2003 年 8 月 14 日 星期四 【雨】

琴晚~
add 阿光~
先知佢已經走左lu~
不過佢有得打中文~好似帶左隻window~
真係唔串佢兩句都唔知呀~

今日~
成日都又係響屋企...
都係冇咩特別事...
不過~我家姐去左我表妹屋企@@"
今晚~
可以夜d瞓lu~

今晚~
本來琴日約好去跑步~
不過又落雨喎...
冇得去~
我家姐又走左~
阿爸阿媽又去左飲喎~
得自己一個響屋企~

今晚~律政新人王大結局~
開頭睇~覺得佢都唔係咁好睇~
不過睇睇下又幾正~
嘿~唔錯唔錯~

唉~今日日記又係咁無聊...
點解我o既生活就咁無聊...而人地就多采多姿架~!!

>>August 15, 2003 at 6:19:03 PM GMT+8

2003 年 8 月 13 日 星期三 【晴】

今日~
真係平淡的一天~
平平淡淡~冇野做~
都唔知響屋企做咩好~
呆下呆下~咁就一日~
無奈~

比較特別都係~
icq收到5個鹹網o既網址~
5個都唔同~
5個都.......(笑~)

>>August 14, 2003 at 2:46:32 PM GMT+8

2003 年 8 月 12 日 星期二 【雨】

今日~
約左猩猩出去九龍灣交報學廚d野~
所以我琴日叫左佢打比我~
佢10點半到已經打左黎~
唉~琴晚4點半先瞓....真係唔夠瞓...
沖完個涼~打返比猩猩~叫佢響佢屋企下面麥記等~
去到等左陣~佢先到~
同佢上返佢屋企~叫佢阿媽幫佢簽名~
之後我地填好d野~就出發去大中~

我仲未食野~
所以去左麥記食野~
食完野之後去左搭74x出去九龍灣~
同猩猩出街真係勁正~
傾計~傾咩都得o既~就算有咩秘密~佢又唔會講出去~
好似我咁~都係一個不錯o既聆聽者~
而且大家咁熟~真係傾到落車仲有得傾~就算係傾廢話~都好開心o既ja~

落車la~
有一班女仔~好似同我地o既目的地一樣~因為飛左站~
而有一個按左鐘o既姐姐就同個司機理論左兩句~不過都係冇結果~仲要比個司機串添....
本來我地根住果一班=3個女仔~不過猩猩見到果間野~
就響地鐵站後面~之後唔鬼根佢地~我地自己走左過去~
行到去~到左~個阿嬸我地報咩~我地答佢~學廚囉~
佢就好唔客氣又串o既態度同我地講~學廚響格離果間呀~
我地出返去~睇睇下~建造業訓練學院~?!
嘿~傻仔左添~我地行下行下~終於都搵到la~
咩名就唔記得~不過佢個裝修都好靚下~比起建造業訓練學院~一睇就知高幾班la~
入到去~簽埋個名~報完.....

走~行商場過~
行行行行行~之後過左商場就落去搭巴士~
等左陣就有巴士la~
我地又傾傾傾傾傾~
唔經唔覺就返到去lu~
猩猩題出話去打機~
我就冇所謂~
咁就走左去打機~

上到去~
好多人~熟d o既人就得阿sun仔一個~
我地等左個幾鐘先有位~
打打打打打打~打到6點~我地就走lu~
唔知點解~今日好攰~收好鋪都....
不過今晚去食轉轉壽司~
冇咩胃口...又好攰...食得唔多.....

今晚睇新聞先知~
個腦中左病毒喎~
好似話淨係XP中招~
唉~K兜~

>>August 13, 2003 at 5:58:59 PM GMT+8

2003 年 8 月 11 日 星期一 【晴】

個腦....有問題~!!
自己到數1分鐘就重開@@"
咁...就冇得玩lu~

9點幾~
比人嘈醒左~
講左幾句無謂野....
響房度碌左個幾鐘~
就出左廳睇電視~

點幾鐘~
連有線都已經冇野好睇~
咁就開我家姐幾日前買o既碟黎睇~
嘿~幾好睇~幾好笑~不錯不錯~

之後~我家姐叫左佢d fd上黎~
睇下個腦咩事~
不過都係唔知~
之後又睇多次果隻碟~
嘿~佢地睇果陣同睇完對出戲都好多評語~
不過佢地講得好好笑~CCC~

今晚~
我家姐兩個fd上左黎~
其中一個知道點樣搞返好佢~
嘿~之後...咪有得玩囉~
不過我都係冇得玩o既...我家姐用....
咁我阿媽話悶~拎左d啤牌出黎~
話鋤大d喎~玩左幾個回合~都輸唔小下...
之後原來小左隻唔知咩牌~唔計^^~
我家姐約左佢其他fd去食燒夜~
又有幾個上黎~多左人玩~
我家姐就唔比我玩就佢自己玩~
咁我咪打機囉~

