冇寫日記啦～但係ｏ係我記憶入面，都已經唔係好記得我ｏ係呢幾日做過ｄ咩黎ｌｕ～所以前ｏ個幾日既日記，我想補寫返都補寫唔到～因為我都唔知寫咩好～～！
今日阿ｓｉｒ曾經問過我去唔去游水架，但係我都唔識游水，所以去黎都冇用啦～ｓｏ，我就冇去游水啦～跟住就唔記得左乜野原因，就去左荃灣行街～行下行下，就行到５點幾，咁就走左啦～今日真係好無聊，可能我留ｏ係屋企仲好過出街～～＞＜

>>January 18, 2004 at 6:02:19 PM GMT+8

2003 年 7 月 9 日 星期三 【晴】

　　時間過得真係快啦～唔經唔覺，我已經有成個禮拜冇寫日記啦～唔知係咪因為冇寫日記既關係，所以搞到我都唔係好記得我前幾日做過ｄ乜黎，我只係記得尋日去左必勝客幫阿欣既生日慶祝（係補祝先岩，因為佢係７月３日生日架～︿︿）真係慘～～～淨係記得尋日ｄ野～
今日鬼咁早起身返學就係為左考英文聆聽，聽日又係返去考一科，點解唔ｏ係同一日考哂佢呢？要搞到開分兩日考～係咪麻煩呢？？仲之就"拿拿淋"考哂ｄ試去，快ｄ可以出去玩就得啦～～！

>>January 18, 2004 at 6:02:03 PM GMT+8

2003 年 7 月 2 日 星期三 【晴】

　　好慘～好慘～今日考英文呀～ｐａｒｔ２好多都唔識呀～今次實死梗啦～～～聽日又要考地理，阿ｓｉｒ仲話要７５分以上先得～咁我就死得啦～上次先得六十幾分，我要溫幾耐書先至有７５分呀？？跟住仲有份科學卷，話就話唔駛點溫姐，但係都驚架嘛～真係～唔知聽日會點呢？？聽日有兩個人生日呀～佢地同年同月同日生，真係夾啦～ｏ個個就係阿欣同阿樂啦～希望佢地聽日會過得開心ｄ啦～

>>January 18, 2004 at 6:01:52 PM GMT+8