| 日記 | 日記主簡介 |
||||||||
2005 年 10 月 25 日 星期二 【颳風】 自星期日之後，心情好似好左好多咁～個人都好似更加有動力去做野咁～（好似咋） 唔知係咪因為我諗通左呢？嘰！但諗通左就唔代表解決左，我諗件事仲未完架．．． 好衰唔衰！一波未完，一波又起．．尋日又有事發生，對我黎講都幾大件事～ ｂｕｔ．．我諗冇乜人幫到我！因為只有我先至可以搞掂呢件事～ ＞３＜、 唉．．．點解呢排要有咁多事發生ｏ係我身上架？唔通"你"想我經歷更多？想我從中得著一ｄ野？ 我真係唔知！我怕再咁樣落去，我失去勇氣同信心．．唔敢再行＜呢條路＞．． >>October 25, 2005 at 9:01:52 PM GMT+8 2005 年 10 月 20 日 星期四 【微冷】 今日一直心情低落，直到第７，８堂先至好返ｄ．．． 而家唔敢面對你地呀．．．唔好咁啦～好冇？ >>October 20, 2005 at 9:05:18 PM GMT+8 2005 年 10 月 19 日 星期三 【晴】 今日超唔掂．．．無啦啦累埋人．．．我好憎我自己呀！ 放左學即閃人，冇人搵到我．．．．喊到死．．． 放棄我啦！對唔住．．． >>October 19, 2005 at 9:11:49 PM GMT+8 2005 年 10 月 13 日 星期四 【晴】 返到屋企．．就有一刻感動想去靈修。跟住就拎起本靈修書．．．慢慢咁睇啦～ 睇期間播住＜同在的神 - 以馬內利＞隻碟～好耐未試過咁舒服啦～哈哈！今日一口氣讀完３日既靈修資料～ 我諗大家都知道ｅ排我發生左好多事．．但一直而黎我都冇真真正正咁搵過神．．．直到今日～ 我被聖靈推動我再次靈修～當中我明白到唔少野．．．亦都發覺神原來等左我好耐啦．． 佢原來籍著我身邊既事物去關心我，祝福我．．．打到呢度，我不自覺地喊左出黎．． 我覺得我唔配做神既朋友／兒女～點解佢咁愛我，我都唔察覺．．．點解我咁蠢架．．． 點知神佢用一首歌黎安慰我（以下係部份歌詞↓） 『你永遠常在我心安慰憐憫， 或會遇困險，你在旁再不驚怕， 聽我細訴，每天貼進你懷抱， 明白我極難過，你仍伴我共行。』 〝除祂以外，沒有任何人能作我們的親密良友。〞 究竟我有冇當過神係我既密友呢？我自己都唔知．．．祢俾個答案我．．好嗎？ 仲有一條問題想問大家．．究竟人點樣先可以做神既密友呢？ >>October 13, 2005 at 8:37:31 PM GMT+8 2005 年 10 月 10 日 星期一 【微冷】 ｗａｋａｋａｋａｋａ！大家知唔知今日係咪日子呢？今日就係我『生日』啦～ 我諗大家都會好疑惑點解我會無啦啦生日呢？就等我黎揭開答案啦！ 今日其實就係我決志既日子啦～仲記得我係２００２年１０月１０日～（雙１０好易記！） 我就ｏ係學校既佈道會入面決左志～咁姐係重獲新生啦！亦都姐係生日啦～ｋｅｋｅ 但唔經唔覺，就已經過左３年啦～估唔到３年前我只係一個單純既學生～但而家就已經變左做團長啦～ 時間過得真係好快呀！唔知過多３年後，我又會變成點呢？ 其實今日唔只係我生日架！阿敏都係架！大家記得送生日禮物啦！ ｗａｋａｋａｋａｋａｋａ～ 感恩既事： 感謝主讓我ｏ係呢３年入面冇離開過"你"～ >>October 10, 2005 at 10:42:21 PM GMT+8 2005 年 10 月 9 日 星期日 【晴】 今日晨咁早就俾媽媽叫醒左，問我去唔去睇戲～我梗係話去啦～之後佢就出左門口，去買飛啦～ 咁我就ｏ係屋企梳洗下啦～點知未梳洗完，媽媽就打黎話冇飛，所以唔睇～ 咁我就好乖乖咁留ｏ係間房度玩電腦啦～玩到咁上下，媽媽買左ｍ記早餐返黎～好耐冇食過啦～ 真係好好味～之後食完，就繼續玩～係咁玩～玩到１點半～就出左街街ｌｕ～ 首先就同loretta，湄湄，裕記出左荃灣食野，行街，睇野，玩野．．．． 其實最重要既目的都係為買ｃａｒｍａｎ份生日禮物！ 