2003 年 6 月 14 日 星期六 【雨】

　　今日好無聊呀～我又冇返亞斯理，又冇返出街玩，又冇乜點傾電話，就黎悶死我啦～～
唔知今日亞斯理講左ｄ咩呢？？聽城城講話咩教背，我都唔知佢講緊乜～搞到我好想知佢地今日做過ｄ乜添～但係衰在城城唔記得左點背啦，唔係我就唔駛咁煩啦～＞＜、
尋日就玩到鬼死咁開心，今日就悶到鬼死咁唔開心，咁唔知聽日會唔會鬼死咁開心咁過呢？？

>>January 18, 2004 at 5:50:10 PM GMT+8

2003 年 6 月 13 日 星期五 【雨】

　　好野好野～～今日係我生日呀～好鬼死開心呀～但係我點都估唔到我會同某３位仁兄一齊渡過１２點架～（係邊三位仁兄？？自己估下啦～）今朝我突登早ｄ起身，就係我驚我自己未執整野，所以就比平時早左３個字就起左身啦～整好哂ｄ野之後就出左門口啦～臨出門口之前，阿媽俾左封利是我～︿︿（入面有幾多錢？？不便透露～）
因為我每日都係約埋阿笑一齊行去地鐵站等阿欣再一齊搭的士返學架嘛，所以我第一個見到既就係阿笑，點知佢竟然話俾我聽佢冇帶份禮物俾我，不過我都冇所謂啦，因為之前已經有好多人同我講左佢地仲未買禮物，所以我已經有哂心理準備今日唔會收到好多禮物架啦～不過阿笑係我訓醒覺之後第一個人同我講生日快樂既人，我已經好開心架啦～（注明：佢係我訓醒之後第一個同我講，因為實際ｏ係過左１２點之後第一個同我講既人係我大家姐～︿︿）之後我就同阿笑一齊行去等阿欣啦～見到佢之後佢就同我講"生日快樂～"跟住就一齊搭的士返左學啦～去到學校門口，學校都仲未開門，所以就ｏ係出面等左一陣，等等下，我地就見到珊珊，佢就好順手咁就俾左份生日禮物俾我，呢份禮物係一把傘，其實佢送得幾合時架，因為我今日都冇帶傘～哈哈～跟住返學期間，都有ｄ記得我生日既ｆｄ同我講生日快樂，我對每一個人都係答："多謝多謝～"
跟住直到第三個小息，就去左宗教室集合，點知阿ｓｉｒ話今日冇得ｏｕｔｉｎｇ，搞到冇得去，真係慘～不過留ｏ係學校玩，都幾好架～之後到左返學啦，我就將我個書包俾左我阿媽，但係點知我唔記得拎返個銀包出黎，搞到我成日都冇錢錢用呀～＞＜、之後我去俾個書包阿媽ｏ個陣，阿笑俾左份禮物俾我，原來佢冇唔記得帶禮物架～ｏ個陣時我好開心架～
之後團契就開始左啦，一開頭就要出去買野，準備等陣既烹飪比賽，因為我同阿笑都有ｍ記食，所以我同佢都唔駛出去買野（我同阿笑唔同組架～），但係我ｏ個組ｄ人全部出哂去，淨底我一個ｏ係度，我自己都覺有少少唔好意思～＞︿＜之後我ｏ個組就成班人一齊煮野食，都煮得幾香架，特別係ｄ三文魚呀～超正～煮完哂ｄ野之後，ｏ係上樓途中，我試食左一舊三文魚，勁正，食完之後仲想再食多次呀～ｋｅｋｅｋｅ～亦都係因為ｄ三文魚，我ｏ個組就贏左呢個比賽啦～︿︿呵呵～
完左個比賽之後，唔知做乜野熄哂燈，我開頭仲以為有ｄ咩玩，點不知無端端有人拎左個蛋糕出黎，跟住仲有人ｏ係度唱生日歌，本來我聽到係同阿家慶祝架，原來係幫我同阿家一齊慶祝架，仲搞到我喊左出黎添～＞＜、（我都話左我係喊包架啦，係都要搞到我喊既～）跟住阿ｓｉｒ就叫哂所有６月生日既人出黎，出黎既人加埋有三個人，我，阿家，梓進，岩岩個蛋糕上面有三枝蠟蠋，阿ｓｉｒ就叫我地一人吹熄一枝，其實根本係冇可能每人吹熄一枝，因為ｏ個三枝蠟蠋"痴"得太埋啦，搞都我一口氣吹熄哂～ｏ個陣時真係好無奈－，－，因為全部人都ｏ係度笑緊包括我自己都有笑～之後就叫左好多人出去分享，ｏ個陣又搞到我喊到收唔到聲，仲整到阿欣件衫濕哂～我都有ｄ唔好意思～跟住都有好多人都有喊，因為實在太感動啦～臨走前，ｐａｕｌ　ｓｉｒ俾左入份禮物俾我，原來係一隻熊仔黎架，實不相瞞，我都幾鍾意熊仔架～
團契完左之後，阿欣話要去唱ｋ，又叫埋我去，我開頭都唔係好想去架，跟住佢地講都好想去咁，咁就迫住去左啦～跟住唱唱下，ｐａｕｌ　ｓｉｒ要早ｄ走，跟住出到房門，又咁岩播無間道，之後阿ｓｉｒ好快ｄ又入返黎唱，唱完之後就真係走左啦～之後我地都揀左好多大家都識唱既歌，個個都唱得好大聲，唔用咪仲勁過用咪，超勁～之後我，阿欣，阿笑都因為咁而喉嚨痛～＞＜、之後ｄ男仔話唱完之後去網吧，（我心諗："採"你都傻～）不過今次唱k都好貴呀～成一千二百幾呀～每人要俾返一百蚊阿ｓｉｒ，我就唔駛俾，因為今日我生日，所以阿ｓｉｒ請我唱～唱完之後就各有各咁搭車返屋企啦～今日玩得好開心呀～希望出年既生日會都係咁啦～

