| 日記 | 日記主簡介 |
||||||||
2004 年 5 月 12 日 星期三 【酷熱】 今日一返到去，我就回左信俾ｔｔａｔｔａ啦～唔知佢睇完會有咩感覺呢？^^ 之後早會ｏ個陣，收到一個喜訊，就係"地中海"冇返呀～真係十年難得一次呀！哈哈～ 超開心，終於有一日唔駛上海海堂啦～～^^ｗａｋａｋａｋａｋａ～所以今日上堂上得好開心～ 又可以狂睇小說喎～～終於，我今日又睇完一本小說啦～用左成幾堂時間先至刨完～超勁！ 其實今日呢本係尋日ｏ個本小說既續集～所以特別有心機睇！其實仲有一本續集架～ 不過ｔｖ未賣，所以未有得睇住～～真係好"吊"癮呀！ 上哂堂，就放學啦～咁我就拿拿臨返屋企寫日記啦～但係都寫唔到一篇＞＜慘．．． 咁都唔算慘，因為我知道左一件事，都幾嚴重下，但當我仲未相信既時候， 我都唔想俾人知住．．．所以係想講同唔想講之間既ｏ個種心情，係好辛苦架．．．． 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 而家我更加了解班ｆｏｒｍ２啦～ >>May 16, 2004 at 4:32:39 PM GMT+8 2004 年 5 月 11 日 星期二 【酷熱】 哈哈～～我而家又開始我既刨書生涯啦～當然，我唔係刨教科書啦～係刨愛情小說呀～ 本來我應該由暑假ｏ個陣先開始刨書生涯既，但呢排被四周既同學影響，勾起我條癮， 搞到我又同佢地癲埋一份．．．．一齊上堂刨書．．．．． 今日好多連堂要上，但時間過得好快，我都未訓著，佢就過左一堂．．．好慘．．． 搞到睇小說既進度慢左好多，但一到小息，我同ｔｖ就會拎本書出黎睇，仲有心機過平時考試溫書^^～超勁！ 但係我點睇到好，都係睇唔哂～因為冇乜堂可以偷睇小說．．＞＜、到尾二ｏ個堂仲衰， 飯氣功心！搞到我連小說都唔睇，就趴左落張ｔａｂｌｅ度訓覺覺豬^^～呢堂係最好訓架，靜到爆！ 個個掛住做作業，我就ｏ係度訓覺～最終，我俾ｍｉｓｓ發現左－，－ 佢同我講：“上埋呢兩堂先至返屋企訓覺啦～”本來我訓得好舒服架，俾ｍｉｓｓ講一講， 我就冇哂ｍｏｏｄ訓啦．．．．＞０＜、之後上埋堂普通話，就放學ｌｕ～放學前我仲睇完本小說添～^^ 放左學，我就同ｔｔａｔｔａ落葵芳，但因ｔｔａ要同星星傾佢同琪所發生既問題～ 所以星星就我地一齊行街街啦～佢地就一路傾，我就一路聽～最終先發現，原來星星只係同琪講笑， 但琪以為係真，所以就發生左今次既誤會啦～就係咁，就解決左佢地ｌｕ～～^^ 落到去，我地就去左許留山食野～食完就周圍行下～跟住去到三聯，我見到好多小說呀～ 我真係好想買哂佢地返屋企睇．．．－３－跟住行多陣，就走ｌｕ～～～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 解決左一個誤會～^^好開心～！ >>May 16, 2004 at 4:29:05 PM GMT+8 2004 年 5 月 9 日 星期日 【炎熱】 ｗａｋａｋａｋａｋａ～～～今日係一年一度既媽媽節～真係好值得去慶祝一番！ 所以我今朝６點半就已經彈左起身，但係咁早起身都唔知做咩～之後就諗住同阿媽去飲茶啦～ 點知我細妹又去喎～搞到我冇得同阿媽二人世界～真係衰～！