| 日記 | 日記主簡介 |
||||||||
2004 年 6 月 23 日 星期三 【酷熱】 見琴日咁ｕｎｈａｐｐｙ～咁就要去唱唱ｋ，ｒｅｌａｘ下啦～^^約左欣，娟，ｔｔａ＆ｃａｒｍａｎ～ 但ｔｔａ同ｃａｒｍａｎ就要返學校錄音加畫畫，所以要晏ｄ黎～～開頭淨係得３條友唱～！ 一人一支咪，唔駛爭～^^一黎就勁哎，勁唱～好快就開左聲ｌｕ～～^^點知好快就唱到１２點幾ｌｕ～ 我地１２點９收房，但ｔｔａ佢地又未黎，所以我地加鐘～加完，佢地就黎左ｌｕ～ 但佢地又死都唔肯唱．．．超無奈～佢地黎都係食ｌｕｎｃｈ咁～不過食之餘仲有得聽歌咁解之嘛～ 總數３０蚊都唔駛～真係抵呀～哈哈～唱完，我把聲沙哂．．．不過唔沙至奇啦～ 今日差唔多連續唱左６個鐘ｋ呀～^^唱完之後就同 tta & carman say goodbye lu ~ 佢地去買校服， 我地幾個就去葵芳行～去到，欣就同阿兒＆樂睇戲，我同娟就周圍行～我就買左勁多野返屋企， 唔係食就係飲既～^^正！總之今日就超ｈａｐｐｙ啦～^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 好開心唱左成日ｋ～感謝神俾我有口可以講野，可以唱歌～ >>June 25, 2004 at 1:07:01 PM GMT+8 2004 年 6 月 22 日 星期二 【酷熱】 今朝一起身心情超ｄｏｗｎ呀～又周身唔舒服咁喎，個心又勁怯．．都唔知做乜．．． 端午節一早就係咁．．超無奈～～不過今日真係唔多掂，行又冇出，電話都唔傾多個，成日眼濕濕～ 我諗唔會又係因為．．掛～＞＜、不過算啦～過多一排就冇事架啦～^^ I will forget you~ ※__ 話哂今日都係端午節，咁就祝大家端午節快樂～有"種"你就食啦～記得食多幾隻喎～^^ __※ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 端午節有"種"食～^^好味道～ >>June 25, 2004 at 1:09:46 PM GMT+8 2004 年 6 月 21 日 星期一 【酷熱】 今日終於可以訓晏少少啦～因為今日考試唔駛返咁早，返９點幾～ｓｏ ｇｏｏｄ啦～ 返到學校，冇乜人～咁就同ｔｖ傾下ｄ明星啦～愈傾愈ｈｉｇｈ～真係快樂不知時日過～ 話咁快就要排隊上禮堂考試ｌｕ～～今日考英文ｌｉｓｅｎｉｎｇ～講得超快～ 差ｄ聽唔切，但係有大部份都係聽唔明．．．＞＜唔知合唔合格呢？ 考完試，即閃上去搵ｙｉｍ ｓｉｒ拎相，點知唔ｏ係度．．．失望而回～ 之後就去左ｅｍｉｌｙ屋企拎書書～跟住搞左一大輪野，就返屋企訓覺ｌｕ～～ 終於考完哂試啦～ｅ幾排都可以玩到癲一癲啦～我為左考試，前排出少左街～ 好大犧牲呀～而家考完試，仲唔玩返夠本？哈哈～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 終於考完試ｌｕ～ Ｓｏ Ｈａｐｐｙ 唷～ >>June 25, 2004 at 11:48:42 AM GMT+8 2004 年 6 月 20 日 星期日 【清涼】 今日係父親節～願祝世上所有既爸爸一年比一年強壯，一年比一年開心快樂～ 今朝一早就出左去～因為今日我，敏，娟，雞＆ｙｉｍ ｓｉｒ一齊出去白腊灣探路， 本來ｔｔａ都去架，但佢病左，所以由阿敏代佢個位啦～始終５個人搭的士係抵ｄ～ 入到去屯門，就轉的士入去，過左１５分鐘度，就落車ｌｕ～再行多８分鐘， 就到達我地既目的地《白腊灣渡假山莊》ｌｕ～～我地四個學生就周圍視察環境啦～ ｙｉｍ ｓｉｒ就坐ｏ係度食佢既早餐～之後我地就換衫去沙灘ｌｕ～～^^ 去到沙灘，就見到李逸朗，林曉峰同郭晉安～阿ｄｏｎ真係超靚仔～勁型呀！ 