佢地玩多陣就去左食燒夜~
得返我同我阿媽~佢就好無聊咁自己一個唔知玩咩~好似叫13張@@"
見到佢咁悶.......而且佢又叫我同佢鋤d~咁咪玩下囉~
玩1毫子隻~本來輸到5個幾...又比我win返到輸3個9~
玩到lee個局面....佢地就上返黎la~
我,我阿媽,我家姐兩個fd叫阿歡同阿聰~
我地就4個人玩~而我家姐就自己去左瞓....
我地玩左好耐~玩到4點半~當阿聰輸到破400隻o既時候~
我地就玩完lu~
咁就玩得好激烈la~阿歡一開波到尾都係win多輸唔多~
我就都係冇變都係唔輸得多~我阿媽同阿聰鬥輸得多~
haha~阿歡有39個幾收~我就有4個8收~我阿媽就輸左8.8~阿聰最強~輸左35個幾@@"
之後佢地兩個都走左~

最後我都係收唔到錢o既~
o岩o岩輸左3.9~e+win左4.8~
9毫子....要黎都冇用....不過...第一次拎到同花順~
不過用得唔好....hehehe~

>>August 13, 2003 at 3:23:27 PM GMT+8

2003 年 8 月 10 日 星期日 【晴】

今日~如常沉悶.....
都係睇下電視~
打下機~上下網咁~

6點幾~
沖涼~換衫~
咁就出去收鋪~
收好我要收o既部分之後就自己返屋企~
返到屋企~
睇左本pc game書~睇埋本火鳳燎原~
之後就睇電視la~
睇完又冇野做~而且好小見到你會已online o既方式出現~
又on下又隱下形又掛下牌~
咁咪叫下你囉~
講左幾句無聊野之後~係問我ive d野~
講真丫~我都唔係咁想讀~
報到咪報囉~報唔到咪算囉~
之後都傾唔到d咩就停左la....
咁你話"原來我同你只可以2句起3句指........"
嘿~冇錯丫~我份人就係咁悶架la~
我唔識得好似其他男仔咁~咁識哄人~咁識得搵話題~
其實你一開始可以話唔同我傾咪得囉~
我覺得我地o既距離咁遠...都傾唔到d咩架la...
我係果隻咩都唔識咩都唔理咩都唔想做o既人...
而你就讀書叻做野又夠上進做事又聰明無時無刻都咁大膽....(我覺得....)
之後就傾左d好無謂o既野咁就完左...

>>August 11, 2003 at 4:05:10 PM GMT+8

2003 年 8 月 9 日 星期六 【晴】

唉~今日好悶呢~
成日都響屋企~
唉~漫畫節都最後一日啦~
但係我都冇機會去....
真係有d可惜.....

今晚~我心情都唔係咁好~
我阿爸o岩o岩比我串左句~
之後返到屋企就叫我去煲飯~
我就梗係一樣都好唔高興la~
我就好求其咁搞好就算~
比佢睇到之後響度鬧~
我咪做返好佢囉~搞返好~
之後響廳睇書~
唔洗睇都知因為之前同o岩o岩o既事~
佢就想打我同鬧鬼我la~
但係道理響我度~我就同佢講道理~
唔洗睇都知係我o岩la~
不過佢都照鬧~勁多粗口~不過係正常o既~平時都係勁多@@"
大概係~"你小撚心d呀~咪撚野起我把火呀~打撚柒你你咪撚嘈呀"
嘿~我就梗係扮傻仔la~同佢鬥咀咪自己唔著數~
佢咁火~95個巴仙會衝過黎打我~而且個局面就一定比之前差~

夜d~
我阿媽想去佢個fd度瞓~
我阿爸就同佢講~"咁我落吧睇波啦"~
之後我阿媽咪唔去囉~
之後我阿爸響度自己發皮氣~
佢睇睇下波都走左入自己房~
響房又唔知做咩自己勁噫噫~哦哦~
之後我阿媽入埋房~佢就走出黎"山"左個電視~
之後又入返去喎~
過多陣又走出黎~
咁本來我諗住今晚去跑步架ma~
不過佢地又冇叫我去~
但係又同我家姐換左玩個腦o既時間.....
咁佢又走出黎叫我地"山"腦.....
冇得玩...咁都算la~
人家未沖涼又叫人家入去瞓....
之後我家姐走左出街搵佢d fd~
我知我阿爸一定會鎖門...

