| 日記 | 日記主簡介 |
||||||||
2005 年 6 月 4 日 星期六 【綿綿細雨】 今日好早起左身，因為要返亞ｃ理湊仔～出左門口，買完野食就返去啦～點知等成３個字都未有車！ 痴線既咩？又熱又晒又眼訓，ｄ野又重～真係想死我咩？傻的！幾經辛苦返到去～ｅ？今日得三個咋啵！ ｔｔａ ｔｔａ掂哂！一個頂三個～^^（其實得一個要幫佢溫書，另外兩個都冇野做～） 咁冇野做，我就食野啦～超好味呀！好耐冇食過咁好味既早餐啦～食完，坐左陣，就眼訓ｌｕ～ 諗住訓一陣啦～點知班細路嘈喧巴閉！訓到訓唔到．．慘慘～ 完左，就陪ｔｔａ去ｍ記食野～我就食左杯雪糕！點知食食下，出面落勁大雨喎，諗住雨停左就走啦～ 但愈落愈大．．走唔到～跟住又凍喎，今日又冇得借冷衫．． 跟住就等ｂｏｂｏ出黎，又陪佢食野～今次去大快活～傾左陣計，就去左買今日組會食ｏ個ｄ野～ 買完就返去ｌｕ～咁見到咁大雨，就諗住搭的士，點知架架的士都有人．．激死～ 最後我地都係搭小巴返去．．^^ 返到去，就係咁練琴，因為今日要唱．．．點知～要練既呢首歌， 竟然係Ｆ調．．都未學彈．．唱又唔識唱～ｔｔａ都話好ｄ，佢尋晚有練到．．真係驚到我死～ 隻手又凍到好似冰咁．．凍到痴左．．但好彩有問ｃａｒｍａｎ借衫咋，唔係凍死左．． 跟住我就係咁彈～終於，俾我練到啦～但點知．．ｏ係大家面前彈，真係好大壓力！ 又未試過，搞到．．．彈得超差．．＞＜、（唔制呀！之前都好地地．．）唉．．好ｈｕｒｔ～ 跟住就組會啦～又有生日會！^^今次有我份～因為我係６月生曰！ｋｅｋｅ～慶祝完， 就去團契搞既生日會，又玩一大餐～之後打左陣波，又彈左陣琴～ 點知大家都玩到唔知時間～連崇拜開始左都唔知．．失敗．． 完左，就去食飯～我地去左一間我地好耐冇去過既"標記"～好好味！正～食完，就各散東西ｌｕ～ 今日都係好眼訓呀～希望聽日可以訓晏ｄ啦！ 代禱事項： ｋｉｔｔｙ今日去旅行呀～希望主你祝福佢，讓佢旅行既時候一路平安～ ｂｏｂｏ條腰骨唔知咩事突然好痛，願主親自醫治佢！ 嘉威整親手，可能會影響佢工作，求主去醫治佢，令佢早日康復！ >>June 5, 2005 at 12:21:42 PM GMT+8 2005 年 6 月 3 日 星期五 【晴】 今日成日都冇乜特別～係臨尾ｏ個兩堂ａｒｔ～我ｏ個ｔａｂｌｅ既人（包括我在內！）竟然肯畫畫呀！ 完全係奇景！跟住又發現我畫畫都唔錯個喎～哈哈～仲有，我竟然識得油深淺色！勁呀！ 跟住畫下畫下～就落堂ｌｕ～有ｄ唔捨得，因為．．．．我想繼續畫落去呀～咁難得我咁有心機．．． 點可以唔俾我繼續架？但最後都係因為要返團契．．所以放棄左畫畫～（ｏｈ～ｍｙ傑作啊～ 我地無緣再見啦～＞３＜、）跟住帶住一個唔多ｈａｐｐｙ既心情返團契～返到去，見到佢地玩得咁開心， 唔通我一個人好似自閉咁企埋一邊咩？ｓｏ，就要變臉！變做ｈａｐｐｙ的我～去同佢地玩啦～ 今次都玩得幾開心，我ｏ個組良善組仲贏左添！ｙｅａｈ！不嬲都話良善組係好有ｔｅａｍ ｗｏｒｋ架啦 癲完一輪，就要坐低靜靜地聽人分享啦～但唔知係我尋晚夜訓，定係岩岩玩得癲得濟，突然覺得好攰～ 仲有ｄ想"釣魚"既ｆｅｅｌｉｎｇ添～ｂｕｔ好彩我冇事～仲頂得順！