2003 年 12 月 6 日 星期六 【乍雨乍晴】

晨咁早就醒左~不過~響張床度攤屍~
攤到咁上下~出去食野~食完~咁我家姐今日放假~所以就成個腦比晒佢la~既然係咁~又走返入去~繼續攤~

12點幾先再次出房門~睇電視睇到點幾~
又走返入房~呆左陣就瞓左la~瞓到5點幾~
收好舖~屋企又冇飯食~所以我家姐就話去麥記買野食做晚餐~
一路食~一路睇無間道2~勁正~
今日佢地冇去我去跑步~所以...今日冇得跑lu~

(今日冇咩心情...所以都係算la~)

>>December 8, 2003 at 9:40:12 AM GMT+8

2003 年 12 月 5 日 星期五 【乍雨乍晴】

早餐~都係一d好精緻o既蛋糕~好好食~嘿嘿嘿~
等到咁上下~就開電視la~仲做緊倉鼠xxx...講真丫~lee套野真係睇到人呆~
終於都等到佢做棋魂la~嘿~幾好幾好~睇完~搞掂晒d野就出門口la~

今日o既天氣好似又回暖喎~真令人討厭呢~
返到去學校已經遲左一個字~不過仲未開始~所以都唔係遲到~
今日阿唯唯有返喎~咁果個紅帶都有返~d白帶就比較小人~而且蔡蔡都冇返添~
咁我其實今日就比較落力~加上今日o既天氣~到休息之前都好辛苦下...一吸氣就頂一頂.....
之後都冇咁辛苦~習慣左之後都只係需要操拳套ja~學左一個新拳套~太極7~開頭都唔係咁識~
慢慢就記得la~我阿水同新紅帶記得之後冇練lu~走左去搞阿邦同家豪~因為佢兩個去左教d白帶~

咁就快放學~因為阿家豪同阿邦考黑帶果陣要玩一打3~(有排la~)
所以佢地就叫miss打free fight~miss問我打唔打~我話冇所謂~之後就著甲la~
著好之後阿邦同家豪都同人打左一場1on1 la~
miss就叫我同新紅帶打~唉~雖然好想同佢交手~但係o岩o岩先算叫做熟絡左d~而且咁耐冇打過...生疏左好多...
所以同佢打我都冇咩點攻~我都係避o既多~所以都冇咩好睇~
之後阿邦同家豪要玩一打2~佢地打完miss都叫我打~我要同大力阿誠打~
唔知點解呢~大力一同我打佢就會好活躍架la(自從我識佢之後都係咁...)~而且成日叫我同佢打~可能我係肥仔la~
但係佢同第二個打就軟瀨瀨架喎~難道肥仔係好蝦d o既睇落~
而阿誠見到我要一打2之後就唔知做咩咁興奮~狂攻...(可能我平時蝦得佢多la...XD )
而且佢兩個都好似唔驚痛咁~係咁衝喎~掃左佢幾野佢都唔走~
正因為佢兩個都咁興奮~同唔怕死la~打落都有d吃力~而且踢到我隻手都紅晒~手痛...
不過...唔痛又何來痛快呢~真係打得好開心~完全係唔需要留手呀~因為佢兩個好似傻左咁...
我都好耐冇同人打lu~而且冇左以前果種感覺~可能我弱左la~唔係就係因為佢地勁左~又可能係2打一o既關係~
之後紅帶以上o既都打過晒2打一就放學la~
但係佢地打親都係有個白帶...阿邦就同問題少年(綠)+白帶~家豪就白帶+大力(藍紅)~阿水就白帶+家樂(綠)
新紅帶就問題少年(綠)+阿誠(黃綠)~我就對住一個藍紅+黃綠~miss真係睇得起我la....
(等級咁分o既：白->黃->黃綠->綠->綠藍->藍->藍紅->紅->紅黑->之後都唔洗講la~)
(不停咁勁自誇中~)