咁人家好難先入到睡~
好似兩點幾我家姐又打電話返黎叫我開門...
個個都嘈唔醒....嘈醒我.......
搵笨....

>>August 11, 2003 at 3:33:18 PM GMT+8

2003 年 8 月 8 日 星期五 【晴】

成晚都冇瞓~
冇得瞓~唔瞓~
樂樂9點黎搵我~
我地一齊去左銀行入數~
入完之後就好似琴日咁搭271出去~
搭車果陣~都瞓左一陣~
haha~譚德佢就坐響我地對面~
之後有個(肥)女人坐左響佢格離~
咁我地後面果幾行都瞓晒差唔多@@"
我醒返之後見到果個女人仲瞓緊~個頭"w"下"w"下~
個樣~勁CCC~
落車之後譚德同我地話返話個女人瞓瞓下瞓左落佢度~
佢頂一頂~個女人個頭又彈一彈~嘿~勁傻~

之後再搭地鐵去杏花村交野la~
我地終於都響11點前搞好晒d野~
之後陪譚德lee d一早報左名o既去簡科~
簡左好耐~之後就簡好la~
又行左陣商場~之後又走左去麥記食野la~
傾下lee樣~講下果樣~討論下d野~咁就搞左好耐la~

我地又搭地鐵返去尖咀~
見到個爆炸頭~勁引人犯罪o既樣同動作~
而且又勁啤住我地....
真係想打佢=.="

去到巴士站~
開始有d眼瞓~
個樣就極度憔悴....
上左車~都開始似有d想瞓...
但係譚德又唔比人瞓...
勁搞我...瞓唔到...冇得瞓...

>>August 10, 2003 at 5:33:49 AM GMT+8

2003 年 8 月 7 日 星期四 【雨】

點幾兩點~樂樂打黎叫我去漫畫展...
佢話阿光都去~但係...毫無準備之下...叫人點呀...
不過都係去左~不過要去拎錢先~
但係之前有個男人打黎又話咩~前途問題~報唔報ive~
佢叫我去報~不過今日最後一日喎~
樂樂又想報~咁一個人報又係咁兩個又係咁~
而且e+又未搵到野學同做喎~幾大都報左先la~
汁好要汁o既野~等左要等o既人~做好要做o既野~
咁我地就搭271出尖咀之後再搭地鐵去柴灣la~

去到柴灣前一個站~杏花村~
就到la~出到去都唔係有好多時間淨~
因為要5點前去到交野~佢兩條粉皮又唔識路喎~
勁兜勁兜~兜兜下又落雨喎~咁o岩又行到d冇頂o既地方...濕左...D...
最終都係兜左好耐先搵到~勁傻~
行過去又有條幾長o既路~又曬喎~唉~比個天玩死....
去到之後~我立即拎張表去寫好佢~
之後佢話要入數紙...我地又冇卡喎...
阿光d錢又換晒英鎊喎...得返十幾廿蚊....
之後樂樂好勇咁去搵人問...可唔可以幫我地入搵呀~比返錢你丫~
問左一次之後都冇問lu~結果都係放棄~不過原來聽日仲可以交~

我地行返去地鐵果邊~
行左陣商場~之後佢地話又去麥記食野~
咁就走左去麥記la~
去到之後~決定左唔去漫畫展~因為太夜la~
阿光就打比佢家姐約好響邊度等....
食完野之後我地又搭地鐵去尖咀~
阿光就自己走左去~

上車o既時候~
咁我果張八達通終於都頂唔住負錢lu~
去一次柴灣就咁就煲爆左張八達通=.="
不過算la~總算係去過柴灣~我諗算係掛= =+

返到屋企~
食完飯~肥昌icq add我....
叫我去.....唉~~~~~~~算la~~~~

>>August 9, 2003 at 11:57:41 AM GMT+8

2003 年 8 月 6 日 星期三 【晴】

今日~
成日響屋企~
冇去過邊@@"

今晚~如常去跑步~
唔知點解呢~
我同樂樂好似好攰咁~
可能琴日跑左今日唔想跑la~
去到咁~又好似平時咁~
行幾個圈先~又係咁係咁傾~
譚德佢一早已經諗好點la~
而我就咩都冇諗唔到~
樂樂就想去讀ive~