行到咁上下，就搭小巴返李惠利～因為今日有排球比賽呀！ 比賽內容省略．．．． 睇完，我就同希彤去ｍ記買麥旋風食＋一齊返屋企啦～ 而其他人就去意粉屋為ｃａｒｍａｎ慶祝生日啦！ 今日心情一般！可能今日冇其他人影響啦！^^ 感恩既事： 排球比賽冇人受傷～ 特別既事： 祝ｃａｒｍａｎ １６歲大壽快樂！ 希望你＜會考＞會考得好好啦！仲有唔好成日唔開心啦！ >>October 9, 2005 at 9:48:28 PM GMT+8 2005 年 10 月 9 日 星期日 【晴】 話咁快就過左維持一個禮拜既福音週喇～亦都岩岩做完ｏ係雅團連續４個禮拜既週會～ 乜都搞掂哂啦～真係好開心！雖然之前有好多野令到我好唔開心，喊～ 甚至令我想離開團契～但係呢一切一切，已經成為過去啦～喊既都喊哂～ 我要做返一個開開心心既阿亭～唔會再令人擔心我！因為我大個女架啦！ 要學識自己開解自己～唔可以下下都要人照顧架！ 希望大家能夠見證住我點樣ｏ係神既愛入面改變同埋成長啦！ >>October 9, 2005 at 9:14:32 PM GMT+8 2005 年 9 月 30 日 星期五 【微冷】 願你今年會事奉得開開心心啦！ >>September 30, 2005 at 11:19:26 PM GMT+8 2005 年 9 月 30 日 星期五 【炎熱】 唉．．．今日成日心情都唔多好呀！由今朝開始，已經唔想搞團契ｄ野～ 但迫住我要去做．．因為未預備好～今日仲要係交職禮．．．交完職，班大既就唔會再係度．． 到時我就一定死得啦～嗚．．嗚．．． >＞>＞>＞>---------------------------------------------------------<＜<＜<＜ ｏ係放學之前成日都好冇ｍｏｏｄｙ～呆爆！仲之成日都唔開心啦～搞今次週會搞得超差！ 雖然已經達到左我既目的：要佢地喊～但真係好差好差！乜野都搞唔掂！真係我都諗唔到會搞成咁～ 超級失敗呀！又未知聽日週會係點．．都唔知點算～聽日仲要係我做主席～真係好大鍋！好唔想做呀＞＜、 點解我會搞成咁架．．真係諗唔通～乜野都做到半桶水！真係好對唔住大家！＞３＜ 唔想再做落去啦！！！幫下我～好嗎？我就黎喊到死左啦～ 代禱事項： 我既唔開心 >>September 30, 2005 at 11:15:18 PM GMT+8 2005 年 9 月 28 日 星期三 【炎熱】 嘩～好耐好耐冇打過日記啦～掛唔掛住我既日記先？ｗａｋａｋａｋａ～ 咁講返呢排近況啦～暑假ｏ陣就勁玩，雖然有時會好悶，但同大家一齊渡過既日子係唔會白過架！ 就係因為暑假玩得太ｈｉｇｈ，搞到開左學咁耐我都仲未有心機讀書．．．功課都冇乜點做．．． 上堂方面都ｏｋ跟得上啦～（我太叻啦～）其實都係因為有人教我姐！^^ 而團契ｏ個邊就忙都抽筋啦，之前就係中１迎新忙到爆～呢幾日就係忙星期５，６既週會～ 下個禮拜就會忙福音週ｄ野～我就黎發癲啦～點解一次過會有咁多野做架？ 係我唔識得安排時間呀？定係我根本做唔黎呀？唉．．真係諗極都諗唔通～點算呀？ 有時真係想乜野都唔做，一走了之，理得佢地死架～但每當有呢個念頭既時候，總係會唔捨得走～ 又驚佢地做唔黎，接唔切手，到時我仲大件事．．．所以，一走了之呢件事，我永遠都做唔到．． 呢件係好事，定係壞事呢？希望大家為下我心志祈禱啦！ 仲有呀～呢排勁練歌，又勁晏先返屋企～真係好累呀～所以唔好叫我做ｄ過份體力勞動既野呀！唔該哂～ 都唔知係咪因為咁，所以唔夠訓，搞到抵抗力低左，ｅ排又傷風＆咳啦～ ＞３＜、 代禱事項： 下星期福音週～ 大家既健康～（包括我在內） >>September 28, 2005 at 10:59:45 PM GMT+8
|
|
笑多d... 笑多d...笑多d人氣: 8291
Design & Scripting by ShowHappy.Net