咁放學我地又走左去食野la~食完之後阿唯唯因為上堂果陣發皮氣走左o既關係~所以唔洗送佢~
直接返走都la~咁阿水行行下唔知見到d咩同我講話~陳慧琳話你鍾意平胸變態呀~
其實我本人覺得...大一定好o既咩~?咁平又有咩唔好呢~?可能一般男性都鍾意大la~我好似異族左d~
但係~我覺得~有d野唔係因為lee d而鍾意o既~你因為佢平胸而討厭人的話~
你只係一個極度膚淺o既人囉~
咁4號果日譚德已經約左我出旺角o既關係~所以呢~返到屋企就add佢la~
約左6點9響大埔火車站等~咁呢~因為要入八達通o既關係我係遲左1分鐘咁多o既~
不過佢都唔弱~遲左1個字咁大把o既~咁呢~見到佢我又可以知到多d同學o既近況la~
咁呢佢o既原意就係睇下送咩聖誕禮物比人o既~一早已經諗定送咩架la~
所以就睇下買邊個o既ja~行左好多個商場~睇左好多~睇完之後就話遲d買~下星期可能又去lu~
之後佢第二個原因就係想買一d唔記得咩紙~呵呵~佢又唔記得點行~行多左好多路la~
不過行到去已經收左la....算la~冇所謂~我得閒丫ma~

之後我地就搭火車返大埔食飯la~去左華輝食~
呵呵~食完飯之後就返屋企la~其實我地一齊大部份都係傾佢o既感情關係~(同埋講笑o既XD)
咁呢~雖然我就未試過la~但係作為一個朋友~比佢搵我黎做一個傾訴對象~講晒出黎好過屈住o既~
而且我又唔會講出去~邊個有咩心事都可以搵我傾下架~XD
咁我就用我有限o既lee方面知識同個人o既意見去同佢傾~我都覺得自己算係咁架la~
用我最大o既努力去理解~解答~

>>December 6, 2003 at 6:12:30 PM GMT+8

2003 年 12 月 4 日 星期四 【乍雨乍晴】

嘿...一起身就有果d好精緻o既蛋糕食做早餐...
不過應該都幾肥下....算...冇所謂....食左先算...

下午...都係好呆呢...完全係冇野做...
猩猩4點幾打黎叫我自己返學先....因為佢唔得閒...唔知咩事...
咁呢我就可以睇電視la...我就睇到5點半先落樓下搭車...
其實271個總站響我屋企樓下...所以...自己去的話係方便好多o既...
不過...不人陪都幾悶....咁上到車我上左2樓坐響最尾o既前一個位...
今日好似好多人搭車咁...爆晒...同個阿伯一齊坐...佢就瞓左...
咁我冇野做都瞓左陣...去到咁上下就醒左la...
嘿...就到o既時候...個阿伯仲未起身...我一定響度諗...佢唔起身咁我用咩方法出去呢...?
好彩個阿伯都醒左...咁就成功咁落到車la...

去到...猩猩已經到左...佢只係遲左一個字就黎左la...
我就遲左成半個鐘...算...冇所謂la...都唔係搞左好多野ja....
咁到放學la...因為我去果陣未買pc2000...所以又要特登走一轉信和la...
買完之後都冇咩好買la...所以...就返屋企lu...

>>December 6, 2003 at 3:46:23 AM GMT+8

2003 年 12 月 3 日 星期三 【乍雨乍晴】

LEE兩日都早左起身呢~9點幾就醒la~
不過...咁早起身都係冇野做...電視又冇野睇~
上網又唔知做咩~icq又冇人傾~
唉~自從冇左果種美滿o既校園生活之後...都唔知點解可以日日咁樣過日晨...
朝早~睇到lee個歷史上的三個禁玩游戲之後~心寒....其實都唔知點解會咁驚....
不過其實都係驚第一個~因為睇電視見過人地玩~而第二第三個咁傻~叫我做我做唔出呀~

嘿~上2000fun睇野~前排就已經知到阿肥姐個女欣宜已左激減60kg(果個唔知咩單位...好似係kg)
真係勁呢~如果比我減到60kg~我已經死左lu~不過~其實重量只係一個數值~係毫無意義o既~
最重要係體型同本身o既面貌~欣宜....睇落去個樣都係咁唔順眼o既~
雖然佢真係瘦左~但係佢深入民心o既形象都係冇變~肥婆個女同埋死肥妹~
不過有男仔痴埋去喎~(唔知邊個痴邊個la~)唉~真係羨慕呢~
之後...淨係記得食左好多野....同埋.....睇電視.....睇電視......