傾黎傾去~都冇咩結果~
我自己本身想學廚~但係又唔知點報喎~
我家姐又唔問下佢d fd喎~
搞到唔知點咁...勁傻~
不過猩猩都想學~嘿~佢搵到ja係我搵到~
跑到咁上下~都係時候走la~
返去o既途中~見到物理個miss~
我就梗係睇唔清楚la~(重近視@@")
樂樂無lala同我講miss呀miss呀~
開頭都唔知講咩~佢慢慢先記得起係物理果個~
haha~miss同佢可能係b fd拖住隻狗一齊行~
我地擦身而過之後行多陣佢好似記得我地兩個~
拎返個頭過黎同我地笑一笑~咁就走左lu~

>>August 9, 2003 at 11:13:16 AM GMT+8

2003 年 8 月 5 日 星期二 【雨】

今日好似要9點返到學校~
樂樂約左我8點3響ok等~
我就叫左佢7點半打黎叫我醒~

咁我地就按照約好o既時間出現~
佢就約左光光響果間野前面等~
等到佢黎~食完野~我地就返學la~

返到去~又係要等~
不過已經派緊d野lu~
嘿~光光好似7-9號到~
派到佢...佢好驚訝la~
美術...自以為勁高分坐b望a o既佢...估都估唔到...d...
而佢係響唔知英/美國大o既佢~英文係全級第一o既佢~
好似都係得e定d~all +埋得5分@@"
死la~一直都意謂好高分o既佢都咁...
我開始有d咩la~好怕全u呀~!!
有一句野我覺得e+最o岩用~就係"人世間最痛苦o既事~莫過於等待....."
但係又好矛盾咁諗~唔好派就最好=.="
可惜係冇可能發生o既....出去拎左~睇到~
唔係全u~唔....算係咁la~但係又....
安慰下自己都要架la....光光咁勁都係5分~
我都只不過係~all唔合格ja~冇咩大不了o既~

最後睇到~
譚德好似數學e,樂樂同猩猩就比我好小小不過都係咁....
甘地,卓豪等等等....都同我...差唔多ja~不過佢地好似6隻u....
連重讀果d~最勁果個肥仔都好似得13/4分~qq,打邊爐,美美都好似係差唔多~其他就唔係好記得~
其實...諗落...0分都冇咩大不了ja~
咁冼志話去打機發洩咁話喎~嘿...其實佢自己想去ja~

去到都好似只係10點幾~
打到2點幾肥昌黎左~過左陣~樂樂走~
3點幾~我冼志譚仙都走lu~
落到鋪頭...心情....極度低潮中...
一落到去...我阿爸第一句串我...幾多個A呀~
嘿...lee句我一聽到...火都黎埋~好明顯係潤我ja...
身邊又有個祝太響度話...我個女廿四分呀~
嘿..我心諗...如果我有廿四分...我E+唔洗咁La~
不過又驚死...之後佢地勁問....我阿爸勁潤我....
一時嬲過頭唔知講左句咩就走左返屋企lu~

返到屋企~
你問我點...梗係差架...
知道你科科都合格之後~
我點可能話你知~"哈哈~我零分呀~"
嘿....如果我咁答....我一定係傻架~

今晚~跑步la~
如常咁跑~不過就多左個話題~
又傾左好多野~可以話係為未來打算掛~好過平時拾下拾下咁丫~
不過.....大家o既心情都唔係太好...譚德就好開心.....
我一諗到....你all合格....仲要好唔滿意....
咁我.......係咪應該去燒炭呢~?

我地跑完~出左去個亭坐下la~
有兩個警察行過~走過黎~用個野照照我地~
問~有冇證件呀~譚德話冇~我冇出聽la~因為我有~
佢搵搵譚德身上有冇野~之後想睇下我有冇~
我立即拎張身分證比佢~佢睇左之後~
佢睇睇本野~好似有我個名~之後佢用個小露寶問下~
之後同我地講~你地去邊呀~我地話~跑步囉~
佢又話~你地係今年會考果班呀~
我地話係呀~跑下步發洩下丫ma~屈埋屈埋唔好呀~
佢用個小露寶問完之後~話~大埔真係盛產李家豪呀~
我話~我自己都識兩個啦~有咩出奇呀~
嘿~傾多幾句佢兩個就走左la~而我地都係時候走la~
haha~我o既第一次就咁就比左lee兩個警察lu~

>>August 13, 2003 at 6:13:21 PM GMT+8