2003 年 11 月 16 日 星期日 【颳風】

天氣~雖然係冇前一星期前咁凍~
但係...比前兩3日凍左d~(多兩件衫la~)
唔知...雞蛋,光光佢地身處於外國讀書會唔會好凍呢~?
落雪未呢~?如果落雪就正lu~不過都唔關我事....
不過我有生之年一定要去睇下雪先死得眼閉~仲要去日本睇~~~
如果睇唔到~~~~我咪死唔眼閉囉XD

今晚譚德搵我針針d正野~呵呵~唔話你知係咩~~~吹波呀~~XP
(今日勁無聊~唔無聊都唔講天氣la~)

>>November 18, 2003 at 4:35:48 PM GMT+8

2003 年 11 月 15 日 星期六 【微冷】

去到金源~勁多人玩RO~我諗有半場到la~
咁我前排就開左個女弓手玩~就想玩下~但係見到咁多人玩~
我開隻女手弓就係唔係有d怪呢XD

打打下天偉又肚餓la~都唔知佢地人黎架~成日肚餓o既~
咁o岩o岩先食完野仲去食~?!死人架ma~所以我就同佢講話3點先去~
咁到3點la~果陣~我上網打緊cs~勁lag果隻~不過....嘿嘿~都係殺到2百幾隻~
咁我就同佢拖多陣~佢就話~你殺到3百隻就好落好la下~
不久之後就要落去la....落去食左個飯~又上返去打la~
咁天偉就玩魔力~咁我只好又自己一個人上網玩CS la~
咁好彩又比我搵到server~我諗應該係香港server黎o既~因為都幾順~玩落~
之後天偉又話想玩~咪比個ip佢囉~一齊打~玩左個幾兩個鐘~
我都已經殺到4百幾個~我都覺得有d悶~咁我有我玩法~刀仔~
玩到咁上下~比icq send個鹹網過黎~搞到彈左出去~冇左聲...唔鬼玩lu....

咁猩猩一online~就叫我~同我講~qoo佢肯同我出街~果類野~
呵呵~咪就係星期5果日同佢吹水~叫佢約人囉XD呵呵~家家都係時候努力lu~
過多陣~又冇野玩~我已經頂唔順~坐響度瞓左lu~
10點幾就走lu~之後走左落舖頭~坐左陣~陪埋阿天偉去食完野就返屋企lu~

我諗5點幾到la~我家姐又帶左好似好多人響屋企睇碟...
勁嘈...之後都瞓返....7點幾~猩猩打黎同我講話麥記打比佢...
唉...人家情場得意...連工作上都....算....

>>November 17, 2003 at 4:50:25 AM GMT+8

2003 年 11 月 14 日 星期五 【晴】

上星期約左天偉今晚去打機~所以今晚去打通霄lu~
唉~今日好似做果d唔知咩賽車~所以冇得睇棋魂呀....

所以~都搞到我早左返學~
不過早左返學都好~撞到阿邦唔洗一個人行都冇咁悶~
嘿...見到佢真係有d唔好意思~因為我有時都會同人討論佢~CCC~
返到學校~阿水肥仔同家樂阿唯都已經返左la~咁早返~都唔知佢地做乜~
今日~冇得用禮堂喎~咁佢地又唔肯上天台~咁就要響烈日之下上堂la~
呵呵~雖然係咁~但係開心o既時刻終於都來臨lu~派lee個升級證書~
家家戴左都幾耐下o既藍紅終於都可以換條紅帶lu~

其實今日我就覺得都幾累下~不過佢地話普通ja~難道....我又.....
放左學~雖然都已經5點幾~但係我地都係去左大家樂食野~
落到舖頭就打返比天偉叫佢上我屋企等~
我返到屋企之後就等埋佢上黎之後我先去沖涼~
沖完涼搞好d野之後就去食晚餐~今晚食~麥記~勁貴的麥記~
食完野就去金源lu~