因為琴日冇去跑步o既關係~改左期~所以就今日去la~
咁呢~因為阿媽煮飯煮得慢o既關係~所以~叫佢地唔洗等我~跑先~
呵呵~咁等食飯果陣~就冇野做喎~咁咪上冼志個fd阿豪個相簿度睇下囉~
嘿嘿~"全香港靚女多"~lee句野果真冇錯~真係好多~好多~食飯前都睇飽左~一陣咪會食滯~?!
食完飯就去搵佢地la~不過....真係食滯左...唉~行過去~真係凍到暈~真係好鬼想走返轉頭~
去到見到阿邦同家豪已經跑緊~阿邦見到我就走埋黎~佢就停左la~家豪就無視我o既存在~跑左去~
之後同佢地講我食得好飽~跑唔到~所以佢地就陪左我行一個圈~之後跑多個~就停左la~
所以今日就跑得一個圈~好似以前咁~愈做就愈弱~
之後傾計傾到9點11到就走la~佢地要睇倚天屠龍記~(我都要~因為咁多套金庸作品之中係最鍾意~)

其實~響我o既指標已經做到極限~唉~算la~冇野la~

>>December 5, 2003 at 3:48:38 AM GMT+8

2003 年 12 月 2 日 星期二 【乍雨乍晴】

唉~悶呀~搵到果隻online game已經唔想玩la~
完全冇變化~玩左佢半個幾鍾做埋d野竟然係同一樣野~
識我o既人都知~我打機最憎就係等~就算冇得行都要原地轉下跳下咁~
所以....lee隻game都係唔係咁o岩我玩~算~
今日成日都好健康~因為早餐同午餐都係食生果(仲要得勁小)....我睇唔洗幾耐就會餓死lu~

臨出去o既時候名邦icq叫我話聽日先跑步~
唉...今日真係呆呢~落到舖頭收舖又"慘"到刺喎....
兩隻手都唔係咁要得la e+...又比氣水果個拉環界到~又比唔知d"焯"親~之後又無lala個骨位爆左...
e+仲"慘"埋刺.....唉~e+打寫仲要錫住錫住咁打....真麻煩...

>>December 4, 2003 at 4:58:48 AM GMT+8

2003 年 12 月 1 日 星期一 【乍雨乍晴】

呵呵~搵到隻傳統式RPG唔洗安試玩45日o既online game~
wa~勁正呀~不過....就係太過傳統~玩法同系統操作都唔係咁好...
而且係online game~冇npc同伴...而且佢冇得組人...就算有都係台灣人...都唔明佢d字...所以都唔係咁想玩~

咁呢到咁上下鐘數都係時候出門口la~
去到就見到猩猩已經到左~等左陣就有車la~
架車就冇咩人~所以我地就一人霸左3個位~之後佢就瞓左la~
我自己就睇書~佢瞓到果度先醒~

上到去~好多人都拎住果書講新課程o既書~
呵~阿叔讀埋lee期都唔讀lu~佢諗住轉西廚~猩猩佢就唔想讀架la~
佢話如果冇證書的話就唔讀~之後佢問過阿蓮(好似係)姐~佢話有~
咁就局住讀埋佢囉~不過我都冇咩所謂la~橫掂都冇野做架la~
得閒返下都唔錯~
放學之後~我有書買~咁就去左信和la~唉~又3本~咁就冇左一舊水la~算~買完就返屋企la~

返到屋企~我家姐琴日就響佢做果間野拎左d.....好似叫"巴full"(好似係)o既野比我食~
之後佢話拎d芝士蛋糕比我~正~佢真係拎左d返黎~呵呵~有正野食~~~~~~~~

(又病發~失憶中)

>>December 3, 2003 at 8:22:16 AM GMT+8

2003 年 11 月 30 日 星期日 【乍雨乍晴】

今朝9點幾就起左身la~
好呆呢~成日開左個腦都冇野做~唉~
咁今日lee個下午真係比佢餓死~
屋企響幾日前已經冇晒d食糧~
而我就講過我死都唔會去落街買野食架~!!
所以~我就咁就餓死左響屋企la.....

下午4點到~我已經餓到進入一個化境o既狀態la~暈左響個廳度~
其實我都餓慣架la~我只係瞓左ja~不過聽到個電視咁嘈又比佢嘈醒左之後就睇電視~
其實~lee個電童都真係幾好睇架~不過做得又係真係太小la~都係唔夠睇~
嘿嘿~亞視個比卡超就真係...弱la...人o既配音我一直都覺得係比無線弱好多好多~
不過佢好就好在~d怪唔係好似無線咁叫返自己個名lee方面好~
但係唔知點解睇亞視d畫質係特別差o既呢...算~唔睇~算~

落到舖頭~唉~佢地又唔鬼收喎~我一個人收左大半先返得屋企~
唉~今日又冇人煮飯....又食飯盒....嗚....我都食左好多晚燒味飯la.....食到怕怕.....
呵呵~不過阿媽佢地返黎未食飯~今晚o既燒夜係....pizza~~~
不過咁夜食d咁o既野~又肥死lu~
嘿....幫阿媽開氣水~搞到界親隻手指~其實真係丫~唔知就冇野架~唔痛o既~
一知左~雖然都係唔痛~痺痺地咁la~但係又唔敢用隻手指喎~心理作用~