^^（好叻女呀！） 團契完左，就食左ｄ西瓜，同大家傾左陣計～（ｅ？好似又有野發生喎～）跟住又練左陣琴， 就拉大隊落葵芳ｌｕ～今次我地食ｋｆｃ～都幾開心！食完，我地呢ｄ醒目人， 就梗係同梓進＆ｊｅｓｓｉｅ分手啦～要俾ｄ時間佢地拍拖架嘛～ｋｅｋｅ～ 之後我地就去左食糖水～（又食？好彩岩岩唔係食得好飽～）嘩～ｏ個個芒果乜鬼野，甜到痴線．．． 跟住就同ｃａｒｍａｎ換左～佢ｏ個個好食ｄ！^^坐左陣，就出左去傾計～但我就眼訓到痴線， 呆到爆！幾經辛苦，佢地終於肯走啦～跟住返到屋企～搞掂哂ｄ野就訓左ｌｕ～ 感恩既事： 又解決左一件煩惱既事啦～^^ >>June 5, 2005 at 11:40:06 AM GMT+8 2005 年 6 月 2 日 星期四 【晴】 尋日整左蛋糕，咁今日梗係拎返學校俾ｄ白老鼠試下啦～而我自己就覺得今次冇上次咁好食．． 唉．．．又再次失敗ｌｕ～～但唔緊要，因為我今日心情好！^^ 咁我就帶住一個好ｈａｐｐｙ既心情返學校啦～一路心情都唔錯架！點知．．大話精冇返學， 呃左我．．搞到我ｄｏｗｎ左一ｄｏｗｎ～晨早流流就俾人呃．．咩世界呀？！ 過左幾堂，心情回復正常～可能今日有得勁彈琴既關係掛～ｋｅｋｅ 跟住ｌｕｎｃｈ就開組啦～幾開心！但佢地就好似受罪咁啦～因為佢地要食我整既蛋糕呀．． 哈哈～今次咁難食都俾佢地食哂～我下次會俾心機整好ｄ架啦！咁你地就唔洗又受罪啦～ 完左就上堂啦～諗住可以快ｄ放學去練琴啦～點知康師傅發脾四呀！嚇到我地成班ｏ哂咀．． 真係未見過佢咁惡．．跟住就聽下佢俾我地班既忠告，之後先有得放學．．唉，超無奈呀！ 一放就去左練琴，今日心情好，ｓｏ～練琴都練得開心ｄ～^^正如阿敏尋日話：明天會更好～ 今日真係好好～可以ｋｅｅｐ住落去就好啦！ >>June 2, 2005 at 8:33:07 PM GMT+8 2005 年 6 月 1 日 星期三 【晴】 今日極之不願意返學呀！完全想死！返學時間過得非常不快樂呀！討厭～係咁俾人話，唉．． 你地成日都係話我錯架啦，又冇聽過我解釋，咁呢ｄ野係我想既咩？乜都冇做過都俾人話～咩世界呀？ 成日ｏ係學校已經唔多ｈａｐｐｙ，咁諗住出左學校會好ｄ啦～點知，等車落葵芳都要等成半個鐘～痴線～ 又熱又多蚊，唔係等車等死都俾蚊咬死啦～落到去，就興致勃勃咁去左整蛋糕ｏ個間鋪， 買定ｄ野今晚大顯身手，跟住再上左去買ｍｏｕｓｅ，之後左出商場買玻璃同鏡。點知買下買下， 就成手都係野～重到痴線，咁諗住返ｄ搭車返屋企啦～去到等車，超多人！ 跟住ｏ個架死人４３好似死都唔肯黎咁，拎ｄ野拎到我死呀！痴線架！ 幾經辛苦，終於返到屋企，諗住可以抖下啦～但我就發現，我買漏左一塊玻璃，咁我梗係即刻落樓下買啦～ 嘩～貴到阿媽都唔認得！葵芳買５蚊一塊，呢度買２０蚊一塊～痴鬼線．．但無奈地，都要買．． 唉．．今日真係黑開有條路，整蛋糕ｏ個陣要ｏ個樣冇ｏ個樣！激死～我就係咁落街．． 搞到個看更阿伯以為我痴左添．．．