>>November 16, 2003 at 2:29:09 PM GMT+8

2003 年 11 月 13 日 星期四 【乍雨乍晴】

嘿嘿~最近~去果度上堂就越來越唔似上堂~
雖然~佢果度就唔算係好似真係咁上堂~
但係~我都已經好小聽~好小睇~就係同猩猩響度傾計講笑~

呵呵~原來猩猩仲比我還要膽小呢~
我講返以前聽過同睇過果d鬼書入面o既內容比佢聽~
佢好似好驚咁~個樣勁搞笑~(唔知佢真驚定假驚la~)

>>November 16, 2003 at 12:00:57 PM GMT+8

2003 年 11 月 12 日 星期三 【乍雨乍晴】

唉.....又白白咁過左一日.......
點解呢.....點解.....到底....有咩好做呢....
17歲....兩頭唔到岸....書....又冇得讀.....朋友....又唔多個.....街...又唔鍾意出....
做...又冇好野做喎...日日響屋企得個呆字....同等死冇咩分別....

>>November 14, 2003 at 5:13:00 AM GMT+8

2003 年 11 月 11 日 星期二 【乍雨乍晴】

呵呵~好無聊~好無聊~好得閒~好得閒唷~
咁呢~就發現左隻好正o既midi喎~咁咪求其搵個空間upload上去睇下用唔用到囉~
咁upload左之後又懶得打html喎~咁咪響個留言板度試下囉~
但係個留言板又用唔到喎~但係又見到千與千尋隻midi喎~咁咪又試下囉~得左~
咁我諗都冇人會開住音樂黎睇架la~所以就打埋個html係唔洗開就會放音樂架la~
本來就係千與千尋黎o既~之後又試下果個好正o既midi鳥の詩~得左~
(所以以後都有音樂聽la~好好欣賞la~)
既然整左個音樂~咁就順便放埋偶張相XD 落日記個名上面~呵呵~睇下靚幾多~

今晚~因為阿爸比人串~我又唔知喎......所以...我就咁就比人拎左黎祭旗呀.....超黑仔.....
食飽飯~就同阿猩猩阿邦去跑步~本來就話8點9響個亭度等......
佢兩條粉皮8點11過d先到......阿邦仲要話....我等你就得~你等下我地就唔得.....
其實...我想問....你幾何等過我呀....要人等仲要話人....
就算你真係等過我....你兩個人等...我就一個人響度食風...
入去o既時候....已經覺得有d肚痛同有d凍......跑跑下仲頂唔順....
唉~今日又唔舒服.....勁勁勁黑仔......lee排都唔知得罪左d咩人咀咒我.......

>>November 13, 2003 at 1:30:04 PM GMT+8

2003 年 11 月 10 日 星期一 【乍雨乍晴】

呵呵~家姐去左返工~屋企冇人lu~成間屋都係我架la~
星期日就約左阿深仔一齊去搵麥記做~但係琴日又唔多想出街喎~
所以就約響今日~我仲搵埋猩猩去添~
佢本來話兩點到就放學o既~不過~3點幾先打黎~咁就約左響大埔麥記4:10響門口等~
咁本來就睇緊電視~睇到一半唔睇就硬係唔知點咁喎~所以就搞到4點先出門口~
但係我計過~飛的去果度都只係一個字到~所以~廢事佢兩個等~咪飛的去囉~

去到~佢兩個已經到左~咁咪入去囉~
入到去就問果個阿嬸~之後叫左個經理過黎~
就比左一人一張野我地~就叫我地寫完比佢~咁我地就落左去寫囉~
搞掂之後~比果個經理~個經理就見到阿深仔做過野就問左佢幾句~唉~我諗我都係冇行lu~
咁d時間就怪怪咁~唔係多又唔係小喎~落完舖頭拎晚飯錢之後都係四點幾~
咁我就買左杯野飲落左去麥記坐la~坐左陣~咁我就題意既然響度坐~不如早d出旺角行下好過la~
所以~我地就早早咁就出左去la~而且行過見到阿陸sir同個學生一齊都唔係咁好意思叫佢la~怪怪咁~