>>December 2, 2003 at 2:46:43 AM GMT+8

2003 年 11 月 29 日 星期六 【乍雨乍晴】

唉~好煩架~琴晚人地睇睇下蜀山傳~我阿爸就走返黎睇波~
睇得一半都冇......之後夜d又重做.....又睇.....
本來想睇落去架la~不過又發燒喎....咁咪早d瞓囉~

今朝起身~我家姐已經玩緊個腦~佢今日唔洗返工~
出面凍冰冰~個身又軟瀨瀨喎~所以我就響張床度碌多陣囉~
咁呢碌到11點幾到~就出去發呆....冇野做丫ma~
咁我家姐又叫我今日成日個電腦比佢玩喎....咁我就答應佢比佢玩晒lu...
嘿~一開電視~佢又做蜀山傳喎~加加埋埋~我都睇第三次囉兩日之內...

睇完之後就睇無線做o既槍王~哥哥真係哥哥~特別好戲o既~
不過...有d變態....殺人殺上癮....難道真係會??前排睇報紙又係有個殺到上左癮~
嘿~有機會真係要試試~話咁快就做完la~聽聞都cut左好多喎~
睇完就轉台睇有線~呵呵~做我miss係大佬喎~正~
可惜丫~唔係做我想睇果集丫~下一集先係...但係又唔知佢幾時做喎...算~

今日好早就收舖~好早就收完舖~
唉~今晚都係食飯盒過活....苦.....都唔知猩猩咩人黎架....
前幾日同佢傾唔知傾d咩....佢話鍾意食飯盒喎...唉...我一早已經好討厭架la....e+仲要成日食...食死人咩...
咁本來想約佢地早d去跑步架~不過又唔知點解冇約喎~算~
睇左陣電視~之後因一d事就搞到我遲左出門口~所以我就跑過去la~
跑跑下~其實我都發覺有d唔掂架la...唉...道氣頂住左...而且天氣咁乾燥...真係好辛苦...
去到~阿邦同家豪到左la~而阿水就唔黎~好似話琴晚溫女溫通霄喎...(點溫呀...??)
之後阿誠就搵唔到佢~蔡蔡就黎緊~等到阿蔡蔡黎~家因我就係唔係好舒服~
所以我都叫佢地行一個圈先la~咁呢~之後都係咁跑la~我就用阿邦黎做目標~因為有個目標就冇咁易放棄丫ma~
跑到咁上下~阿邦話我地係跑左5個字o既~咁就坐左響看台下面果度傾計la~
咩都傾下~又講漫畫~又講動畫~又講戲~又講跆拳d野~咩都傾下咁la~
之後個阿叔走埋黎叫我地比返條key就好走la~

咁本來同阿家豪都冇咩野傾架la~不過又知佢冇得上網喎~
咁咪同佢講佢未睇果d hunter囉~我上網睇連載架ma~快勁多~
呵呵~有話題唔洗悶死la~之後佢問我借書~嘿嘿~我就好好人o既~
返上樓~拎完比佢佢就走左lu~

>>December 1, 2003 at 2:36:29 AM GMT+8

2003 年 11 月 28 日 星期五 【乍雨乍晴】

今朝~發左個好奇怪o既夢~
但係夢....lee d野~通常都只係會記得部份~而且...有可能仲會過多陣就會忘記~
我當然係前者la~咁呢~夢o既場景就係一架船(好似係)~時代係...日本入侵中國果陣掛~(回到過去~?!)
大致上都係咁la~咁呢就當然係第一身視點la~
記得手上係有一把日本刀~(成日都想有一把~lee d咪就係叫做日有所思晚有所夢囉...)
咁有一個日本軍人~仲有個好唔清晰o既人物....咁個日本仔就唔知想點對lee個人物~
我當然係保護佢果個la~咪一刀斬落去佢條頸度囉~好似斬左兩野~
不過佢個頭又冇甩喎~我就好驚la(好似)~然後果隻吊住個頭果個日本仔就同我講野(唔記得講咩la~)
之後又唔知比咩嘈醒左la~