好唔鍾意今日呀！！！但係有個蛋糕安慰下我，都好ｄ．．．． >>June 1, 2005 at 8:46:39 PM GMT+8 2005 年 5 月 31 日 星期二 【炎熱】 唉．．．尋晚發左個惡夢，喊到我死死下．．搞到今日成日自己都呆呆地，ｄｏｗｎ都爆～ 上堂又無聊，阿敏又係咁同ｄ男仔玩～我就廢事埋堆，咪盞搞．．跟住上中史堂ｏ個陣勁玩自我封閉， 平時佢地搞我，我都會同佢地玩埋一份，但今次，我竟然發佢地脾氣．．．點解我會咁架？ ｅｑ低左咁多既？慘慘ｌｕ～～之後放左學～乜鬼野都冇心情理，交完簿就上左宗教室練琴， 係咁向部琴咁發洩～彈完自己都有ｆｅｅｌ到隻手有ｄ痛．．痴線的．．！ 到左５點，就俾人趕～ｏ個陣心情都好返ｄ～^^咁心情好左，咪同琪一齊行落去囉～ 點知行行下，就見到個"凡人"，琪俾佢纏住左好耐，直到我ｏ係７仔買完野出黎為止～ 本來我都想救佢架，但見自己幫唔到佢ｄ咩，咁咪買朱古力俾佢食囉～點知氹到佢幾開心呀～ 跟住返到屋企，即刻沖涼，之後訓覺～諗住訓醒會好ｄ．．． 但係心情都係唔多好．．仲有呀～今日我竟然極少有地冇乜點笑過呀．．死囉．． >>May 31, 2005 at 9:05:47 PM GMT+8 2005 年 5 月 30 日 星期一 【晴】 唔知點解，今年ｏ係我既生活中，好似特別多問題發生咁～ｂｕｔ我呢ｄ咁開朗既人， 有咩事發生都會好似粉筆字咁抹左佢，忘記佢架啦～但我發覺，忘記～唔代表事情已經解決左．．． 就好似我而家咁，不斷有好多煩惱困擾住我，而自己又唔識得解決，淨係識得拖時間，諗住拖拖下， 件事就會被淡忘，但往往呢ｄ煩惱，都唔會ｏ係我心裏被忘記，只會係被擱置。 而我自己呢排ｄ情緒大起大落，好易發脾氣，都唔知點解。ｅｑ又勁低，我諗都有唔多人已經受罪ｌｕ～ 對唔住呀～我已經不斷抑壓住自己架啦．．．諗住可以止住我既煩惱．．． 始終世事都唔會咁如意，今日，阿ｙ就勾返起我一直唔想面對，唔想同人講既事情～ 因為，唔開心既野，邊個鍾意拎出黎講架？更何況係呢ｄ已經發生左好耐既事～ 咁難得有人願意聽我訴苦，仲唔嘭嘭聲講哂出黎咩？ｏ係講既途中，我發覺自己好似變左， 冇以前再咁怕事，諗野都冇咁細路仔。而只有一個小息既時間，又點可以將所有既事講得一清二楚呢？ 所以，放左學，又開始訴苦之ｐａｒｔ２～分享既時候，當然會有ｄ想喊既場面架啦～但好彩冇發生到．． 到大家分享完，得出黎既結論就係《一切要從禱告開始》～但講就識得講姐， 實質我自己做唔做到，我唔知；能唔能夠改變到佢，我亦都唔知。我只知道，我要信！ 我要信神，我要藉著神俾我既恩賜，去愛我身邊每一個。雖然我付出既唔多， 但我都會盡我既力量，去改變佢！唔知大家支唔支持我呢？ 求主你能讓我ｏ係今次既過程當中，能得著更多，經歷更多！ 亦多謝你讓我認識到阿ｙ，阿ｋ同阿ｂ，如果唔係佢地，我諗我既脾氣，煩惱，一定會谷到爆！ 更加多謝你賜阿ｍ俾我，讓我能夠去學習愛人！感謝主～ 阿們～ >>May 30, 2005 at 9:39:16 PM GMT+8 2005 年 5 月 12 日 星期四 【晴】 今日終於冇發燒啦～可以返學ｌｕ！