>>January 18, 2004 at 5:49:53 PM GMT+8

2003 年 6 月 12 日 星期四 【雨】

　　今日都冇乜特別，都係好平平淡淡咁過～不過聽日生日啦，希望阿欣唔好搞到我喊啦，我之前已經同過佢講唔好搞到我喊，但係佢話一定會，跟住我仲問佢駛唔駛帶埋紙巾，跟住佢話要，之後就不斷咁玩來玩去啦～
唔知聽日生日，佢地會搞左ｄ乜野出黎呢？希望佢地搞得新奇，有趣又好玩啦，但係唔好整到我喊就得啦～！我ｄ眼淚水好昂貴架～︿︿

>>January 18, 2004 at 5:48:13 PM GMT+8

2003 年 6 月 11 日 星期三 【雨】

　　今日又落雨啦，雖然我前幾日仲好鍾意落雨，但係有少少厭啦，而家搞到要成日拎住把傘黎做人，本第我已經好累架啦，又要"咩"埋個書包，仲要拎埋把傘，我仲唔死？？跟住搞到我訓左堂，但係愈訓愈眼訓，愈眼訓就愈唔想訓，因為驚ｄ老師發覺左，訓訓下無端端俾佢叫起身答問題，就一定答唔到啦，所以我同阿欣上堂訓覺都好有技巧，係一路訓，一路聽書，一聽到老師問問題，就會即刻起身，聽下佢講ｄ乜，之後問完野，又訓返落去，又係一路訓，一路聽書，跟住不斷重複，咁樣就過左幾堂啦～

其實我食茄汁ｏ個陣，都有睇係Ａ乜野，我每隻都試過，我就覺得Ａ１０比較好食Ｄ，因為佢酸得黎又唔會太酸，甜味又適中，真係唔錯架～

>>January 18, 2004 at 5:47:48 PM GMT+8

2003 年 6 月 10 日 星期二 【雨】

　　今日好好好開心呀，因為又落雨，但係要拎住把傘邊圍走就麻煩左ｄ～今日好似係大約９點度啦，ｏ個陣個天黑哂，咁岩我地班又岩岩上完音樂堂返課室，點知成班人ｏ係度玩熄燈開燈（我都有份玩架～︿︿）跟住嚇到成班女仔ｏ係度大叫，搞到係佢地嚇返我轉頭～－，－（不過見到佢地咁既樣，我真係忍唔住笑左出黎～）跟住放左學就去食ｌｕｎｃｈ，我同欣食完野之後就拎左幾包茄汁黎，ｏ係度拎住枝飲筒"筆"ｄ茄汁黎食，之後我ｄ同學見到我地，都話我地好"核突"，但係真係好好味ｏ個啵～ｋｅｋｅ！～我同欣都話聽日再食過～︿︿