去到就即刻叫野食啦，我都唔係食左好多．． 因為晏少少仲要同ｔｔａｔｔａ食早餐～跟住食食下，我二家姐又黎埋，仲帶埋佢ｂｆ添～ 佢地都幾襯～唔錯唔錯～！之後我阿媽一見到佢地黎，就即刻四萬咁口～佢好似好恨飲女婿茶咁．．．． 超無奈～之後過左冇幾耐，我擺左張５０蚊紙入阿媽個銀包度～因為今年份禮物買左返黎但係又冇時間整， 搞到ｄ送現金～不過現金勝在夠實用～！^^但係我見今日好似唔夠錢用～所以又拎返張５０蚊出黎， 擺返３５蚊入去～跟住搞掂哂ｄ野之後，我就走左啦～ 出到去，我就去搭ｂｕｓ出葵芳搵ｔｔａｔｔａ食野啦～因為岩岩食左ｄ野，晏ｄ又有愛筳， 所以呢一餐我淨係食左個包～但係我已經好飽啦～～ ｏ係食野期間，我先至記得我要ｍｏｒｎｉｎｇ ｃａｌｌ班ｆｏｒｍ２，之後就即刻打啦～ 點知返ｏ個ｄ就一早起左身，唔返ｏ個ｄ就嫌我阻住佢地訓覺～今次真係白打電話．．．．＞＜、 食完野之後，我地就即刻去搭ｂｕｓ返去，因為食野食左好耐，驚遲到～上左車之後，又見到ｊｏｅｙ～ 今次已經係第三次返崇拜搭ｂｕｓｏ個陣見到佢啦～超勁．．．返到去，好彩仲未遲到， 仲見到城城同薯餅一早坐左ｏ係度添～真係開心啦～過左陣，阿敏，娟，佢地都返左黎～ 好難得會有咁多人返～（感謝主～願主保佑佢地會繼續返崇拜～）完左崇拜，就到愛筳啦～ 入到去，見到ｄ野食已經好鬼飽．．．．所以都冇乜點食野～ 完左之後～ｊｏｙｃｅ就話同我地去打波～咁ｋ明就要去拎錢ｂｏｏｋ場，咁ｏ係ｋ明拎錢期間， 我地已經一早打左電話去問某幾間比較近既體育館，所以我地已經一早知道有冇場， 但係個傻佬（ｋ明）就落左去睇有冇場～點知佢原來白行一趟，ｏ個陣真係笑死～ 不過佢可能真係唔知有得打電話去問啦～ｏ個陣佢真係俾我地玩到死死下～我地幾驚佢嬲呀～ 但最終我地都係冇打波，去左碌ｌｉｎｇ～～真係好耐冇去過碌ｌｉｎｇ啦～記得上一次去碌ｌｉｎｇ， 已經係一年前既事ｌｕ～～但係今次碌既水準，真係差左好多，可能太耐冇玩到啦～^^ 但係佢地個個都碌得好好，由其係敏，娟，ｊｏｙｃｅ＆ｋ團長～我地一路碌，就一路打ｋ明， 打到佢背脊紅哂～超勁！今次碌ｌｉｎｇ都用左好多錢呀～因為我地好多人都冇帶學生證， 所以要收成人價，超可憐～碌完之後，就去左ｍ記食野，好開心！我而家先發覺， 原來個個都係茄汁怪獸，食一包薯條，可以落成十包茄汁～死唔死？食完之後，就去搭車返屋企ｌｕ～～ 唉～呢排我隻耳仔成日耳鳴呀．．有時仲有ｄ痛添．．間唔中聽野會聽得唔清楚．． 驚驚．．．今日係最辛苦既一日．．．＞＜、 完～ 
今日感恩既事： 多左好多雅各既人返崇拜呀～希望主保佑佢地繼續返黎！^^ >>May 11, 2004 at 7:38:45 PM GMT+8 2004 年 5 月 8 日 星期六 【晴】 今朝晨早"流流"就同左ｌｏｒｅｔｔａ一齊出左去深水"土步"買今日團契要用既野啦～ 出到去，就拿拿臨食早餐先啦～今次食早餐，ｔｔａｔｔａ終於係第一個食完野啦～ （其實因為我不斷講野，佢就不斷食野～所以先至會咁～^^）食完野就去左買珠仔啦～我地都買左好耐下～～ 因為ｄ珠仔都幾靚～^^所以一買就買左成個鐘．．．