但係我地都係唔敢開聲同佢地影相．．＞＜、之後落到沙灘，我地幾個女仔就即刻落水玩， 雞雞同ｙｉｍ ｓｉｒ就不斷影相～玩左陣，ｙｉｍ ｓｉｒ就話要出發去搵木棉洞～ 開頭我都唔係咁想去，但諗諗下，我地黎唔係為左玩，係為左個ｃａｍｐ～所以就著返對鞋去探洞ｌｕ～ 但阿敏就死都唔肯去，寧願留低睇住ｄ袋～－，－跟住我地就去搵木棉洞啦～又穿過草叢， 踩爛樹枝，行來行去～都係搵唔到個洞．．．無奈～咁我地就返返去沙灘啦～又再落水玩～ 真係好舒服～因為今日超熱呀！之後見到好多人都ｏ係度打沙灘排球，我地幾個女仔又波癮發作， 忍唔住要租返個波黎玩下～ｙｉｍ ｓｉｒ都有黎玩～超ｈａｐｐｙ！玩完，就去沖身啦～ 沖完又要去廁所換衫～真係超麻煩！搞掂哂ｄ野，就諗住ｃａｌｌ的士黎接我地出去啦～ 點知ｄ藝員岩岩拍完，阿ｓｉｒ終於肯開口邀請楊思琦同我地影相～ｏ個陣真係開心死～ 第一次同明星影相呀！^^之後就同阿ｄｏｎ＆郭晉安影啦～阿ｄｏｎ超ｎｉｃｅ呀～勁好人～ 又主動同我地影相～^^影完，我地都係時候要走ｌｕ～ｙｉｍ ｓｉｒ同雞雞行到得鬼死咁快， 淨低我地幾個女仔ｏ係度慢慢行，真係有ｄ想死．．．條路斜到佢呀．．．＞＜、 上到去，佢地已經坐左ｏ係架的士度等我地．．．之後就搭車出去會合ｔｔａ啦～ 去到葵芳就同ｔｔａ一齊食下午茶～真係好開心～之後ｔｔａ就送左樽星星俾ｙｉｍ ｓｉｒ～ 佢都好開心～^^食完野，我地就各散東西ｌｕ～～！ ↓呢ｄ就係今日影既相啦～↓ 
完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 可以同ｄ藝員影相＆睇到好多好靚既風景～神創造既野真美好！ >>June 25, 2004 at 12:31:23 PM GMT+8 2004 年 6 月 19 日 星期六 【酷熱】 嘩～考左成個禮拜試，終於有得輕鬆下啦～哈哈～今日一早就去睇"木馬屠城"～超好睇呀～ 一路睇畢彼特，一路食通粉，真係一生一大樂事～^^畢彼特真係愈睇愈型仔啦～I Love Him ~ 睇完就食野，跟住就返去亞斯理ｌｕ～今次係栽培班，都幾多人下～唔錯唔錯～今堂我地跟美鳳， 因為ｐａｕｌ ｓｉｒ冇返呀～＞＜、不過美鳳帶都唔錯，因為成日都係有ｄ心理測驗、 性格分析既遊戲黎帶出今日講既主題，今日都唔例外～今次係玩性格分析，都講得我幾岩， 但係講我ｄ咩就唔記得左ｌｕ．．．玩完之後，先至知道，原來人係分開兩種架～ 一種係順著聖靈既人，另一種就係順著情慾既人～詳情就唔多講啦～最緊要既係， 我明白到呢一段經文所講既野～（經文記載ｏ係加拉太書 5:16-26～）但係好多男仔都掛住玩， 阻住左我地既進度，又唔尊重人喎～！真激氣～希望下次佢地唔會再係咁啦～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 又明白多一段經文啦～記得哂９個聖靈果子ｌｕ～～ >>June 22, 2004 at 3:17:07 PM GMT+8 2004 年 6 月 18 日 星期五 【暴雨】 17/6 ( 星期四 ) : 今日考西數學同中文ｌｉｓｅｎｉｎｇ～全部都冇溫過書．．．數學實衰梗～ 中文ｌｉｓｅｎｉｎｇ就一定合格啦～咁易～放左學之後就同敏，娟落葵芳～行到冇野行， 就出左旺角買褲～ｓｏ ｈａｐｐｙ～ －－－－－－－－－－－－－－－－－－－－－－－－－－－－－－－－－－－－－－－－ 18/6 ( 星期五 ) : 今日考西史同普通話～西史就死鬼哂，普通話份卷真係一ｄ都唔普通～ 全部衰哂．．．