>>January 18, 2004 at 5:47:26 PM GMT+8

2003 年 6 月 9 日 星期一 【雨】

　　本來今日好開心架，因為落雨，今日落ｄ雨我特別鍾意，因為ｄ雨水凍凍地，滴落黎都幾舒服，點不知夜晚就．．．．．．．．．．．．
因為今日有一份地理同埋Ｅ.Ｐ.Ａ既報告未做好，所以今晚不斷咁趕工，做到我地成組人死死下，趕到好似乜咁，超慘～不過鬼叫自己唔早Ｄ做咩，係要等到而家咁趕先至黎做，真係貪好玩咩？～今日我一放學就去左欣屋企做ｏ個份野，做到６點，就走左返屋企啦，跟住一返到屋企就拿拿聲做完功課啦，一做完就即刻去部腦度做份野，一做就做到１０點半度，跟住我阿媽貪我仲未沖涼，就叫我落去買宵夜～唉～鬼叫自己未沖涼咩～之後就落左去啦，買完上返黎屋企，食埋野，就梗係坐陣先至沖涼啦，因為如果一食完野就沖涼既話，唔知話會點架嘛～跟住我坐到１１點半就去左沖涼，沖完之後仲要等個頭乾（因我洗左頭），所以搞到１２點都未訓得，之後返左入房，就諗住訓覺覺豬啦，跟住我家姐又同我傾下計，之後傾下傾下就到１２點半，傾到冇野好傾，咁我就訓覺覺豬啦～

>>January 18, 2004 at 5:47:06 PM GMT+8

2003 年 6 月 8 日 星期日 【陰】

　　今日ｓｏ　ｈａｐｐｙ呀！！～今日多左一件衫ａｎｄ一條褲，兩樣都幾靚架～件衫都幾岩身，但係條褲就．．．．．．．（你地都知咩事架啦～－，－）今日行左成日，由旺角行到太子，之後ｏ係太子地鐵站搭地鐵去深水ｘ（因為打唔到呢個字～），跟住就行下西九龍中心，雖然已經成日行，但係行極都唔厭啵，仲愈行愈開心添～︿︿

>>January 18, 2004 at 5:45:40 PM GMT+8

2003 年 6 月 7 日 星期六 【雨】

　　又有幾日冇寫日記啦，好彩我仲記得，因為之前ｏ個幾日都冇乜特別野好寫，ｓｏ冇寫到．．近排有人留言話要我教佢地整靚靚個網，但係我ｏ係呢度點教呢？？搵日見面，或者一齊出街ｏ個陣先慢慢講都未遲啦，係咪？？
唉～今日落雨呀，有ｄ人仲話要去街，但係我又想返亞斯理，落雨出街冇咁有ｍｏｏｄ架，我係好想去，但係．．．．．（都係唔講好ｄ，總之就一言難盡啦～）＞︿＜
希望今日唔會好悶咁過啦，仲有，我而家都唔知出唔出到去～

>>January 18, 2004 at 5:45:19 PM GMT+8

2003 年 6 月 4 日 星期三 【晴】

　　今日出左去行街街～雖然旺角係遠左ｄ，但係有好多野睇，好多野買，所以遠ｄ都值得既～今日行左成日，成日都冇坐低過，之後走ｏ個陣，累都死死下，一去到地鐵站，見到有椅，就即刻行過去坐低，但係坐唔夠一陣，就有車黎啦，真係慘～－．－上到車，入面都幾多人，又冇位坐，跟住企到差唔多到站ｏ個陣先有得坐，不過有得坐好過冇得坐呀，死都坐埋ｏ個一陣先～︿︿之後．．．．．．．．．我就死死下咁返左屋企啦．．．．．．

>>January 18, 2004 at 5:44:58 PM GMT+8

2003 年 6 月 3 日 星期二 【晴】

　　今日都冇乜特別，只係好無聊咁就過左一日～但係今日返雕刻都幾好，因為我既製成品終於完成啦～～哈哈！～但係唔知點解，我呢幾日特別累ｄ，成日都想訓覺，都唔知搞乜，好彩夜晚冇失眠姐，唔係我都唔知點死啦～！

>>January 18, 2004 at 5:44:36 PM GMT+8