超勁！之後見時間尚早，咁咪返埋屋企拎野囉～ 點知原來買左一樣好重要既野，就係珠片．．．因為我地已經離開左深水"土步"，所以冇得返轉頭ｌｕ～ 唯有拎埋ｄ通心粉返亞斯理啦～ｓｏ～１點前，我同ｔｔａｔｔａ已經返左去ｌｕ～～ 之後我地不斷實驗點整靚ｄ紙巾花～又ｏ係度諗點串珠仔先至靚～就係整呢兩樣野～ 都用左好多時間～跟住又要準備所需要用既物品～真係搞左好耐．．．不過我地一路整，就一路唱"相知"～ 因為呢首係我今日領詩要唱既一首歌～^^其實我本身都唔係好記得點樣唱， 之後經過ｔｔａｔｔａ既美妙歌聲教導之後，我都記得點樣唱啦～^^ 之後整整下，團契都差唔多夠鐘開始ｌｕ～～咁我地就執好野上去啦～點知未入得，因為有人用緊， 所以我地就ｏ係另一個課室等啦～之後薯餅＆雞雞無端端拎杯雪糕俾我同ｔｔａｔｔａ～ 真係俾佢嚇親．．．．過左陣，團契就開始啦～但係我ｏ個陣勁驚喎～因為我仲未諗到點樣分享呢首歌～ 個腦好似塞住哂咁～真係驚到我腳仔軟．．．＞＜、最後，有驚冇險咁都完成我所需要做既野啦～ 之後就開始活動啦～本來今次活動係唔關我事架～但係唔知ｙ ｔｔａｔｔａ無端端叫我幫手帶佢地整野～ 咁我就無端端做左替工啦．．．．仲搞到我冇得整母親節禮物添．．．＞＜、不過唔緊要， 佢地整得開心就得架啦～^^之後活動時間已經夠鐘啦～但係ｄ團友仔仲好似意猶未盡咁， 仲想整落去～咁所以完左團契之後，佢地都繼續整母親節禮物～ ｏ係團契完左之後，就係職員會～都傾左幾耐下，之後完左，我地就上返去啦～點知周圍都係垃圾， 佢地整完ｄ野又唔執喎～真係衰～經過一我地執完一輪之後，乾淨左好多～^^ 執完野就諗住去食飯啦～點知佢地又話要同ｋ明食，搞到成班人等佢一個．．．所以我地就行左陣街， 跟住我同ｔｔａｔｔａ又見到隻"核突"公仔啦～真係岩～行左陣就去左食吉野家啦～ 食飽飽之後，就去左海濱公園傾計，ｏ個度勁多蚊，搞到我周身痕．．激死～！ 傾計ｏ個陣，我覺得冇乜人肯真心咁講野，唔願意坦誠咁傾～ 所以傾唔到ｄ咩出黎．．．傾完就拿拿臨返屋企沖涼訓覺～ 完～
今日感恩既事： 各位團友都好投入今次既活動呀～感謝主～！ >>May 10, 2004 at 7:47:07 PM GMT+8 2004 年 5 月 7 日 星期五 【晴】 今日好早就彈左起身，可能已經慣左咁早起身啦～又或者我興奮得濟，因為今日有得ｂｂｑ呀～～^^ 今朝睇左ｖｃｄ，傾左陣電話，執下野，就出左門口啦～去到荃灣，就等星星啦～ 點知我打俾佢ｏ個陣佢仲ｏ係屋企，真係作死佢囉～！之後我就去左ｍ記得佢啦～跟住佢黎到， 就即刻去買今日ｂｂｑ所要食既野～隻死星星就淨係識得企ｏ係度～激鬼死！買完野就拿拿臨去搭車啦～ 點知去到ｏ個陣，架車走鬼左～！超激氣！好彩，等左一陣之後，又有另一架車黎啦～ 但係ｏ個陣已經太遲啦～ｐａｕｌ ｓｉｒ佢地班人都就黎踩到去．．．．死唔死？ 之後就搭到大埔落車啦～之前我勁驚過左站呀～因為完全唔熟大埔～好彩，冇落錯站～ 但係又要等車轉去大尾篤呢～等左勁耐，ｏ係等既期間，佢地已經到左啦．．． 仲ｏ係度吹我地快ｄ到添．．．