出到去~又想去買多兩隻衫~所以又走左去先達~
買完之後~都係時候返學lu~所以我地就返學lu~呵~今晚教整鮑魚~咁咪ja係有鮑魚食囉XD
放學la~咁前排高橋真就出左本書叫....失落的碎片~所以就走左去信和買la~
唉~但係....睇睇下猩猩又無lala搵到果兩本一早想買o既魔法使的條件喎~
唉.....都係局住買埋囉.....都係時候開始又要儲返d錢la~

>>November 12, 2003 at 3:30:05 AM GMT+8

2003 年 11 月 9 日 星期日 【乍雨乍晴】

喔喔喔~點幾果陣~肥昌整左個o.o黎~
問左佢幾句~原來肥昌個死仔唔知點解又唔返學...
之後傾左d勁搞笑o既野~仲介紹左個好網比我~
(其實今日最特別都係咁.....)

lee排凍左呀~著多件衫la~你知架la~你病左我會好擔心架ma~~~~~~~

>>November 11, 2003 at 6:22:30 AM GMT+8

2003 年 11 月 8 日 星期六 【晴】

前幾日~因為譚德星期日同一唔洗返工~所以約左我出旺角行下~
所以佢10點幾已經打黎搵我la~不過我又仲未瞓醒喎~真係黑仔...lee排成日比人嘈醒....
不過諗住入返去瞓都已經瞓唔著lu~所以就去左開腦~開完搞掂晒d野就打返比佢la~
之後就約好左1點半響麥記等~

1點鐘~發覺已經可能會遲到la~
所以...都係飛的去好d o既~落到舖頭搞左一番之後拎左200蚊就走左去la~
去到麥記~譚德都係未到~等左大約都有個幾字到~佢先到~不過麥記實在係太多人~所以都係出到去先食~
咁我地一路搭車~一路傾下d近況~
唉...真係有d自卑添...佢讀果度又就快ok la~佢工都已經轉左n咁多份~
而且仲學左好多野添~唉~真係想好似佢咁大膽~又多fd(有用果d~)
去到之後我地就本來去大家樂食o既~其實佢想食吉野家~但係又唔知邊度有~就算有都好遠~
不過行行下~果頭又見到有喎~咁就去左吉野家食la~唉~食左40蚊~真係有d貴....

之後走左轉信和~其實見到好多書想買架la~不過....太多la...所以都係冇買~
然後去左先達買衫~我就買左一條褲~兩件衫~而譚德就買左一條褲ja~
到返去果陣~譚德就想買一d空o既紙袋~而我就記得大中好似有得買~
所以我地又走左去大中lu~去到~呵呵~原來係冇得買o既~兜左陣都走lu~

>>November 10, 2003 at 2:44:47 PM GMT+8

2003 年 11 月 7 日 星期五 【暴雨】

唉...無線就真係...食屎架....
人家犧牲左玩腦o既時間就同家姐交換睇電視...
佢竟然做左一集就冇得睇lu喎...而且下星期仲要冇得睇添...
所以.....食屎架無線真係.....

唉~落雨就真係好麻煩...討厭呀~
返到學校~已經出汗...因為...天氣真係又悶熱又"局"....
嘿嘿~上星阿誠冇返原來係因為佢去左唔知長洲定咩o既一日遊果d所以冇返~
仲有艷遇添呀(算係掛~)~~~~~~因為有個女仔響佢面前自己打開晒d"樓"~正~
今日阿邦帶隊鬆根~我就真係軟"瀨瀨"咁~冇力~而且d咁o既天氣就真係...偷雞算la~
不過d天氣咁樣~點偷雞我都係搞到成身汗...唉...今日真係勁辛苦~

咁放左學我地幾個又去食野~
食完野咪又係咁樣返去囉~落到舖頭~收左舖....不過都仲未走~仲同我講話要去飲添...真麻煩...
返到屋企~搞左一大輪~又要出門口la~去到~又冇野睇~又冇野做~悶到飛起~
算la~之後果d都唔係咁記得~

>>November 10, 2003 at 5:41:34 AM GMT+8