瞓多兩3個字就清醒la~咁睇左陣果個咩倉鼠xxx就做棋魂la~
呵呵~棋魂真係好鬼死好睇o既ja~兩集真係唔多夠睇~
之後換好衫就去返學la~返到學校~咁阿唯唯就冇返喎~唔知做咩冇返la~冇人知~
咁阿周兄今日唔返~就miss帶我地上堂la~鬆完根~之後做左d體能~就休息la~

咁阿miss就叫我同阿水帶d白帶~
講真丫~佢地又唔係咁熟~而且有兩個都唔係有我地d跆拳o既衫~
所以都對佢地有所保留~其實我都係主要教果3個肯聽肯學o既~
雖然佢地都鍾意玩野~但係~我明白佢地點諗o既~我都做過白帶~我都係人地o既學生~
玩野丫ma~搞到你難堪我就開心~我諗lee d就係學生o既心態la~因為我都係咁o既人~不過都要睇人o既~
我已經盡力去教佢地~咁既然你地唔肯學~就算我幾有心機教~你地唔聽我都係白廢o既~
所以我盡左我做師兄o既責任~明唔明就係你o既事la~如果唔明你唔問就唔關我事la~
咁教到咁上下~阿水要走(佢話去溝女喎....)~咁呢~我都唔想理佢地la~

miss叫我地操返d拳套~呵呵~原來阿周兄一直都係教錯左我同阿水架喎~
而果個新黎就已經係紅帶果個就學小左我升帶果套~咁佢就同我討論la~
咁miss就教返好我地點~嘿嘿~就係因為咁~我地就開始有野傾la~討論lee個佢地果邊同我地有咩分別~
佢地果邊就好似係勁好多la~係果邊o既全市(好似係)第二~
而佢地o既教學方式係free fight為主~好明顯係為左打比賽之類而去學la~
我地lee邊就係為興趣o既ja~(可能)睇下阿肥仔果d就知la~不堪一擊.....
其實仲上緊堂~仲未休息~不過我地就冇理.....haha~miss話我地~我就同miss講~
我地交流緊丫ma~lee個藉口真係唔錯~過多陣就休息la~我地係咁傾係咁傾~
佢本身都冇咩野講架~可能怕羞la~其實比我都會係咁~去到一個陌生o既地方~
正所謂~39唔識7~你都唔會多講la~未比人打過咩~lee度d人咁惡(ja係我呀~)
咁呢~傾到咁上下阿誠同蔡蔡兩條友仔搞住晒~之後我就比佢地引左去玩la......
haha~miss串我~問我你地交流完la~ccc~估唔到miss都會講笑~佢平時咁cool~

放學la~換好衫~我地就又係去左食野o既~
食完野~就梗係走la~今日唔洗送阿唯唯返屋企~
所以可以早d走lu~咁呢~阿邦陪我行到去舖頭佢就走左la~
我就拎完錢就走得la~今晚冇飯食~叫我自己買...不過我都冇買~
餓死佢算lu~

>>November 29, 2003 at 3:45:58 PM GMT+8

2003 年 11 月 27 日 星期四 【乍雨乍晴】

一起身~塊面~有d痛~唔知做咩~
咁咪去塊鏡度睇下囉~嘩~~~塊面多左個條形o既傷口....
邊個咁狠毒搞到我破相....雖然唔大....不過...塊面乾乾的....搞到好痛....

咁呢~睇完電視~冇野做~
就整下gif咁囉~haha~搞左我成日~有兩個製成品~


↑唔好偷呀↑
咁搞左我成日~連琴日o既日記都冇打~所以搞到求求其其咁~

之後阿蔡蔡響icq add我題我話5點落去搵阿bill頭~
咁我問佢響邊....佢話同條女行緊街喎....幫人晒命喎....
咁呢我4點11到就落去la~已經見到bill頭到左~比左件野佢我都要去搵猩猩la~
等到猩猩黎~過多陣就有車la~咁我地就上車la~
唔知點解心情唔係咁好~猩猩又玩完黎話好累~所以...都冇咩野講lu~
我就本來諗住淨係合埋隻眼o既ja~不過就瞓左~瞓左陣就醒左la~

去到果度~一個人都冇~咁呢~阿蓮(好似係)姐就叫我地幫d蝦x殼~同挑腸~
搞掂之後又幫手整其他野~今次~都可算係做左好多野lu~~~~
之後唔知點解響後面瞓左~瞓左陣就醒返~搞掂晒d野就走得la~
返到屋企~一個人都冇....睇左陣電視~之後冇野睇咪轉去有線囉~
做鬼片.....等到11點就做沒有家的女孩~勁好睇~

>>November 29, 2003 at 12:14:18 PM GMT+8