無奈～幾經辛苦，終於去到大尾篤啦～^^ 之後就即刻打俾佢地叫佢地出黎拎野啦～咁我地一路行入去，就一路等佢地出黎～ 點知行到入去，佢地先出黎接手拎野～作死佢！ 去到就拿拿臨起爐啦～起完就即刻燒野食～今次買左好少野，好驚唔夠食，但點知差ｄ食唔哂．．． 因為好多女仔都唔燒野食，不斷踩單車．．．．差唔多燒完ｏ個陣，仲有冰凍既雜果涼粉食添～超正！ 之後執完野，收埋錢，就走啦～咁我同肥利諗住慢慢行出去啦～點知發返黎話： 『有巴士呀～快ｄ上車啦！（係單車～）送你地出去搭車呀～如果上唔到呢架巴士，就要等好耐架啦～』 咁肥利就即刻上左車～我ｏ個陣都唔知乜事．．．超無奈～搞到我要跑出去～嘩～ｏ個條路好似好長咁～ （平時都唔覺～）跑來跑去都好似未跑完咁，超慘．．．．跑到我"索"哂氣～想死呀！！！ 最終，我跑到出去～個巴士司機先至岩岩上車～（感謝主～我跑得咁辛苦都係應該既～） 跟住就搭車出返大埔啦～點知落車ｏ個陣竟然腳軟．．．仲要好似一行就跌咁～真係嚇死！ 落到車～就眼白白睇住架７３ｘ左．．．不過好彩等左冇幾耐就有車黎～跟住一路搭車， 就一路同ｔｔａｔｔａ傾電話～我地一齊ｏ係度傾今日所發生既事～今日好似我開心過ｔｔａｔｔａ～～ 因為ｔｔａｔｔａ佢好慘呀．．．＞＜、佢出街ｏ個陣冇人理佢呀．．．一句野都冇講過．．超慘．．． 之後買野又買唔到～最終我都幫到ｔｔａｔｔａ買到ｄ野～^^ 之後返到屋企，真係累死～咁就即刻沖涼啦～沖完涼，抖左陣就玩電腦，食飯啦～ 跟住夜晚既時候，同文傑ｉｃｑ，知道左．．．．．唉～～真係．．．．． 跟住見眼訓就去左訓覺ｌｕ～～～就係咁渡過左一日啦～ 完～
今日感恩既事： 冇人踩單車既時候傷到重傷＆希望佢地今日曬傷左既地方會盡快好返～ 仲有希望ｔｔａｔｔａ唔好再因為今日既事面唔開心啦～ >>May 10, 2004 at 6:55:24 PM GMT+8 2004 年 5 月 6 日 星期四 【微冷】 今日好開心呀～返埋今日就唔駛返學啦～仲要一連三日咁放假添～！正～！哈哈～ 今朝返到學校，就已經好期望上家政堂，因為今次又整野食啦～哈哈～又好玩，又好食， 係人都想快ｄ上堂啦～～^^之後過左艱辛既四堂之後，就上家政啦～^^今次家政整焗西米布甸～ 都幾易整～唔錯唔錯～仲好好食添呀～～雖然係咁好食，但係我都有忍住口，唔食咁多， 留返俾ｐａｕｌ ｓｉｒ食～^^跟住ｌｕｎｃｈ一完左，我就落左去搵ｐａｕｌ ｓｉｒ俾佢食啦～ 佢仲話甜到入心添呀～^v^y成功～ 本來今日ｌｕｎｃｈ ｏ個陣要開會架～但咁岩今日ｌｕｎｃｈ既時候，我ｏ個班有籃球比賽呀～ 阿敏都有份添～（本來我都係架～但係我唔想打，所以特登唔帶衫～^^）咁我一定要去捧場啦～ 所以今日又冇開到會啦～～＞＜、今次比賽輸左呀．．好慘，好唔抵．．．．可憐唷～～ 不過希望佢地唔好唔開心啦～ 跟住就繼續上堂啦～最尾ｏ個兩堂係中文堂，要默書～（好彩我識姐～^^）之後就繼續上堂啦～ 見悶悶地，我又ｏ係度作歌詞啦～今次真係作得幾好～^^ 最衰我唔識得作曲，唔係我肯定作到首歌仔出黎唱～^^ 放左學之後，我就要等ｔｔａｔｔａ開完會一齊落去葵芳，之後等左好耐，佢地仲開緊會， 咁我咪同星＆雞入去２２３搵ｐａｕｌ ｓｉｒ傾聽日ｄ野啦～之後傾傾下，就愈傾愈多野， 連ｔｔａｔｔａ開完會，我都未走得，最終我都係冇落到葵芳．．．． 傾完之後，就去左ｍ記食野，跟住就返左屋企ｌｕ～～～ 完～