^^考完試，就諗住即刻衝落去葵芳啦～因為約左ｔｔａ睇戲～點知， 無端端留人ｏ係度派暑期作業，派完又要傾自助餐ｄ野，煩到死～又唔俾人走喎！超衰呀～ 一放學，我就即刻飛的落去，點知．．．佢地已經入哂去睇戲，咁我冇理由ｏ係度呆等架嘛， 咁岩阿媽又ｃａｌｌ我返屋企啦～咁我咪返屋企囉～今日返屋企既車錢都幾貴下．．． 飛的落葵芳再轉巴士返屋企．．．超無奈！不過一諗返起考埋下個星期一，就考完試～ 就即刻開心返哂！^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 無驚無險又就考完試啦～^^ >>June 22, 2004 at 3:43:42 PM GMT+8 2004 年 6 月 16 日 星期三 【暴雨】 幾經辛苦，終於俾我挨到倒數第３日．．．．前ｏ個幾日，都有少少心機溫書既～ 但唔知係咪近排成日睇電視，搞到勁眼訓，連書都唔想溫～所以我對今日考既中史同ｅｐａ已經放棄， 因為呢兩科都係我必定唔合格既四科之一～（應該係四科之二先岩～^^） 返到學校，第一時間梗係入２Ａ涼冷氣啦～為免今日ｏ係班房呆坐，所以我已經一早準備左ｎｏｔｅｓ～ 返到去就狂刨ｎｏｔｅｓ～背左少少問答題，之後就開始考試ｌｕ～第一科考中史，超難～ （其實可能好易既，係我冇溫書姐．．．）問ｄ皇帝名完全唔識，是但抄個人名落去就算～ 就係咁，不斷抄來抄去，就已經做左份卷既５分之４啦～^^淨返ｏ個５分１～係問答題～ 好彩我背左少少，唔係ｏ個板肯定係空白既～^^考完就小息啦～諗住溫下ｅｐａ啦～點知．．．． 傾計仲多過溫書～搞到淨係記得少少配對，真係想死！玩下玩下，個小息就完左ｌｕ～ 跟住繼續考試啦～ｅｐａ份卷都唔係幾難～ｄ問題全部都熟口熟面～答唔答得岩就唔知啦～ 但係我就勁俾心機去做好份卷，最衰冇溫書，唔係一定合格．．．．＞＜、 考完試～就同ｔｔａ搵阿ｓｉｒ傾野，傾完之後，就要等ｔｔａ考筆試～我呆企等佢， 差ｄ訓著．．．佢考完，就落葵芳啦～～今次食仙跡岩～好耐冇食過啦～兩個人食就食左８８蚊～ ｓｏ ｅｘｐｅｎｓｉｖｅ！食完野，周圍行下，撞到勁多人～跟住就返屋企啦～ 經過百佳，見到ｄ壽司幾平，就買左ｄ返去～搭車返屋企ｏ個陣，撞到ｍｉｎｇ ｍｉｎｇ， 之後就同左佢去食糖水～超正～食完就返左屋企ｌｕ～～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 好開心咁渡過左一日～^^ >>June 17, 2004 at 10:30:44 PM GMT+8 2004 年 6 月 15 日 星期二 【綿綿細雨】 今日考ＩＳ同ｇｅｏｇ～本來諗住又早ｄ起身溫書啦～因為ｇｅｏｇ好似好多野溫咁， 阿ｓｉｒ又講到份卷好似好難咁～咁就諗住５點半起身啦～點知尋晚夜訓得濟～ 阿媽叫我起身都唔願．．．佢５點半叫左我一次，我話：「６點先啦～」之後佢６點又叫我一次～ 我話：「半個鐘後叫我～」跟住佢６點半叫我，我話：「好眼訓呀～唔溫啦～！」最終， 阿媽都係好成功咁ｏ係６點１０個字叫醒咁我起身～（哈哈～原來我都幾爛訓個啵～^^） 之後搞掂哂ｄ野，就出左門口ｌｕ～ 返到學校，超無奈～乜鬼ｎｏｔｅｓ都冇帶，想溫都冇得溫～咁本來諗住算啦～因為第一科考ＩＳ， 應該唔會難得去邊啦～點知．．．份卷難到乜咁，証明左呢科我係衰左．．．咁見到ＩＳ死得咁慘， 我諗ｇｅｏｇ都唔會好得好邊～咁諗住趁小息溫下書啦～點知落雨喎～幾ｈａａｐｙ既心情既冇哂～ 連溫書既心機都冇乜．．．