但返學，亦都係今日既惡夢開始．．．．．． 頭幾堂都冇乜特別事發生，淨係勁流鼻水同咳，真係驚ｄ病菌會傳染俾ｄ同學仔～ 跟住就小息啦，落左去搵ｂｏｂｏ訂飯～今日係ｙ記呀！！ｗａｋａｋａｋａｋａ～唔駛再食燒味飯啦！ 之後就係週會堂～話講我地中三升中四選科問題．．仲要派埋選科紙．．真係想死～ 聽完佢地講一大輪野之後，就ｌｕｎｃｈ啦～一放就即刻上去開組～ 今次我地女生宿舍好多人呀～成８個呀～（唔計ｂｏｂｏ）完全係新突破～！ 完左就繼續上埋ｏ個兩堂，就放學ｌｕ～ 放左學，行左陣街，就返左屋企。返到去第一時間梗係同阿媽商量下我讀咩科好啦～ 點知．．．．．．佢一句話：「讀理科啦～」之後就同我"收左線"，冇情講 ～ ｏ個陣真係覺得超慘呀～明明自己係對商科好有興趣，同好想讀架嘛～ 但阿媽一句話：「讀理科啦～」就打破左我既心～～點解呢ｄ野會發生ｏ係我身上架？！ 之後同佢傾多左，佢就話係為我將來著想，又話我讀商既話，將來會冤佢．．． 咩都佢講哂啦．．．好慘呀！！ 到我冷靜落黎之後，我就ｏ係度諗：『算啦，聽下阿媽話啦，可能真係讀理科會好ｄ呢．．．．』 又ｏ係度諗：『讀唔成理咪出黎ｉｖｅ讀商科囉～』不斷搵藉口去說服自己去讀理～ 搞到自己好似係精神分裂咁．．有冇人可以教我點做呀？！ 代禱事項： 為我選科既問題祈禱！ >>May 16, 2005 at 9:34:56 PM GMT+8 2005 年 5 月 11 日 星期三 【微雨】 今日病左呀～好辛苦，病又病唔哂．．．想死！但係都有好多人關心，我已經好開心～ 希望聽日會好返啦～求主親自醫治我！！阿們 >>May 11, 2005 at 7:06:51 PM GMT+8 2005 年 5 月 7 日 星期六 【綿綿細雨】 嘩～Ｎ咁十世冇寫過日記啦～大家係咪好掛住我呢？我都知唔係架啦．．．＞３＜ 好～講返呢排先，我發覺中三既生活真係過得好快，話咁快下個月就大考，都唔知點算．． 不過唔緊要，正所謂：「不要為明天憂慮～」呀嘛，所以我就唔憂慮啦～ ．－．－．－．－．－．－．－．－．－．－．－．－．－．－．－．－．－．－．－．－． 今日星期六，又係返團契既日子～今次主題係＜探訪長者義工服務＞～ ｏ係之前，我地都有話劇綵排同練歌～準備好哂ｄ野，就出發ｌｕ～去到而又未開始既時候， 我已經好興奮～完全唔記得自己應該做ｄ咩．．（呆呆的！） 跟住就開始ｌｕ，大家都好投入～阿敏仲俾人讚係最佳女主角添～^^ 之後ｄ公公婆婆話七個小矮人唱ｏ個首"歡樂人生"好好聽，想encore～咁我地梗係順佢地意思架啦～ 個氣氛真係唔錯架～^^唱完佢地就左ｌｕ～ 今日係我有生以來最有意義既慶祝母親節活動～希望可以繼續有呢ｄ活動啦～ 感恩既事： 今日活動好順利呀！ >>May 11, 2005 at 6:57:01 PM GMT+8 2005 年 3 月 9 日 星期三 【晴】
|
|
笑多d... 笑多d...笑多d人氣: 8292
Design & Scripting by ShowHappy.Net