今日感恩既事： 整焗西米布甸ｏ個陣＆比賽ｏ個陣都冇人整親～仲有願主保佑聽日去踩單車既同學，保佑佢地唔會受傷～ >>May 10, 2004 at 5:28:13 PM GMT+8 2004 年 5 月 5 日 星期三 【微冷】 今日返學既時間真係過得好快，可能今個禮拜開始轉夏令啦～上堂時間短左，所以就覺得時間過得快左～ 之後唔經唔覺就上左半日堂啦～跟住食完ｌｕｎｃｈ之後，就上ＩＳ堂啦～因為見上堂冇野做， 咁我就畫下星星隻手，之後愈畫愈多野～就係咁，我就畫左一幅好靚靚既"風景畫"啦～～哈哈！ 但係星星因為死唔蝕抵，係都要畫返我隻手，搞到我同佢兩個隻手都花晒．．．．＞＜、 之後由放學到返屋企途中，我都唔係幾敢俾人睇我隻手～ 因為肥利ｄ畫實在太．．．．．噁啦～哈哈～～ 放左學之後，就去左搵ｐａｕｌ ｓｉｒ傾星期五踩單車既行程，但係因為未有真確既人數數目～ 所以就冇乜點傾到就走左啦～之後見到羊咩咩，咁佢叫我陪佢去公園玩，咁我咪陪囉～ 但係佢話未齊人，要等齊人先去，所以我地就一路睇班際籃球比賽，一路等人啦～等到咁上下～ 差唔多齊哂人，就成班一齊去左公園啦～玩左陣，坐左陣～之後見肚餓就去左ｍ記食野～ 食野途中就見到娟，欣，波子佢地～之後一齊傾下計，吹下水咁，跟住見冇野做，咁就走左啦～ 今日好開心呀～～因為好耐冇去過公園玩啦～～同埋今日知道左好多野呀～！^^ 完～
今日感恩既事： 好開心咁上哂所有堂課～^^ >>May 9, 2004 at 9:28:13 PM GMT+8 2004 年 5 月 4 日 星期二 【颳風】 今日返學超得閒，我用左３堂中文堂黎回信俾ｔｔａｔｔａ，３堂就寫左３頁紙～超勁！ 之後上地理堂ｏ個陣，釣魚釣得勁"西"利，可能因為飯氣功心啦，又加上有ｄ冷氣吹吹下好舒服喎～ 最終我都係頂唔順周公既引誘，我都係趴左落張檯度訓覺覺豬～ｏ個陣真係訓得好舒服，跟住訓唔夠一陣， 就阿ｓｉｒ叫醒左我啦～雖然只係訓左一陣，但係我醒左之後，真係精神左好多～超勁！^^ 放左學之後就同ｌｏｒｅｔｔａ一齊搭車落荃灣（好難得會落荃灣～平時一定會落葵芳架～！） 落到去，我地就兜左成個圈先至去到我地想去既目的地＜挪亞＞～去到就睇下ｅ樣睇下ｏ個樣， 就係咁就打發左ｄ時間啦～～之後見肚餓，就去左仙跡岩啦～今次我終於食到我最想食既野啦～哈哈～～ 但係．．．．．佢竟然冇我想像中咁好食．．．．完全失望．．＞＜、食野其間， 我同ｔｔａｔｔａ傾左好多野，點知隔離張檯ｏ個對情侶，下下都講中死穴，真係衰！激氣！！ 食完野，我周圍行下啦～之後見到有隻公仔好"核突"，但係ｔｔａｔｔａ見到之後狂ｏ個度笑，傻架！！ 跟住就行黎行去，不斷ｏ係度搵好味既喉糖，但都係搵唔到．．．．好慘～！之後行多陣就走左啦～ 完～