所以淨係背左少少板塊名～背背下無端端行雷喎，勁大聲， 嚇到我差唔記得哂ｄ名．．＞＜但係我溫幾多都冇用，因為我既直覺話俾我聽， ＜＜阿ｓｉｒ話份卷難，其實係想我地溫書～＞＞點知，不出我所料，份卷超易～差唔多全部識哂～ 不過岩唔岩就唔知啦～^^ｗａｋａｋａｋａ！考完試，就岩岩停雨，真係好彩～跟住就拿拿臨搭車返屋企～ 返到去，玩下電腦，食下飯，就俾我家姐拉左出去ｍｋ ｌｕ～出到去，我地超快速咁買勁多野， 短短約兩個鐘就已經有勁多戰利品喇～哈哈～真係"速戰速決"啦～返到屋企～超累，連書都唔溫就訓左ｌｕ～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 考試好順利～！^^ >>June 16, 2004 at 8:42:59 PM GMT+8 2004 年 6 月 14 日 星期一 【晴】 今朝又係好早起左身溫書～記左好多Ｔｅｎｓｅｓ～而家先發覺原來ｄ Ｔｅｎｓｅｓ係咁易記架～ 哈哈～溫完書，又返學ｌｕ～～返到學校，我狂問人拎生日禮物，其實都係玩下佢地，因為我勁無聊呀～ 雖然佢地冇禮物送俾我，但係俾我玩就好好架啦～^^ｂｕｔ ｔｖ有買生日禮物俾我呀～ 就係我最鍾意既公仔其中之一～《大口仔風扇！》超靚呀～個大口仔識得閃架～ｗａｋａｋａｋａ～ 玩完一輪，又係時候要受死啦～跟住就考試ｌｕ～Composition超易啦～哈哈～ 跟住小息又溫左陣書～（突然間乖左好多～^^識得溫書～）之後就考試ｌｕ～ 嘩～呢個死人Comprehension第一頁難到死，後面ｏ個ｄ又要人狂抄野，煩到死，差ｄ唔夠時間做呀～ 超險～我做完份卷之後我都死唔放手，狂睇份卷，睇下邊度做錯左，做漏左，就即刻寫返～ 唔到最後一刻我都死唔放手！搞到份卷差唔多俾我整爛～哈哈～ 跟住就放學啦～跟住就無端端勁想唱ｋ，之後我就返屋企拎錢啦～敏，欣＆娟就去開房先～ 哈哈～唱唱下～晶晶同老娘都黎左～ｂｕｔ我，敏同娟早左走，因為我想睇鞋＆褲褲呀～ 之後行完街，就去買ｄ雞翼同生炒骨返屋企，慰勞下阿媽～哈哈～幾乖女～^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 好平安過左日～ｈａｐｐｙ～ >>June 15, 2004 at 7:17:05 PM GMT+8 2004 年 6 月 13 日 星期日 【晴】 哈哈～今日係我生日呀～尋晚搭正１２點我阿媽就俾左封利是我啦～ｋｅｋｅ～幾多＄就梗係唔講啦～^^ 今日一早我阿媽＆家姐就同我一齊去飲茶，慶祝下我生日啦～超ｈａｐｐｙ～飲完我就返左屋企玩電腦～ 本來欣欣話會同我出去慶祝，但諗唔到去邊～ｓｏ，冇慶祝到～不過唔緊要，我都預左～^^ 之後ｏ係屋企真係好悶，就去左欣屋企啦～坐左陣，就約阿娟一齊出去行街街啦～ 但ｏ個陣已經成２點幾，所以淨係行葵芳算ｌｕ～～今日葵芳好似特別多野睇咁，睇極都睇唔完～ 超ｈａｐｐｙ！行行下，阿欣就話去剪頭髮，咁就去啦～阿娟又剪，淨低我一個呆坐，等佢地剪頭髮， 真係悶死我．．．佢地剪完，好似冇剪到咁，係短左少少．．．－，－之後我地行多陣就走左ｌｕ～～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 好開心咁過左日～本來諗住今日會好無聊咁過，點知我ｄ ｆｄｆｄ佢地特登唔溫書陪我行街～ ｓｏ ｈａｐｐｙ～ >>June 15, 2004 at 6:49:57 PM GMT+8
|
|
笑多d... 笑多d...笑多d人氣: 8292
Design & Scripting by ShowHappy.Net