今日感恩既事： 好平安咁過左一日～同埋今日女子籃球又順利升級啦～^^ >>May 7, 2004 at 9:21:59 PM GMT+8 2004 年 5 月 3 日 星期一 【微冷】 今日返學都幾無聊下，呆下呆下就上哂ｄ堂啦～之後放左學就落葵芳，行來行去，無意中就見到猩猩， 之後我地就迫左佢陪我地一齊行街街～佢ｏ個陣真係好無奈～～哈哈～～ 跟住ｃａｒｍａｎ，ｔｔａｔｔａ同阿怡不斷ｏ係度搵有咩送俾媽咪做母親節禮物～ 不過我就唔駛咁煩啦～因為我已經一早搞掂左ｌｕ～～ｗａｋａｋａｋａ～～所以我而家先至冇咁苦惱～^^ 之後行左陣，就去左三聯，跟住見到有本記事簿，都幾靚下，之後我就買左佢， 用黎作我同ｔｔａｔｔａ寫信既專用寫信簿啦～^^之後有買左張書簽～幾靚架！～ （本記事簿都幾靚架，想唔想睇下呢？想就問下我啦～但係我一定唔會俾你睇～～哈哈～～） 就係咁癲下癲下就行完街ｌｕ～～ 跟住去搭車返屋企啦～我同猩猩同路，但見到架巴士未到， 咁就去買野食啦～之後我就介紹左個東海堂既芝士牛角包俾猩猩食～～個包真係好正～ 哈哈～我個包仲要係佢請架～^^（好難得佢會請人食野～～ｗａｋａｋａｋａ！）跟住就搭車返屋企啦～ 搭車途中，同猩猩傾左好多野，但係我都未問完野，我就要落車ｌｕ～～所以下次ＩＳ堂再問過！！^^ 完～
今日感恩既事： 可以同猩猩開心見成咁傾計，真係第一次～希望可以繼續～ >>May 4, 2004 at 8:10:02 PM GMT+8 2004 年 5 月 2 日 星期日 【微冷】 本來今日可以留ｏ係屋企度訓覺架～但係訓醒之後，實在太悶啦．．所以打俾ｔｔａｔｔａ 叫佢陪我返亞斯理崇拜～點知原來佢都想搵我一齊返架～～！^^（幾夾～）之後因為時間關係， 所以我一齊去食早餐，跟住就約ｔｔａｔｔａ一齊搭車返亞斯理啦～點知又見到ｊｏｅｙ喎～ （連續兩次返崇拜都同佢一齊等車～勁！）上到車，就見到ｔｔａｔｔａ好狼狽咁食個包， 佢個樣好搞笑，一路話飽，但係自己一路食！型爆！返到去，好彩冇遲到， 之後就即刻搵返個靚位坐低等開始～～ 過左陣，就開始左啦～～ｏ係詩班ｄ人當中，我竟然見到ｋ團長呀～！真係俾佢嚇親， 原來佢真係詩班ｄ人黎架～我之前仲以為佢呃我添．．．．^^不過見佢著住件袍，佢真係著得好怪雞～ 可能係我睇唔慣啦～～之後就唱下詩歌，祈下禱～～之後就到我最期待既聖餐禮啦～～哈哈～～ 我真係到而家先至知道有聖餐禮呢樣野同埋聖餐禮原來係咁既形式架～～（係咪好無知呢？^^） 過多陣，就完左啦～～跟住我地幾個落左去張長凳度～問ｐａｕｌ ｓｉｒ俾ｄ上山影既相我地睇～ ｋ明勁大聲講野喎～但係我地都未見到個人～佢把聲真係勁！（呢ｄ就係叫做人未到，聲先到～哈哈～） 之後我地去左許留山食糖水，跟住去埋ｏ個間唔知乜野食魚肉翅～（好好味，好耐冇食過～） 跟住就落左葵芳啦～落度去，我又食野，之後見到ｋ明，跟住又去食野～今日真係飽死．．．．＞＜、 之後傾左陣計，就去左球場睇波，今日彼團對安團呀～但係我睇左陣就走左ｌｕ～～唔知邊對贏呢～～ 完～
今日感恩既事： 明白左聖餐禮係乜野啦^^～而家同神既關係又拉埋左啦～～^^ｙｅａｈ～ >>May 4, 2004 at 8:08:51 PM GMT+8
|
|
笑多d... 笑多d...笑多d人氣: 8292
Design & Scripting by ShowHappy.Net